La nova rekordo pri desegno kunlabore farita surpapere

Faraĵo kiu postulis pli ol kvar mil homojn, 370 kilogramojn da papero, 1,7 milojn da kretoj de parafino kaj 1,1 milojn da feltokrajonoj, konkeris la novan tutmondan rekordon pri desegno kunlabore farita surpapere. La koncerna marko je 11.595 metroj estis registrita de Guinness-libro de rekordoj en la pasinta monato julio.

Faber-Castell, kiu estas la plej granda fabrikanto de krajono en Brazilo, disvolvigis tiun agon, kies temo estis “urba ĉielo”. La desegnado startis decembre 2016, kaj plenumiĝis pasint-marte, en la sidejo de la firmao, ĉe la brazila urbo “São Carlos”, subŝtato “São Paulo”.

La tuta procedo estis tuttempe filmita de kameraoj, kaj volontuloj ne ligitaj al la firmao deĵoris ĉiutage por atesti la aferon. Ili plenigis raportojn kiuj estis senditaj kune kun la filmetoj al la sidejo de “Guinness Word Records” en Novjorko (Usono).

Kun longeco je 9.528 metroj la antaŭa rekordo estis produktita en 2014 en Singapuro.


Ĉi tiu teksto estas adaptaĵo fare de Paulo Cesar Pires el portugallingva artikolo.

Firmao elserĉas heredantojn por redoni artaĵojn konfiskitajn en naziisma epoko

La tutmonde konata germana firmao “Dr. Oetker” kontraktis historiistojn por inventari kolekton da 4,5 mil artaĵoj, kies plejparto estis akirita je judoj kiuj estis devigitaj fordoni siajn kolektojn.

Tiu firmao nuntempe strebas je riparado de sia riproĉinda agado en la jardekoj 1930 kaj 1940, kiam ĝi apogis la militajn klopodojn, ne nur per livero de miksaĵoj por pudingo, sed ankaŭ municio al la naziaj trupoj, krom uzi sklavolaboron ĉe kelkaj el siaj instalaĵoj.

Tiun aŭditon ordinis la konsilio de la firmao en 2015, sed ĝis nun nur kvar artaĵoj estis redonitaj al ties laŭleĝaj heredantoj.

Tiun aŭditon ordinis la konsilio de la firmao en 2015, sed ĝis nun nur kvar artaĵoj estis redonitaj al ties laŭleĝaj heredantoj. Laŭ Lothar Fremy, kiu estas unu el la advokatoj pritraktanta la aferon, temas pri malfacila tasko, kvazaŭ solvi grandan puzlon, kiuj certe bezonos 10, 20 aŭ 30 jaroj.

En 1998 konferenco okazis en Vaŝingtono (Usono), kiu starigis regulojn pri redono de objektoj disrabitaj de nazioj. Tiuj normoj estas amplekse observataj de pubkilaj organizoj, sed ne sufiĉe flanke de privataj kolektistoj.

Joerg Schillinger, proparolanto de la firmao “Dr. Oetker”, bedaŭras, ke ankoraŭ ekzistas entreprenoj, kiuj ne esploris siajn pasintecojn, kaj li sugestas: “Nepre faru tion, kaj pro la firmao kaj pro la investantoj”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Dek debutaĵoj en la historio de interreto

Jen aludo al kelkaj okazintaĵoj kaj ties roluloj en la historio de interreto.

1971 – Ray Tomlinson kreis la retpoŝton, kaj sendis la unuan retpoŝtmesaĝon.

1985 – Teknologia firmao aĉetis la unuan interretan domajnon, nome “symbolics.com“.

1992 – Tim Berners-Lee publikigis la unuan bildon, pri la grupo Les Horribles Cernettes. Ankaŭ la unua retpaĝo estis publikita de li antaŭjare.

1994 – La firmao “Geffen Records” publikigis la unuan muzikon, nome “Head First”, de la usona rokmuzika bando Aerosmith.

1998 – La unua serĉo en Guglo-serĉilo estis plenumita de John Hennessy, kiu tajpis la nomon Gerhard Casper.

2003 – Aperis la unua torrent-dosiero, eble tiu de la filmo “Matrix” (per la komputila kodo askio, angle ASCII). Tiaj dosieroj estas fifamaj ĉe defendantoj de aŭtoraj rajtoj pri verkoj.

2004 – La juna studento de Israelo, Arie Hasit, estis la unua homo ekster la teamo de Fejsbuko, kiu kreis personan profilon ĉe tiu socia retejo.

2005 – La unua filmeto en Jutubo estis ege malkvalita. Ĝi nomiĝas “Me At The Zoo” kaj estis publikigita de Jawed Karim.

2009 – La unua mesaĝo per Vacapo (angle WhatsApp) estis sendita, fare (eble) de iu el la kreintoj de la firmao, Jan Koum kaj Brian Acton.

2010 – La kunfondinto de Instagramo, Kevin Systrom, publikigis la unuan bildon en tiu socia retejo. Ĝi estis plenekrana, enhavanta piktogramoj. Tuj post li publikigis la duan, pri sia hundido.


Ĉi tiu teksto estas adaptaĵo fare de Paulo Cesar Pires el portugallingva artikolo.

La plej silenta loko tutmonde

Ekzistas ejo agnoskata de Guinness-libro de rekordoj kiel la plej silenta en la mondo. Ĝi konsistas el sen-eĥa ĉambro kuboforma kun 6,36 metroj da tri-dimensia spaco, kaŝita interne de la konstruaĵo n-ro 87 en la sidejo de la firmao Mikrosofto, ĉe Redmond (antaŭurbo de Seatlo), subŝtato Vaŝingtonio, Usono.

Tiu ĉambro estis konstruita de la teamo de la ingeniero Hundraj Gopal, por helpi je perfektigado de produktoj, kaj en la jaro 2015 ĝi trafis la mondan rekordon pri silento, kiam tiam la fonaj bruoj tie nekredeble statis je intenso da -20,6 decibeloj.

Starante en tiu ĉambro kaj paŭzante la spiradon oni povas aŭskulti la sangofluon interne de la propra korpo, la internan bruon de stomako, la korbatojn kaj eĉ la sonon pri moviĝo de okuloj ene de okulglobo.

Antaŭe al tiu ĉambro de Gopal, en Guinness-libro de rekordoj estis enlistigita kiel la plej silenta loko de la Tero, la sen-eĥan ĉambron de la firmao “Orfield”, en la urbo Mineapolo (Minesoto – Usono), kun bruonivelo je -9,4 decibeloj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Jen faka retejo pri familinomoj

Per datumoj prenitaj disde diversaj regionoj, la retejo “Forebears” indikas la oftecon laŭlande, de homoj kun sama familinomo.

En Brazilo, laŭ tiu retejo, plej oftas la familinomoj “Silva”, kun pli ol kvin milionoj da homoj tiaj, kaj “Souza”, kun preskaŭ 4 milionoj.

Serĉante pri la familinomo “Zamenhof”, oni vidas la jenon:

Pozicio: 2.990.263-a plej ofta familinomo
Entuta nombrado: 13 homoj
Nombro laŭlande: Usono (9), Brazilo (2), Hispanujo (1) kaj Italujo (1)

Por serĉi tie, jen ligilo: forebears.io/surnames. Alirinte, tajpu la familinomon sur “Enter a Surname”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Pariza parko ekhavos areon por nudistoj

Kadre de kelkatempa eksperimento, ekde la venonta 15-an de oktobro funkcios oriente de la urbo Parizo (Franclando), en la parko “Bois de Vincennes”, areon kun grando de piedpilkadejo, cele al nudismo.

Tiuj kiuj apogas tiun decidon asertas, ke en lando kun tiom da plaĝoj kaj tendumejoj malfermataj al nudismo, Parizo ja devus ekhavi lokon cele al tiu vivstilo.

Aŭtoritatoj asertas, ke estos permesata al la uzantoj, nek rigardismo nek ekshibicio, kaj averto pri “taŭgaj kondutoj” staros tie. Ĝi estos malfermata de 8h00 ĝis 19h30 kaj funkcios proksime al la birdareo de la parko.

Parizanoj jam posedas publikan naĝejon, por praktikado de nudismo, po 3 tagoj semajne.

Laŭ la vicurbestro Penelope Komites, kiu respondecas pri parkoj, tiu decido “montras nian malferman menson koncerne al uzado de publikaj spacoj en Parizo”.


Ĉi tiu teksto estas adaptaĵo fare de Paulo Cesar Pires el portugallingva artikolo.

La Ejnŝtejno de la 21-a jarcento

“Mi estas nur studento. Mi multo lernendas. Mi ne meritas tiun atenton”. Tiamaniere la 24-jaraĝa fizikisto diplimiĝinta en MIT (Masaĉuseca Instituto de Teknologio) Sabrina Gonzalez Pasterski, priskribas sin sur sia retejo “physicsgirl.com”, kiu estas ŝia unura cifereca ĉeesto, krom jutubkanalo. La usona junulino kun kuba deveno nuntempe kursas doktoriĝon pri fiziko en Harvard-Universitato, kaj ŝi elstariĝas ĉe la akademia komunumo, kie multoj pritaksas ŝin kvazŭ “eble la nova Ejnŝtejno”.

Kiam ŝi estis nur 22-jaraĝa, tiam la periodaĵo “Forbes Magazine” enlistigis ŝin ĉe “Forbes 30 Under 30”, kiu listigas junulojn kun aĝo malpli ol 30 jaroj, kiuj reliefas laŭ diverskampoj kiel entreprenado, teĥnikaro, amaskomunikilo kaj scienco.

Esploroj de la junulino jam estis cititaj eĉ de la fama brita fizikisto Stephen Hawking.

Daŭrigante ĉe akademia medio Sabrina jam konscias, ke la labormerkato jam malfermiĝas al ŝi. Jeff Bezos, kiu estas fondinto de la firmao “Amazon” kaj de la kosmonaŭta firmao “Blue Origin” diris, ke estas laborposteno atendante ŝin.

Ĉe Harvard-Universitato ŝi havas stipendion por disvolviĝo de esploroj, kaj permeso de sia instruisto por elekti siajn studaĵojn kaj metodojn. Sendependeco kaj memregeco allogas ŝin. “Estas tre bone havi stipendion por prizorgi nur cerbumadon. Mi havas multon por cerburmi”, tion Sabrina asertis.

Jen kelkaj konkeroj de Sabrina:
9-jaraĝa – kapablo je riparado kaj pilotado de aviadilo
14-jaraĝa – konstruo de propra aviadilo
16-jaraĝa – eniro en MIT, kie ŝi diplomiĝis per maximuma poentaro
24-jarĝa – diplomiĝanta en Harvard, kaj citita de Stephen Hawking


Ĉi tiu teksto estas adaptaĵo fare de Paulo Cesar Pires el portugallingva artikolo.

Nova servo aperis, por partopreni funebron sen forlasi aŭtomobilon

En Japanlando la firmao pri funebraĵoj “Kankon Sosai Aichi Group” ofertas eblecon preĝi al mortintoj ĉe funebroj sen bezono forlasi la aŭtomobilon. Tiu servo aparte utilas al maljunuloj kaj homoj kun limigita moviĝemo.

Jen la procedo: urno por cindroj estas prezentita al la vizitanto, kiu povas resti ene de la aŭtomobilo kaj plenumi la koncernajn taŭgajn gestojn, kiuj estas filmitaj kaj elsenditaj al la ceremonia ĉambro.

La prezidento de la firmao, Masao Ogiwara, pravigas tiun servon, ĉar “foje maljunuloj rifuzas partoprenon en la funebraĵoj ĉar ili bezonas peti helpon por forlasi la aŭton”.

Rapide maljuniĝas la japana loĝantaro, kaj jare la kvanto de mortoj jam superas tiuj de naskiĝoj. En tiu lando la funebraĵa merkato grandas jare je pli ol 1,7 miliardoj da enoj (16,1 miliardoj da usonaj dolaroj).

Alia nova servo nelonge anoncita en tiu sektoro estas robota pastro.

Krome, pro manko da spaco en la urbaj tombejoj, konstruaĵoj estis aranĝitaj por gastigado de la cindroj de mortintoj. La cindrurno estas aŭtomate translokita al altaro, per uzo de magnetkarto kun informoj de la mortinto, kiam vizitanto alvenas tien por preĝi.


Ĉi tiu teksto estas adaptaĵo fare de Paulo Cesar Pires el portugallingva artikolo.

Eldono por 2018 de la libro de rekordoj enlistigas 12-centimetrajn okulharojn

Virino loĝanta en la urbo Ĉangĝoŭo, de la provinco Ĝjangsuo en Ĉinlando havas sian nomon enlistigita de Guinness-Libro de Rekordoj en ties juŝa eldono por la jaro 2018, ĉar ŝi posedas impresajn okulharojn kun longeco da 12,4 centimetroj.

Ŝi nomiĝas You Jianxia, kaj raportis al la teamo de Guinness, ke ŝi rimarkis la kreskadon de siaj okulharoj en la jaro 2013-a, dum 18-monata restado ĉe naturo en ripozejo.

Laŭ vikipedio okulharoj estas la haroj kiuj kreskas en vicoj sur la palpebroj. Ili estas tre palpsensemaj, relative dikaj, rigidaj haroj kiuj en unuopa vico kreskas sur la supra kaj la malsupra palpebro; tiuj de la supra palpebro estas tamen rimarkinde pli longaj kaj dikaj. La funkcio de okulharoj estas por teni polverojn ekster la okulo; kiam ili estas tuŝataj eĉ de la plej malgranda objekto, la okulo reflekse fermiĝas.


Ĉi tiu teksto estas adaptaĵo fare de Paulo Cesar Pires el portugallingva artikolo.

Aperis ĉokolado nature rozkolora

Ĉi-monate “Barry Callebaut”, kiu estas la ĉefa monda firmao pri aliformigo de kakao, kun sidejo en Svislando, lanĉis en Ĉinlando la rozkoloran ĉokoladon “Ruby”. Tiu novaĵo pri tiu nutraĵo povas esti la unua novigo post 80 jaroj – ekde la kreo de “blanka ĉokolado”, fare de la firmao “Nestle”.

La disvolviĝo de tiu produkto bezonis pli ol 13 jaroj ekde la malkovro de nova tipo de kakao nomata “Ruby”, ĉe laboratorio de la firmao en “Louveers” (departamento de Eure – Franclando), kaj daŭrigo de la esploroj fare de teamoj en metiejoj de Fanclando kaj Belglando.

Malmultaj homoj posedas la sekreton pri fabrikado de la nova rozkolora ĉokolado de Barry Callebaut. Ĝi estas produktata sen aldono de aromigiloj kaj kolorigiloj, kongruante al novaj gustumaj tendencoj. La granoj venas el Ebur-Bordo, Ekvatoro kaj Brazilo.

Laŭ la gazeto “The Guardian” tiu nova ĉokolado aperos en vendejoj de Unuiĝinta Reĝlando post ses monatoj.


Ĉi tiu teksto estas adaptaĵo fare de Paulo Cesar Pires el portugallingva artikolo.