Forpereo minacas la japanan imperiestran familion

La japana imperiestra familio estas trafita de neniam antaŭe spertita demografia krizo. Laŭ la nuntempa regularo pri la imperiestra familio, krom ne rajti kroniĝon, virinoj kiuj edziniĝos kun plebanoj, tiuj estos devigitaj rezigni la rajtojn pri deveno de la Trono de Krizantemo.

Ĉar ekzistas multe pli da virinoj ol viroj inter tiuj parencoj de la nuna imperiestro, la daŭrigo de tia diskriminacia regularo povus igi minimuman la familion, kaj eĉ riski la tronheredon en estonto ne tiom malproksima.

Entute la imperiestra familio konsistas 19 membroj, el kiuj nur kvin estas viroj, inkluzivante la nuna imperiestro, Akihito, kiu eksiĝos fine de la 4-a monato 2019. Tiam la la Trono de Krizantemo transdoniĝos al lia unuenaskita filo, la princo Naruhito, kiu estas 58-jaraĝa. Tiu estas patro nur de la princino Aiko, kiu ne rajtas esti la heredanto. La sekva pozicio en tiu linio de tronheredo apartenas al la frato de Akihito, nome Fumihito (52-jaraĝa), kaj post tiu estas lia plej juna filo (11-jaraĝa), nome Hisahito, kiu estas la ununura viro de sia generacio.

Tiu situacio denove vekas diskutadon koncerne al ŝanĝoj en la regularo pri la Trono de Krizantemo.


Ĉi tiu teksto estas adaptaĵo fare de Paulo Cesar Pires el portugallingva artikolo.

“Suĉinfano Trump” aktivos en Usono

La baloneto nomata “Suĉinfano Trump” – tiu elstaraĵo kadre de la protestoj en Londono (Unuiĝinta Reĝlando) kontraŭ la usona ŝtatprezidanto – baldaŭ traflugos la ĉielon de la usona teritorio.

Aktivuloj el la subŝtatoj Kalifornio, Teksao, Luiziano, Nord-Karolino kaj Utaho sukcese enspezis entute pli ol 10 mil usonajn dolarojn en tempodaŭro da tri tagoj, celante mendo de usona versio de tiu baloneto “Suĉinfano Trump”.

Oni planas, ke tiu baloneto traflugos eĉ la golfejon “Trump National Golf Club” (Nov-Ĵerzejo), kie la usona gvidanto kutime restas kune kun sia familio dum someraj semajnfinoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

En Brazilo la princino Mako partoprenas eventojn kun japandevenaj brazilanoj

La plej aĝa nepino de la japana imperiestro Akihito, nome princino Mako, alvenas hodiaŭ (la 18-an) en Rio-de-Ĵanejro, kaj ŝi restos en Brazilo dum du semajnoj por partopreni eventojn kadre de festado pri la 110-jariĝo de alveno de la unuaj japanaj enmigrintoj en la lando.

Tiu princino estas 26-jaraĝa, faras sian kvaran vojaĝon eksterklanden – unuafoje en Brazilo – kaj vizitos 14 urbojn en kvin subŝtatoj, kie ŝi partoprenos eventojn kaj kunvenos kun japandevenaj brazilanoj, antaŭ ŝia reveno al Japanlando la 31-an de la 7-a monato.

Hodiaŭ la princino faros kortegecan viziton al la brazila ŝtatprezidanto Michel Temer, kaj vizitos la vidindaĵon “Statuo de Kristo Savinto”, antaŭ vojaĝi morgaŭ (la 19-an) al la subŝtato Paranao.

Vendrede (la 20-an) ŝi prelegos en la urbo Maringao, kaj en la sekva tago ŝi partoprenos kiel ceremoniestro ĉe festa evento en la urbego San-Paŭlo, kiu gastigas la plej granda japana komunumo de la lando.

La princino vizitos ankaŭ diversaj aliaj lokoj kun granda ĉeesto de japandevenaj brazilanoj, kiel Manaŭso – la regurbo de la subŝtato Amazonio – kaj Tome-Asuo (subŝtato Parao).


Ĉi tiu teksto estas adaptaĵo fare de Paulo Cesar Pires el portugallingva artikolo.

Moskva vidindaĵo – la sekreta sovetunia bunkro de la tempo pri Malvarma Milito

Laŭpete de la soveta diktatoro Josif Stalin granda subtera fortikaĵo estis konstruita 65 metroj sub la grunda nivelo de la moskva urbocentro.

Tiu ejo estis konstruata por protektado de sovetaj gvidantoj okaze de atommilito kontraŭ Usono, kaj ĝia proksimeco kun Moskva Kremlo – la ampleksa fortikaĵo, kiu enhavas la loĝejon de la ŝtatprezidanto – celis faciligi la translokiĝon de sovetaj gvidantoj al tiu rifuĝejo por daŭrigo de la landa estrado el sekura loko.

Oni povas turisme viziti tiun vidindaĵon kontraŭ pago da 2.200 rusaj rubloj – la enirejo situas en diskreta strato proksime de la subtera fervoja stacio Taganskaja.


Ĉi tiu teksto estas adaptaĵo fare de Paulo Cesar Pires el portugallingva artikolo.

Egiptolando konstruas novan regurbon

Post iom pli da mil jaroj, Kairo (arablingve la vorto signifas “venkinto”) ne plu havos la privilegion roli kiel la regurbo de Egiptolando. Ĝia anstataŭigonto ankoraŭ ne havas nomon, sed ties konstruado komencis de du jaroj kaj vigliĝas.

La nova regurbo – 40 kilometroj for de Kairo – havas grandiozajn trajtojn, kaj estiĝas kadre de revo de la prezidanto de la lando, la generalo Abdul Fatah Khalil Al-Sisi, kiu elmontriĝas kiel decida homo, malgraŭ tio, ke Egiptolando ankoraŭ estas nur ekdisvolviĝanta lando.

Per propaganda filmeto (LIGILO) oni rimarkas kamionojn kaj laboristojn sur la sabloj de dezerto Saharo, kaj fone kelkajn strukturojn pri konstruaĵoj, kiuj konsistos la “administranta kvartalo”, inkludante la ega Parlamento, kiu estos trioble pli granda ol la nuna.

Aliaj celoj de tiu projekto: kvin milionoj da loĝantoj, parko pli granda ol tiu “Centra Parko” (Nov-Jorko, Usono), homfarita “verda rivero”, kaj pli ol du dekoj da ĉielskrapantoj, unu el ili preskaŭ 400 metroj alta.

Laŭ modelaĵetoj tiu nova urbo aspektus kiel miksaĵo de la urboj Vankuvero kun Dubajurbo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3Hj

Makedonlando iĝas Nord-Makedonlando

Hieraŭ – dimanĉe, la 7-an de la 6-a monato 2018 – la ministroj pri eksterlandaj aferoj de Greklando (Nikos Kotzias) kaj Makedonlando (Nikola Dimitrov) kune subskribis historian interŝtatan interkonsenton, kiu finigas dulandan 27-jaran konflikton pri la nomo de la eksa jugoslava respubliko, kiu de nun eknomiĝas Nord-Makedonlando.

Tiu interkonsento estu konfirmenda de la koncernaj du parlamentoj kaj trapasi popolkonsulton en Makedonlando. Pro ĝi Greklando ne plu baros la eniron de Makedonlando en Eŭropa Unuiĝo, kaj NATO (Nord-Atlantika Traktat-Organizo).

La subskriba ceremonio okazis borde de la lago “Prespa”, ĉe la landlimoj inter Greklando, Albanlando kaj Makedonlando, kun partopreno ankaŭ de Matthew Nimetz, la aparta peristo de UN (Unuiĝintaj Nacioj).


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3Bm

Jen 200-kilometra homĉeno favore al sendependeco de Eŭsklando

Laŭ Vikipedio “Eŭsklando estas la tradicia lando de la Eŭskoj. Ĉar la Eŭskoj neniam havis fortegan politikan unuecon, ĝi nuntempe troviĝas en situacio simila al tiu de dispecigita Kurdlando: Du el ĝiaj tri ĉefaj partoj troviĝas ene de la hispana regno, dum Nord-Eŭskio estas franca”.

Hieraŭ – dimanĉe, la 10-an de la 6-a  monato – miloj da homoj estigis homĉenon da 200 kilometroj inter la urboj Donostio, Bilbao kaj la regiona regurbo Vitorio, por postuli popolkonsulton pri sendependeco de Eŭska Aŭtonoma Komunumo (norda Hispanlando).

Laŭ la grupo “Gure Esku Dago” (en la eŭska lingvo signifas “Ĉe Niaj Manoj”) ĉirkaŭ 175 mil homoj partoprenis la manifestacion, inter ili estis politikistoj, krom eŭskaj kaj katalunaj aktivuloj pri sendependeco.

Tiu okazintaĵo, kiu daŭris duonhoro, bezonis mil aŭtobusojn kaj 5 mil volontulojn por konduki la partoprenantojn al la stratoj kaj veturvojoj. La afero finiĝis per legado de manifesto antaŭ la Eŭska Parlamento en Vitorio.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3yO

Duobluloj de Trump kaj Kim kune promenis en Singapuro

Centoj da scivolemuloj spektis hieraŭ (sabate, la 9-an) “pintkunvenon” de la duobluloj de usona prezidanto Donald Trump kaj la nordkorea gvidanto Kim Jong Un, en butikumcentro de Singapuro. La koncerna vera pintkunveno okazos en tiu lando mem, en la venonta mardo (la 12-an).

La duoblulo de Kim nomiĝas “Howard X”, loĝas en Honkongo (Ĉinlando) kaj li aperis kune kun “Dennis Alan” personigite kiel Trump.

Dum tiu okazintaĵo, nomata la “vera” pintkunveno, tiuj du viroj manpremadis la homojn dum promenado ĉe la tutplena vendejaro “Bugis Junction”.

Tiam, kiuj dezirus mem fotadi ĉe ili, tiuj nepre elŝutu programeton propagandita de ili, kaj fari pagon da 11 usonaj dolaroj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3yC

Medalo antaŭenigas la okazigotan pintkunvenon inter Trump kaj Kim

Venontsemajne Singapuro gastigos la pintkunvenon inter la ŝtatprezidantoj usona Donald Trump kaj nordkorea Kim Jong-un, kaj kadre de tiu afero ĉi marde (la 5-an) la lando surmerkatigis memorigantan medalon kun la enskribo “World Peace” (Monda Paco).

Kune kun la skribaĵo sur la medado estas bildo de kolombo kun olivbranĉo (pacsimbolo), krom unu rozo kaj unu magnolio, kiuj estas nacifloroj respektive de Usono kaj Nord-Korea.

La medalo aĉeteblas pere de la retbutiko de la singapura monfarejo. Jen la koncernaj prezoj laŭ singapura dolaro: 1380 (ora versio), 118 (arĝenta versio) kaj 36 (nikela versio).


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: https://wp.me/p87b5r-3y1

Juĝisto malpermesas al Trump, ke li baru uzantojn de Tvitero

Sinjorino Naomi Reice Buchwald, kiu estas federa juĝisto en Nov-Jorko (Usono) determinis merkrede (la 23-an), ke la usona ŝtatprezidanto Donald Trump laŭleĝe ne rajtas bloki uzantojn de la socia retejo Tvitero, ĉar tiu ago kontraŭas la rajton al parollibereco, kies garantion donas la Unua Ŝanĝo al la Usona Konstitucio.

Ŝi ne tekste ordonis la malbaron de tiuj jam blokitaj, tamen ŝi supozas, ke pro sia decido, li aŭ lia komisiito pri sociaj retejoj, Dan Scavino, faros tion.

Tiu verdikto de Buchwald koncernas al juĝafero prezentita la 7-an monaton 2017 flanke de Instituto Knight pri Unua Ŝanĝo de Kolumbio-Universitato, kaj diversaj uzantoj de Tvitero.

Usona Departmento pri Juĝistanco, kiu reprezentas Trump en tiu juĝafero, asertis la jenon: “Ni respekte malkonsentas tiun tribunalan decidon, kaj ni pripensas la venontajn paŝojn tiurilate”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3vj