Germanujo volas gastigi la Eŭropan Futbal-Ĉampionadon en la jaro 2024

stadiono

Reinhard Grindel, la prezidanto de Germana Futbal-Asocio (germane Deutscher Fußball-Bund – DFB) anticipe anoncis, ke Germanujo kandidatiĝos kiel sidejo de la Eŭropa Futbal-Ĉampionado de 2024. Laŭ li tiu ĉampionado povos iĝi projekto instiganta de la tutan germanan futbalon.

En Germanujo oni havas stadionojn kaj ŝufiĉan infrastrukturon, kaj ni ja kapablas aranĝi iun eŭropan ĉampionadon finance sana – tion asertis Grindel.

Finnlando, Danujo, Norvegujo kaj Svedujo pripensas kunan kandidatiĝon por konkuri kun Germanujo – kiu gastigis la eventon en 1988, kiam nur ok selektitaroj konkuris en la turniro. Turkujo ankaŭ oni citas kiel ebla kandidato. La elekto de la sidejo de tiu eŭropa sporta evento oni faros septembre-2108.

La Eŭropa Futbal-Ĉampionado estas futbala turniro kiu okazas ĉiun kvaran jaron en iu Eŭropa lando, kaj partoprenas ĉiuj eŭropaj naciaj futbal-teamoj kiuj sukcesis kvalifikiĝi.


Ĉi tiu teksto estas adaptaĵo fare de Paulo Cesar Pires el portugallingva artikolo.

Hundineto postvivis al engluto de 20-centimetra tranĉilo

hundino

La hundino Macie englutis kuirejan tranĉilon, kies longo estas ĉirkaŭ 20 centimetroj, sed ĝi postvivis. Bestomedicina hospitalo de Glasgovo (Skotlando) diskonigis radiografiajn bildojn de la tranĉilo interne al la korpo de la unu-jara hundino.

La kliniko “People’s Dispensary for Sick Animals” (Popola Dispensario por Malsanaj Bestoj) informis, ke Irene Paisley (46-jaraĝa) venigis la hundineton de la raso “Staffordshire Bull Terrier” al hospitalo post rimarki, ke ĝi estis sufokiĝanta.

Per radiologia ekzameno la hospitalo konstatis, ke la tranĉilo trafis stomakon kaj inteston, kaj tiam ĝia pinto ankoraŭ troviĝis en la gorĝo de la besteto. La kirurgio por forigo de la tranĉilo estis sukcesa kaj nun Macie estas resaniĝanta.


Ĉi tiu teksto estas adaptaĵo fare de Paulo Cesar Pires el portugallingva artikolo.

Sonsistemo de aŭtoj atentigos stiristojn pri alproksimiĝo de ambulanco

ambulanco

Studentoj de Reĝa Teknologia Instituto (Stokholmo – Svedujo) kreis sistemon, kiu  garantias, ke la stiristo ĉiam aŭskultos la sonadon de alproksimiĝanta ambulanco. Kiamaniere? Silentigante la aŭtomobilajn sonsistemojn ĉirkaŭe.

Tiu sistemo, nomata “EVAM System”, silentigas ludantajn sonojn de la aŭtoj proksimaj de la ambulanco, kaj anstataŭas ilin por iu averto. Tiamaniere la stiristoj estos sufiĉe atentaj por ne prokrasti la trapason de la ambulanco.

La koncerna signalo estas sendita laŭlonge de la FM-bando (frekvencmodulado) al ĉiuj aŭtoj kun “Radio Data System (RDS)”.

“Ni volas antaŭaverti la stiristojn celante mildigi streson, kiu kompromitas la sekurecon surstrate”, tion diris unu el la kreintoj de la sistemo, Mikael Emeberg.

Tiu sistemo estos provata en Svedujo ekde la venonta aprilo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Kantisto de “Aerosmith” aŭkcios 1216-ĉevalpovan aŭtomobilon

sportauxtomobilo

Steven Tyler, la kantisto de la usona rokmuzika bando “Aerosmith”, aŭkcios sian 1216-ĉevalpovan ludilon je la venonta 20-a de januaro.

La rokisto posedas unu el la nur kvin unuoj de la sporta modelo “Venom GT Spyder”, kiu estis konstruita de la firmao “Hennessey” en la jaro 2013-a, kun prezo je 1,1 milionojn da usonaj dolaroj tiam. Sub la kapoto, la aŭtomobilo de la fama muzikisto enhavas V8-motoron (7.0) kun 1.216 ĈP, kaj ĝi estas kuplita al mana rapidumujo 6-rapideca. Tiu agordo kapablas akceligi la aŭton ĝis 100 kilometrojn/hore je nur 2,4 sekundoj.

La tuta enspezo de la vendo de “Venom GT Spyder” estos donata al “Janie’s Fund”, kiu estas organizaĵo kreita de Steven Tyler por helpado de knabinoj trafitaj de seksa misuzo. La aŭkcio estos aranĝita de la firmao “Barret-Jackson”, en la usona subŝtato Arizono.


Ĉi tiu teksto estas adaptaĵo fare de Paulo Cesar Pires el portugallingva artikolo.

La plej oftaj pasvortoj en la 2016-a jaro

pasvorto

Ĉiuj ŝufice bone scias, ke pasvortoj estu fortaj, kaj laŭeble ne rilatantaj al personaj datumoj, kiel ekzemple naskiĝtago. Malgraŭ tiuj rekomendoj ankoraŭ ekzistas multaj homoj, kiuj elektas evidentajn kombinaĵojn por protektado de retpoŝtmesaĝoj, kontoj ĉe sociaj retejoj kaj eĉ bankaj kontoj.

Kadre de jara esploro fare de firmao pri cifereca sekureco aperis liston de la pasvortoj plej uzataj en 2016. Tiu studo konsideris 10 milionojn da kombinaĵoj konigitaj pere de invadoj en datenbazoj, kaj malkovris, ke la plej ŝatataj inkludas variantoj pri “123456” kaj la vortoj kiel “pasvorto” kaj “google”.

La 25 plej oftaj pasvortoj:

  • 123456
  • 123456789
  • qwerty
  • 12345678
  • 111111
  • 1234567890
  • 1234567
  • password
  • 123123
  • 987654321
  • qwertyuiop
  • mynoob
  • 123321
  • 666666
  • 18atcskd2w
  • 7777777
  • 1q2w3e4r
  • 654321
  • 555555
  • 3rjs1la7qe
  • google
  • 1q2w3e4r5t
  • 123qwe
  • zxcvbnm
  • 1q2w3e

Ĉu estas enlistigita supre pasvortoj uzataj de vi?


Ĉi tiu teksto estas adaptaĵo fare de Paulo Cesar Pires el portugallingva artikolo.

Fejsbuko iĝas zono pri ĉasado de friponoj

Per la socia retejo Fejsbuko lastatempe oni deirpunktas esplorojn pri aparta persono koncerne al ties vivmaniero, vojaĝado, riĉeco, aĉetado kaj vizititaj lokoj, ktp, kaj nuntempe tia estas ofta ago fare de privataj esploristoj celante trovi kaŝitajn heredaĵon de homoj, kiuj malaperigis siajn posedaĵojn por ne pagi siajn ŝuldojn pri pruntoj kontraktitaj en bankoj.

En la urbo Kampinaso (Brazilo) iu itala entreprenisto, kiu estas posedanto de fabriko pri dancantaj robotoj, neniam imagus, ke afiŝita foto pri sia familio ĉe naĝejo povus kompromiti la heredaĵon, kiu li transdonis al aliuloj por eviti pagon de iu milionobla ŝuldo. La foto, kiu estis afiŝita en Faejsbuko de iu parenco lia, montris la konturojn de neofta kurba naĝejo. Tiu aspekto nekutima de la korto sufiĉis por identigo de iu palaceto, pere de la ilo Guglo-Tero, la servo de Guglo kiu prezentas bildojn de la Tero kaptitaj de artefaritaj satelitoj.

Ekde tiu malkovro la esploristoj de la firmao “Jive Investments”, kiu administras investajn fondusojn de kreditoj akiritaj de bankoj, sukcesis identigi pri tiu entreprenisto, ties heredaĵon kiu estis en la manoj de aliuloj.

La firmao Jive havas ok mil ŝuldojn por pagpostuli, kaj laŭ ĝia partnero Guilherme Ferreira neniu el la ŝuldantoj restas forgesita. Tiu sinteno celas instigi ilin al negocado.


Ĉi tiu teksto estas adaptaĵo fare de Paulo Cesar Pires el portugallingva artikolo.

La impresa bildo pri vulpo ene de glacibloko

 

Lastvendrede, la 13-a de januaro, impresa bildo pri glaciigita vulpo oni diskonigis tra la mondo. La registron faris la ĉasisto Franz Stehle proksime al rivero Danubo en sudokcidenta Germanlando.

Stehle, per intervjuo al la germana novaĵagentejo DPA klarigis, ke la vulpo dronis tie post fali en la akvo de la rivero, kiu estis kovrita de maldika glaci-tavolo.

Li prenis la blokon enhavantan la beston je la 2-a de januaro, kaj li decidis ekspozicii ĝin ĉe hotelo en la vilaĝo Fridingen, kiu bordas la riveron Danubo, por atentigi la homojn pri la danĝeroj ĉe la riveroj dum la vintro.

Ankaŭ asertis la ĉasisto, ke ne maloftas la dronado de bestoj trapasantaj surfacojn de glaciigitaj riveroj dum la malvarmaj sezonoj. “Mi jam rimarkis cervedojn kaj aproj”, tion li diris.

Vintroŝtormoj estas oftaj, de la lastaj semajnoj, tuteŭrope.


Ĉi tiu teksto estas adaptaĵo fare de Paulo Cesar Pires el portugallingva artikolo.

Kuriozaĵoj pri dektrifobio kaj vendredo la 13-a

 

Dektrifobio estas timo de la numero 13.
Vendreddektrifobio estas timo de vendredo la 13-a.

La superstiĉo estas ligata al la fakto, ke 13 homoj ĉeestis la lastan vespermanĝon de Jesuo Kristo, kaj la 13-a persono sidanta tie estis Judaso Iskarioto, kiu estontece perfidus Jesuon. Ankaŭ supoze Jesuo estis krucumita je tia dato.

Vendrede la 13-an de oktobro 1307 okazis la sekrete planita aresto, enkarcerigo kaj posta mortigo de Ordeno de templanoj  laŭ ordono de papo Klemento Kvina. Estis inkviziciaj torturoj celante konfesojn, kaj centoj mortis tiam.

La brita reĝisoro Alfredo Ĥiĉkoko, naskiĝis la 13-an de aŭgusto 1899 (vendredo), kaj pro financaj kialoj li neniam sukcesis lanĉi la filmon titolitan “Numero 13”, per kiu li volis debuti en la kinarto.

Dektrifobio trafis ankaŭ la usonan eksprezidenton Franklin Delano Roosevelt. Li evitados ekvojaĝi je tiu dato kaj neniam sidiĝis ĉe 13-persona manĝotablo.

Hoteloj kaj hospitaloj foje ignoras la 13-an etaĝon kaj flughavenojn kutime ne havas la pordegon n-ro 13.

Oni taksas, ke je ĉiu “vendredo la 13-a” la usona ekonomio perdas USD 800-900 milionojn. Laŭ la organizaĵoj “Stress Management Center” kaj “Phobia Institute”, tiudate multaj homoj rifuzas plenumi negocojn aŭ veturi per aviadilo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Solidareca ondo ekestis pro rasa diskriminacio al kelnerino

diskriminacio

“Bona servo, sed ni ne donas trinkmonon al nigruloj” estis rimarko sur fakturo skribita de paro al Kelly Carter, kiu estas kelnerino ĉe la restoracio “Anitta’s”  en la usona ŝubŝtato Virginio. Kelly diris, ke ŝi miriĝis kaj legis tion trifoje por certiĝi.

Tiu okazaĵo oni disvastigis per sociaj retoj, kaj flanke de la diskriminacia faro sekvis solidarecan ondon. Tommy Tellez, la posedanto de la restoracio, kiu sentis sin indignita pro la situacio, informis al la gazetaro ke jam volonte ĉeestis en la restoracio multaj usonanoj por konatiĝi kun Kelly, apogi ŝin per vortoj kaj eĉ per trinkmono. Ĉe la interreto ankaŭ estas monkolekta kampanjo – ia “kolektiva trinkmono” jam sukcesis je ĉirkaŭ 300 usonaj dolaroj.

Ĉe Tvitero de la asocio pri defendo de afrik-usonanoj (NAACP), kiu denuncis la aferon, kontraŭaj komentoj aperis sugestante ke tiu skribaĵo estas trompo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Giganta asteroido preterpasis tre proksime al terglobo

asteroido

Asteroido kun dimensio simila al 10-etaĝa konstruaĵo tre proksime preterpasis la Teron last-dimanĉe, la 8-a de januaro. Tiu ĉiela korpo estis je 193 mil kilometroj de la Tero kaj tio estas distanco malpli granda ol tiu ekzistanta inter nia planedo kaj la luno – ĉirkaŭ 300 mil kilometroj.

Nomata “AG13”, ĝi estis observata de la usona projekto “Catalina Sky Survey” (Ĉiela Enketo Catalina), de la Universitato de Arizono, Usono. Estante inter 15 kaj 34 metroj longa, ĝi moviĝis je 16 kilometroj/sekunde, kaj ĝi trairas la orbitojn de Venuso kaj Tero. “Ĝi moviĝis rapidege kaj tre proksime de ni”, tion asertis la astronomo Eric Feldman, citita de la gazeto “Daily Mail”.

Tia fenomeno – asteroido preterpasante la Teron – ne estas malofta, kaj laŭ la programo “Near Earth Object”, de la usona agentejo de kosma esplorado “NASA”, nur januare oni atendas 38 alproksimiĝojn de asteroidoj.

Sed tiaj okazaĵoj povas ankaŭ esti dangeraj. En 2013 meteoro trafis la regionon de Chelyabinsk (Rusujo) vundante pli ol mil homojn.


Ĉi tiu teksto estas adaptaĵo fare de Paulo Cesar Pires el portugallingva artikolo.