Filmilo de vendejo registris falojn de bretaregoj, kiuj kaŭzis vunditojn kaj mortinton

Ĉi-skribaĵo baziĝas sur portugallingva artikolo

Hieraŭ vespere (vendrede, la 2-an) grandegaj bretatoj plenaj je varoj falis kaj trafis klientojn ĉe la superbazaro ‘Mix Mateus Atacarejo’ en la kvartalo Vinhais, de San-Luiso, la regurbo la brazila subŝtato Maranjano. Oni scias, ke el tiu akcidento rezultis minimume kvar vunditoj kaj unu mortinto.

Filmetoj aperigitaj sur la sociretejoj montras bretaregojn falantajn, eĉ spertante la fenomenon “domenan efikon”. Kiam okazis la akcidento, kies kaŭzo ankoraŭ estas nekonata, tiam multaj klientoj estis en la vendejo.

Bestoĝardeno malkunigis papagojn, kiuj estis interagantaj por paroli fivortojn

Ĉi-skribaĵo baziĝas sur portugallingva artikolo

Brita bestoĝardeno estis devigita disigi kvin papagojn, kiuj laŭ ties prizorgantaj laboristoj estis instigantaj unuj la aliajn uzi fivortojn por sakri. Pasintmonate Billy, Eric, Tyson, Jade kaj Elsie integriĝis al la aro da 200 grizaj papagoj de Lincolnshire Wildlife Centre, kaj tuje montris sian emon al fivorta lingvaĵo.

“Ni estas sufiĉe alkutimiĝintaj pri sakrantaj papagoj, sed neniam ni spertis kvin samtempe. La plejmulto de tiuj papagoj estas timema, tamen pro iu kialo tiuj kvin estis sin montranta”, tion diris la estro de la bestoĝardeno, Steve Nichols, kiu klarigis ankaŭ, ke la vizitantoj ne plendis pri la papagoj, kiuj estis translokitaj al malsamaj lokoj de la parko, celante eviti kaj ilian interagon, kaj la aŭskultadon por infanoj.

Mortis Quino, la kreinto de Mafalda

Ĉi-skribaĵo baziĝas sur portugallingva artikolo

La argentina bildrakontisto Quino (Joaquín Salvador Lavado), konata por krei la bildrakontojn kun la rolulo Mafalda, mortis je la aĝo 88 jaroj. Tiu informo estis diskonigita hieraŭ (la 30-an) de lia eldonisto Daniel Divinsky, sur la sociretejo Tvitero. Laŭ la gazeto Clarín antaŭ kelkaj tagoj Quino estis trafita de apopleksio kaj ne rezistis.

En 1963 Quino elpensis la fikciulon Mafaldan, kiu estas 6-jaraĝa knabino, kiu ŝatas Beatles-n, estas demandema pri la mondaj sociproblemoj, kaj malŝategas supon. Li estas konsiderata la plej fama kaj plej tradukita bildrakontisto hispanlingva, estigante altvaloran postasaĵon favore al arto kaj demokratio.

Hodiaŭ ‘The Flintstones’ 60-jariĝas

Ĉi-skribaĵo baziĝas sur portugallingva artikolo

Laŭ Vikipedio “The Flintstones estas animacia televida serio kiu fantaste priskribas la vivon de ŝtonepoka laboristo, lia najbaro/plej bona amiko, kaj ties familioj. Ĝi estis elsendita el 30-a de Septembro, 1960, al la 1-a de Aprilo, 1966, fare de la ABC […]”.

Oni bezonis alian mezklasan usonan familion por superi ‘The Flintstones’ kiel desegnofilma televidserio plej longe elsendita. Fred, Barney, Wilma, Betty kaj Dino absolute regadis dum pli ol tri dekjaroj ĝis la alveno de Homer, Marge, Lisa kaj Bart, de ‘The Simpsons’.

La usona magazino EW (Entertainment Weekly), kiu estas semajne publikigita de la firmao Time, konfirmis la informon, ke la porinfana serio The Flintstones reaperos en la televido, ĉi-foje kiel komedia serio por plenkreskuloj, produktota de ‘Warner Bros TV’ kaj ‘Brownstone Productions’, la produkta firmao de la aktorino kaj kinproduktoro Elizabeth Banks.

Rompiĝinte vinujo verŝis 50 mil litrojn da vino

Ĉi-skribaĵo baziĝas sur portugallingva artikolo

Likado okazinta ĉe vinujo de la vinfirmao Bodegas Vitivinos en la hispana municipo Villamalea, Provinco Albaceto, kaŭzis verŝadon de grandegan kvanton de vino tie. Tiurilate oni afiŝis sur la sociretejo Tvitero filmeton, kiu estis multege vidata.

Hieraŭ (la 28-a) intervjue al la hispana radio Albacete, la prezidanto de la firmao Juan Miguel Cebrián klarigis, ke la problemo okazis je ĉirkaŭ la 6-a horo posttagmeze lastĵaŭde (la 24-a), kaj la vinujo ne rompiĝis, sed spertis paneon ĉe iu sekuriga valvo, kiu estis rapide riparita de fakulo. “Mi ne povas ankoraŭ informi la ĝustan kvanton perditan. Ankoraŭ pretiĝas la taksado de la asekura fakulo, kiu respondecas je tiu tasko”, tion li diris.

Vizitanto trovis 9-karatan diamanton en usona parko

Ĉi-skribaĵo baziĝas sur portugallingva artikolo

En Usono oni festas la tagon de laboro je la unua lundo de septembro, kaj en tiu dato ĉi-jare (la 7-an ĉi-monate) dum promenado kune kun siaj amikoj en la parko “Kratero de Diamantoj”, de la usona subŝtato Arkansaso, la 33-jaraĝa bankoficisto Kevin Kinard trovis diamanton da 90,07 karatoj. Ĝi estas la dua plejgranda diamanto trovita, kaj pli ol 75 mil tiaj ŝtonoj estis elterigitaj tie ekde 1906, kiam la unuaj estis malkovritaj en tiu parko.

Tiu ne estis la unua fojo, ke li ŝerĉis diamantojn tie, kaj post horojn metante erojn en sia sako, li haltis ĉe “Diamond Discovery Center” por ekzameno de la ŝtonoj – “Unu el ili estis interesa kaj brila, tamen li estis opiniinta, ke temis pri vitraĵo” – kaj iom post li estis alvokita al oficejo, kie li ricevis la bonan novaĵon. “Sincere mi ekploris tiam, kaj tutŝokiĝis”. Kevin Kinard decidis nomi la diamanton kiel “Find the Kinard Friendship Diamond”.

Por perloj k diamantoj, karato estas unuo de pezmezuro (205 mg).

La Svisoj plejparte diras ne al limigo de libera movado kun EU

Tiu teksto baziĝas sur franca lingva artikolo.

Aktivuloj de la svisa UDC-partio kolektiĝas en restoracio, dimanĉe la 27-an de septembro 2020 en Rothrist, Svislando.

Laŭ ĵusa balotenketo, 63% el la balotantoj malakceptis la iniciaton lanĉitan de la Centra Demokrata Unio, popolisma dekstrula partio.

La Svisoj diris “ne”. Ili rifuzis per granda plimulto, dimanĉe, la 27an de septembro, iniciaton de la popolisma dekstro, kiu limigintus la enmigradon de ŝtatanoj de Eŭropa Unio, laŭ projekcioj publikigitaj nelonge post la fermo de balotejoj.

Laŭ la opinienketa instituto gfs-Bern, 63% el la balotantoj malakceptis la tiel nomatan “iniciaton pri limigo”, lanĉitan de la Demokratia Unio de la Centro (DUC), la plej granda partio en la lando, sed al kiu kontraŭis ĉiuj aliaj politikaj fortoj same kiel la ekonomia mondo. La popolisma dekstrula partio kampanjis por “kontrolita enmigrado”, argumentante ke Svislando “suferas de senbrida kaj neproporcia enmigrado” kaj ke “laborpostenoj estas minacataj”.

Ekonomiaj timoj

DUC tiel proponis ĉesigi la Interkonsenton pri libera movado de personoj subskribitan en 1999 kun Eŭropa Unio. Sed la aliaj partioj forte subtenis malfermajn landlimojn kun EU, kiu estas la plej grava komerca partnero de Svislando. Limregionoj multe dependas de laboro de najbaraj membrolandoj de EU.

La Svisoj ankaŭ voĉdonis favore al patreca ferio de 2 semajnoj. Ili tiel antaŭas siajn francajn najbarojn. Efektive, la franca registaro ĵus proponis plilongigi patrecan ferion de 14 ĝis 28 tagojn. Laŭ la Elizeo, la reformo devas ekvalidi “meze de 2021”.

Atentigo pri ‘cerbomanĝanta amebo’ en Usono

Ĉi-skribaĵo baziĝas sur portugallingva artikolo

Vendrede vespere (la 25-an) aŭtoritatoj de la usona subŝtato Teksaso rekomendis, ke parto de la tiea loĝantaro evitu uzon de kranakvo pro risko de infektiĝo je tiu amebo konata kiel “cerbomanĝanta”. Tia atentigo estas neordinara, ĉar tiu infektiĝo ofte venas ne pere de la akva reto, sed el lagoj kie homoj naĝis.

Laŭ la sanaŭtoritatoj la akvoprovizo riskis pro la amebo nome “Naegleria fowleri”, kiu estas mikrobo kaŭzanta la maloftan kaj mortigan malsanon nome “unuarangan ameban cerbomeningiton”. Tiu mikrobo ofte trafas la cerbon enirinte la nazon.

Flarista muso pri teraj minoj gajnis premion pri besta braveco

Ĉi-skribaĵo baziĝas sur portugallingva artikolo

Hieraŭ (vendrede, la 25-an) la brita bestokuraca organizaĵo nome PDSA honoris “Magawa”n (ĝi estas 5-jaraĝa grandega afrika muso) per ormedalo “pro ĝia savanta braveco kaj sindediĉo”, plibonigante la vivon de homoj en la azia lando Kamboĝo, per sia lerteco je flarado de ne eksplodigitaj teraj minoj kaj municioj. Miloj da tiaj eksplodaj armiloj estis surtere kaŝitaj en tiu lando inter 1975 kaj 1998, farante milojn da viktimoj.

Magawa loĝas en la kamboĝa urbo Siem Reap, ĝi estis trejnita de la belga karitata organizaĵo nome APOPO, kaj jam flare malkaŝis 39 terajn minojn kaj 28 erojn de municioj ne eksplodigitaj, iĝante la plej sukcesa “HeroRAT” (heroo-muso) de la organizaĵo, kiu nuntempe kunordigas 45 musojn por flari terajn minojn kaj 31 por flari tuberkulozon en Afriko kaj Azio, laŭ ĝia retejo.

Christophe Cox, de APOPO, klarigas, ke “malsame al metaltroviloj, musoj ignoras la fer-rubaĵon kaj flaras nur la eksplodaĵojn, iĝante efikaj kaj rapidaj ‘troviloj’ pri teraj minoj”.

Magnato de enboteligita akvo estas la nova plej riĉulo en Ĉinlando

Ĉi-skribaĵo baziĝas sur portugallingva artikolo

Li jam laboris kiel gazetisto kaj ĉe la konstruaĵa industrio, kaj en 1996 li decidis veti je la merkato pri enboteligita akvo, kiu tiam estis ekprosperanta en Ĉinlando. Nun la 66-jaraĝa viro Zhong Shanshan, kiu estas konata en la ĉinaj amaskomunikiloj ankaŭ kiel “la sol-vivanta lupo” (li malŝatas intervjuojn), estas la nova plej riĉa homo de la lando.

Laŭ la publikaĵo pri miliarduloj aperigita lastlunde (la 21-an), de la faka novaĵagenteio Bloomberg, tiu entreprenisto, kiu fondis la firmaon Nongfu Spring (tiel nomiĝias lia fama enboteligita akvo), kiel posedanto de la plej granda persona riĉaĵaro superis tiun de la priteĥnikaran magnaton nome Jack Ma (la fondinto de la firmao Alibaba).

Lia neta havaĵo plialtigis al 58,7 miliardoj da usonaj dolaroj (ĉirkaŭ 50 miliardoj da eŭroj) post tio, ke lia ĉefa firmao ekis en la borso de Honkongo komence de ĉi-tiu monato. Zhong Shanshan ankaŭ estas prezidanto de la apotekkompanio nome Beijing Wantai Biological Pharmacy Co. Ltd., komencinta en tiu borso lastaprile, kaj ĝi estas en la kurado por estigo de vakcio kontraŭ kovimo, disvolvante nazan ŝprucigilon kune kun du universitatoj.