Franca ministro komentis la polican postulon al tri virinoj kun nekovritaj mamoj en sablobordoj: nefundamentaĵo

Ĉi-skribaĵo baziĝas sur portugallingva artikolo

La 20-an ĉi-monate agentoj de la franca polico deĵorantaj en Sainte-Marie-la-Mer, marbordo de Mediteraneo, reage iu familio kun infanoj tie kaj sin deklaranta ĝenata, petis al tri sunbaniĝantaj virinoj kovriĝi sian mamon. Tiu okazintaĵo aperigis protestondon sur la sociretejoj.

Sur fejsbukpaĝo la polico de Orientaj Pireneoj raportis la okazintaĵon klarigante, ke ne estas municipa leĝo malpermesanta tian faron (nudan mamon) en la sabla marbordo de Sainte-Marie-la-Mer, kaj agnoskis la mallertecon de la agentoj en tiu ago.

Eĉ la franca ministro pri interno, Gérald Darmanin, komentis la aferon sur Tvitero: “Ne estas fundamento por la admono al tiuj du virinoj, pro ties vestaĵoj en la marbordo. Libereco estas valora havaĵo”, tion li skribis.

Esploro indikas, que 22% de la francinoj aĝantaj ekde 18 jaroj faras tion, kontraŭ 48% de hispaninoj, 34% de germaninoj, 19% de britinoj kaj 15% de italinoj. En Eŭropo virinaj malkovritaj mamoj ĉe marbordoj malplioftiĝas. Ekzemple en Francolando en 2010 estis 28% kaj en 1984, 43% el la virinoj.

Dekkelkjaruloj trovis 425 ormonerojn de 1100 jaroj

Ĉi-skribaĵo baziĝas sur portugallingva artikolo

Du dekkelkjaruloj, kiuj volontule estis partoprenanta arĥeologian kavaĵon en Israelo malkovris frakasitan argilan ujon el la 9-a jarcento enhavanta 425 ormonerojn 24-karatajn. Tiu trezoro estis trovita en Yavne, centre de la lando, ĉe tereno preparata por nova kvartalo, laŭ informis hieraŭ (lunde, la 24-an) IAA, la israela aŭtoritato pri antikvaĵoj.

Laŭ Robert Kool, fakulo de IAA pri monero, tiu trovaĵo datiĝas de la fino de la 9-a jarcento, kaj tiam la regiono estis regata de la Abasida Kaliflando. Ili pezas entute 845 gramojn, kaj “per tiu kvanto oni povus aĉeti luksan domon ĉe iu el la plej bonaj kvartaloj de Fustat, la granda kaj riĉa regurbo de Egiptolando en tiu tempo”, tion li diras.

La junuloj estis partopreninta la antaŭmilitan naciservon. “Estis nekredeble. Mi fosis kaj trafis tiun aron aspektanta maldikajn foliojn. Plu rimarkinte mi konstatis, ke temas pri ormoneroj”, tion diris unu el ili, nome Oz Cohen, per komunikaĵo.

Valo de Morto – ĉu la plej varmvetera loko?

Ĉi-skribaĵo baziĝas sur portugallingva artikolo

Laŭ Vikipedio la Valo de Morto estas dezerto en la subŝtato Kalifornio de Usono. Temas pri la plej malalta, plej seka kaj plej varmega valo de la lando. La dezerto konsistigas grandan parton de la Nacia Parko Valo de Morto, kaj havas la rekordon pri la plej alta fidinde mezurita temperaturo en Ameriko, 56,7 °C, notita en la loko Furnace Creek dum 1913. La tutmonda rekordo pri la plej alta fidinde mezurita temperaturo, 58 °C, oni mezuriĝis en la loko El Aziza de Libio dum 1922.

Ĉi-monate (dimanĉe, la 16-an) Brandi Stewart, kiu laboras en la parko, faris foton indikanta la tiean varmegan temperaturon – tiam ĝi atingis 54,4 gradojn celsiajn. Ŝi loĝas tie de kvin jaroj kaj estas inter tiuj malmultaj homoj alkutimiĝintaj al tia medio. “Estas tiom varma, ke mi ne tuj alkutimiĝis je la fakto, ke oni ne sentas la ŝviton surhaŭte, ĉar ĝi tiel rapide vaporiĝas”, tion ŝi klarigis al BBC.

Malgraŭ tia alta temperaturo tiu valo ne staras inter tiuj lokoj plej danĝeraj al la homa sano, ĝuste pro la kombino de temperaturo kaj malsekeco. La tiea karakterizaĵo de malsekeco (ĉirkaŭ 7%) ebligas al la korpo pli bone pritrakti la altan temperaturon, kaj ĝi sukcesas pli facile regi sian propran temperaturon, ĉar la vaporiĝo de la ŝvitado konsistas el la ĉefa maniero regi la korpan temperaturon ĉe varmego.

‘Oupa’ Fredie Blom mortis en la aĝo 116 jaroj

Ĉi-skribaĵo baziĝas sur portugallingva artikolo

Laŭ informoj de la novaĵagentejo AFP aperigitaj sur diversaj novaĵretejoj, hieraŭ (sabate, la 22-an) forpasis en malsanulejo de Kaburbo, Sud-Afriko, tiu viro 116-jaraĝa nome Fredie Blom, naskiĝinta je la 8-a tago de la 5-a monato 1904. “Ni pensas, ke lin trafis naturan morton pro maljunuleco, kaj ne estis simptomoj koncerne al kovimo”, tion diris al la gazeto “TimesLive” iu provinca oficisto.

En tiu tempo de la hispana gripo (1918 kaj 1919) li estis dekkelkjarulo kaj perdis sian tutan familion pro tiu malsano. Populare konata kiel “Oupa” (avĉjo), Fredie Blom estis loĝanta de 30 jaroj kune kun sia edzino Delf ĉe la ĉirkaŭaĵo de Kaburbo. Andre Naidoo, kiu estas familia amiko diris, ke li “ankoraŭ estis dispartiganta lignon per hakilo antaŭ semajnoj”.

Laŭ Guinness-libro de rekordoj, tia plej aĝa viro de la mondo estis la 112-jaraĝa brito Bob Weighton, kiu mortis je la 5-a monato ĉi-jare, tamen, por la loĝantaro de Sud-Afriko, Blom estis la neoficiala plej aĝa viro.

En la suda Florido 750 milionoj da gene modifitaj kuloj estos enkondukitaj en la medion

Ĉi-skribaĵo baziĝas sur portugallingva artikolo

Kadre de projekto debatita de jaroj, la lokaj aŭtoritatoj en Usono fine donis permeson al la brita firmao Oxitec por, en la tempodaŭro da du jaroj, enkonduki medien ĉe la insularo Florida Keys 750 milionojn da gene modifitaj kuloj, konataj kiel OX5034, celante reduktiĝon de malsanoj kiel dengo, zika febro, ĉikungunjo kaj flava febro, kaŭzataj de virusoj transdonitaj al homo per piko de tiu kulo nome Aedes Aegypti. Oni planas tion fari ekde la venonta jaro.

Nur tiaj inaj moskitoj pikas homojn, ĉar sango nepras por produkti ovojn. La enkondukotaj vir-moskitoj alportos proteinon, kiu mortigos la inajn moskitidojn antaŭ ties plenkreskado. Tiu projekto spertas reagojn, kiel tiu petskribo subtenata de 240 mil homoj sur la retejo Chang.org, kritikante tiun planon de Oxitec por uzi Usonon “kiel provkampo por mutaciantaj insektoj”.

Enketado malkaŝis sistemajn seksperfortojn en la franca arta glitkurado

Ĉi-skribaĵo baziĝas sur portugallingva artikolo

La 4-an ĉi-monate iu enketado pri la franca federaĵo pri glitsportoj (FFGS) estis konigita atentigante, ke pli ol 20 trejnistoj pri arta glitkurado sisteme seksperfortis dekkelkjarulojn dum pli ol tri jardekoj, laŭ evidentaĵoj. Tiam la afero instigis la gvidanton Didier Gailhaguet eksiĝi – li estis estranta FFGS-n de pli ol 20 jaroj.

Tiun enketon starigis la ministerio pri urboj, junularo kaj sportoj de la lando je la 2-a monato ĉi-jare, instigita de akuzoj fare de la eksa arta glitkuristino Sarah Abitbol (dekfoje franca ĉampiono), troviĝantaj en ŝia antaŭnelonge aperinta libro, kie ŝi akuzas sian trejniston ree seksperforti ŝin inter la jaroj 1990 kaj 1992. Tiurilate la publika akuzejo de Parizo malfermis enketon.