Fotado prenas la taskon rakonti al la estonteco pri ĉi tutmonda malsano

En ĉi tiu tempo reganta la tutmondan malsanon KOVIM-19 multiĝas iniciatoj kiel konkursoj pri fotoj de la ĉiutago en nepra socia izoliĝo (jen supre iu konkursaĵo), kaj kontoj sur sociretejoj spegulantaj la privatvivon kaj la laboradon ĉe la sanservoj.

Jen ekzemple tiu Instagram-konto “YoMeQuedoEnCasaFotógrafos“, kiu havas tagan konkurson kiu elektas po 150 fotojn, kaj ĝi estas tiu kiu plej diskoniĝis tra la reto, malgraŭ tio, ke komence tiu konto estis elpensita kvazaŭ reta kongreso por fotado, malfermata al fotistoj kaj fotantoj.

En Brazilo tiu Instagram-konto “festivalfotobsb” faras konkurson ricevante konkursaĵojn per retpoŝtadreso. Alia, nome “covidphotobrazil” fotraportas okazintaĵojn kadre de la socia izoliĝo. Kaj en la urbego San-Paŭlo fotistoj efektivigis la kampanjon “150 fotoj por SP” finiĝanta hodiaŭ (marde, la 5-an), celante helpi la senhejmulojn – koncernas vendadon de albumoj kun po 150 presitaj fotoj, ĉu nuntempaj ĉu malnovaj, kontraŭ 150 realoj (ĉirkaŭ 30 usonaj dolaroj).

Kial Churchill igis lipoŝminkon kiel bezonaĵo en tiu tempo de milito?

“Nun, pli ol neniam, beleco koncernas vian devon”, tion estis asertinta la brita eldono de la modgazeto Vogue en 1941. Samtempe al la Dua Mondmilito la frapfrazo “Beauty is your duty” (Beleco estas via devo) tuj iĝis nepra patrolanda sindevigo, kiu estis defendata kaj reliefigata eĉ de Winston Churchill.

Malgraŭ tio, ke tiam la ŝminka produktado en la Unuiĝinta Reĝlando estis paŭzita pro pli urĝaj taskoj, Churchill decidis escepton rilate al lipoŝminko, kiu estis konsiderata kiel bezonaĵo. Li asertis, ke ĝia uzo “plialtigas la moralon de la loĝantaro”.

Rachel Felder, kiu estas verkisto de “Red Lipstick: An Ode to a Beauty Icon” kaj gazetisto en “The Cut” kaj “The New Yorker”) asertas: “La ago ŝminki la lipojn elsendas mesaĝon pri aŭtorirato kaj konvinkeco. Al virinoj uzantaj ĝin, ĝi koncernas kaj glavon kaj ŝildon, kaŝante ajnan maltrankvilon kaj montrante asertajn fortojn”.

Kupid-Projekto: Jen reta permesilo por geedziĝo en Nov-Jorko

Hieraŭ (sabate, la 2-an) la urbestro Bill de Blasio anoncis, ke ekde la 7-an ĉi-monate la loĝantoj en Nov-Jorko (Usono) povos akiri per la reto permesilon por geedziĝo. “Malgraŭ tio, ke ĉi-urbe oni spertas krizon kontraŭbatalante la tutomondan malsanon, tio ne povas paŭzigi la amon. Pro tio, al ĉiuj avidantaj por geedziĝi, jen ni revenantaj kaj pretaj por celebri kun vi”, tion li diris.

“Unua foje en la historio de nia urbo eblos rete akiri permesilon por geedziĝo, kaj estis granda plezuro disvolvi tiun teĥnikaron, kiun ebligas tion”, tion oni legas sur la urba retpaĝo prezentanta la projekton.

Bonvenon!

UB estas retejo por viaj propraj skribaĵoj en Esperanto: verkaĵoj, tradukaĵoj, anoncoj. Ĝi estis elpensita por instigi la komencintojn, sed ne nur, al ekzercado de skribo. Ĉiu skribaĵo afiŝita malaperos post monato.

Por aldoni novan skribaĵon…


Unuafoje (aŭ delonge ne afiŝinte) petu invitilon.


Ĉi tiun retejon prizorgas Paulo Cesar Pires, loĝanta en Brazilo.