Pro purigado en Tvitero famuloj malgajnas milionojn da ŝatantoj

La socia retejo Tvitero komencis novan purigadon de falsaj kontoj, kaj pro tio milionoj da “ŝatantoj” malaperis al kelkaj el ĝiaj ĉefaj famaj uzantoj, kiuj inkluzivas muzikartistoj, aktoroj kaj politikistoj, laŭ la gazeto Mirror.

Per komunikaĵo Tvitero asertis, ke tiu nova agado kontraŭ falsaj kontoj celas igi la nombrojn pli “precizaj kaj klaraj”.

La famuloj plej trafitaj tiurilate jenas:
Katy Perry (2,8 milionoj)
Justin Bieber (2,6 milionoj)
Lady Gaga (2,5 milionoj)
Taylor Swift (2,3 milionoj)
Barack Obama (2,3 milionoj)
Rihanna (2,2 milionoj)
Britney Spears (2 milionoj)
Justin Timberlake (1,8 milionoj)
Kim Kardashian (1,7 milionoj)
Oprah Winfrey (1,4 milionoj)


Ĉi tiu teksto estas adaptaĵo fare de Paulo Cesar Pires el portugallingva artikolo.

Fejsbuko provas ilon por subgrupoj kun abonkotizoj pagendaj al la administrantoj

Per oficiala afiŝo lastmerkrede (la 20-an) Fejsbuko anoncis ilon, kiu ebligas la kreadon de subgrupoj kadre de grupoj de tiu socia retejo, kaj al tiuj subgrupoj alirus nur pagantaj abonantoj.

Laŭ Alex Deve – direktoro pri la fako grupoj en la firmao Fejsbuko – tiu propono celas helpi la grupadministrantojn per plia instigo je iliaj misioj prizorgi tiujn retkomunumojn.

La abonantoj pagos monate kotizon, kiu varias de 4,99 al 29,99 (usonaj dolaroj), por la rajto aliri al la subgrpo kun ekskluziva enhavo.

Nuntempe tiu nova rimedo de fejsbukgrupoj funkcias nur je kelkaj tipoj de grupoj en Usono, kaj almenaŭ dum la prova fazo Fejsbuko enspezos nenion el la pago fare de la uzantoj, kaj tiamaniere la grupoj ricevos la sumojn kun rabato nur de tiuj koncerne al platformoj pri la kreditkartoj registritaj en aparatoj kun Android kaj iOS (30% en la unua jarkotizo, kaj 15% poste), kiuj konsistas la pagmanieroj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3Gx

Uzo de sociaj retejoj pravigos tarifon pagenda de uzantoj al uganda registaro

Parlamento de Ugando aprobis novan leĝon, kiu postulos tarifon al uzantoj de sociaj retejoj kaj tujmesaĝiloj. La uzantoj pagos tage po 200 ugandajn ŝilingojn por servojn kiel Fejsbuko, Vatsapo, Vibero kaj Tvitero.

La ŝtatprezidanto de la lando, Yoweri Museveni, argumentas favore al tiu nova regulo, ke tiaj platformoj antaŭenigas la diskonigadon de klaĉoj.

Laŭ la novaĵagentejo Reuters en Ugando estas entute 23,6 milionoj da abonantoj de movtelefonia servo, el kiuj 17 milionoj uzas interreton. Oni ne klarigis, kiamaniere la registaro identigos la uzantojn de tiaj servoj, kies tarifado ekvalidos la venontan 1-an de la 7-a monato 2018.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3xi

Nova devigo en Kenjo: permisilo por filmeto afiŝota sur socia retejo

Lunde la 28-an de la 5-a monato ekvalidas en Kenjo polemikan leĝon. Jen koncerna komunikaĵo afiŝita de la novaĵretejo “The Next Web”: “La organo Kenja Komisiitaro pri Klasado de Kino informas al agentoj, produktantoj kaj publiko, ke ajna filmo por publika prezentado, farita sen permisilo de KKKK estas kontraŭleĝa afero”.

Malobeo al tiu regulo povos rezulti monpunon da 846 eŭroj kaj ĝis kvin jaroj da malliberigo. Kaj la leĝo validas ankaŭ por filmetoj afiŝotaj sur sociaj retejoj.

Tiom da kritikoj ekestis en la afrika lando pro tiu decido, kun civitanoj asertantaj, ke temas pri ia cenzurado, kaj puno tro severa, sed oni dubas, ke KKKK kapablos glate apliki tiun leĝon.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3vW

Juĝisto malpermesas al Trump, ke li baru uzantojn de Tvitero

Sinjorino Naomi Reice Buchwald, kiu estas federa juĝisto en Nov-Jorko (Usono) determinis merkrede (la 23-an), ke la usona ŝtatprezidanto Donald Trump laŭleĝe ne rajtas bloki uzantojn de la socia retejo Tvitero, ĉar tiu ago kontraŭas la rajton al parollibereco, kies garantion donas la Unua Ŝanĝo al la Usona Konstitucio.

Ŝi ne tekste ordonis la malbaron de tiuj jam blokitaj, tamen ŝi supozas, ke pro sia decido, li aŭ lia komisiito pri sociaj retejoj, Dan Scavino, faros tion.

Tiu verdikto de Buchwald koncernas al juĝafero prezentita la 7-an monaton 2017 flanke de Instituto Knight pri Unua Ŝanĝo de Kolumbio-Universitato, kaj diversaj uzantoj de Tvitero.

Usona Departmento pri Juĝistanco, kiu reprezentas Trump en tiu juĝafero, asertis la jenon: “Ni respekte malkonsentas tiun tribunalan decidon, kaj ni pripensas la venontajn paŝojn tiurilate”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3vj

En Usono 8 mil kafejoj fermiĝos pro kontraŭrasisma trejnado de dungitaro

Starbucks – la plurlanda firmao kun sidejo en Seatlo, Usono – estas la plej granda kafeja ĉeno en la mondo, kaj je la venonta 29-a de la 5-a monato ĝi fermos siajn 8 mil usonajn proprajn vendejojn por trejni ĉirkaŭ 175 mil dungitojn pri kiamaniere oni evitu rasian diskriminadon.

Tiu anonco de Starbucks okazis kadre de ties klopodo je mildigo de krizo starigita post la aresto de du nigruloj ĉe unu kafejo de Filadelfo – la okazintaĵo vekis akuzojn pri rasisma diskriminaciado fare la firmao.

La aresto de la junuloj, kiuj tie estis atendantaj amikon, estis registrita de klientoj kaj la koncerna filmeto kaŭzis ĉe la sociaj retejoj generalan riproĉadon al la firmao, krom proteston antaŭ la vendejo kaj proponon pri bojkoto al la ĉeno.

Starbucks konsideras riproĉindan tiun okazintaĵon, kaj pardonpetis.


Ĉi tiu teksto estas adaptaĵo fare de Paulo Cesar Pires el portugallingva artikolo.

Ekvadoro ĉesigas interretaliron al Julian Assange

Laŭ anoncis Ekvadoro la 28-an de la 3-a monato, al la fondinto de WikiLeaks, Julian Assange, estis haltigita aliron al la sistemoj por komunikado al ekstero de la ekvadora embasadejo en Londono, kie li loĝas kiel rifuĝinto ekde 2012.

“Pravigis tiun decidon la malobeo de Assange al interkonsento subskribita de li kun la registaro fine de 2017, koncerne al evitado de mesaĝoj kies enhavo enmiksiĝus ŝtatajn aferojn”, diras la komunikaĵon. Lunde la 26-an per Tvitero Assange kritikis la kunordigitan forpelon de rusaj diplomatiistoj fare de okcidentaj landoj.

Sur Vikipedio oni legas, ke “WikiLeaks estas retejo, kiu publikigas registarajn, komercajn aŭ religiajn dokumentojn, kiuj antaŭe estis sekretaj. Ĝi kutime ne donas nomojn kaj adresojn de homoj, kiuj afiŝas dokumentojn. La retejo estas lokita en Svedlando. Kvankam ĝi havas nomon similan al Wikipedia, ĝi estas parto nek de Wikipedia nek de WikiMedia Foundation, kaj eĉ ne estas vikio. Konata aktivulo de Wikileaks estas la aŭstralia ĵurnalisto kaj aktivisto Julian Assange. Per la agado de la retejo la fenomeno de informotraliko atingis grandskalan kaj tutmondan publikan atenton”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Apple proponas grupon da bildsignoj alude al nekapableco

Vendrede la 23-an de la 3-a monato la usona komputila firmao Apple prezentis al la organizaĵo Unikoda Asociiĝo (angle “The Unicode Consortium”) proponon pri inkluzivo de bildsignoj rilatantaj al nekapableco, kun celo plialtigi la reprezentivecon de nekapabluloj.

Per tiu unua propono tiurilate oni inkluzivos 9 novajn bildsignojn – 13, konsiderante eblojn por viro kaj virino, aŭ 45 konsiderante eblojn pri haŭtkoloroj.

Jam estas nova aro da 157 bildsignoj, kiu trafos la telefonaparatojn ĉi-jare, sed tiu ĵusa propono ŝajne ne estos aldonita nun. La venonta kunveno de la organizaĵo Unikoda Asociiĝo okazos venontmonate en la usona urbo San-Joseo, subŝtato Kalifornio, kaj tiam la estroj de pluraj firmaoj pri teĥnikoscienco pritraktos la novajn bildsignojn kaj skribsignojn kiuj estos enkondukitaj poste, ŝajne venontjare.


Ĉi tiu teksto estas adaptaĵo fare de Paulo Cesar Pires el portugallingva artikolo.

Por antaŭenigo de adopto, katoj estas ekspoziciitaj sur vitra plafono

Ĉi-monate je la tagoj 15-a ĝis 19-a okazas en Nov-Jorko (Usono) evento, kies celo estas instigi la adopton de katoj. Temas pri foiro de tiuj bestoj, kies ekspoziciado efektiviĝas ĉe vitra galerio, ebligante interesajn rigardadon kaj fotadon el nekutimaj anguloj.

La evento estas apogata de influaj sociretuloj kiel Hannah Shaw, BriAnne Wills kaj Nala Cat, kaj ankaŭ partoprenas kiel organizanto la usona organizaĵo pri bestaj rajtoj “The Humane Society Of New York”, fondinta en la jaro 1904-a.

Oni povas libere fotafiŝi la katojn, kaj la eniro tie estas senpaga.

(gatos NY 2)


Ĉi tiu teksto estas adaptaĵo fare de Paulo Cesar Pires el portugallingva artikolo.

Nova programeto ebligas al uzantoj diskonigon de lokaj novaĵoj

Ĵaŭde, la 25-an de januaro, la firmao Guglo prezentis novan servon pri novaĵoj, kiu inkluzivas la komunumon. Temas pri la programeto “Bullletin”, kies fokuso estas la diskonigado de tute loka novaĵaro, kun ebleco pri kontribuado fare de ajna uzanto.

Komence tiu projekto ekvalidis en la urboj Naŝvilo (Tenesio) kaj Oakland (Kalifornio), kaj la interesataj uzantoj nepre aliĝu al ĝi per reta formularo [LIGILO].

La programeto “Bulletin” subtenas bildojn, filmetojn kaj tekstojn, kaj la afiŝado de okazintaj kaj okazantaj eventoj oni faras rekte per poŝtelefono.

Guglo ne klarigis, ĉu estos redaktado aŭ moderigado de la enhavoj, cele al evitado de misuzoj kaj falsaĵoj. Jen la oficiala klariga retpaĝo (angle): LIGILO.


Ĉi tiu teksto estas adaptaĵo fare de Paulo Cesar Pires el portugallingva artikolo.