Artefarita inteligenteco anstataŭas dungitojn ĉe asekurkompanio

Ĉu vi jam aŭdis pri “Watson”, tia artefarita inteligenteco de IBM? Baldaŭ tiu roboto povos ŝteli vian postenon.

La japana asekurfirmao “Fukoku Mutual Life” maldungis 34 funkciulojn, kiu estos anstataŭitaj de tiu IBM-platformo, kiu estos uzota por kalkulado de ŝulditaj pagoj al siaj klientoj. Tiu laboro estis mane plenumitaj de analistoj, kaj oni atendas plialtigo je 30% ĉe ĝia efikeco pro la nova sistemo.

Laŭ la firmao tiu investo de 1,4 milionoj da pundoj (ĉirkaŭ 1,6 milionoj da eŭroj) estos repagata je malpli ol du jaroj.

Studo fare de Monda Ekonomia Forumo indikas, ke ĝis 2020 la antaŭenigo de teknologio respondecos pri nuligo de 5,1 milionoj da postenoj.

Nu, ŝajne ne nur manlaboro, sed ankaŭ intelekta tasko plenumita de homoj estos anstataŭitaj tiamaniere.


Ĉi tiu teksto estas adaptaĵo fare de Paulo Cesar Pires el portugallingva artikolo.

Advertisements

Forigo de sendita mesaĝo jam eblas je la apo Telegramo

telegramo

Ĉu vi volus, pro iu ajn kialo, forigi mesaĝon kiun vi sendis per poŝtelefono? Ekde nun la uzantoj de la aplikaĵo Telegramo povas tion fari, ĉar la platformo enmetis novan rimedon, kiun ebligas la forigon de mesaĝo ĝis 48 horoj post ties sendo.

Per tiu nova funkcio, oni povas elekti malaperigi la senditan mesaĝon ne nur je la sendinto, sed ankaŭ ĉe la adresato. Sed atentu, ke la mesaĝo jam povas esti legita, kaze oni intencus eviti tion per ĝia forigo. Rimarku la sciigon pri legado, fare de la apo.

Antaŭiĝante je Vacapo, kiu estas sia konkuranto, Telegramo disponigas tiun ilon ĉu per Androido ĉu per Ajoŭeso


Ĉi tiu teksto estas adaptaĵo fare de Paulo Cesar Pires el portugallingva artikolo.

105-jaraĝa biciklisto akiras novan rekordon

France Hour Record 105 Years Old

Robert Marchand estas franco aĝanta 105 jarojn kaj li pruvis, ke biciklado ankaŭ estas por maljunuloj. Kiam li estis 102-jaraĝa tiam la Internacia Biciklada Unio estis devigita krei apartan kategorion, tiun por centjaruloj, pro tiom da pedalado fare de li.

Ĉi-merkrede (la 4-a de januaro) Marchand superis sian propran rekordon pri kilometroj trairitaj dum unu horo, je la kategorio por biciklistoj aĝantaj 100 jarojn aŭ pli. Li plenumis 22.547 kilometrojn, per 92 turnoj, en la nacia ciklodromo de Saint-Quentin-en-Yvelines, proksime al Parizo (Francujo).

“Mi ne estas ĉi tie por iĝi ĉampiono. Mi estas ĉi tie por pruvi, ke eĉ aĝanta 105 jarojn oni povas bicikli” tion diris Marchand.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mesoentero estas agnoskita kiel la 79-a organo de la homa korpo

 

mesoentero

La mesoentero estas antaŭlonge konata de la homa anatomio. Ĝi estis priskribita de la brita kirurgo Frederick Treves en la jaro 1885-a, sed desegnoj de la 15-a jarcento, fare de la italo Leonardo da Vinci jam identigis tiun strukturon respondecan pri la ligo de la intestoj al la abdomen-muro. Dum jarcentoj ĝi estis taksata kiel unu el la partoj de peritonio, sed nova studo nelonge aperinta en la prestiĝa scienca periodaĵo “Lancet Gastroenterology & Hepatology“ altigis la mesoenteron al statuso de organo, tiu 79-a de la homa korpo.

Calvin Coffey, kiu estas profesoro de la Universitato de Limerick (Irlando), kaj aŭtoro de la studo, asertis, ke “dum la komenca esplorado oni konstatis, ke la mesoentero, kiu konektas la inteston kun la korpo, estas unupeca organo. Ĝis tiam ĝi estis rimarkita kiel fragmentita, ekzistanta nur je kelkaj lokoj, kompleksa stukturo. Tia anatomia priskribo, kiu estis difinita dum la lastaj cent jaroj malĝustas. Tiu organo estas nek fragmenta nek kompleksa”.

Laŭ Coffey tiu malkovro gravas ĉar ĝis nun ne ekzistis ia fako pri mesoentera scienco. Post tiu konstato pri ĝia anatomio kaj strukturo, la venonta paŝo temas pri esploro de la rilata funkcio.


Ĉi tiu teksto estas adaptaĵo fare de Paulo Cesar Pires el portugallingva artikolo.

Operacio forigas kirurgian tondilon lasitan 18 jarojn antaŭe en vjetnamo

kirurgia-tondilo

Ma Van Nhat, nuntempe 54-jaraĝa, trapasis kirurgion en 1998 post aŭtomobila akcidento kaj nur nelonge li malkovris, ke tiam la kuracistoj forgesis kirurgian tondilon en sia ventro.

Lastatempa diagnozo per sonografio revelaciis 15-centimetran tondilon proksime al la kojlo de Ma Van Nhat, poste ties plendo pri stomakaj doloroj.

Laŭ la novaĵretejo “Suc Khoe va Doi Song”, kiu estas proparolanto de Vjetnama Ministerio pri Sano, Nhat dum preskaŭ du jardekoj “manĝadis, trinkadis kaj agadis per sufiĉe normala maniero”.

La viro trapasis 3-horan kirurgion en la hospitalo “Gang Thep Thai Nguyen”, 80 kilometroj norde de Hanojo, kaj “sufiĉe bone ĝi resaniĝas”, tion informis Ngo Trung Thang, kiu estas sub-estro pri ĝeneralaj aferoj de tiu malsanulejo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Post tri jaroj Bitmono denove superas 1.000 usonajn dolarojn

bitcoin

Fine de la lasta dimanĉo (la 1-a de januaro 2017)  la cifereca devizo Bitmono malfermis 2017-an jaron unuafoje superante kurzon je USD 1 mil, ekde la 11-a de decembro 2013. Kun valoriĝo je 125% en 2016 ĝi superis ĉiujn konkurantajn devizojn eldonitajn de centraj bankoj.

Bitmono plialtiĝis 2,5% al USD 1.022 ĉe “Bitstamp” en Eŭropo, kiu estas unu el la plej grandaj platformoj por interŝanĝi tian ciferecan devizon.

Bitmono estas ia devizo simile al dolaro kaj eŭro, sed ĝi ekzistas nur virtuale. Ĝi ne estas eldonita de centra banko, sed estas disdonita de tempo al tempo fare de  centra softvaro kreita antaŭ ok jaroj de Satoshi Nakamoto (kromnomo de japana programisto, aŭ grupo da programistoj).


Ĉi tiu teksto estas adaptaĵo fare de Paulo Cesar Pires el portugallingva artikolo.

Cirkulado de eŭro 15-jariĝas

euxro

La unua tago de 2017 markas la 15-an datrevenon pri ekcirkulado de eŭro, kiu estas la devizo kreita de Eŭropa Unio por integriĝo de la ekonomio de ties lando-membroj.

Tiu eŭropa devizo estis enkondukita je la 1-an de januaro 1999, sed dum tri jaroj ĝi funkciis nur virtuale, tio estas, sen operacioj per monbiletoj kaj moneroj.  Komence de la 2002-a jaro eŭro ekcirkuladis per monbiletoj, kaj de tiam ĝi etendiĝas je la membroj de la bloko, estante nuntempe adoptita de 19 el 28 landoj.

Litovujo estas la lasta lando kiu adoptis la komunan devizon, je la 1-an de januaro de 2015, kaj ĝis nun neniu lando forlasis ĝin.


Ĉi tiu teksto estas adaptaĵo fare de Paulo Cesar Pires el portugallingva artikolo.

Forpasis la inventinto de Kinderovo

 

william-salice

William Salice, la kreinto de Kinderovo, mortis lastĵaŭde (la 29-a de decembro) en la norditala urbo Pavio, je la aĝo 83 jaroj, laŭ anoncis la fondaĵo “Colora tu vida”, kiu estis fondita de li por helpi junulojn.

Salice iĝis ekde la 60-jardeko ĉefa asistanto de la vizia itala entreprenisto Michele Ferrero (li forpasis en 2015), kiu kreis la faman avelo-kremon “Nutella”.

Je la 70-jardeko Salice kune kun Ferrero patentis la popularan ĉokoladovon, kun eta ludila surprizo ene. Tiu kreaĵo tuj furoris kaj milionoj da Kinderovoj estis vendataj dum pli ol 40 jaroj.

“La vera elpensinto estis Ferrero, kaj mi estis nur la plenumanto” tion diradis Salice, kiu ankaŭ kunlaboris je la kreado de aliaj produktoj, inter ili la eleganta “Ferrero Rocher”.

Post lia emeritiĝo en 2007, per la kroma profito je 400 mil eŭroj ricevita Salice fondis la lernejon kaj metiejon “Colora tu vida” ĉe la Itala Riviero, por helpi junulojn aĝantajn inter 13 kaj 18 jaroj je disvolviĝado de iliaj kapabloj.

Kinderovo ne estas vendata en Usono pro leĝo kiu ekde 1938 malpermesas objektojn interne de nutraĵoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Per fingro de sia dormanta patrino, infano rete aĉetas ludilojn

pokemono

Antaŭ nelonge en la subŝtato Arkansaso (Usono), la 6-jaraĝa knabino Ashlyn Howell profitis, ke sia patrino Bethany estis dormanta por uzi ties fingrospuron sur poŝtelefono por aŭtentigo de dek tri sinsekvaj mendoj rete je la firmao Amazono. Entute ŝi elspezis 250 usonajn dolarojn da Pokemon-produktoj.

Post vekiĝo, la patrino estis surprizita pro diversaj retpoŝtmesaĝoj pri konfirmo de aĉetoj, kaj ĝi eĉ pensis, ke la afero temis pri trompo fare de kodumulo, aŭ ke ĝia filino tion faris senintence, sed la etulino tuj klarigis: “Ne, patrino, mi vere estis aĉetanta. Sed ne zorgu, ĉar ĉion kion mi mendis estas survoje rekte al nia hejmo”.

Feliĉe la firmao Amazono permesis la redonon de la 13 varoj, kaj eĉ promesis sendi al la infano ĝuste tiun donacon kiun ŝi dezirus gajni (laŭ esploro fare de la firmao ĉe Patro-Kristnasko).


Ĉi tiu teksto estas adaptaĵo fare de Paulo Cesar Pires el portugallingva artikolo.

Ekfunkcias en Ĉinujo la plej alta ponto tutmonde

ponto

Post trijara konstruado la ponto Beipanjiang estis malfermita al trafiko en ĉina sudokcidento. La konstruado altiĝas je 565 metroj super la grundo, kiu egalas al 200-etaĝa konstruaĵo.

Ĝi estas 1.341 metroj longa kaj kunligas la provincojn Gŭiĝoŭo kaj Junano, kaj reduktos la daŭron de veturado inter la urboj Liupanshuim kaj Xuanwei je tri horoj.

La konstruado komencis en 2013 kaj kostis ĉirkaŭ 135 milionojn da eŭroj.

Nuntempe ok el la dek plej altaj pontoj tutmonde estas en Ĉinujo, sed se oni konsideri nur la strukturo anstataŭ la distanco de la grundo, la plej granda tia daŭras estante la Viadukto de Millau, en Francujo, kiu altas je 343 metroj.


Ĉi tiu teksto estas adaptaĵo fare de Paulo Cesar Pires el portugallingva artikolo.