La senseksemo kadre de seksema socio

Neniuseksemo, aŭ senseksemo, estas seksa orientiĝo kiu konsistas el tuta aŭ plejparta manko de ajna seksuma deziro. Por senseksemuloj, eĉ ĉe geedziĝo, vivi en socio, kiu iĝas pli kaj pli seksema, ofte estas tre malfacila sperto. Ili spertas sentojn kiel strangeco al nenormaleco, kulpo kaj “nevidebleco”.

La norvego Michael Doré, kiu sin difinas kiel senseksemulo, kaj membriĝas ĉe reto por subteno al neniuseksemuloj (angle “Asexual Visibility and Education Network”, mallongigo AVEN) , diris al BBC ke la sento pri “ne apartenado” oftas ĉe ili, kaj li konsilas al kiuj sin konsideras tiaj, tiuj prenu helpon ĉe komunumoj por kontraŭbatali la izolecon kaj solecon.

“Neniuseksemo estas nur seksa orientiĝo, kaj ĝi tute ne koncernas malsanecon. Tiaj homoj ĉiame ekzistis, sed antaŭe ili ne grupiĝis. Dum longa tempo tiu temo ne estis malferme pritraktita”, tion li asertis.

Doré krome komentis: “La homoj opinias, ke tiuj ne aliseksemuloj estas ĉu samseksemaj ĉu ambaŭseksemaj. Malgraŭ tio, ke en la lastaj jaroj la konsciiĝo pri neniuseksemo pliboniĝis, ties koncerna movado ankoraŭ novas, kaj longa vojo trairendos”.


Ĉi tiu teksto estas adaptaĵo fare de Paulo Cesar Pires el portugallingva artikolo.

La plej aĝa sektera testudo de la mondo estas samseksema

Jonathan estas 186-jaraĝa vira sektera testudo loĝanta en la insulo Sankta Heleno – dependa teritorio brita en suda Atlantiko – kaj ĉe sia specaro ĝi estas konsiderata la plej aĝa tutmonde. Tie de 26 jaroj ĝi serioze rilatas kun sia kunulino “Frederica”, sed antaŭnelonge scientistoj malkovris, ke vere Frederica estas ankaŭ virtestudo.

Ekde la aĝo 80 jaroj Jonathan ekŝanĝis sian konduton, iĝante malserena kaj agresema, kaj pro tio, sojle de la jaro 1991-a, ties prizorgantoj prezentis al ĝi Frederica. Ekde tiam ili restis kune kaj la kondutproblemoj de Jonathan pliboniĝis.

Pro longa amindumado sen idoj, malgraŭ tio, ke tiu bestoparo nepre pariĝadis mantendimanĉe, la loĝantoj de Sankta Heleno kurioziĝis pri la koncerna kialo, kiu estis fine malkovrita de la scientistoj, okaze de vizito al bestokuracisto fare de Frederica por kuraci vundon ĉe karapaco.

Rimarkinde estas, ke determini la sekson de testudulo estas malfacila tasko, ĉar ĝia peniso lokiĝas ene de la korpo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Alkoholo utilas je fremdlingva parolado

Nova esploro fare de la universitatoj Mastriĥto (Nederlando), Liverpolo kaj Kembriĝo (Unuiĝinta Reĝlando) kaj Frajburgo (Germanlando), garantias, ke trinki biereton, ekzemple, utilas je parolado de aliaj lingvoj.

Por tiu konkludo la esploristoj faris eksperimenton: trinkigo de grupo da 50 germanoj, kies membroj samnivele parolas la nederlandan lingvon. Duono de tiu grupo trinkis miksaĵon enhavanta 37,5% da alkoholo, dume la alia duono trinkis similan koktelon, sed enhavanta akvon anstataŭ alkoholon.

Post gluto de la trinkaĵo ĉiu partopreninto plenumis 2-minutan interparolon kun nederlandano, kiu taksis la parolkapablon de la trinkinto, koncerne al la nederlanda lingvo.

La rezulto estis klara: kiuj trinkis alkoholaĵon, tiuj ricevis notojn preskaŭ 10% pli altaj. “Nia studo montris, ke konsumo de alkoholo povas esti utila je prononcado de fremda lingvo antaŭnelonge lernita”, tion asertis Inge Kersbergen, kiu estas inter la aŭtoroj de la studo ĉe la Universitato de Liverpolo.

Tamen oni rimarku, ke la profito koncernas nur malgrandan kvanton da alkoholaĵo englutita. Je tiu provo la partoprenintoj trinkis nur 250 ml. Je plialta kvanto da alkoholaĵo trinkata la malo okazus: aĉa prononco, krom ebrieco.


Ĉi tiu teksto estas adaptaĵo fare de Paulo Cesar Pires el portugallingva artikolo.

CIA eksigis hundinon, kiu estis rifuzanta flari eksplodaĵojn

En Usono Lulu estas hundino, kiu estis trapasanta trejnadon, fare de CIA (Centra Informokapta Agentejo, angle: Central Intelligence Agency), por trovi eksplodaĵojn, sed ĝi ne plenumis tiun treinandon pro sia seninteresiĝo je la aktivaĵoj.

La trejnistoj dum multaj tagoj vane provis ĉion por lernigi Lulu, kiu estas labradora ĉashundo. “La ĉefa prizorgo de niaj trejnistoj koncernas fizikan kaj mensan sanstaton de niaj hundoj, tial ili decidis, ke por bono de Lulu, ties forigo el la programo estis bezonta”, tion diris CIA.

Je tiaj okazoj la hundo povas estis adoptita de interesatoj, kaj ĝuste iu trejnisto ĝia tion faris pri Lulu, kiu nun feliĉe ludas kune kun infanoj kaj alia hundo de sama raso ĉe korto de familia hejmo.

Tiujn informojn la usona agentejo afiŝis sur sia retejo ĉe Tvitero.


Ĉi tiu teksto estas adaptaĵo fare de Paulo Cesar Pires el portugallingva artikolo.

Japanlando malkovris grandegan kavernon en Luno

Scientistoj de la japana kosmagentejo malkovris en Luno egan kavernon, kiu povus en estonteco gastigi bazon por protektado de kosmovojaĝistoj kontraŭ radiado kaj subita temperaturoŝanĝo.

Informoj prenitaj el la luna kosmosondilo “Selene” konfirmis ekziston de kaverno 50 kilometroj longa kaj 100 metroj larĝa. Scientistoj kredas, ke ĝi originis pro vulkana aktivado okazinta tie antaŭ ĉirkaŭ 3,5 miliardoj da jaroj.

Tiu malkovro estis publikigita ĵaŭde (la 19-an de oktobro) en la scienca revuo “Geophysical Research Letters”.

Partnere kun la usona kosmagentejo NASA, Tokio planas konstrui en la jaro 2025-a kosmostacion ĉe la luna orbito, kaj trafi Marson per kosmoŝipanoj en 2030.


Ĉi tiu teksto estas adaptaĵo fare de Paulo Cesar Pires el portugallingva artikolo.

La estonta plej granda flughaveno estas konstruata

Pekino – la ĉina regurbo – prezentis ĉi-semajne bildojn pri konstruata flughaveno, kiu povos esti la plej granda tutmonde je ties malfermo, antaŭvidita por oktobro 2019. Tiu nova flughaveno buĝetita je 12,14 miliardoj da usonaj dolaroj lokiĝas sude de la pekina ĉirkaŭaĵo, en la urbo Daxing.

Tiu grandega flughaveno iĝos la plej granda “flugkompania nabo” – angle “airline hub” ( “aerlinia nabo”), en la lingvaĵo de aviado estas flughaveno, kiun unu aŭ pluraj flugkompanioj uzas kiel alven- kaj forirloko de aparte multaj aerflugoj. Ĝi enhavos sep aviadodromojn, kaj areo da 47 km2.

“Se oni vicigus la pordegojn, tiu vico estus 5-kilometra longa”, tion diris Zhu Wenxin, kiu estas la proparolanto de la projekto.

Komence oni antaŭvidas jaran servadon de 45 milionoj da pasaĝeroj, kaj la flughaveno estis projektita por entute 100 milionoj da uzantoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Kvazaŭ tridimensia, iu zebrostria pasejo estis farita ankaŭ en Islando

Pasintmonate en la ilslanda urbeto Ísafjörður estis pentrita surstrate zebrostria pasejo, kiu ŝajnas tridimensia kaj donas al stiristoj impreson, ke baro estas tie. Kompreneble la celo de tiu rimedo estas kontroli la rapidecon de trafiko en tiu loko.

Laŭ Gautur Ivar Halldorsson – kiu estas estro de la respondeca firmao, nome Vegamálun GIH – la efekto estiĝas nur ĉe aparta angulo kaj dum kelkaj sekundoj. “La stiristo kredas je tiu truko nur ĉe difinita distanco, sed alproximiĝante li ekscias pri la falsaĵo, sed prizorgante supozan trafon li certe ekbremsos milde”.

Similaĵoj tiaj antaŭe aperis en Barato, Ĉinlando kaj Kartvellando.

Jen filmeto pri la aĵo en Ísafjörður: ligilo


Ĉi tiu teksto estas adaptaĵo fare de Paulo Cesar Pires el portugallingva artikolo.

Halovena ornamaĵo instigis krizajn telefonalvokojn

La polico de iu usona distrikto petis al la homoj ĉesi uzadon de la kriztelefono por atentigi pri etendita viro senkapigita de garaĝopordo.

Fakte la sceno pri iu senbraka, senkapa kaj sangmakulita korpo kuŝanta sub pordo de garaĝo ŝajnas sufiĉe reala, sed ĝi estas nur ornamaĵo de Haloveno starigita ĉe domo de la strato Chuck Pike, en la urbo Greeny County, de la usona subŝtato Tenesio.

“Halloween” estas nomo por “Antaŭvespero de Ĉiuj Sanktuloj” (en la angla, “All Hallow’s Eve” iĝis Halloween), kaj ĝi estas festata la 31-an de oktobro.

Haloveno estas festotago por etaj junuloj, kiuj vestiĝas en kostumoj de monstroj, ekzemple, fantomoj, vampiroj, sorĉistinoj kaj la monstro de Frankenŝtejno, irante vespere al la domoj de najbaroj por frapi la pordon petante dolĉaĵojn.

Usonanoj kutime pretigas siajn domojn kun makabraj ornamaĵoj por Haloveno, kiu staras inter la plej festataj eventoj de la lando. Laŭ la nacia federaĵo pri podetala komerco, pasintjare oni elspezis tie rekordan sumon je 8,4 miliardoj da usonaj dolaroj, kadre de tiu festo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Aperas sistemo por internacia komercado sen bezono de dolaro kiel peranto

Vendrede la 13-an de oktobro, surreteje, la rusa internacia novaĵagenteio Sputnik publikis, ke Ĉina Popola Banko anoncis kreon de pagsistemo, kiu ebligas efektivigon de negocoj kaj per juano kaj per rusia rublo, kadre de la komercado inter Ĉinlando kaj Ruslando, ne postulante tiamaniere ajnan transformon aŭ referencon al la usona dolaro.

Per tiu platformo tiuj du landoj povas eviti reciprokajn pagojn per usonaj dolaroj.

Laŭ komunikaĵo de CFETS (angla mallongigo de la ĉina kurzkomerca sistemo) tiu nova sistemo reduktos la riskojn rilate al kurzoj de valutoj kaj plibonigos efikecon de la merkato pri fremda mono.

Samtempe estis anoncita intenco fari la samon al aliaj landoj kadre de la “nova silka vojo”, kiu estas projekto proponita por rekonstrui la historian ekonomian irejon, kiu ligis orientan kaj okcidentan civilizoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

 

Artaĵo estis barita de Luvro, kiu taksis ĝin kiel seksaĵo

Prizorgante komentojn kadre de interreto, la famega muzeo Luvro antaŭnelonge baris artaĵon, ĉar ĝia estraro taksis la aferon kiel klaresprima seksaĵo.

Temas pri la ero “Domestikator”, fare de la nederlanda “Atelier Van Lieshout”, kaj ĝi estus ekspoziciita ekde la veonta 19-an de oktobro en la ĝardeno Tuileries de la franca ĉefurbo Parizo, kadre de foiro pri nuntempa arto.

Laŭ la gazeto “Le Monde”, Luvro tiamaniere decidis konsiderante reagojn aperintajn en sociaj retejoj. “Retaj komentoj indikas, ke tiu artaĵo havas brutajn trajtojn; ĝi riskas je miskompreno de la ĝardenaj vizitantoj”, tion skribis la direktoro de Luvro, Jean-Luc Martinez, al la organizantoj de la foiro.

Intervjue al la gazeto “The New York Times” la fondinto de Atelier Van Lieshout, Joep van Lieshout, kritikis tiun decidon: “Muzeu devus esti malferma loko por komunikado. Klarigi artaĵojn estas tasko de muzeoj kaj gazetaro. Tiu ero ne estas sufiĉe klaresprima je sekseca vidpunkto. Ĝi estas naiva abstraktaĵo, ne enhavanta seksorganojn”.


Ĉi tiu teksto estas adaptaĵo fare de Paulo Cesar Pires el portugallingva artikolo.