Ĉinlando limigas komputilludadon al tiuj aĝantaj malpli ol 18 jaroj

La ĉina registaro starigis fine de la pasinta jaro regularon por kontraŭbatali, ĉe la plej junaj homoj, la manion trouzi la komputilajn ludojn.

Laŭ la usona retejo “Business Insider” ĉiuj junuloj kun malpli ol 18 jaroj estos malpermesataj ludadi de la 22-a ĝis la 8-a horo. Krome, lund-vendrede oni ne rajtos ludi dum pli ol po 90 minutoj.

Tiu nova regularo postulas, pri retaj ludoj, ke la uzantoj aliĝu kun la veraj nomoj kaj validaj identigaj dokumentoj. Estas ankaŭ limo por elspezoj, tio estas, aĉetoj kadre de la ludoj. Junuloj aĝantaj inter 8 kaj 16 jaroj rajtos elspezi maksimume sumon valoranta ĉirkaŭ 25 usonajn dolarojn.

Jen motorbicikletoj kun eroj de Volkswagen Tipo 1

Volkswagen Tipo 1 estis aŭtomobilo kun 1001 utiloj, kaj jen plia uzeblo. Kreeme oni ekzemple povas el ili origini interesajn motorbicikletojn. Tiurilate Brent Walter, kiu estas mikson de inventisto kun aĵofaranto, konigis sian projekton al la retejo DesignBoom.com kaj montris la fabrikprocedon sur sia retpaĝo en la socia retejo Instagramo.

Nomataj Volkspod, tiuj du etaj motorbicikloj estis faritaj kun aldono de partoj de tiu aŭto Volkswagen Tipo 1: lumoj (antaŭaj kaj postaj) kaj kunigo de kotŝirmiloj. Kun malgranda sidloko kaj motoro 79 cm3, la Volkspod iĝis du-rada veturilo tre interesa.

La veturiletoj estis pentritaj kun tiuj originalaj koloroj de VW, nome betula verdo kaj paŝtela bluo. Informoj ankoraŭ ne estas pri produktatado de tiu elpensaĵo celante surmerkatigon.

Anekdoto: Ĉampiono

Viro alvenis hejmen forte ebriiĝinta kaj ridetanta. Lia edzino demandis lin:
– Kial vi estas tiom feliĉa?
– Mi partoprenis konkurson pri drinkado de brando!
La virino, kiu bone konis sian drinkeman edzon, do diris:
– Ho, karulo! Gratulon! Kiu estas la dualoka venkinto?
– Mi eĉ ne memoras tion, ĉar oni donis pokalon nur al la ĉampiono.
– Sed… kie estas via pokalo?
Kaj li respondis feliĉa:
– Mi ŝanĝis ĝin je pli da brando!

(Aŭtoro nekonata. Tradukis el la portugala: Júlio Pedrosa.)

La arkta magneta poluso moviĝas Ruslanden

Po kvin jaroj la usona faka organizo Nacia Mara kaj Atmosfera Administracio (angla mallongigo NOAA) ĝisdatigas la Mondan Magnetan Modelon (angla mallongigo WMM), kiu raportas pri la lokiĝo de la arkta magneta poluso – ĝi ne estu konfuzita kun la geografia norda poluso.

La dokumento (WMM 2020) denove reliefas, ke la arkta magneta poluso estas rapide moviĝanta el Kanado en direkto al Siberio, kaj la rapido da 55 kilometroj/jare rimarkita dum la lastaj 20 jaroj nuntempe ŝanĝis al 40 km/jare, laŭ konstato de la esploristoj. “Ekde la unua formala malkovro en 1831 la arkta magneta poluso trairis ĉirkaŭ 2.250 kilometrojn. Tiu vagado ĝenerale estis tre malrapida, ebligante al la scientistoj tre facilece trovi ĝin. Ekde ĉi-jarcento la rapido plialtiĝis”, tion asertas la studo.

Tiu fenomeno konsistas el la moviĝo de la likva fero ekzistanta en la nukleo de la Tero, kaj WMM provizas freŝajn informojn, kiuj utilas je mapoj, kompasoj kaj lokdeterminiloj.

Bonvenon!

Ĉi-tie oni rajtas libere afiŝi proprajn skribaĵojn en Esperanto, ĉu verkitaj ĉu tradukitaj de la afiŝanto, respektante la homajn rajtojn.
Ĉiu skribaĵo afiŝita malaperos post monato.

Tiun ĉi retejon prizorgas PCP, loĝanta en Brazilo.

Por aldoni novan skribaĵon…


Unuafoje petu invitilon…

(kaj petu novan invitilon se vi ne afiŝis de 30 tagoj)