Por katamantoj – Jen laborposteno ĉe greka insulo

La rifuĝejo por katoj “God’s Little People Cat Rescue”, situanta en Siro (greka insulo en la Cikladoj, en la Egea Maro), serĉas prizorganton por 55 katoj loĝantaj tie.

Respondecas pri tiu loko la dana virino Joan Rachlitz Bowell, kiu afiŝis sur la fejsbukpaĝo de la rifuĝejo, anoncon serĉante iun por preni la mastrumadon de tiu loko dum ŝiaj estontaj forestoj. Laŭ la gazeto “Daily Mail”, Joan kaj sia edzo Richard fondis tiun rifuĝejon en 2010, kiam ili translokiĝis al Greklando pro sankialoj.

Krom ŝategi katojn la kanditado nepre scipovu stiradon (por viziti bestokuraciston) kaj lertiĝu pri kaptado de sovaĝaj katoj (ili estas sanigitaj, kastritaj kaj redonitaj al naturmedio).

La dungoto profitos la jenon: loĝadon en somerdomo kies ĝardeno donas privilegian vidon de la insula pejzaĵo, kvitancitajn fakturojn (akvo, elektro, ktp), krom salajro da cirkaŭ 317 eŭroj. La laborado estos longdaŭra, tio estas minimume ses monatoj. La elekto okazos ĉi-monate.


Ĉi tiu teksto estas adaptaĵo fare de Paulo Cesar Pires el portugallingva artikolo.

Glacistatuo surstrate atentigas pri risko de formorto de la elefantoj

Kiu trapasis la avenuon “Paulista” (San-Paŭlo, Brazilo) hieraŭ, la 12-an, tiu eble estis rimarkanta tiun ĉirkaŭ 3-metran statuon pri elefanto, farita el glacio. La ekspoziciado de tia statuo dum la Monda Tago de Elefanto celis atentigi pri la risko de formorto de tiu speco, kiu kalkulas unu besto kontraŭleĝe mortigita po 15 minutoj, kaj tio signifas, ke elefantoj povos esti tute malaperintaj de la naturo post 20 jaroj.

La elekto de glacio por tiu statuo praviĝas ĉar tiu materialo aludas riskon – tiu 6-tuna artaĵo de 90 blokoj estos tute likva ĉi-lunde. Interne de la statuo estas pulsanta elefanta koro insinuante, ke ankoraŭ tempo estas por eviti la formorton.

Tiun iniciaton faris la NRO (ne-registara organizaĵo) WildLifeDirect – registrata en Usono kaj Kenjo – kune kun la marko “Amarula”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Kun kosmosondilo rezistega al varmo NASA komencas mision ĉe Suno

Venontsabate, la 11-an de la 8-a monato, la homaro komencos sian unuan vojaĝon por “tuŝi” la Sunon. “Parker Solar Probe (PSP)” estas misio de la usona kosmagentejo NASA, kaj ĝi alfrontos milojn da celsiaj gradoj por kolekti informojn ĉe la plej proksima distanco de la Suno jam trafita de la scientistoj (7-oble pli proksime ol tiu atingita de ajna antaŭa kosmosondilo).

PSP havas grandon simile al tiu de aŭtomobilo, kaj ĝi estas kovrata de 11,43-centimetra speciala ŝildo, kiu rezistas temperaturojn super 1,3 mil celsiaj gradoj. Surface de la Suno la varmo povas atingi 5,5 mil ºC.

La nomo de tiu misio estas omaĝo al la kosma fizikisto de Miĉigano nome Eugene Newman Parker, kiu malkovris matematikan solvon por konfirmi la sunajn ventojn.


Ĉi tiu teksto estas adaptaĵo fare de Paulo Cesar Pires el portugallingva artikolo.

En Svislando la polico komencis kampanjon, por ke hundoj uzu ŝuojn

Pro la okazantaj ondoj de varmego en la vetero, la polico de la urbo Zuriko en Svislando komencis kampanjon, por ke la homoj piedvestu per ŝuoj siajn hundojn, celanti protekti ties piedojn kontaŭ la varmego de la planko.

Tiu kampanjo nomiĝas “Varmega Hundo”, kaj la hundoj de la polico donas ekzemplon, uzante ŝuojn dum urba patrolado. Tiamaniere oni evitas, ke la bestoj brulvundiĝus piedirante sur la varmega asfalto surstrate.

La policistoj sugestas, ke la hundposedantoj kontrolu la aferon per la 5-sekunda regulo: se kuŝante la manon dum 5 sekundoj sur la asfalto oni sperti tro da varmon, certe la hundo same spertus.


Ĉi tiu teksto estas adaptaĵo fare de Paulo Cesar Pires el portugallingva artikolo.

Ponto 1400 metroj alta iĝas vidindaĵo

Interesa ponto 150 metroj longa, 1400 metroj alta, kaj apogata de du grandegaj “manoj” iĝis unu el la ĉefaj vidindaĵoj en Vjetnamlando. La “Ora Ponto” (“Cau Vang” per vjetnama lingvo) ebligas belan panoramon pri la arbaroj de “Ba Na”, proksime de Danango, centre de la lando.

La turisma urbo “Ba Na” estas 20 kilometroj for de Danango, kaj ĝi estis fondita de francaj koloniistoj en 1919. Post cent jaroj tiu loko iĝis alloga regiono en Vjetnamlando. Por plaĉi al vizitantoj la registaro konstruis tie diverskilometran kablovojon, kaj rekreis francan mezepokan vilaĝon kun kastelo kaj katedralo, krom vaskan muzeon kun skulptaĵoj de steluloj kiel Lady Gaga kaj Michael Jordan, inter aliaj.

Tiu komunisma lando strebas allogi fremdajn vizitantojn celante iĝi nepra turisma celo en sudorienta Azio.


Ĉi tiu teksto estas adaptaĵo fare de Paulo Cesar Pires el portugallingva artikolo.

NASA premiis disvolvigintojn, kiuj projektis la estontan bazejon en Marso

Kvin teamoj el malsamaj regionoj de Usono gajnis premion da 100 mil usonaj dolaroj, kadre de la lasta fazo de la konkurso “3D-Printed Habitat Centennial Challenge”, kiu estis efektivigita de NASA, la usona agentejo de kosma esplorado, kaj Bradley-Universitato (Peoria, Ilinojso).

Laŭ komunikaĵo sur la retejo de NASA, la venkintoj sukcesis je kreo de “ciferecaj reprezentoj pri fizikaj kaj funkciaj trajtoj de domo en Marso, uzante ilojn de faka programaro”.

La defio komencis en 2014, kaj celas starigon de loĝejoj fidindaj al subteno de la vivo, por gastigi programojn de profunda esplorado pri la kosmo. La monpremio estis dividita laŭ la unuaro de la venkintoj “aljuĝita de panelo de fakuloj el NASA, akademio kaj industrio”.


Ĉi tiu teksto estas adaptaĵo fare de Paulo Cesar Pires el portugallingva artikolo.

La tuto de la renoviĝeblaj naturaĵoj de 2018 estos elĉerpita de la homaro la 1-an de la 8-a monato

La homaro estos konsuminta la 1-an de la 8-a monato la aron pri la naturaĵoj, ke la medio kapablas renovigi dum jaro, kaj pro tio oni vivos “havanta ŝuldon” dum kvin monatoj, laŭ la NRO (neregistara organizaĵo) “Global Footprint Network”.

Valérie Gramond, de la internacia neregistara organizo WWF por protektado de la naturo – kiu kunlaboras kun “Global Footprint Network” – klarigas, ke en tiu tago “oni jam estos forkonsuminta la arbojn, akvon, fruktodonan grundon, kaj fiŝojn, kiujn la Tero povas leveri por onia uzado dum jaro”, kaj li memorigas, ke tiu tago alvenas jare pli kaj pli frue.

Kiam komencis tiun mezuradon – kiu inspiris komence de la 1970-aj jaroj la aferon “Tago de la superŝarĝo de Tero” – tiam la naturaĵoj elĉerpiĝis la 29-an de la 12-a monato, kaj en 2017 la 3-an de la 8-a monato.


Ĉi tiu teksto estas adaptaĵo fare de Paulo Cesar Pires el portugallingva artikolo.

Anasino sekvata de 76 idoj estis fotita en Usono

Fotisto trafis anasinon transpasanta lagon en Usono, kaj tiam ĝi estis sekvata de 76 idoj. Temas pri Brent Cizek, kies foto estis farinta la 27-an de la 6-a monato, sed nur antaŭnelonge ĝi estis diskonigita ĉe aktivuloj de la movado pri medikonservado.

Sur la foto oni vidas – ĉe la lago “Bemidji” en la urbo samnoma, subŝtato Minesoto – vicon da anasidoj de speco, kiu en Brazilo estas konata kiel “merganso-grande”.

Ordinare anasinoj estas akompanataj de 20-30 idoj, kaj maloftege oni spertas tian kuriozan okazintaĵon. Laŭ fakuloj ne nepre tiu anasino estas la patrino de ĉiuj tiuj idoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

“Virtuala ŝoforo” de Waymo jam ŝoforis tra pli ol 12 milionoj da kilometroj

Waymo (antaŭe “Projekto pri senŝofora aŭto de Guglo”) estas firmao pri disvolvado de teĥnikaro por sanŝofora aŭto, apartenanta al la grupo Alphabet de Guglo, kaj laŭ ĝia prezidanto, John Krafcik, la sistemo jam spertis veturadojn je pli ol 8 milionoj da mejloj surstrate en la urboj ekde ties komenco en 2009.

Rimarkinde estas, ke la “lernado” de la senŝoforaj aŭtoj akceliĝis antaŭnelonge: ĝis la 11-a monato 2017 estis traveturita entute 4 milionoj da mejloj, kiuj duobliĝis post nur 8 monatoj.

“Ni pretigas la plej spertan ŝoforon tutmonde”, tion diris Krafcik.

Nune la senŝoforaj aŭtoj de Waymo trairas ĉiutage ĉirkaŭ 40 mil kilometrojn – la plimulto de la testoj okazas en Usono, per aŭtomobiloj modelo Chrysler Pacifica, kun ordinaraj homoj interne de ili. Ankaŭ ekfunkcias plia modelo, nome Jaguar I-Pace, kun la sistemo de la firmao.

Ĉiuj informoj kolektitaj nutradas ununuran sistemon pri homfarita inteligenteco, kiu regas ĉiujn senŝoforajn aŭtojn de Waymo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Oportuno por luksemburgdevenaj homoj tutmonte

Luksemburgo estas lando en okcidenta Eŭropo, kiu situas inter Franclando, Belglando kaj Germanlando, kaj ĝia registaro malfermis aliĝadon – ĝis la 12-a monato 2018 – por tiuj luksemburgdevenaj homoj tutmonte, kiuj volus tiulanda civitaneco.

Kun iom pli ol 600 mil loĝantoj, Luksemburgo staras inter tiaj plej riĉaj eŭropaj landoj, kaj tutmonde inter tiaj landoj kun plej malneta enlanda produkto (MEP). Ĝi estas fondinta lando de Eŭropa Unio (EU) kaj Unuiĝintaj Nacioj (UN).

En Brazilo oni rimarkas luksenburgdevenaj brazilanoj kun familijomoj jenaj, inter aliaj: Entringer, Drechsler, May, Schroeder, Webber, Brommerschenkel.


Ĉi tiu teksto estas adaptaĵo fare de Paulo Cesar Pires el portugallingva artikolo.