Provo: elektra aŭtomobilo kies reŝargsistemo inkluzivas sunenergion

Iu ekfirmao kun sidejo en Munkeno profitis la viglan bavaran sunlumon, kadre de la eŭropa somero, por testi la finan disvolvon de la reŝargsistemo por ĝia aŭtomobilo “Sion”, kiu estas sunenergia veturilo tute elektra kun ebleco reŝargi la pilojn dum veturado.

Fondinta en 2016, “Sono Motors” disvolvas tiun aŭton “Sion”, kiu estas tute elektra, enhavanta 330 sunĉelojn konektitaj sur la kapoto, supraĵo kaj ĉe la flankoj. Oni povas reŝargi ĝin trimaniere: ĉu per konvencia kontaktingo, ĉu per alia elektra aŭto, ĉu per sunenergio.

La koncerna produktado komencos je la dua jarduono 2019 per unu el ĝiaj germanaj fabrikoj, kaj la firmao havas 5 mil mendojn, kies vendoprezo estas planata je 16 mil eŭroj.


Ĉi tiu teksto estas adaptaĵo fare de Paulo Cesar Pires el portugallingva artikolo.

“Virtuala ŝoforo” de Waymo jam ŝoforis tra pli ol 12 milionoj da kilometroj

Waymo (antaŭe “Projekto pri senŝofora aŭto de Guglo”) estas firmao pri disvolvado de teĥnikaro por sanŝofora aŭto, apartenanta al la grupo Alphabet de Guglo, kaj laŭ ĝia prezidanto, John Krafcik, la sistemo jam spertis veturadojn je pli ol 8 milionoj da mejloj surstrate en la urboj ekde ties komenco en 2009.

Rimarkinde estas, ke la “lernado” de la senŝoforaj aŭtoj akceliĝis antaŭnelonge: ĝis la 11-a monato 2017 estis traveturita entute 4 milionoj da mejloj, kiuj duobliĝis post nur 8 monatoj.

“Ni pretigas la plej spertan ŝoforon tutmonde”, tion diris Krafcik.

Nune la senŝoforaj aŭtoj de Waymo trairas ĉiutage ĉirkaŭ 40 mil kilometrojn – la plimulto de la testoj okazas en Usono, per aŭtomobiloj modelo Chrysler Pacifica, kun ordinaraj homoj interne de ili. Ankaŭ ekfunkcias plia modelo, nome Jaguar I-Pace, kun la sistemo de la firmao.

Ĉiuj informoj kolektitaj nutradas ununuran sistemon pri homfarita inteligenteco, kiu regas ĉiujn senŝoforajn aŭtojn de Waymo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Nova grandega aviadilo faris unuan provflugon

La nova “Beluga XL”, kiu estas balenaspekta ŝargaviadilo de la aviadila fabrikanta kompanio “Airbus”, faris sian unuan provflugon lastĵaŭde (la 19-an) en la regiono de Tuluzo, suda Franclando.

Tiu “Airbus A330-743 Beluga XL” utilos je transportado de la pecaro uzata por fabrikado de plimulto de la modeloj Airbus-aviladiloj, el la lokoj de produktado – Hispanlando, Germanlando, Unuiĝinta Reĝlando – ĝis la fabrikejo de Tuluzo, kie la muntado efektiviĝas.

La simileco de “Beluga XL” kun la samnoma blanka baleno (belugo) iĝis pli okulfrapa pro tiuj okuloj kaj granda rideto desegnitaj sur la antaŭa parto de la aviadilo – ornamaĵo kiu estis decidita per voĉdonado de la laboristoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Ŝatantoj festis la 50-jariĝon de la aŭtomobilo “Chevrolet Opala”

En Brazilo tiu ne plu produktata aŭtomobilo “Chevrolet Opala” estas inter tiaj klasikaj modeloj plej festataj, kaj ĉi-jare ĝi 50-jariĝas. La koncerna datreveno pri ĝia surmerkatigo okazos nur en la 11-a monato, sed la “festo” okazis vespere lasmarde (la 17-an) ĉe Anhembi-Sambodromo, en San-Paŭlo, kun partopreno da ses mil homoj, laŭ la organizintoj.

Krom miloj da “invititoj”, la “amfitrionoj” (Opaloj) ĉeestis amase – ĉirkaŭ 700 ekzempleroj de tiu aŭtomobilo, de diversaj jaroj, motorecoj kaj karoserioj.

Tiu evento estis demokatia, ĉar tie oni rimarkis ekzemplerojn ĉu iomete aĉa, ĉu perfekta, kaj eĉ unu tian antikvan veturilon de la milita polico de la subŝtato San-Paŭlo.

Jen portugallingva fotoraporto: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

La ondo de elektraj paŝruliloj allogis milionan monsumon de Guglo kaj Ubero

Oni spertas momenton pri aperado de motorbicikloj kun elektraj versioj kaj maldikegaj formoj, iĝante opciojn de veturiloj pli malmultekostaj kaj pli lertaj ĉe la trafiko. Krome ili nun estas medifavoraj kaj konektitaj per interreto kaj porteblaj aparatoj. Tiamaniere multoj riskas aserti, ke tiaj “inteligentaj elektraj paŝruliloj” ege taŭgas al plibonigo de urba moviĝemo. La firmaoj Guglo kaj Ubero konfirmas tiun tendencon, per moninvesto en la usona firmao de koncerna sektoro, nome Leme.

Laŭ komunikaĵo de la firmao Leme, la alvoko de investantoj enspezis 335 milionojn da usonaj dolaroj, kun ĉefeco de “Google Ventures”, pere de “Alphabet”, kaj la firmao “Uber” ankaŭ investis “konsiderindan monsumon”.

Tiu financado okazis reage al la vigla kreskado de ĝia ĉefkonkuranto, la ekfirmao “Bird” – nuntempe valoranta USD 2 miliardojn – kaj per tiu nova financa instigo la firmao “Leme” ankaŭ ekvakoras simile.

Nuntempe la firmao agadas ĉe 70 urboj en Usono kaj Eŭropo – luado de elektraj motorcikletoj kaj bicikloj, ĉu elektraj ĉu ordinaraj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Akiri numerplaton por aŭtomobilo en Pekino koncernas nur loterion …

Laŭ la ĉina regularo kiu volas aĉeti aŭtomobilon, tiu unue nepre posedu numerplaton, kaj ekde 2011, celante kontrolado de la trafiko kaj la serioza poluo, la urbaj aŭtoritatoj de Pekino (la regurbo de Ĉinlando) estigis loterian sistemon por disdoni la haveblajn numerplatojn, per dumonata lotado.

Neniam estis facile akiri numerplaton en tiu urbo, sed ĉi-jare la afero estas aparte pli malfacila, ĉar unuflanke la kvanto ofertita, kiu estis 90 mil, malaltigis al malpli ol 40 mil, kaj aliflanke la urbodomo anoncis, ke ekde la venonta jaro estos limigita la eniro de preskaŭ 700 mil veturiloj el aliaj provincoj ĉiutage veturantaj en la regurbo.

La lasta lotado, okazinta la 6-an monaton 2018, havis entute 2,8 milionojn da aliĝintoj, kiuj konkuris pri 6.333 numerplatoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

La plej granda kolektaĵo pri Ford-aŭtomobiloj estis konkure vendita kontraŭ 6,1 milionoj da eŭroj

Aparteninta al Muzeo Den Hartogh, en Nederlando , iu kolektaĵo kun 220 aŭtomobiloj Ford estis konkure vendita de la firmao pri konkurvendado Bonhams, lastsabate (la 23-an) kontraŭ 6,1 milionoj da eŭroj.

Inter tiuj aĉetitaj aŭtoj elstaras du modeloj el la jaro 1900 – ili estis venditaj kontraŭ po 1,5 milionoj da eŭroj. Tiu “Ford Model B Tonneau”, de 1905 enspezis 419,7 mil eŭrojn kaj tiu “Model K” de 1906, 345 mil eŭtojn.

Tiu aro de la muzeo en 2012 enlistiĝis sur Guinness-libro de rekordoj kiel tia la plej granda kolektaĵo de Ford-aŭtomobiloj. Ili staras sur tri pavilonoj, kaj estis arigitaj de Piet den Hartog laŭlonge de 50 jaroj.

Ses jaroj post la morto de Piet den Hartog, tiu muzeo fermiĝis, en la jaro 2016.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3Hy

Robotoj liveras manĝaĵojn en Silicia Valo

La universitata tereno de Kalifornio-Universitato gajnis novajn veturantojn, nome “KiwiBots “, kiuj estas radaj robotoj kun grando simila al tiu de bierskatolo, ili ne bezonas stiristojn kaj okupiĝas tutage liverante manĝaĵojn el restoracio de la ĉirkaŭaĵo.

Uzantoj de tiu sistemo per komputprogrameto mendas la manĝon kaj duonhore post ili ricevas ĝin alportata de tiaj veturiletoj, kiuj memstare veturadas uzante aron da filmiloj, kaj komputprogramojn kun altkvalitaj mapoj.

Entute 50 tiaj robotoj deĵoras en tiu regiono, kaj post la liverado ili revenas al oficejo de la ekfirmao “Kiwi Campus”, situanta je malpli ol kilometro de la universitato. Tiu sistemo malaltigis la prezon de livero al po USD 3,80 – ordinare ĝi varias de USD 8 ĝis USD 15 – kaj la celo estas eĉ pli malalta prezo – USD 1 kaj eĉ senpage por apartaj okazoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3Fd

Flyer – la”fluganta aŭto” subtenata de Larry Page

Tiu ĉi semajne komencis, por la “fluganta aŭto Flyer” – testoj malfermataj al invitatuloj kiel ĵurnalistoj kaj famuloj el sociaj retejoj. Temas pri nova elektra fluganta veturilo por ununura homo, kaj por ties pilotado eĉ ne estus postulata permisilon.

Flyer estis disvolvigita de la firmao “Kity Hawk” – kun sidejo en Kalifornio, Usono, kaj subtenata de Lary Page, la kunfondinto de Guglo. Ĝi aspektas kiel granda flugroboto, kaj flugas uzante dek helicojn moviĝantaj per piloj.

Inter la ĉefaj trajtoj de tiu veturilo estas ties pilotado, kiun oni faras per simpla maniero uzante stirstangon. Krom Flyer, la firmao Kitty Hawk ankaŭ mastrumas alian projekton pri flugveturilo nome “Cora”, kiu estas testata en Nov-Zelando.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3yf

Jen “Bugatti Chiron” farite el 3.599 eroj da konstruludilo “Lego”

Bugatti, la tradicia aŭtomobila firmao, vendas ian version “pli malmultekosta” de sia modelo “Chiron”. Kontraŭ 350 usonaj dolaroj oni povas aĉeti 3.599 erojn por munti onian propran tian sportan aŭton … sed farita el la konstruludilo “Lego”.

Tiu repliko – en skalo 1:8 – estas vendata en Usono kaj Eŭropo, kaj kiu ĝuste munti ĝin, tiu havos belan modelon 56 centimetroj longa kaj 25 centimetroj larĝa.

Fine de la pasinta 5-a monato 2018 Bugatti finpretigis la 100-an “Chiron”, kiun mendis kliento el Mezoriento, kontraŭ pago da 2,85 milionoj da eŭroj.

Aperinta en 2016 kiel posteulo de la modelo “Veyron” , la 1500-Ĉevalpova “Bugatti Chiron” konkuras por esti agnoskata kiel tia plej rapida aŭtomobilo tutmonde.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3xS