Monbiletoj povas gastigi ĝis 3 mil tipojn de mikroboj

Ken Rinaldo, 62-jaraĝa usona artisto, ekspozicias ekde hieraŭ (sabate, la 25-an) sian verkon “Borderless Bacteria / Colonialist Cash” (senlandlimaj bakterioj / koloniista mono) ĉe la Arta Laboratorio de Berlino, por montri al la publiko ian nevideblan kaj nekonatan mondon: tiun pri la vivo ene de tia paperpeco, kiu ĉiutage estas manuzata.

Iu studo aperigita en 2017, fare de esploristoj de la centro pri genaro kaj vivaĵscienco de la sistemoj (Universitato de Nov-Jorko) montris, ke la dolaraj monbiletoj de iu sama bankagentejo ĉe Manhatano enhavas 3 mil tipojn de mikroboj. La plimulto venas el haŭto, buŝo kaj vagino. Tiu nombro praviĝas, ĉar la homa estaĵo gastigas 18 duilionojn da bakterioj – ĉe mililitro da infektata urino ekzistas po 100 mil kolonioj, kaj duono de la fekaĵa pezo konsistas el bakterioj.

La verkaĵoj konsistas el travideblaj skatoloj riĉigitaj je gelozo (substanco uzata por por kultivi bakteriojn), enhavantaj po du monbiletojn de malsamaj landoj. Tiu projekto de la artisto proponas kontroli ĉe la monbiletoj, ekzemple, ĉu la ĉina juano enhavas tiujn samajn bakteriojn kaj fungokoloniojn troviĝantaj ĉe la usona dolaro, kaj bildigi amuzan rigardon koncerne al la konfliktoj inter tiuj du landoj.

Jen stanget-glaĉiaĵo de biero

En Recifo, regurbo de la brazila subŝtato Pernambuko, aperis ĉi-monate nova produkto: stanget-glaĉiaĵo farita el biero. Tiun strangaĵon elpensis fakuloj de firmaoj posedantaj la markojn Ekäut (ia metia biero) kaj Frisabor (glaciaĵo).

Kunlaborante, la du firmaoj bezonis ĉirkaŭ kvar monatojn por pretigi la projekton, kaj la elektita tipo de biero estis tia IPA (India pale ale). “Dum la testoj, ni provadis diverstipajn bierojn ĝis trafi tiun. Oni metis neŭtran bazon por elstarigi la bierguston. Tiamaniere ni kreis la bieron ĉe stangeto”, tion diris Ricardo Bicalho, kiu estas industriestro de la firmao Frisabor.

Tiu produkto, kies konsumo rajtas nur plenkresluloj, enhavas 3,25% da alkoholaĵo kaj nenion da komponaĵoj bestodevenaj. Oni povas gustumi (ĉu?) ĝin kontraŭ po 7 realoj (preskaŭ 2 usonaj dolaroj).

Japana ekfirmao surmerkatigos flugantan aŭtomobilon en 2023

SkyDrive Inc, kiu estas japana ekfirmao starigita meze de 2018, diskonigis sian planon surmerkatigi ian flugantan aŭtomobilon en 2023, kaj nun tiu veturilo estas testata ene de la propraj instalaĵoj de la firmao, en la urbo Tojoto.

La firmao estis fondita ĉefe de membroj de la teamo Cartivator, kiu estas grupo de spertegaj volontuloj pri la sektoroj manufaktura kaj aviada – disvolviĝanta iun flugantan aŭton (tiu e-VTOL) ekde 2014. SkyDrive antaŭenigas tiun disvolvadon per la kompania misio “starigi mondon kie iu ajn povu flugi ĉielen je ajna horo, ie”.

Tiu modelo disvolvigata de SkyDrive estas 3,6 metroj longa, kaj sur aŭtovojo ĝi trafas rapidon da 100 kilometroj/hore, kontraŭ 60 km/h en la aero. Ili planas komenci la vendadon en 2023 kaj la amasan produktadon en 2026.

Aviadila fabrikanta kompanio sukcese efektivigis aŭtomatan deteriĝon

Airbus, kiu estas eŭropa kompanio fabrikanta pasaĝeraviadilojn, sukcese plenumis sian unuan aŭtomatan deteriĝon surbaze de vidado, uzante por tiu ago ian testan aviadilon Airbus ĉe la flughaveno Toulouse-Blagnac, en Francolando.

La provteamo, konsistanta el du pilotoj kaj tri inĝenieroj pri flugado, faris la unuan deteriĝon je la 10h15 de la 18-a tago pasintmonate, kaj entute tiam estis plenumitaj ok deteriĝoj je la limtempo da kvar horoj kaj duono. Jen koncerna filmeto: ligilo

Tiu provo okazis kadre de la projekto ATTOL (angle Autonomous Taxi, Take-Off & Landing), kiu estis komencita de Airbus meze de 2018, per kiu tiu franca firmao celas “kompreni la trafon de aŭtomatigo kaj memregeco ĉe aviadiloj”. Tamen la kompanio klarigas, ke la pilotoj ĉiam restos ĉe siaj laborejoj en la aviadiloj.

Malaperinta terkultivisto estis manĝita de porkoj

La polaj aŭtoritatoj kredas, ke iu terkultivisto posedinta multajn porkojn, kaj lastfoje vidata je la 31-a tago pasintmonate, estis manĝegita de siaj propraj bestoj, ĉar najbaro trovis ostojn en la tereno.

Magdalena Serafin, la distrikta enketisto de la urbo Lubin klarigis al la Gazeta Wroclawska, ke tiuj trovitaj restaĵoj certe koncernas la malaperintan viron: “Oni ne scias pri la ĝusta dato, sed inter la tagoj 31-a pasintmonate kaj 8-a ĉi-monate la viktimo estis manĝita de la porkoj”.

La mortinta viro estis ĉirkaŭ 70-jaraĝa, kaj la enketistoj supozas, ke li estis falinta aŭ trafita de koratako antaŭ esti manĝita de la porkoj, kiuj libere piediradis en la propraĵo, situanta 400 kilometroj for de Varsovio, la pola regurbo.

Mortis la plej malgranda viro de la mondo

Khagendra Thapa Magar, 27-jaraĝa, tia tutmonde plej malgranda viro, pro pulminfekto mortis lastvendrede (la 17-an) ĉe malsanulejo de la urbo Pokhara en Nepalo. Li estis 67 centimetrojn alta.

Kiam en 2010 li 18-jariĝis, tiam li estis distingita de Guinness-libro de Rekordoj kiel tia tutmonda plej malalta viro kapablanta piediri, tamen li perdis tiun titolon kiam oni malkovris la ankaŭ nepalon Chandra Bahadur Dangi, kiu estis 54,6-centimetra viro. En 2015 Khagendra reakiris la titulon post la morto de Chandra.

Laŭ Guinness-libro de Rekordoj ekzistas viro kun alto da nur 59,93 centimetroj, tamen li ne povas piediri kaj bezonas helpadon por postvivi.4

La prezidanto de Meksiko konsideras lotumi la oficialan aviadilon

Hieraŭ (vedrede, la 17-an) la meksika prezidanto Andrés Manuel López Obrador asertis, ke konsideras fari lotaĵon el la prezidenta aviadilo. Tiu estas inter tiuj kvin elektoj por la destino de la aviadilo, de kiu la ŝtatestro volas liberiĝi.

Per gazetara intervjuo li klarigis, ke la ideo konsistas el permeso al ĉiu interesato akiri loteribileton kontraŭ po 500 meksikaj pesoj (ĉirkaŭ 27 usonaj dolaroj), kaj entute ses milionoj da biletoj estus ofertataj.

La aviadilo koncernas tiun Boeing 787-8 aĉetita en 2012 de la tiama prezidanto Felipe Calderón. “Oni ne devintus aĉeti tiun aviadilon. Eĉ la plej riĉuloj en la mondo ne posedas tian aviadilon”, tion diris la nuna prezidanto.