Firmao elserĉas heredantojn por redoni artaĵojn konfiskitajn en naziisma epoko

La tutmonde konata germana firmao “Dr. Oetker” kontraktis historiistojn por inventari kolekton da 4,5 mil artaĵoj, kies plejparto estis akirita je judoj kiuj estis devigitaj fordoni siajn kolektojn.

Tiu firmao nuntempe strebas je riparado de sia riproĉinda agado en la jardekoj 1930 kaj 1940, kiam ĝi apogis la militajn klopodojn, ne nur per livero de miksaĵoj por pudingo, sed ankaŭ municio al la naziaj trupoj, krom uzi sklavolaboron ĉe kelkaj el siaj instalaĵoj.

Tiun aŭditon ordinis la konsilio de la firmao en 2015, sed ĝis nun nur kvar artaĵoj estis redonitaj al ties laŭleĝaj heredantoj.

Tiun aŭditon ordinis la konsilio de la firmao en 2015, sed ĝis nun nur kvar artaĵoj estis redonitaj al ties laŭleĝaj heredantoj. Laŭ Lothar Fremy, kiu estas unu el la advokatoj pritraktanta la aferon, temas pri malfacila tasko, kvazaŭ solvi grandan puzlon, kiuj certe bezonos 10, 20 aŭ 30 jaroj.

En 1998 konferenco okazis en Vaŝingtono (Usono), kiu starigis regulojn pri redono de objektoj disrabitaj de nazioj. Tiuj normoj estas amplekse observataj de pubkilaj organizoj, sed ne sufiĉe flanke de privataj kolektistoj.

Joerg Schillinger, proparolanto de la firmao “Dr. Oetker”, bedaŭras, ke ankoraŭ ekzistas entreprenoj, kiuj ne esploris siajn pasintecojn, kaj li sugestas: “Nepre faru tion, kaj pro la firmao kaj pro la investantoj”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Advertisements

Ĉasaviadilo F-16 de Usono akcidente falis en Sonora-Dezerto

Marde, la 5-an de septembro, ĉasaviadilo modelo “F-16 Fighting Falcon” de Usona Aerarmeo falis sudoriente de la usona subŝtato Arizono. La departamento de la ŝerifo de la distrikto Graham asertis mardvespere, ke vira piloto mortis tiam.

Tiu akcidento okazis proksimume la 15-an horon kaj 30 minutoj (loka tempo), je ĉirkaŭ 32 kilometroj de la urbo Safford, laŭ la aŭtoritatoj.

La ĉasaviadilo apartenis al la 162-a Alo de Nacia Gardado, kiu situas en la internacia flughaveno de Tusono, kaj utilas por trejnado de pilotoj de tiaj aviadiloj F-16. Nuntempe partoprenas la treinadon ses landoj, inter ili Irako, Nederlando kaj Ĉilio, laŭ informo fare de oficiro al “ABC News”.


Ĉi tiu teksto estas adaptaĵo fare de Paulo Cesar Pires el portugallingva artikolo

La maltrankviliĝo pro supoza nordkorea kodumula agado je GPS-sistemoj

La malsekureco de tuttera pozicitrova sistemo (angla mallongigo GPS) iom montriĝas antaŭ la ebleco de nordkoreaj intervenoj en navigadsistemoj okazigante koliziojn, kiuj difektigis du usonajn destrojerojn en Azio.

Por kodumuloj estas iom facile celi GPS-sistemojn, kiuj gvidas militajn kaj komercajn ŝipojn, kaj la plej danĝera maniero nomiĝas “spoofing”, kies agado ŝajnigas kiel ĝustaj iujn koordinatojn, kiuj tamen kondukas al alia punkto.

Solvon al tiu problemo pritraktas Sudkorelando, kiu reaktivis, kun informadikaj trajtoj, la mararmean komunikradion de la dua mondmilito. Malfavore estas, ke ĝi postulas grandegajn instalaĵojn.

Teknikoj pri “spoofing” delonge estas trejnataj de Ruslando kaj Ĉinlando, kiuj celas deturnado de bomboj kaj misiloj el arsenaloj de okcidento.

Laŭ la publikaĵo “New Scientist” la usona mara administrado registris junie 20 okazintaĵojn pri ŝipoj kun problemoj koncerne al GPS-sistemoj, en Nigra Maro, proksime de Krimeo, kiu estis aneksita de Ruslando.

Pasintjare Seulo kulpigis la nordon je uzo de tiu rimedo kontraŭ fiŝa floto – Pjongjango rifuzis tiun akuzon. Vaŝingtono (Usono) ne rimarkis problemojn pri GPS-sistemoj okaze de la karamboloj de siaj ŝipoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Protestoj per statuoj en Sud-Koreujo kolerigas Japanujon

En la lastaj tagoj ĉe busoj de kelkaj itineroj de la sud-korea ĉefurbo Seulo aperis nekutimaj pasaĝeroj – realgrandaj statuoj de senŝuaj virinoj, kiuj surhavas tradiciajn vestojn de la lando, kaj havas la manojn ripozantajn surkrure, kvazaŭ atendante venontajn ordonojn.

Tiuj statuoj aludas al la tielnomataj “konsolvirinoj”, kiuj estis la 200 mil koreaj virinoj uzataj de la japana imperio dum okupado de la korea duoninsulo, kadre de la Dua Mondmilito, por labori kiel seksaj rilatantoj kun soldatoj.

Protestoj tiurilate jam okazis en 1992, 2011 kaj januare-2017, sed Japanujo konsideras la aferon diplomatie solvita, pro la traktato subskribita de la landoj en 2015, kiu konsistis el formala japana pardonpeto kaj donaco je preskaŭ 10 milionoj da usonaj dolaroj al fonduso kiu helpas familianojn de la viktimoj trafitaj de tiu militkrimo.

“Ni maltrankviliĝas je tiuj malhelpoj kontraŭ la strebo por konservado de bonaj rilatoj inter Sud-Koreujo kaj Japanujo”, tion diris la japana proparolanto Yoshihide Suga, laŭ la gazeto “The Korea Times”.

Tamen flanke de la sudkoreanoj, la tempo de forgeso pri tiu afero ankoraŭ restas malproksime. Laŭ opinisondado fare de la usona firmao Gallup kaj diskonigita de la gazeto “The Japan Times”, 70% de la sud-korea loĝantaro konsideras, ke la traktado estis malbona, kaj ĝi devus esti denove pritraktata.


Ĉi tiu teksto estas adaptaĵo fare de Paulo Cesar Pires el portugallingva artikolo.

Murskribaĉoj de svastiko estas kreive kaŝitaj

Malkontentaj pro la kvanto da murskribaĉoj de svastiko ĉe stratoj de Berlino, stratartistoj elpensis kovrigi ilin per grafitaĵoj.

La Projekto “Paintback” (pentru denove), kiu estis fondita de Ibo Omari, celas kovri tian nazian simbolon per buntaj grafitioj tuj post ĝia aperio ĉe berlinaj muroj. “Antaŭlonge ni pripensis kiamaniere reagi al tiaj malamaj mesaĝoj”, tion li diris, “kaj decidon alvenis – ni reagu per humuro kaj amo”.

“Mi ĵus pripensis desegni iun kapon ĉirkaŭ la svastiko”, tion diris la junulo Klemens, kiu estas unu el la lernantoj de tiu metiejo de Ibo.

Laŭ la grupo, nun la naziaj simboloj jam malaltiĝas ĉe la muroj, sed la revo igi Berlinon tute libera el la svastikoj ja estas dezirata.

La svastika kruco estis ordinare uzata de antikvaj popoloj (en Mezopotamio kaj Bizanco), kaj ĉar ĝi estis adoptita kiel oficiala emblemo de La Tria Regno, ĝi ankoraŭ restas nuntempe kunligita al naziismo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Ĉinujo inaŭguris sian unuan fremdan militbazon

Laŭ komunikaĵo de ĝia registara novaĵagentejo, Ĉinujo oficiale inaŭguris eksterlande sian unuan militbazon, en Ĝibutio – lando apartenanta al “Korno de Afriko”, la tiel nomata kornoforma orienta ekstremaĵo de Afriko, kiu konsistas el la landoj Etiopujo, Eritreo kaj Somalujo, krom Ĝibutio. La afero koincidas kun la 90-jariĝo de Popola Liberiga Armeo.

Ekde kiam Ĉinujo manifestis, fine de la jaro 2015-a, sian emon starigi tian militan bazon, la registaro en Pekino multfoje asertis, ke tiu ago ne rilatas al ia milita ekspansio, sed ĝi koncernas agadon kontraŭ piratado, protektado de vojoj pri markomerco kaj internaciaj aktivaĵoj.

Ĝibutio jam gastigas similajn militbazojn de Usono, Francujo kaj Japanujo, kiuj inter aliaj celoj subtenas militajn ŝipojn, kiuj eskortas konvojoj pri humanitara helpo al diversaj landoj de tiu regiono, krom monitori la marojn por kontraŭbatali piratadon.


Ĉi tiu teksto estas adaptaĵo fare de Paulo Cesar Pires el portugallingva artikolo.

Nazia ŝipo kun ŝarĝo da brazila oro estis trovita ĉe islanda marbordo

“Minden” estas nazia germana ŝipo, kiu estis subakvigita je la 24-a de septembro 1939, kaj ĝi estis trovita antaŭnelonge en la islanda marbordo, fare de la brita firmao “Advanced Marine Services”, kiu estas faka entrepreno pri savo de pereitaj ŝipoj.

La ŝipo enhavus ŝarĝon de kvar tunoj da oro, kiu valoras 110 milionojn da eŭroj. Tiu oro estis prenita el “Banco Germânico”, kiu estis brazila filio de iu banko de la germana urbo Dresdeno.

Kiam ĝi estis alproksimiĝanta al Eŭropo, tiam Minden estis identigita de militoŝipoj de la brita mararmeo, nome “HMS Calypso” kaj “HMS Dunedin”. Do, Hitlero mem ordonis al la kapitano, la subakvigon de la ŝipo Minden por malebligi al la britoj, la prenon de la ŝarĝo. La ŝipanaro estis tiam savita kaj kondukita al ŝipbazo “Scapa Flow” en la insuloj Orkadoj, proksime al nordaj bordoj de Skotlando.

Oni atendas nun, ke islandaj aŭtoritatoj difinu tiun, kiun havos rajtojn pri la restaĵoj de tiu ŝipo, kaj eventuale rajtigi la firmaon “Advanced Marine Services” venigi ilin al Britujo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Havajo pritraktas eblecon de misila atako farota de Nord-Koreujo

La subŝtato Havajo (Usono) starigis kampanjon cele al pretigado de la insularo je ebla misila atako el Nord-Koreujo, laŭ informis ĉi-vendrede (la 21-a de julio) diversaj usonaj amaskomunikiloj.

La turisma sektoro kritikis tiun decidon, asertante ke tia minaco estas tre malcerta por pravigi tian krizan planon, kaj la afero povos maltrankviligi la turistojn, sed la Agentejo pri Kriza Kunordigado de Havajo kredas, ke tia pretiĝo ne plu devas esti prokrastita.

La plano memorigas la pretiĝojn por la malvarma milito, kiu disvolviĝis post la Dua Mondmilito en la insularo, kiu estis trafita de neatendita atako fare de la japana eskadro en 1941 al la bazejo Pearl Harbor.

Komence de julio Nord-Koreujo unuafoje sukcesis je testo pri interkontinenta misilo, kaj ekde tiam oni timas, ke la reĝimo de Kim Jong-un kapablus trafi la usonan subŝtaton Alasko, kiu estas pli malproksima de Nord-Koreujo ol Havajo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Registaro kaj virino pridisputas konstruaĵon kie Hitlero naskiĝis

 

Pasintjanuare Gerlinde Pommer-Angloher ekprocesis ĉe aŭstra konstitucia tribunalo celante nuligo de leĝo, kiu rajtigis al la ŝtato eksproprietigi 3-etaĝan domon ĉe la urbo Braunau, en landlimo inter Aŭstrujo kaj Germanujo. Ŝi estis la lastatempa proprulo de tiu konstruaĵo, kiu estis aĉetita de ŝiaj geavoj en la jaro 1913-a.

La eksproprietigo de tiu loko, kie naskiĝis Adolfo Hitlero, estas kontraŭkonstitucia, kaj tia ne estas la ununura maniero eviti la domon daŭri kiel vidindaĵo al novnazianoj, laŭ asertis ĉe la tribunalo ĉi-ĵaŭde (la 22-a de junio) la advokato de la virino.

“Daŭri kiel renkontiĝejo de neonazianoj post 70 jaroj de la fino de Dua Mondmilito estas fakto kiu tute ne rilatas al la eks-posedanto, S-rino Gerlinde Pommer-Angloher, kiu ĉiam havis neŭtralan sintenon je uzado de la domo”, tion diris la advokato Pommer-Angloher. Krome li diris, ke la solvo de tiu problemo koncernas al polico, aliaj sekurecaj fortoj kaj justico.

Laŭ la aŭstra registaro tia estis la ununura solvo por ĉesigi la disputon kun Pommer-Angloher, kiu estas emeritulo, ne havanta filojn kaj rifuzis antaŭajn proponojn fare de la ŝtato por aĉeto de la domo.

Ekde la jaro 1972-a la konstruaĵo estis luata al Ministerio pri Landinterno, sed en la lastaj jaroj pro tiu disputo ĝi estis neloĝata. Aŭstrujo planas reformi ĝin kaj starigi tie centron por tiuj kiuj spertas malfacilaĵojn je lernado. Tio ankaŭ estus provo por rompigi tie la ligon kun la hitlera ideologio.


Ĉi tiu teksto estas adaptaĵo fare de Paulo Cesar Pires el portugallingva artikolo.

Knabo kies bildo kortuŝis la mondon aperas en intervjuo

Omar Daqneesh

Ĵuse per TV-intervjuo prezentita en Sirio, Rusujo kaj Libano, oni montris Omar Daqneesh, kiu estas la sangmakulita kaj polvkovrita knabo fotita pasintjare post savo fare de fajrobrigadisto en la siria urbo Alepo. Je tiuj novaj bildoj li aperis sana kune kun sia patro.

La bildo de Omar ene de ambulanco kun mieno de malkompreno, post li estis prenita el ruinoj fare de bombaviadiloj aŭguste 2016, reefikis tutmonde kaj iĝis simbolo de la milito en Sirio. Ĝi estis kunhavigita de milionoj da retumantoj sur sociaj retejoj kaj stampis ĉefnovaĵojn de ĵurnaloj.

Horo poste savo de la familio de Omar, la loĝejo disfalis. Lia plejaĝa frato mortis post tagoj. Post detruo de la domo, lia patro provis kaŝi lin al amaskomunikiloj. Laŭ la brita gazeto “Telegraph” oni ne konas la cirkonstancojn pri la realigo de tiu intervjuo.


Ĉi tiu teksto estas adaptaĵo fare de Paulo Cesar Pires el portugallingva artikolo.