Brazilano estas la unua fremdulo, kiu per testo en la kimra lingvo akiris la civitanecon en Unuiĝinta Reĝlando

Ĉi-skribaĵo baziĝas sur portugallingva artikolo

Rodolfo Piskorski estas brazilano, profesoro pri la lingvoj angla kaj portugala ĉe la Cardiff-Universitato, en la regurbo de Kimrio, kiu estas unu el la kvar partoj de Unuiĝinta Reĝlando. Tie li loĝas ekde 2013 – tiam li estis veninta tien por akiri doktoriĝan gradon en literatura kritiko. Antaŭnelonge li decidis akiri la regnaniĝon, tamen postulante nekutimaĵon: tiun, ke la koncerna testo estu en la kimra lingvo.

Tiu iniciato surprizis la tieajn aŭtoritatojn, kaj tiu estis la unua fojo, kiu fremdulo faris la teston por civitaneco en la denaska lingvo de Kimrio – malsame al la aliaj keltaj lingvoj, ĝi ne survojas al malapero, danke al jardekoj da instigoj favore al ĝi. “Mi decisis trapasi la civitanecan teston per la kimra lingvo por iamaniere vere defii mim. Mi volis iĝi brita civitano iomete malsama “.

Krome Rodolfo superis alian defion: akiri 1,4 milojn da britaj pundoj por la oficiala legitimilo. Per filmeto en la kirma lingvo, kaj klariga teksto en la angla afiŝitaj sur la sociretejo Tvitero, li allogis la homojn tiurilate kaj sukcesis je £ 1.600 per interreta amasfinancado. Eĉ deputitino de la kirma parlamento donacis al li.

Sud-Korelando: rizejoj iĝas artaĵoj

Ĉi-skribaĵo baziĝas sur portugallingva artikolo

Porksime de la urbo Sunĉon, 320 kilometroj sude de Seulo, la sudkorea regurbo, terkultivistoj, komercistoj kaj lernantoj efektivigis projekton, kiu igis rizejojn en artaĵoj rimarkeblaj el la ĉielo.

La supra foto koncernas unu el tiaj grandegaj artaĵoj: ĝi spegulas grandan birdon fluganta sur la esprimo “Kuraĝon, Korelando”, alude al la kontraŭbatalado de la malsano kovimo. En alia rizejo estis desegnita kokcinelo, por atentigi pri daŭripova terkultivado, ĉar la uzado de ĥemiaĵoj ege malutilis la insektaron en tiu regiono.

Por produkti tiajn artaĵojn estis semitaj malsamaj specoj de rizo, kaj por protekti ilin el la birdoj, kiuj manĝas la semojn, oni starigis multajn birdotimigilojn, kiuj estis aranĝitaj surhavantaj tian tradician korean kostumon nome ‘hanbok’.

Miloj da forlasitaj kokidoj mortis ĉe la madrida flughaveno

Ĉi-skribaĵo baziĝas sur portugallingva artikolo

Laŭ komunikaĵo publikigita de la hispana polico lastmerkrede (la 8-an), ĉirkaŭ 23 miloj da kokidoj mortis ĉe la flughaveno Barajas en Madrido, la hispana regurbo. Ili estis aĝantaj je nur kelkaj tagoj, kaj restis tie dum tri tagoj, sen akvo nek manĝaĵo, ene de kartonaj skatoloj.

Entute oni trovis tie 26 milojn da kokidoj, kaj la malbonodoro el la malkomponiĝado de la mortintoj malplibonigis ankoraŭ pli la vivicondiĉojn de la postvivantoj, kiuj estis savitaj de du bestoprotektaj organizaĵoj alvokitaj de la polico. Cirkaŭ 3.200 estis disdonitaj laŭ grupetoj al novaj hejmoj.

Laŭ la firmao administranta la flughavenon, la firmao transportinta kaj lasinta la birdetojn tien ne agnoskas sian respondecon en tiu okazintaĵo. Tiurilate la polica enketado daŭras.

Jen verŝkanalo kun formo de sonorilo

Ĉi-skribaĵo baziĝas sur portugallingva artikolo

En Anglolando la akvobaraĵo de Derbyshire, samkiel la plejparto de tiuaj artefaritaj baraĵoj, uzas verŝkanalojn por drenadi la troan akvon, evitante la akvan superfluon, kiu malutilus la strukturon kaj ĉirkaŭaĵon. Sed interese estas ĝiaj du verŝokanaloj, kiuj estas sonorilforma, kun diametro preskaŭ po 25-metra. Malgraŭ tio, ke ili restas preskaŭ ĉiam super la akvonivelo, dum pluvegoj kaj superakviĝo ili kontrolas la nivelon de la digiita rivero.

Tamen la akvobaraĵo de Derbyshire – ĝi lokiĝas ĉe la Nacia Parko de Peak – estas konata pro io ĝenerale ne videbla: la ruinoj de la vilaĝo Derwent, kiu estis subakvigita en la jardeko 1940, kiam komencis tiu akvorezervejo. Dum sufiĉe longa senpluva tempodaŭro, kiel tiu lasta en 2018, la akvonivela malaltiĝo ebligas la ekspozicion de tiuj ruinoj.

Francolando malpermesos al kuracistoj provizi virgecajn atestilojn

Ĉi-skribaĵo baziĝas sur portugallingva artikolo

La franca registaro planas sendi al la parlamento venontdecembre leĝproponon, kiu enkondukos monpunon kaj malliberigon al kuracistoj, kiuj provizu la tiel nomataj “atestilonj pri virgeco”. La afero kadriĝas je projekto por fortigi la jarcentajn francovalorojn, kaj kontraŭbatali tion, kion la prezidanto Emmanuel Macron nomas “islaman disigon”.

Laŭ TV France 3 ĉirkaŭ 30% de la francaj kuracistoj asertas ricevi mendojn pri tiaj atestiloj, kaj la plimulto rifuzas. En Francolando ĝenerale tiaj atestitoj estas petataj de junulinoj de Magrebo (regiono de la tri nordafrikaj landoj Tunizio, Alĝerio kaj Maroko, parte ankoraŭ Libio kaj Maŭritanio, kiuj havas komunajn historiajn radikojn).

Islamaj virinoj povas sperti familian kaj komunuman forpelon, kaj eĉ morton, se ili seksumu antaŭ la geedziĝo. Sociaj organizaĵoj apogas tiun proponon, tamen ili avertas, ke ĝi ne sufiĉas por ĉesigi la aferon – edukado nepras tiurilate. La ministro-delegito pri civitaneco Marlène Schiappa asertis, ke krom al kuracistoj, la leĝpropono inkluzivos punojn ankaŭ por tiuj, kiuj postulu virgecajn testojn, kiel fianĉoj kaj gepatroj.

Jen nova rekordo pri plej longaj virinaj kruroj

Ĉi-skribaĵo baziĝas sur portugallingva artikolo

Ŝi nomiĝas Maci Currin, estas 17-jaraĝa kaj 2,08 metroj alta, loĝas en la usona subŝtato Teksaso, kaj laŭ la nova eldono (2021) de Guinness-libro de rekordoj ŝi posedas la plej longajn virinajn krurojn tutmonde.

Maci havas la dekstran kruron mezurante ĉirkaŭ 1,34m kaj la maldekstran 1,35m – tio estas 65% el ŝia alto. Tamen ŝi ne estas la plej alta virino de la mondo, sed la ĉinino Sun Fang (mi trovis variajn informojn pri ŝia alteco: 2,13m, 2,21m kaj 2,29m).

La junulino popularas ĉe la sociretejo TikTok, kie ŝi instigas, ke homoj kun specialaj korpaj trajtoj fiere sintenu. Ŝi planas diplomiĝi en Unuiĝinta Reĝlando kaj poste iĝi profesia modelo.

Kvar senhejmuloj gajnis 50 milojn da eŭroj per loteribileto ricevita kiel almozo

Ĉi-skribaĵo baziĝas sur portugallingva artikolo

Hieraŭ (marde, la 6-an) la loterifirmao Française des Jeux (FDJ) informis, ke kvar senhejmuloj almozintaj proksime al trinkejo en la franca urbo Brest gajnis 50 milojn da eŭroj per loteribileto, kiu tiea kliento donacis al ili.

“Ili estis almozintaj je la noktomezo proksime al trinkejo en Brest kaj kliento elirinta el tiu loko donacis al ili la bileton, kiu estis ĵus aĉetinta de li kontraŭ unu eŭro”, tion klarigis la firmaon per komunikaĵo.

Je la unua momento ili pensis, ke la premio koncernis nur 5 eŭrojn. Emociiĝintaj ili asertis al la firmao, ke ankoraŭ ne scias kiamaniere ili uzos la monon, kaj komence ili planas eliri la urbon. Ili estas ĉirkaŭ po 30-jaraĝa, kaj dividis la monon: po 12.500 eŭroj.

‘Instruisto pri ploro’ lernigas japanojn emociiĝi ĝis larmoj

Ĉi-skribaĵo baziĝas sur portugallingva artikolo

Hidefumi Yoshida estas ‘instruisto pri ploro’.
Kadre de lia seminario nomata ‘rui-katsu’ (‘serĉante larmojn’), Yoshida uzas malĝojajn filmojn, leterojn kaj naturpejzaĝojn por helpi homojn en Japanlando esprimi siajn emociojn pere de la ploro.

Per lia laboro la instruisto provizas emocian apogon kaj sekuran spacon por tiuj homoj, kiuj ne facile konektiĝas kaj esprimas siajn sentojn, multfoje pro kulturaj tabuoj. “Multaj japanoj spertas negativan vidon pri la ploro. Unu el miaj celoj estas liberigi la homojn el tiu kredo, ke ili ne ploru”, tion li klarigas. Partoprenintoj de rui-katsu priskribas la sperton kiel “revigligante”, post sukceso je ploro kaj eksterigo de emocioj, kaj por iuj ĝi estis eĉ spirita sperto.

Franca firmao prezentis la ‘armilon’ Chimera, kontraŭ flugrobotoj

Ĉi-skribaĵo baziĝas sur portugallingva artikolo

La popularigo de la uzado de flugrobotoj plaĉas al ties fabrikantoj, sed ne tiom al la aŭtoritatoj, kiuj ekzorgas pri la kontraŭleĝaj agadoj, kiuj povas iĝi pli variaj helpataj de tiaj malgrandaj maŝinoj, ankaŭ konataj kiel spavo (senpilota aviadilo). Tial, kune kun la kreskado de tiu industrio ankaŭ kreskas la merkaton de “armiloj kontraŭ flugrobotoj”, kiuj estas aparatoj kapablantaj de malproksime alterigi spavojn.

Jam estas provoj por de malproksime faligi spavojn, tamen ili ne sufiĉe taŭgas ĉar koncernas riskon je gravaj akcidentoj al tiuj, kiuj troviĝas sub la faligintaj maŝinoj. Tiurilate aperis nun nova propono fare de la franca firmao Cerbair: ilaro por munti la ‘armilon’ nome ‘Chimera’. Ĝi enhavas dorsosakon, antenon kaj la ĉefa akcesoraĵo, kiu oni klindirektas kaj per ĝi oni pafas ondojn kontraŭ la flugroboto.

Chimera agas skanante la aerspacon serĉante tiujn frekvencojn ofte uzatajn de la flugrobotoj por komunikado kun siaj teleregantoj. Troviĝinte la celon, la ‘pafisto’ ĵetas elektromagnetan radiadon kontraŭ la flugroboto, devigante ĝin tuje alteriĝi, sed ne per libera falo.

La firmao Amazon testos en Usono pagsistemon, kiu uzas manplaton

Ĉi-skribaĵo baziĝas sur portugallingva artikolo

En Seatlo (Usono) ĉe du vendejoj de Amazon, la grandega usona firmao pri podetala komerco, ekfunkciiĝos la pagsistemo nome ‘Amazon One’, kiu kapablas identigi la aĉetanton per ties manplato.

Tiu sistemo ebligas, ke la kliento pagu sian aĉeton sen ajna kontakto. Por aliĝi al tiu pagmaniero oni registru kaj kreditkarton, kaj la manpropraĵojn de unu aŭ du manoj, per biometrio.

Laŭ la firmao tiu metodo koncernas “pli da privatecon”, ĉar ĝi ne kaptas la identecon de la uzanto. “Oni ne povas determini la identigon de iu homo nur rigardante la bildon de ties manplato”, tion klarigis Dilip Kumar, kiu estas vicprezidanto de fizikaj negocoj de Amazon. Krome, oni povas forigi tiun biometriaĵon ĉe la retejo de la sistemo Amazon One.