La renkontiĝo de la plej alta viro kun la plej malalta virino

Lunde la 29-an de januaro la piramidoj de Egiptolando estis scenejo por nekutima renkontiĝo: tiu de Sultan Kosen – la plej alta viro de la mondo – kun Jyoti Amge – la plej malalta virino tutmonde, laŭ Guinness-libro de rekordoj.

Kosen naskiĝis en Turklando, estas 34-jaraĝa kaj 2,465 metroj alta. Jyoti estas hindino, 25-jaraĝa kaj 62,8 centimetroj alta.

La iniciaton aranĝi tion faris la departamento kiu prizorgas la turismon en tiu lando, kadre de agoj por plialtigi la vizitojn al tiu regiono.

turco e indiana


Ĉi tiu teksto estas adaptaĵo fare de Paulo Cesar Pires el portugallingva artikolo.

La ĉi-jara ŝipvojaĝo “Ĉirkaŭ la Mondo” ekis en Venecio

Laŭ la itala novaĵagentejo ANSA, ĉi lastsemajnfine je la 6-a de januaro komenciĝis ekde Venecio (Itallando) la “Ŝipvojaĝo Ĉirkaŭ la Mondo 2018”, kiu spertos 106 tagojn da ŝipveturado tra tri oceanoj kun vizitoj al 41 lokoj.

Enŝipiĝis en la krozoŝipon “Costa Luminosa” (Luma Marbordo), de la ŝipvojaĝa firmao “Costa Crociere”, ĉirkaŭ du mil diversnaciaj homoj – la plimulto francoj (500), germanoj kaj italoj (po 300).

Estas vojaĝplanoj da 32 ĝis 106 noktoj, kontraŭ prezo je 5 mil ĝis 12 mil eŭroj (ĉiu persono), kiu inkluzivas nutradon, trinkaĵojn kaj ĝis 15 ekskursojn. La vojaĝo finiĝos je la 22-a de aprilo.

Por la jaro 2019-a la firmao Crociere jam ekaranĝas la “ŝipvojaĝon ĉirkaŭ la mondo”, kies aliĝo jam eblas sur ĝia retejo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Preskaŭ duonkilometra, vitra ponto estis malfermita en Ĉinlando

La ŝtata ĉina televidkanalo CCTV informis pri la ekfunkciigo – la 24-an de decembro en la provinco Hebejo – de la tutmonda plej granda vitroponto, kiu estas 488 metroj longa kaj 218 metroj alta.

La ponto estis konstruita de la firmao “Bailu Group”, kaj en la malferma ceremonio ĉeestis ĉirkaŭ 3 mil turistoj, kiuj tiam povis sperti kvazaŭ kapturnan sentumon je piedirado sur travidebla planko inter du krutegaĵoj en la Parko Hongya.

La planko de la ponto konsistas el 1.077 vitraj tabuloj kun dikeco da nur kvar centimetroj, kiuj pendiĝas per stukturo fortigita per 12 ŝtalŝnuroj, kun rezista kapablo al tertremoj 6-Riĥtergradaj kaj uraganoj 12-gradaj laŭ la skalo Beaufort.

“Nia ponto estis projektita por elteni pli ol 3 mil homojn, sed por garantio de la sekureco de ĉiuj ni permesos nur 600 turistojn foje”, tion diris Yang Shaobo, kiu estas direktisto de la respondeca firmao.


Ĉi tiu teksto estas adaptaĵo fare de Paulo Cesar Pires el portugallingva artikolo.

Turistoj vestitaj per la fama bankalsono de Borato estis arestitaj

Ses amikoj ludis ŝercaĵon, kies fina rezulto ne estis tiel amuziga al ili. Turismante ĉe Kazaĥlando, tiu grupo estis arestita tie surhavante bankalsonojn de Borato, kiu estas personaĵo kreita de la brita Sacha Baron Cohen kadre de la usona filma komedio de la jaro 2006-a nome “Borato: Rigardado en usona kulturo laŭ mende por gloro al kazaĥa nacio”.

Laŭ la usona novaĵagentejo “Associated Press”, kiam la amikoj estis pozantaj ĉe la artaĵo “I Love Astana” (Mi amas Astanon), tiam tiaj verdaj vestaĵoj atentigis la lokan policon. Astano estas la regurbo de Kazaĥlando. Kontraŭ Ili estis aljuĝita monpunon je po 68 usonaj dolaroj.

Jen vikipedia artikolo pri la filmo Borato: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

Argentina flughaveno fakiĝos pri brazilaj turistoj

En la ĉirkaŭaĵo de la argentina regurbo situas la internacia flughaveno Ezeiza, kiu jare ricevas dek milionojn da pasaĝeroj, kaj inter ili estas unu miliono el Brazilo. Tiu najbara lando de Argentino situas en la unua pozicio pri uzantoj de la flughaveno, antaŭ Usono (700 mil) kaj Ĉilio (400 mil). Entute la brazilanoj konsistas el 17% de la turistoj kiuj vizitas la hispanparolantan landon.

Kadre de la evento Sud-Amerika Internacia Turisma Foiro, okazinta fine de oktobro en Buenos-Ajreso, la respondeca firmao pri la flughaveno Ezeiza anoncis, ke ĝi iĝos “brazilian-friendly” (brazilema).

Tiamaniere ĉie en tiu flughaveno estos kromaj afiŝtabuloj en la portugala lingvo parolata en Brazilo, krom voĉkomunikaĵoj fare de la sonsistemo, ankaŭ portugallingve, por informi la brazilajn turistojn.

Krome, la tieaj restoracioj ofertos ankaŭ tute brazilajn manĝaĵojn, ekzemple la fromaĝopano. Ankaŭ la aĉetado tie estos pli facile, ĉar la vendejoj akceptos ankaŭ la realon, kiu estas la brazila mono.


Ĉi tiu teksto estas adaptaĵo fare de Paulo Cesar Pires el portugallingva artikolo.

600-jaraĝa vilaĝeto batalas kontraŭ malapero

La svisa vilaĝeto “Corippo”, kiu ekzistas de pli ol 600 jaroj, estas nuntempe loĝata nur de la urbestro Claudio Scettrini, kaj 15 emerituloj. Ĝi planas allogi turistojn por tranoktado en domoj, kiuj de ses jardekoj ne estas loĝataj, tiel ebligante kundividon de la tiea vivmaniero, kiu ŝajne samas al tiu de la 19-a jarcento.

Corippo estas komunumo de la Komunumaro Verzasca kaj la Distrikto Locarno en Kantono Tiĉino, Svislando. En la 19-a jarcento ĝi enhavis 300 loĝantojn, sed pli kaj pli junuloj de la novaj generacioj forlasis la lokon pro bezono akiri instruadon kaj laborpostenon ĉe pli grandaj urboj.

Tamen, la direktoro pri turismo de Tiĉino, Elia Frapolli, rigardas (eble kun troigo) tiun situacion kiel oportuno. Tiel, kun subteno de iu fondaĵo dediĉata al prezervado de Corippo, oni transformos kelkajn malplenajn domojn al hotelĉambroj, kadre de la koncepto “difuzita hotelo”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Bolonjo gajnas fakan parkon, pri manĝaĵo

Venontnovembre Bolonjo, la itala ĉefurfo pri gastronomio, gajnos iun nekutinan allogaĵon: parkon dediĉata al la itala manĝaĵo. Nomata “Eataly World”, tiu parko enhavos pli ol 40 restoraciojn, kaj ĝi disponigos al siaj vizitantoj nekredeblajn spertojn surbaze de nutraĵoj, agrikulturo kaj manlaboraĵo.

Tie ankaŭ eblos partopreni metiejojn pri multe variaj aferoj, kaj aĉetumi ĉe pli ol 100 vendejoj.

Ofte en la parkoj oni pagas prezon de bileto por eniro kun rajto al ĝuado de ĉiuj allogaĵoj. En “Eataly World” malsame estos – la vizitanto pagos individue siajn elektaĵojn, kaj la eniro estos senpaga.

La parko estis konstruita sur areo da 100 mil kvadrataj metroj, kaj malfermos la pordegojn je la 15-a de novembro.


Ĉi tiu teksto estas adaptaĵo fare de Paulo Cesar Pires el portugallingva artikolo.

Estigis polemikon aljuĝo de nonpuno al virino kiu urinis publike

Okazintaĵo pri nederlanda virino, kiu akiris monpunon da 90 eŭroj pro urini en paŝvojo urbocentre de Amsterdamo (Nederlando) kaŭzis debaton pri seksismo en tiu lando.

En la ĉefurbo de Nederlando, kun iom pli da 800 mil loĝantoj, ekzistas 35 pisejoj, kontraŭ tri necesujoj por virinoj.

La 23-jaraĝa virino Geerte Piening en la jaro 2015-a, post nokta drinkado ĉe la malkvieta placo Leidseplein, estis trovita de tri policanoj urinante en la urbocentro. Ŝi decidis tion fari ĉar la publika necesujo estis fora je kilometroj, la komerco jam estis fermita, la strato estis kvieta kaj tiam amikoj atentaj estis helpante ŝin. Sed policistoj aperis …

Piening insistis, ke ŝi uzis la paŝvojon kiel la lasta rimedo, kaj reliefigis la pli favorajn kondiĉojn de aliaj eŭropaj ĉefurboj tiurilate. La vira juĝisto diris al ŝi, ke anstataŭ urini publike, ŝi devus esti uzinta la urinejon por viroj.

En sociaj retejoj kelkaj virinoj reagis al tiu konsilo de la juĝisto, kaj fejsbukgrupo estiĝis por instigi la virinojn partopreni proteston venontvendrede (la 22-an de septembro), por provi la sugeston pri uzo de la viraj urinejoj. Pli ol 5.000 homoj jam esprimis emon partopreni la aferon.


Ĉi tiu teksto estas adaptaĵo fare de Paulo Cesar Pires el portugallingva artikolo.

Milano lanĉis projekton por instigi bicikladon

Por festi la eventojn “semajno de la modo 2017” kaj “semajno de la urba moviĝemo”, Milano ofertos, inter la tagoj 20-a kaj 25-a de septembro, du favorajn elekteblecojn por tiu kiu luos biciklon celante rondiri la urbon.

Tiurilare antaŭnelonge la itala urbo Milano subskribis akordon kun MOBIKE, kiu estas programeto por lerta poŝtelefono, por helpi je luado de bicikloj.

Kutime oni pagas tie 50 cendojn da eŭro po 30 minutoj da bicikloluado, sed ĉi-monate en la tagoj 20 ĝis 25 tiu prezo malaltiĝos al 15 cendoj. Krome, en tiu sama periodo, homoj kiuj rilatiĝas al moda sektoro, tiuj rajtos senpagan luadon de bicikloj.

La dua avantaĝo rilatas al festado de la tago de urba moviĝemo, la 22-an de septembro. En tiu tago iu ajn homo rajtos senpage lui biciklon. Por partopreni sufiĉas instali en lerta poŝtelefono la programeton MOBIKE, kaj trovi biciklon en la ĉirkaŭaĵo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Henao-tatuaĵo kaŭzis permanentajn cikatrojn en knabino

Post restado kune kun sia familio en 4-stela egipta hotelo, kie ŝi faris tatuaĵon el nigra henao, la 7-jaraĝa brita knabino Madison Gulliver spertis viglan kemian brulvundon kaj akiris cikatrojn sur sia brako. Kadre de familiaj feritagoj en la turisma urbo Hurghada, borde de la Ruĝa Maro, la patro, Martin, permesis al ŝi nedefinitivan tatuaĵon ofertata interne de la hotelo.

Reveninte hejmen en Unuiĝinta Reĝlando, post kelkaj tagoj la knabino eksentis jukadon surbrake, kaj haŭtvezikoj ekokupis la lokon de la tatuaĵo. La gepatroj enhospitaligis ŝin, kie la haŭtvezikoj estis fortranĉitaj, kaj flegado de la cikatroj komenciĝis.

Laŭ la kuracistoj de “Hospital Salisbury District”, ŝi bezonos minimume 6-monatan uzadon de prembandaĝo, cele al mildigo de la cikatroj.

Heike Moursy, la estro pri publikaj rilatoj de la hotelo, retpoŝte sendis pardonpeton al la familio, krom informi la decidon ne plu oferti tatuadon per henao al la klientoj.


Ĉi tiu teksto estas adaptaĵo fare de Paulo Cesar Pires el portugallingva artikolo.