Brita firmao estas dunganta vindistojn por infanetoj

Ĉirkaŭvolvi suĉinfanon per vindo certe ne estas plezuriga tasko, ĉefe se temas pri anstataŭigo de tiaj malpuraj vindaĵoj. Tiurilate brita firmao planas liveri al gepatroj servon pri profesia vindado, kaj pro tio ĝi estas kontrakanta vindistojn por infanetoj.

La kondiĉoj por tiu laborposteno ĉe “childcare.co.uk” jenas: 1-jara sperto pri vindado de infanetoj kaj havi malplenan krimslipon. Je la tasko anstataŭigi vindaĵojn oni perlaboru po 5 britajn pundojn.

Tiu iniciato efektiviĝas pro intereso de gepatroj, inspirite de similaĵo aperinta kadre de la lasta ŝercotago (la 1-an de la 4-a monato). “Multaj gepatroj diris al ni, ke ili dezirus eblecon mendi iun por vindi iliajn infanetojn, kaj nun ili povas fari tion. Ni jam havas pli ol 100 kandidatojn al tiu laborposteno, sed tiom ne sufiĉas por la bezono de Unuiĝinta Reĝlando”, tion diris la prezidanto de la firmao, Richard Conway, al la brita gazeto “Daily Mail”


Ĉi tiu teksto estas adaptaĵo fare de Paulo Cesar Pires el portugallingva artikolo.

La foto de la jaro, kadre de la premio WPP

Ĵaŭde la 12-an de la 4-a monato en Amsterdamo, Nederlando, estis premiita en la kategorio “la plej bona foto de la jaro”, kadre de la premio “World Press Photo” (fotado de tutmonda gazetaro), bildon kiu kaptis momenton pri bruligo de la 28-jaraĝa universitata studanto Víctor Salazar, pro eksplodo de milita motorbicikla benzinujo, okazinta la 3-an de la 5-a monato 2017 en la placo Altamira, oriente de Karakaso, la regurbo de Venezuelo. Tiam junuloj estis protestantaj kontraŭ la registaro.

La bildon kaptis Ronaldo Schemidt, kiu estas fotisto de la franca novaĵagentejo APF, kaj li raportis: “Mi ekspertis varmon kaj lumegon. Mi ne identigis la aferon, nur rimarkis fajran pilkon alvenante. Mi sekvis ĝin fotante senĉese kaj pro krioj mi eksciis pri la okazintaĵo”.

Antaŭnelonge Carmen Salazar, fratino de la junulo, rakontis al AFP, ke lia korpo estis brulvundita je 70 elcento, kaj li trapasis 42 operaciojn koncerne al enplanto de haŭto.

Partoprenis la konkurson WPP-2018 pli ol 4.500 fotistoj el 125 landoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

26-kilograma dikiĝo estas motivaĵo esprimata en juĝista decido

Sudkorea junulo estis kondamnita – temas pri provizore haltigita mallibereco – ĉar li intence grasiĝis je 26 kilogramoj por eviti la sudkorean militservon, laŭ informis la gazeto “The Korea Times” lunde la 26-an de la 3-a monato.

La tribunalo de la urbo Ĉonĝuo, situanta ĉirkaŭ 100 kilometrojn sudokcidente de la regurbo Seulo, konsideris kulpa iun 21-jaraĝan viron, kiu en 2016 dikigis sin por eskapi al sia milita devo, kies manko povos okazigi punojn je ĝis kvin jaroj da malliberigo.

Laŭ la verdikto eldonita lunde, tiu junulo estis 1,80 metroj alta, kaj 87 kilogramoj peza en la 2-a monato 2016, tamen ĉe la dua korpa kontrolado je la 7-a monato 2016 lia pezo plialtiĝis al 113,6 kilogramoj.

Pro lia korpomasa indikaĵo malkongrua, li estis nomita al laborposteno pri publika funkciulo, tamen la polico malkovris lian planon kaj denoncis la aferon al la justico.


Ĉi tiu teksto estas adaptaĵo fare de Paulo Cesar Pires el portugallingva artikolo.

Skulptisto tutmonde mokita prezentis novan buston pri Cristiano Ronaldo

Post elmetadis sin al tutmonda mokado, Emanuel Santos faris novan buston de la fama piedpilkisto. Antaŭjare Cristiano Ronaldo estis spektanta ceremonion en la portugala insulo Madejro, kie li naskiĝis, por malfermo de la tiea flughaveno, kiu estis de tiam renomigita kun lia nomo (portugallingve “Aeroporto Internacional da Madeira Cristiano Ronaldo”). Tamen je tiu okazintaĵo kiu allogis atenton de la amaskomunikiloj estis tiu verko de Emanuel Santos, taksita kiel ne aspektanta al la omaĝata famulo.

Jaro poste la sportkultura retejo B/R (angla mallongigo por Bleacher Report), intervjuis Emanuel Santos, kiu prirakontis la tutan aferon, kaj kiamaniere tio trafis lin kaj lian familion.

Jaro poste la sportkultura retejo B/R (angla mallongigo por Bleacher Report), intervjuis Emanuel Santos, kiu prirakontis la tutan aferon, kaj kiamaniere tio trafis lin kaj lian familion. La retejo defiis lin fari novan buston pri Ronaldo kaj akompanis la faron.

Vere por Emanuel Santos skulptado estas ŝatokupo, li ne estas profesia skulptisto, kaj tiam li estis dungito de firmao, kiu liveras servojn al la flughaveno de Madejro.

Jen la koncerna filmeto: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

Britino venkis la konkurson de 2018 pri plej elstara instruisto

Andria Zafirakou estis anoncita ĉi-dimanĉe (la 18-an de la 3-a monato) en Dubajurbo (Dubajo), kiel venkinto de la premio “Global Teacher Prize”, kiu estas kvazaŭ Nobel-premio pri edukado. La koncerna ceremonio estis prezentita de la sudafrika komediisto Trevor Noah en la hotelo “Atlantis, The Palm”, kun ĉeesto de la brita aŭtomibila piloto Lewis Hamilton, de la ŝtatprezidanto de Argentino Mauricio Macri kaj de la ĉefministro de Unuiĝinta Reĝlando, Theresa May.

Tiu premio de unu miliono da usonaj dolaroj staras inter tiaj plej grandaj tutmonde, kaj ĝi reliefigas la gravecon de la profesio pri edukado, krom la merito de la instruistaro esti agnoskita kaj honorigita ĉie.

Andria instruas arton ĉe la mezgrada lernejo “Alperton Community School” en la londona distrikto “Brent”, kiu estas loko inter la plej pluretnaj en la lando. Ĉirkaŭ 35 lingvoj estas parolata en tiu lernejo, kies lernantoj apartenas al malriĉaj familioj kaj spertas perforton de krimaj bandoj. Lernante baznivele multaj el la lingvoj de la lernantaro, ŝi sukcesis je rilatoj kun la familioj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Bezonota profesio: trejnado de homfaritaj inteligentsistemoj

Teĥnikaroj ofte kulpas pri forigado de laborpostenoj, sed en la venontaj monatoj ili stimulos la mendadon de kelkaj profesiuloj, laŭ artikolo sur fakgazeto de MIT-Universitato, kun listo pri kvin reliefaj karieroj en estonteco. (Ligilo al la artikolo, anglalingve)

Kune kun la plialtigado de aŭtomatigo kaj teĥnikaroj kun “homfarita inteligenteco” (“AI”, laŭ la angla mallongigo), la laborposteno “instruisto de maŝinoj” estos inter tiuj kiuj gajnos spacon ĉe labormerkato.

MIT substrekas, ke oni bezonas sufiĉe da laborado por trejni AI-programaron, por ke ĝi vere iĝu inteligenta. Ekzemple, iu robotika industrio povus bezoni informojn el miloj da instancoj por fari maŝinon preni pecon kadre de muntoĉeno. Tiaj AI-sistemoj ne ĉion scipovas, ili estas ege inteligentaj, sed ili estas iloj kiuj lernadas kaj akiras enhavojn.


Ĉi tiu teksto estas adaptaĵo fare de Paulo Cesar Pires el portugallingva artikolo.

La provo pri kuirista roboto por hamburgaĵoj

“Flippy” estas kuirista roboto kreita de la firmao “Miso Robotics”, kaj ĝi kapablas prizorgi samtempan kuiradon je 12 hamburgaĵoj. Ĝi ekfunciis ĉi-monate lunde (la 5-an) en lunĉejo de la reto “CaliBurger” en la urbo Pasadena (Kalifornio – Usono), sed post tri tagoj ĝi estis malŝaltita por reagordigo de la provo, kiu interesegis la klientojn kaŭzante plialtigon de la mendado.

Al la usona gazeto “USA Today” la firmao “Miso Robotics” asertis lastĵaŭde, ke “Flippy” estus refunkciigita lunde (la 12-an) kun limigita deĵoro – de la horo 11-a ĝis la horo 2-a posttagmeze – por helpi je tagmanĝa tempo.

En tiu lunĉejo en la areo nomata “Flippy’s Kitchen” oni povas rigardi la agadon de tiu roboto. La firmao “CaliBurger” planas instali ĉi-jare tiun roboton ĉe pliaj 50 lunĉejoj de sia reto, komenciĝante per tiuj en la urboj Seatlo (Vaŝingtonio) kaj Anapoliso (Marilando).

Jen koncerna filmeto: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

Mikrosofto reagis al strebado de instruisto, kiu instruas komputadon ne havanta komputilon

Rakonto pri la instruisto Richard Appiah Akoto reliefiĝis en interreto pro tio, ke ne havanta komputilon, li instruas komputadon en la afrika lando Ganao nur pere de kretotabulo.

Laŭ la retejo “MS Power User” Richard instruas la fakon “novaj teĥnikaroj pri komunikado kaj informado”, kaj la afero estas amuza al li. Impresas, ke li detale desegnas, ekzemple la interfaco de la mikrosofta verkilo “Vorto” (Microsoft Word), forgesante nenian funkciaĵon.

La lernejo de Akoto havas neniun komputilon ekde la jaro 2011-a, malgraŭ tio, ke la lernantoj nepre trapasu ekzamenon pri tiu fako, kiel postulo de la kurso.

Instigite de la entreprenisto S-rino Rebecca Enonchong, per Tvitero, Afrika Mikrosofto reagis promesante donacon de nova komputilo por la lernoĉambro de Akoto, krom eduka materialo por profesia disvolviĝo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Jen okazonta konkura vendo: dungpropona formularo (1973) de Steve Jobs

Venontmonate, kadre de popkultura foiro en Bostono (Usono), okazos konkurvendo de personaj objektoj, kaj inter ili estos kelkaj tiaj de Steve Jobs, la fama pioniro pri komputila industrio, kunfondinto de la firmao Apple Computer Inc.

Inter la objektoj de Jobs estas iu peto pri laborposteno en la jaro 1973, per formularo mane skribita de li tri jaroj antaŭ la fondo de sia propra firmao Apple. Oni ne scias je kiu dungisto tiu formularo estis plenumita, kaj oni estimas, ke ĝi estos vendita kontraŭ 50 mil usonaj dolaroj.

Kurioze: la kreinto de la telefonaparato “iPhone” tiam plenumis la kampon “telefono”-n de la formularo per la vorto “none” (angla vorto por “neniu”).

En 2011 je la aĝo 56 jaroj Steven Jobs forpasis pro kancero. Pasintjare Apple iĝis la unua firmao kies mona merkatvaloro superis 800 miliardojn da usonaj dolaroj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Elton Jhon anoncis sian emeritecon

Per gazetara intervjuo merkrede la 24-an de januaro en Nov-Jorko (Usono), la brita kantisto Elton Jhon anoncis sian lastan tutmondan muzikrondiron, okazonta ekde septembre kaj finiĝonta en 2021.

“Mi estas 71-jaraĝa. Fizike mi ne plu povas vojaĝadi. Mi volas resti hejme. Mi deziras hejmajn travivaĵojn ĉe miaj filoj. Mi havis nekredeblan vivon, sed ĝi nepre ŝanĝiĝas”, tion diris li, kiu geedzece vivas kun la kina reĝisoro David Furnish.

Tiu anoncita adiaŭa muzika rondvojaĝo, nome “Farewell Yellow Brick Road”, enhavos 300 spektaklojn.


Ĉi tiu teksto estas adaptaĵo fare de Paulo Cesar Pires el portugallingva artikolo.