En Parizo oni trovis mortintan knabon ĉe la alteriĝa ilaro de aviadilo

Matene de antaŭhieraŭ (merkrede, la 8-an) knabkadavron estis trovita ĉe la alteriĝa ilaro de aviadilo de la flugkompanio Air France, tuj post ĝia alteriĝo en la flughaveno Charles do Gaulle (Parizo, Francolando). La aviadilo flugis ekde Abiĝano, la administra regurbo de Ebur-Bordo, Afriko. La knabo estis ĉirkaŭ 10-jaraĝa, kaj sin kaŝis ĉe la ujo, kie troviĝas la radoj de la aviadilo post ties deteriĝo.

Oni ne konas la identecon de la mortinto, nek la kialon de tiu ago. Al la novaĵagentejo France Presse iu fonto el Ebur-Bordo asertis, ke la okazintaĵo indikas seriozan fiaskon pri sekureco en la flughaveno de Abiĝano, kaj li konjektas ĉu la knabo estis helpata de kunkrimantoj.

Tia estas ege riska aventuro, kun temperaturo da -50º kaj nesufiŝo de oksigeno. Enketo plenumiĝas.

Aŭstralio pafmortigos 10 mil sovaĝajn kamelojn

Aŭtoritatoj de Aŭstralio anoncis, ke mortigos ĝis 10 mil sovaĝajn kamelojn kiuj estas alproksimiĝantaj de komunumoj por serĉi akvon, pro la longdaŭra trosekeco trafanta la landon. La koncerna plano indikas a uzon de pafistoj ene de helikopteroj.

Ĉirkaŭ 20 mil kameloj estis importitaj de Hinda Unio dum limtempo de ĉirkaŭ 60 jaroj, kaj enmetitaj en la “Outback” (la interna dezerta regiono de la lando), kie ili ne estis celo de naturaj ĉasistoj, la kameloj iĝis plago, kiu poluas la akvofontojn, minacante la bestaron kaj plantaron. Laŭ oficialaj taksoj Aŭstralio posedas pli ol milionon da tiaj bestoj, kaj tiu estas la plej granda aro de sovaĝaj kameloj de la mondo.

La pafmortigado de la kameloj plenumiĝos post 5 tagoj en la teritorioj Anangu Pitjantjatjara Yankunytjatjara (APY), kiu estas granda areo mastrumata de loka indiĝena registaro (AGL).

Nekutima kampanjo: nudfotoj kontraŭ mono, por la viktimoj de la fajregoj

Celante helpi la agadojn kadre de la fajregoj en Aŭstralio, iu usona modelo elpensis nekutiman manieron por akiri monon al tiu lando. Kaylen Ward, 20 jaraĝa, per afiŝo sur Tvitero estis proponinta nudfotojn pri ŝi al ĉiu ŝatanto, kiu pruvu faris donacon, minimume da 10 usonajn dolarojn, al ajna organizaĵo, kiu estas kolektanta monon por la viktimoj de la fajregoj en Aŭstralio.

La afiŝo estis multe vidata, kaj post kvar tagoj Kaylen jam estis sukcesinta pri entuta donacaro je pli ol 700 mil usonaj dolaroj. “Mi estas helpata de iun por kontroli tiun, kaj li kalkulis la aferon laŭ la nombro de ricevitaj mesaĝoj, konsiderante po USD 10, tamen certe entute estas pli ol USD 700 mil, ĉar mi ricevis mesaĝojn pri donacoj ĝis USD 5 mil”, tion klarigis la junulino al la gazeto “The Guardian”.

Nun Kaylen sin nomas “La nudega homamanta virino”, kaj diras: “Ne ĉiuj superherooj surhavas kovrilon”.

Ĉinlando malfermis la ĉi-vintran festivalon pri grandegaj glaci-skulptaĵoj

Komencis la fama cina festivalo de glacio kaj neĝo en la urbo Harbino, nordokcidente de la lando. Tiu evento estas konata pro ĝiaj magiaj peizaĵoj, kun grandegaj palacoj kaj lumigataj skulptaĵoj. Krome ĝi arigas kuraĝajn naĝistojn – kiuj sin riskas subakvante en la frostaj akvoj de la regiono – kaj gefianĉojn por okazigo de kolektivaj geedzaj ceremonioj.

La oficiala malfermo, ĉe multkoloraj konstruaĵoj kaj monumentoj laŭ reala grando, faritaj el glaciaj blokoj, estis markita de artfajraĵo lastdimanĉe, la 5-an. Ĉi-foje la festivalo uzas 170 mil kubmetrojn da glacio prenita el la rivero Songhua, fare de pli ol cent viroj laborintaj ĉiutage dum semajnoj antaŭ la komenco de la evento.

Tiu fama vintra festivalo komenciĝis en 1985 kaj ĝi okazas en regiono kun temperaturoj trafantaj -26º, ebligante al la publiko promenadi sur vera glaciurbo lumigata de neonlampoj.

La "Reĝo de la tinuso" pagis USD 1,8 milionon por 276-kilograma fiŝo

En Japanlando tiu fakulo pri suŝio, la entreprenisto Kiyoshi Kimura, kiu estas alnomata “La reĝo de la tinuso”, aĉetis grandegan tinuson kontraŭ 193 milionoj da enoj (ĉirkaŭ 1,8 miliono da usonaj dolaroj), kadre de la novjara konkurvendo de la ĉefa fiŝbazaro de Tokio, nome Toyosu Market.

Li estas la posedanto de la ĉeno de restoracioj Sushi Zanmai, kaj la fiŝo estas tia 276-kilograma ruĝa tinuso, kiu estis kaptita ĉe la marbordo de Aomori, norde de Japanlando. En 2019 li pagis eĉ pli: ĉirkaŭ USD 3,1 milionojn por 278-kilograma tinuso.

Kimura ofte trafas rekordojn ĉe la fiŝmerkato de Tokio, kaj pro tio li multe aperas en amaskomunikiloj en tiu jarepoko. Post la konkura vendo, kiu okazis antaŭ la tagiĝo, al la gazetistoj li diris: “Ĝi estas la plej bona, kaj jes, ĝi multekostas, ĉu ne? Mi volas, ke niaj klientoj manĝu treege bone ankoraŭ ĉi-jare”.

Kial eksplodis tiu merkata veziko de la laŭleĝa kanabo en Kanado?

Kiam ĉirkaŭ jaro antaŭe Kanado oficialigis la merkatigon de la kanabo, tiam la gazetaro alnomis “verdan kuradon” la disputo de la investantoj por eniri tiun merkaton. Tamen samkiel la tiel nomata “kalifornia kurego pri oro” (1848-1854), la deliro paliĝis kaj la investintoj iamaniere malvenkas.

Redukti la nigran merkaton estis inter la ĉefaj kialoj de la registaro tiam, kiam ĝi anoncis la intencon oficialigi la kanabon en la lando. Tamen la kanada departamento pri statistikoj – nome Statistics Canada – taksas, ke ĉirkaŭ 75% de la kanabuzantoj ankoraŭ uzas kontraŭeĝan kanabon.

Robin Ellis, kiu estas kunfondinto de la firmao The Friendly Stranger en Toronto asertas: “Forta rezistado ekzistas kontraŭ tiaj laŭleĝaj butikoj ĉar: a) ili estas pli multekostaj, b) ili ne sufiĉas. La butikoj ne troviĝas proksime de la homoj, kiuj pro tio decidis daŭre aĉetadi de la “ulo” de ĉiam.

La oficialigo de la kanabo en tiu lando ne igis ĉiujn en uzantoj de tiu substanco. Pasintjare la procenteco de kanadaj konsumantoj de kanabo plialtiĝis de 14% al 17%.

Kelnerino gajnis dankmonon da 2020 usonaj dolaroj

En la usona subŝtato Miĉigano iu kelnerino spertis neatendaĵon: ŝi gajnis dankmonon da 2020 usonaj dolaroj. Tiu malavara donaco venis el duopo, kiu je la 29-a pasintmonate vespermanĝis en la laborejo de la kelnerino, la restoracio Thunder Bay River, de la urbo Alpeno. La klientoj, kiuj elspezis tie 23 usonajn dolarojn pri la manĝaĵo, skribis sur la fakturon la jenon: “Feliĉan Novjaron – Defio dankmono 2020”.

Danielle Franzoni, la kelnerino, kiu estas fraŭla patrino kaj ĝis antaŭnelonge estis senhejmulino asertis, ke komence ŝi taksis la aferon kiel ŝerco, kaj planas uzi la monon por akiri kondukpermesilon, kiu gravegas por ŝi. Laŭ NBC ŝi diris: “Ankoraŭ mi ne certas kion diri. Mi nepre asertu elkore, ke tiuj geedzoj ne scias tion, kion ili faris al mia familio. Ĝis tiam ni estis farintaj nur okazajn interparolojn”.