Speciala vestaĵo igas senhejmajn hundojn en gardistoj

En Tajlando iu propagandagentejo disvolvis specialan vestaĵon, kiu povas igi hundojn sen mastroj en gardistoj sur la stratoj de Bankoko. Laŭ takso nuntempe ekzistas ok milionoj da tiaj hundoj en la lando, kaj 10% el ili estas en la regurbo.

Tian vestaĵon elpensis Pakornkrit Khantaprab, kiu estas teamano de la propagandagentejo Cheil Thailand. “La inspiro venis el la raportitaj novaĵoj kiuj oni spektadas en Tajlando kaj preskaŭ ĉie, pri torturo de senhejmaj hundoj”, tion li diris.

Enhavanta kaŝitajn filmilojn, tiu vestaĵo elsendas realtempe al poŝtelefono aŭ komputilo la filmetojn, kiuj montras tion, kion la hundo vidas. La filmilo ekfilmas pro la hunda bojado. Tio utilas, ĉar hundoj jam pruvis esti lertaj je perceptado de supozaj ŝtelistoj kaj serpentoj, ekzemple.

La firmao kredas, ke tiu sistemo utilos kaj al hundoj kaj al komunumoj, kaj planas surmerkatigi ĝin. Jen koncerna filmeto: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

Tigrido estis sendita per poŝto en Meksiko

Laŭ la aŭtoritatoj pri media protektado de Meksiko, merkrede la 7-an de februaro, tigrido ene de plasta skatolo estis trovita de policistoj, kadre de agado kun flaristaj hundoj kontraŭ kontrabando efektivigita en la busstacidomo de la urbo Nueva Tlaquepaque, subŝtato Ĥalisko.

Temas pri bengala tigro kun taksita aĝo je ĉirkaŭ du monatoj, kvietigita per trankviligaĵo kaj poŝte adresita al la ŝubstato Keretaro. Ĝi estis spertanta dehidratiĝon, maldikiĝon, sed aspektanta bonan sanstaton, kaj ĝi estis sendita al iu centro pri besta zorgado en la urbo Tlajomulco de Zuñiga.

La polico informis, ke la dokumentoj pri posedrajto enordas, sed la transportmetodo aranĝita estis konsiderita kiel mistraktado, kaj tiurilate enketon kondukas la aŭtoritatoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Paro da klaŭnfiŝoj trapasis operaciojn

Ia nekutima kaj delikata ĥirurgio mobilizis bestkuracistojn por forigi tumorojn el buĉoj de paro da klaŭnfiŝoj – tia genro de fiŝo, kiu famiĝis tutmonde pro la desegnofilmo “Serĉante Nemon”, de la jaro 2003-a.

La operacioj bezonis nur po 15 minutojn, kaj ili estis sukcesaj, laŭ la bestokuracistoj kiuj plenumis la aferon je la 20-a de januaro ĉe kliniko en la urbo San-Paŭlo (Brazilo).

Tiuj du fiŝetoj apartenas al Luciano Tadashi, kiu mastrumas privatan bredejon en la brazila urbo São José dos Campos. Li rimarkis, ke la ekkreskado de la tumoroj okazis antaŭ unu jaro.

Laŭ la teamo de la kliniko la fiŝetoj estis enhavanta en buŝo troan kvanton de maso ne identigita, kiu supoze estis miksaĵo de dentaj kaj epiteliaj ĉeloj, kaj pro tio de unu semajno ili eĉ ne ne estis manĝantaj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Leterportisto estis malliberigita pro 500 kg da neliveritaj korespondaĵoj

Marde la 30-an de januaro en la itala urbo Viĉenco estis arestita leterportisto akuzita gardi ĉe sia hejma garaĝo pli ol 500 kilogramojn da korespondaĵoj, kies liveron al la adresatoj li ne efektivigis.

La polico estis alvokata ĉar laboristoj de firmao pri recikligo senditaj al tiu garaĝo por malplenigi ĝin trovis tie 43 plastajn transportujojn plenaj je leteroj, fakturoj, kaj eĉ voĉdonaj flugfolioj, datiĝantaj ekde la jaro 2010-a.

Naskiĝinta en Napolo tiu leterportisto, kies nomo ne estis informita, estas 56-jaraĝa, laŭ la polico. La poŝto promesis liveri tiun aron da korespondaĵo al ties adresatoj, malgraŭ la malfruego da jaroj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Okazis la plej granda ŝtelo en la historio de ĉifromonoj

En Japanlando kaj Azio la firmao Coincheck staras inter la ĉefaj platformoj pri negocado de ĉifromonoj, kaj ĝi anoncis, ke ĝi konstatis nerajtigitan aliron al sia sistemo okazinta vendrede frumatene, la 26-an de januaro.

Tiom da ĉifromono NEM – samkvante al ĉirkaŭ 58 miliardoj da japanaj enoj – malaperis pro supoza komputila atako. Tio estas 534 milionoj da usonaj dolaroj.

Post la anonco la respondeculoj pri tiu monŝanĝejo raportis la aferon al la japana agentejo pri financaj servoj, kaj kelkatempe ĉesigis ĉiujn servojn: deponado, deprenado, vendado kaj eldonado pri NEM, aliaj ĉifromonoj kaj enoj.

Koichiro Wada, la prezidanto de Coincheck, pardonpetis dirante, ke la firmao intencas iamaniere kompensi siajn klientojn.


Ĉi tiu teksto estas adaptaĵo fare de Paulo Cesar Pires el portugallingva artikolo.

Nova programeto ebligas al uzantoj diskonigon de lokaj novaĵoj

Ĵaŭde, la 25-an de januaro, la firmao Guglo prezentis novan servon pri novaĵoj, kiu inkluzivas la komunumon. Temas pri la programeto “Bullletin”, kies fokuso estas la diskonigado de tute loka novaĵaro, kun ebleco pri kontribuado fare de ajna uzanto.

Komence tiu projekto ekvalidis en la urboj Naŝvilo (Tenesio) kaj Oakland (Kalifornio), kaj la interesataj uzantoj nepre aliĝu al ĝi per reta formularo [LIGILO].

La programeto “Bulletin” subtenas bildojn, filmetojn kaj tekstojn, kaj la afiŝado de okazintaj kaj okazantaj eventoj oni faras rekte per poŝtelefono.

Guglo ne klarigis, ĉu estos redaktado aŭ moderigado de la enhavoj, cele al evitado de misuzoj kaj falsaĵoj. Jen la oficiala klariga retpaĝo (angle): LIGILO.


Ĉi tiu teksto estas adaptaĵo fare de Paulo Cesar Pires el portugallingva artikolo.

Sportŝuo utilas kiel publiktransporta bileto

Pasintsemajne kadre de festado de sia 90-jariĝo la entrepreno de transporto de Berlino “BVG”, pere de du vendejoj de la urbo, kaj partnere kun la fabrikanto “Adidas”, surmerkatigis 500 parojn da sportŝuoj kun sama bildo de tiu sur sidlokoj de la berlina subtera fervojo.

Tamen novigas, ke dum tempodaŭro da jaro tiu sportŝuo validas kiel publiktransporta bileto je 10 linioj de subtera fervojo, 22 de tramoj kaj pli ol 150 de aŭtobusoj. La bileto konsistas el brodaĵoj sur la langeto de la sportŝuo.

Rimarkinde estas, ke la porjara bileto kostas inter 728 kaj 761 eŭrojn, kaj la prezo de tiu sportŝuo estas nur po 180 eŭroj la paro. La afero tiom sukcesis, ke multaj homoj de tri tagoj antaŭ la ekvendado enviciĝis ĉe la vendejoj, malgraŭ la malvarmo.

Laŭ iu proparolanto de BVG, tiu projekto celas la junularon, allogante novajn uzantojn al publiktransporto kaj eble ankaŭ novajn dungatojn.


Ĉi tiu teksto estas adaptaĵo fare de Paulo Cesar Pires el portugallingva artikolo.

Nek pedalo, nek stirrado – jen la aŭtomobilo Cruise AV

Vendrede la 12-an de januaro la multnacia fabrikfirmao “General Motors” prezentis la aŭtomobilon “Cruise AV”, kiu estas konsiderata de la anoncinto kiel la unua senŝofora aŭto serie produktata, enhavanta nek pedalon, nek stirradon.

Tiu fabrikanto asertis, ke ĝi petis al la usona registaro permeson por agadi per tiu aŭto surstrate ekde la jaro 2019-a. La propono konsistas je ofertado de transporta servo same tiu fare de la firmao “Uber”. Tamen GM ne klarigis, se kune kun la pasaĝeroj estos iu ĉe la veturilo.

“Ĝi ne stiras post trinkado, nek uzas poŝtelefonaparaton dum stirado, nek malfeliĉas aŭ laciĝas, ĝi neniam malatentiĝas, kaj ne produktas gasojn”, tion asertas komunikaĵo.

Ĝis nun nenia firmao surmerkatigis veturilon tute senŝofora.


Ĉi tiu teksto estas adaptaĵo fare de Paulo Cesar Pires el portugallingva artikolo.

La nova ondo en Silicia Valo – vendado de ne filtrita akvo

Usonaj fiirmaoj enspezas je vendado de tiu, kiu ili mem nomas kiel “kruda akvo”, tio estas, akvo sen modifo, sen filtrado, sen ĥemiaĵo kiel fluoro, kiu troviĝas ĉe la akvoj liveritaj de publikaj servoj.

Tiu nova ondo fortiĝis aparte en Silicia Valo, kiu estas regiono konata por naski ekfirmaojn pri teĥnikoscienco, kaj esti loĝata de homoj tiaj “pli naturemaj”.

Laŭ la novaĵretejo “Business Insider”, inter tiuj kredantoj je tiu ondo estas la firmao “Live Water”, kies galjono da akvo estis vendata kontraŭ 38 usonaj dolaroj pasintsemajne. La prezo multe plialtiĝis post la gazeto “New York Times” raporti pri tiu tendenco.

Intervjue al tiu gazeto, la fondinto de Live Water, Mukhande Singh, defendis sian produkton kaj pridubis la kvaliton de la akvo el krano: “Ĉu kranakvo? Vi ĉiuj estas trinkantaj akvo infektita de drogoj por naskiĝkontrolo” tion li diris.

Nur la tempopaso indikos, ĉu tiu tendenco kontraŭ “malpura akvo” firmiĝos. Ankaŭ demando estas, ĉu tio plibonigos la sanon, ĉu tio iĝos retropaŝo je la konkeroj atingitaj ĝis nun koncerne al prizorgado de trinkakvo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Brulego detruis pli ol mil aŭtomobilojn

En la parkumejo “Kings Dock” de la urbo Liverpulo – Unuiĝinta Reĝlando – granda brulego detruis pli ol mil aŭtomobilojn, inter la nokta dimanĉo (la 31-an de decembro) kaj frumatena lundo (la 1-an de januaro), laŭ informo fare de la loka polico.

La brulo estus estiĝinta per akcidenta maniero ĉe iu aŭto, kaj el tiu veturilo ĝi rapide disvastiĝadis. Ĉe la ĉirkaŭaĵo de brulego la homoj estis devigitaj lasi siajn hejmojn, pro la fumo, kaj veni en rifuĝejojn.

Tiu parkumejo havas parkumlokojn por 1,6 mil aŭtomobiloj kaj tiam ĝi estis preskaŭ plena, pro la novjaraj festoj. Pere de afiŝo en Tvitero la polico de Merseysid informis, ke ĉiuj veturiloj tie estis detruitaj de la fajro. La loka fajrobrigado bezonis ĉirkaŭ ses horojn por estingi la bruladon.


Ĉi tiu teksto estas adaptaĵo fare de Paulo Cesar Pires el portugallingva artikolo.