Estontece vakcino estos liverata poŝte, kaj injektita de la uzanto mem

Hieraŭ (la 12-an) grupo da 14 esploristoj el universitatoj de Usono, Kanado kaj Israelo aperigis sur la scienca gazeto “Science Advances”, artikolon klarigante ian teĥnikaron, kiu ebligas enderman vakcinon, kies injektado ne postulas profesiulon.

La esploristoj kreis substancon por injekto inter dermo kaj epidermo, kiu tre favoras al injekto fare de la uzanto mem, eĉ ne posedante konon pri kuracscienco. La koncerna injektilo uzas ian etan pikilon, kiu ekde la haŭto povas trafi la histojn kaj sangvaskulojn.

“Iam tiu rimedo povos esti sendata per poŝto por esti injektita de la uzanto mem. Tio povus mildigi situaciojn tiajn, kun amaso da homoj ĉe sancentrejoj kadre de plurregiona disvastiĝo de iu infekta malsano”, tion asertas la esploristoj en tiu artikolo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Ubero elpelos uzantojn kun notoj malpli ol 4

Pasaĝeroj uzantoj de la servoj de la firmao Ubero, kiu provizas komputilajn servojn kadre de privata urba transporto, povos esti malpermesataj en la koncerna programeto. Tiu regulo ekavlidos ĉi-monate ekde la 19-a tago por uzantoj de la platformo de la landoj Aŭstralio kaj Nov-Zelando, laŭ informis la gazeto Wall Street Journal.

Intervjue al la gazeto, Susan Anderson asertis, ke la pasaĝeroj kun notoj malpli ol 4 steloj – la maksimuma noto estas 5 steloj – estos atentigataj tiurilate por ke ili havu oportunon plibonigi siajn taksunuarojn. Tamen se iliaj notoj ne plialtigu, ili estos malrajtigitaj en la platformo. La porparolanto reliefigas, ke Ubero celas plibonigi la rilatojn ankaŭ kun la ŝoforoj, por ke ĉiuj partoprenantoj de tiu sistemo profitu pli justan interrilaton.

Malgraŭ tio, ke en Brazilo tiu afero ne estis oficiale anoncita, Ubero de tiu lando informis que tiu regulo jam validas tie ekde la 6-a monato 2018.


Ĉi tiu teksto estas adaptaĵo fare de Paulo Cesar Pires el portugallingva artikolo.

Luado de elektraj paŝruliloj ekas en San-Paŭlo

La ondo de elektraj paŝruliloj alvenas en Brazilo pere de ekfirmaoj kiel “Scoo“, kiu oficiale aperis je la 11-a ĉi-monate, proponante tiun servon en la urbo San-Paŭlo, kaj ĝi estos senpage dum la periodo de testa fazo, ĉe la regionoj de la avenuoj Paulita kaj Faria Lima, krom la parkoj Ibirapuera kaj Villa Lobos.

Inspirata en tiu simila servo funkcianta en la usona urbo San-Francisko, la afero ekdisvolviĝis ĉi-jare en Brazilo pro iniciato de gurpo da entreprenistoj.

La uzanto de la servo nepre havu la koncernan programeton ĉe sia telefonaparato, per kiu oni povas trovi la veturileton kaj legi ties QR-kodon por liberigo, kies efektivigo kostas 1 realon, kun rajto al 4-minuta uzado, kaj la kromaj minutoj kostos po BRL 0,25 pagotaj pere de la registrita kreditkarto.

Post tiu ĉi-monata testa fazo oni haveblos la koncernan telefonprogrameton, kaj la servo iĝos paga ekde venontmonate.


Ĉi tiu teksto estas adaptaĵo fare de Paulo Cesar Pires el portugallingva artikolo.

La ondo de elektraj paŝruliloj allogis milionan monsumon de Guglo kaj Ubero

Oni spertas momenton pri aperado de motorbicikloj kun elektraj versioj kaj maldikegaj formoj, iĝante opciojn de veturiloj pli malmultekostaj kaj pli lertaj ĉe la trafiko. Krome ili nun estas medifavoraj kaj konektitaj per interreto kaj porteblaj aparatoj. Tiamaniere multoj riskas aserti, ke tiaj “inteligentaj elektraj paŝruliloj” ege taŭgas al plibonigo de urba moviĝemo. La firmaoj Guglo kaj Ubero konfirmas tiun tendencon, per moninvesto en la usona firmao de koncerna sektoro, nome Leme.

Laŭ komunikaĵo de la firmao Leme, la alvoko de investantoj enspezis 335 milionojn da usonaj dolaroj, kun ĉefeco de “Google Ventures”, pere de “Alphabet”, kaj la firmao “Uber” ankaŭ investis “konsiderindan monsumon”.

Tiu financado okazis reage al la vigla kreskado de ĝia ĉefkonkuranto, la ekfirmao “Bird” – nuntempe valoranta USD 2 miliardojn – kaj per tiu nova financa instigo la firmao “Leme” ankaŭ ekvakoras simile.

Nuntempe la firmao agadas ĉe 70 urboj en Usono kaj Eŭropo – luado de elektraj motorcikletoj kaj bicikloj, ĉu elektraj ĉu ordinaraj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Fejsbuko provas ilon por subgrupoj kun abonkotizoj pagendaj al la administrantoj

Per oficiala afiŝo lastmerkrede (la 20-an) Fejsbuko anoncis ilon, kiu ebligas la kreadon de subgrupoj kadre de grupoj de tiu socia retejo, kaj al tiuj subgrupoj alirus nur pagantaj abonantoj.

Laŭ Alex Deve – direktoro pri la fako grupoj en la firmao Fejsbuko – tiu propono celas helpi la grupadministrantojn per plia instigo je iliaj misioj prizorgi tiujn retkomunumojn.

La abonantoj pagos monate kotizon, kiu varias de 4,99 al 29,99 (usonaj dolaroj), por la rajto aliri al la subgrpo kun ekskluziva enhavo.

Nuntempe tiu nova rimedo de fejsbukgrupoj funkcias nur je kelkaj tipoj de grupoj en Usono, kaj almenaŭ dum la prova fazo Fejsbuko enspezos nenion el la pago fare de la uzantoj, kaj tiamaniere la grupoj ricevos la sumojn kun rabato nur de tiuj koncerne al platformoj pri la kreditkartoj registritaj en aparatoj kun Android kaj iOS (30% en la unua jarkotizo, kaj 15% poste), kiuj konsistas la pagmanieroj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3Gx

Robotoj liveras manĝaĵojn en Silicia Valo

La universitata tereno de Kalifornio-Universitato gajnis novajn veturantojn, nome “KiwiBots “, kiuj estas radaj robotoj kun grando simila al tiu de bierskatolo, ili ne bezonas stiristojn kaj okupiĝas tutage liverante manĝaĵojn el restoracio de la ĉirkaŭaĵo.

Uzantoj de tiu sistemo per komputprogrameto mendas la manĝon kaj duonhore post ili ricevas ĝin alportata de tiaj veturiletoj, kiuj memstare veturadas uzante aron da filmiloj, kaj komputprogramojn kun altkvalitaj mapoj.

Entute 50 tiaj robotoj deĵoras en tiu regiono, kaj post la liverado ili revenas al oficejo de la ekfirmao “Kiwi Campus”, situanta je malpli ol kilometro de la universitato. Tiu sistemo malaltigis la prezon de livero al po USD 3,80 – ordinare ĝi varias de USD 8 ĝis USD 15 – kaj la celo estas eĉ pli malalta prezo – USD 1 kaj eĉ senpage por apartaj okazoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3Fd

La duopo Obama kreis firmaon por filmofarado al Netflix

Laŭ komunikaĵo fare lunde (la 21-an) de la elsendflua firmao Netflix, “Higher Ground Productions” estas firmao starigita de la usonaj eksprezidanto kaj eks unua sinjorino, Barack kaj Michelle Obama, por liveradi seriojn kaj filmojn al Netflix.

Tiu kontrakto validos je tempodaŭro da pli ol jaro, sed la komunikaĵo ne precize klarigas kiom da tempo, kaj la koncernaj valoroj ne estas informitaj.

“Inter tiaj simplaj plezuroj spertitaj kadre de nia publika deĵorado, koncernis konatiĝi homojn kun ĉiaj travivaĵoj, kaj helpi ilin kundividi siajn spertojn al pli granda publiko. Tial mi kaj Michelle entuziasmiĝas anoncante tiun kunagadon ĉe Netflix – ni esperas kultivi kaj elekti talentajn voĉojn, tiajn inspirajn kaj kreopovajn, kiuj kapablu antaŭenigi la plialtigon de kompreniĝado inter popoloj, kaj helpi ilin disvastigi siajn historiojn tutmonde”, tion asertis Barack Obama.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3tO

Post japanoj, ĉinoj investas je nova supersona pasaĝeraviadilo

La usona firmao “Boom Supersonic” prilaboras novan supersonrapidan aviadilon, – kun celo superi tiun “Concorde” koncerne al rapideco, silenteco kaj komforto – kaj ĝi ricevis novan investon, ĉi-foje fare de la firmao “Ctrip”, la plej granda retagentejo pri vojaĝo en Ĉinlando. La koncerna sumo ne estis diskonigita – entute la fabrikanto kun sidejo en la urbo Denvero (Koloradio, Usono) jam kaptis 85 milionojn da usonaj dolaroj.

Oni antaŭvidas, ke ĝis 2022 Ĉinlando iĝos la unua merkato por aviado tutmonde, kaj tio estas bona novaĵo por Boom, kiu partoprenos la aferon kun ebleco ekzemple malaltigi al duono la tempodaŭron de flugado – nune 12 horoj – inter Ŝanhajo kaj Los-Anĝeleso.

La unuan vojaĝon de tiu nova aviadilo partoprenos 10-15 klientoj de la ĉina vojaĝagentejo.

Fine de la pasinta jaro la firmao “Japan Airlines” investis 10 milionojn da usonaj dolaroj je “Boom”, kiu asertas, ke estas 76 antaŭmendoj ĉe aviadilo kun 55 sidlokoj – ĝi kapablus plenumi flugadon Londono/Nov-Jorko je nur 3h55m (nuntempe ĝi daŭras ok horojn).


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3tI

Hundoj, por protektado de virinoj kontraŭ agresemaj kunuloj

En Hispanlando virinoj trafitaj de hejma perforto estas helpataj de programo, kiu trejnas hundojn por protekti ilin. En tiu lando, monate preskaŭ po kvar virinoj estas mortigitaj de siaj kunuloj aŭ ekskunuloj.

Angel Mariscal estas veterana hundotrejnisto, kaj li starigis fondaĵon por perado de trejnitaj hundoj al la viktimoj. Li diris al la gazeto “El País”, ke la hundoj “ne mordas, kaj ne atakas celante mortigon. Ili ne estas agresemaj, ĉar ni elektas tiajn tre societemajn bestojn, kiuj taŭgas por loĝi interne de la domo ĉe infanoj, per normala konduto, ĝis ricevi apartan ordonon por protekti lian mastron”.

Post aliĝo al tiu programo la virino trapasas intervjuon kun psikologo. Sekve ŝia loĝejo estas vizitata de fakulo pri besta konduto, kaj post komenca kurso kontrolata de la polico, komenciĝas la horoj pri trejnado, kiam Mariscal kaj sia teamo elektas la taŭgan hundon al tiu nova mastro (la protektota virino).

Ĝis nun 40 virinoj aliĝis al la programo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3rj

Piediranto – Veturo per tunelo de Elon Musk kostos USD 1

Oni scias, ke la firmao de Elon Musk – nome “Boring Company” – fosadas tunelon sub Los-Anĝeleso celante mildigi la ĥaoson de la trafiko en tiu usona urbo. Antaŭnelonge li diris, ke ofertus senpagan vojaĝojn kadre de la tunela testofazo, kaj okaze de ties surmerkatigo li profitigus kapsulojn por piedirantoj kaj biciklistoj, per prezo “malpli granda ol tiu de busbileto”. Nun oni scias, ke tiu prezo estos 1 usona dolaro.

Kontraŭ tiu prezo Elon Musk intencas amasan transportadon tra la tunelo, per kapsuloj (nome “pod”) alportantaj po 16 homojn, laŭ informo konigita de li ĵaŭde la 18-an de la 5-a monato, per publika prezentado ĉe “Leo Baeck Temple” en Los-Anĝeleso.

Por aŭtomobiloj, la projekto volas transporti ilin sur elektraj sledoj veturantaj je rapido da 190 km/h tra la tunelo.

La firmao dependas de la koncernajn aprobojn de aŭtoritatoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3rl