La nova plej bela knabino

Post la kreskiĝo de la franca manekeno Thylane Blondeau, kiu nuntempe estas 16-jaraĝa, ŝajne la nova plej bela knabino de la mondo estiĝis: la 6-jaraĝa rusino Anna Knyazeva.

Thylane faris historion kiel la plej juna manekeno, kiu pozis al la moda revuo Vogue, kiam ŝi estis nur 10-jaraĝa.  Nun la junulino progresas kiel manekeno.

Anna, kvazaŭ bela pupeto, jam brile ludis kiel manekeno je reklamaj kampanjoj en sia naskiĝlando kaj aliande tra Eŭropo.

Nuntempe tiu “elekto” de Anna venas el sia famiĝo ĉe la socia retejo Instagramo, kie ŝia konto kalkulas je pli ol 530 mil sekvantoj. La konto estas kontrolata de ŝia patrino, kaj ĝi estas plena je fotoj pri tiu knabineto kun glata, kaŝtankolora longhararo, franĝo kaj bluokuloj. [ LIGILO ]


Ĉi tiu teksto estas adaptaĵo fare de Paulo Cesar Pires el portugallingva artikolo.

Advertisements

Ĝisdatigo en roboto kapabligis ĝin lerte cirklosalti

Ĵaŭde la 16-an de novembro la firmao pri robotiko “Boston Dynamics” prezentis novan varianton de la roboto “Atlas”, kiu nun kapablas salti, eĉ per cirklosalto malantaŭen.

Ĝis nun Atlas estis programita por plenumi taskojn rilatantaj al iu profesia tasko, kiel ekzemple levi kaj porti skatolojn. La kapablo salti estis aldonita por plibonigi la ekvilibron de la maŝino.

Tiu tria versio de Atlas estas 75 kilogramoj peza, sed ĝi jam estis multe pli peza (375 kg). Por montri kelkajn ĝisdatigojn la firmao aperigis per ĝia jutubkanalo tiun filmeton: LIGILO

Boston Dynamics kiam estis fondita tiam ĝi emis fari robotojn cele al militagadkampo. En la jaro 2013-a ĝi estis aĉetita de la firmao Guglo, kiu junie 2015 vendis ĝin al la japana firmao “Softbank”. Tiu azia firmao disvolvas ankaŭ la amikiĝeman roboton “Pepper“.


Ĉi tiu teksto estas adaptaĵo fare de Paulo Cesar Pires el portugallingva artikolo.

Televido raportis pri etikaj problemoj je produktado de gumursetoj

La germana firmao Haribo produktas la famajn gumbombonojn kun formo de ursetoj ekde la jaro 1922-a, kaj ĝi dungas pli ol 7 mil homojn ĉe dek landoj. Pasintmonate, per la publika germana televidkanalo ARD, aperis dokumenta filmo, kiu denoncis la malbonajn okazintaĵojn ĉe la produktado de ingrediencoj de tiuj gumursetoj.

La problemoj, laŭ la raporta filmo, koncernas al livero de du produktoj fare de partneraj firmaoj al Haribo. El Brazilo venas vakson de la palmo nomata karnaubo, kies produktado en brazilaj bienoj supoze estas farita de laboristoj submetitaj al kvazaŭa sklava laborado.

La alia ingredienco nedece produktata originas en germanaj bienoj pri bredado de porkoj, norde de la lando, kie la bestoj supoze spertas damaĝojn, laŭ bildoj prezentitaj de grupo pri bestoprotektado. La firmao Westfleisch pritraktas la haŭton de porko, kiu estas aĉetita de la bienoj kaj vendita al la firmao Gelita, kiu fine liveras ĝin al Haribo kiel gelateno.

Lastĵaŭde, la 2-an de novembro, Haribo anoncis, rilate al vakso de karnaubo, ke atendas rezultojn pri enketo mendita al sendependaj juĝoficistoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

La robota helpanto de leterportisto

Bad Hersfeld estas urbo en la germana subŝtato Hesio, kaj tie de tri semajnoj estiĝis nova maniero por liveri poŝtaĵojn tra la stratetoj de ĝia malnova zono: per teamo konsistanta el homo kaj robota prototipo, kiu estis alnomita “Postbot”.

La nova “kolego” de la poŝtisto Cindy Rexrodt estas flav-nigr-kolora – la koloroj de la koncerna firmao “Deutsche Post AG”, kiu estas la tutmonde plej granda entrepreno pri poŝto. “Ĝi estas ega mildigo por mi, kaj por mia dorso”, tiel ŝi laŭdis la maŝinon.

Per kvar radoj “Postbot” sekvas “Rexrodt” (35-jaraĝulino) observante distancon je unu metro malantaŭe. Ĝiaj perlumsentiloj nepre celas la kurojn ŝian – ĝiaj mezuroj estis skanitaj kaj konservitaj en la memoro de la roboto, kiu rekonas kaj sekvas nur tiujn.

En tiu eksperimento estas dua funkciulo, kiu per teleregilo pretas reagi al neatenditaj okazoj pri misfunkcio de la poŝta roboto, kiu ĝis nun glate deĵoradis, laŭ asertis la franca firmao kiu respondecas pri tiu teĥnikaĵo.


Ĉi tiu teksto estas adaptaĵo fare de Paulo Cesar Pires el portugallingva artikolo.

 

14-jaraĝa manekeno mortis pro tro da laboro

Vlada Dzyuba estis 14-jaraĝa rusa manekeno, kaj de tri monatoj ŝi estis laboranta en Ĉinlando, kie ŝi estis trafita de kolapso post intensa laborado dum 13 horoj, kadre de evento pri modo okazinta en la ĉina urbo Ŝanhajo. Laŭ la brita gazeto “Daily Mail” ŝi mortis post du-taga komata stato.

En la tago de ŝia morto ŝi ege laciĝis, kaj estis trafita de meningito, kiu komatigis ŝin je kelkaj minutoj antaŭ siaj lastaj aperigoj sur la prezentada platformo.

La gazeto diris, ke la agentejo kiu kontraktis ŝin ne akiris sanasekuron por la junulino, kaj ĝi devigis ŝin al multaj laborhoroj – ŝi devus labori nur tri horojn semanje. Nun la firmao estas akuzata pri antaŭenigo de sklavlaboro.

Pavel Mikov, kiu estas la civitana defendanto pri homaj rajtoj de la rusa urbo Permjo – kie naskiĝis la manekeno – diris, ke li persone prizorgos la enketadon pri tiu okazaĵo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Firmao rajtigas al dungatoj libertagon pro postebrio

Londona entrepreno de la muziksektoro ofertas al siaj funkciuloj ripozigan libertagon pro postebrio, celante subteni ilin je ĝuado de nokta vivo, per trankvila resanigo en la morgaŭo.

Tiun politikon adoptis la firmao DICE, kun sidejo en la londona kvartalo “Shoreditch”, kaj kies fako estas vendado, per poŝtelelfono, de biletoj al muzikspektakloj.

Post nokta drinkado, la funkciulo devos nur sendi al sia estro, bildsignon pri biero, malsano aŭ muziko, kiel sciigo pri sia foresto en tiu tago. Jare oni rajtas ĝis kvar tagojn da forpermeso pro tiu kialo.

La firmao emas instigi siajn teamanojn plene profitiĝi je ĉiutago de la londona muzikvivo, cele al plialtigo de iliaj konoj pri la metio.


Ĉi tiu teksto estas adaptaĵo fare de Paulo Cesar Pires el portugallingva artikolo.

La Ejnŝtejno de la 21-a jarcento

“Mi estas nur studento. Mi multo lernendas. Mi ne meritas tiun atenton”. Tiamaniere la 24-jaraĝa fizikisto diplimiĝinta en MIT (Masaĉuseca Instituto de Teknologio) Sabrina Gonzalez Pasterski, priskribas sin sur sia retejo “physicsgirl.com”, kiu estas ŝia unura cifereca ĉeesto, krom jutubkanalo. La usona junulino kun kuba deveno nuntempe kursas doktoriĝon pri fiziko en Harvard-Universitato, kaj ŝi elstariĝas ĉe la akademia komunumo, kie multoj pritaksas ŝin kvazŭ “eble la nova Ejnŝtejno”.

Kiam ŝi estis nur 22-jaraĝa, tiam la periodaĵo “Forbes Magazine” enlistigis ŝin ĉe “Forbes 30 Under 30”, kiu listigas junulojn kun aĝo malpli ol 30 jaroj, kiuj reliefas laŭ diverskampoj kiel entreprenado, teĥnikaro, amaskomunikilo kaj scienco.

Esploroj de la junulino jam estis cititaj eĉ de la fama brita fizikisto Stephen Hawking.

Daŭrigante ĉe akademia medio Sabrina jam konscias, ke la labormerkato jam malfermiĝas al ŝi. Jeff Bezos, kiu estas fondinto de la firmao “Amazon” kaj de la kosmonaŭta firmao “Blue Origin” diris, ke estas laborposteno atendante ŝin.

Ĉe Harvard-Universitato ŝi havas stipendion por disvolviĝo de esploroj, kaj permeso de sia instruisto por elekti siajn studaĵojn kaj metodojn. Sendependeco kaj memregeco allogas ŝin. “Estas tre bone havi stipendion por prizorgi nur cerbumadon. Mi havas multon por cerburmi”, tion Sabrina asertis.

Jen kelkaj konkeroj de Sabrina:
9-jaraĝa – kapablo je riparado kaj pilotado de aviadilo
14-jaraĝa – konstruo de propra aviadilo
16-jaraĝa – eniro en MIT, kie ŝi diplomiĝis per maximuma poentaro
24-jarĝa – diplomiĝanta en Harvard, kaj citita de Stephen Hawking


Ĉi tiu teksto estas adaptaĵo fare de Paulo Cesar Pires el portugallingva artikolo.

La dana kompanio LEGO maldungos 1400 homojn

Ĉi-marde, la 5-an de septembro, la dana kompanio LEGO, kiu fabrikas plastikajn ludilojn, anoncis ke fortranĉos 8% de sia laborforto, pro malaltigo de vendado en Usono kaj Eŭropo.

En la unua duonjaro la firmao spertis redukton da 5% en la negocoj, kiuj estis 2,3 miliardoj da usonaj dolaroj, kaj pri la profito, ties redukto konsistis el 3%.

Tutmonde konata pro siaj multkoloraj plastaj eroj, tiu marko multe amplekisigis siajn agadkampojn en la lastaj jaroj, trafante sektorojn kiel komputilaj ludoj, kino, animacioj kaj eĉ iu porinfana amuzparko nome “Legoland”.

Jorgen Vig Knudstorp, kiu estas prezidanto de la firmao, per komunikaĵo diris, ke “la organizo devos iĝi malpli ampleksa ol ĝi estas nun, kaj tiamaniere onia negoco estos simpligita, por celi pli da infanoj”.

Tiu rearanĵo signifas fortranĉon de 1.400 laborpostenoj tra la mondo, ĝis la fino de 2017. Lego nuntempe dungas ĉirkaŭ 18.200 homojn.

Komence ĉi-jare la faka firmao Brand Finance, pri internacia valorigo de markoj, publikigis raporton, kiu citas Legon kiel “la marko plej konata tutmonde”, ĉefe okaze de la komerca sukceso de la filmoj “La Filmo Lego” kaj “LEGO Batman: la Filmo”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Subhaŭta bitblato jam identigas funkciulojn en firmao

Teknologia firmao en la subŝtato Viskonsino (Usono) kaptis atenton anoncante uzadon de enplantaĵoj en la korpoj de siaj funkciuloj, anstataŭe al nomŝildoj, ŝlosiloj kaj pasvortoj.

Monaton post tiu anonco, 61 el 80 de la funkciuloj de la firmao “Three Square Market” jam uzas tiun eron, kiu grandas kiel riza greno kaj estas subhaŭte enmetita per injektilo inter la fingroj polekso kaj montrofingro.

La bitblato kvazaŭas strekokodon, kiu ebligas al ciferaj legiloj identigi la nomon, la departamenton kaj eĉ la kreditkart-numeron de la funkciulo, ekzemple por aĉeti ion ĉe manĝetejo de la firmao.

“La aliĝo estis tute volontula. Mi mem surpriziĝis pri tiom da intereso. Certe ĉar ni estas teknologia entrepreno, la teamo glate interesiĝas pri novigoj”, tion al BBC diris Todd Westby, la ĝenerala direktoro de “Three Square Market”, kiu estas konata kiel produktanto de aŭtomataĵ maŝinoj por vendi Koka-kolaon en metrostacidomoj.

Laŭ la kreinto, tiu aparateto povas esti facile kaj rapide forigita, helpate de kuracisto aŭ flegistino.


Ĉi tiu teksto estas adaptaĵo fare de Paulo Cesar Pires el portugallingva artikolo.

Aparta laborposteno allogas 100 mil kandidatojn

Ununura posteno cele al aparta misio por la firmao “SerasaConsumidor” furoras en Brazilo, kaj ĝi jam ricevis 100 mil aliĝojn pere de la retejo “O emprego dos sonhos” (La revata dungado), kies limdato por kandidatiĝoj finiĝos je la horo 23:59 de la venonta dimanĉo, la 13-a de aŭgusto.

La kontraktota kandidato havos kiel misio, veturante tra 40 brazilaj urboj, raporti pri financa vivo de la homoj, kiuj li trovos en tiu vojaĝado, kaj diskonigi tiujn historiojn en la sociaj retoj (tekste, bilde, videe).

Por la tuta sezono (de la 4-a de septembro 2017 ĝis la 31-a de aŭgusto 2018) la malneta salajro estos 100 mil realoj (preskaŭ 27 mil eŭroj), kaj krome avantaĵoj estos pagitaj de la firmao, kiel transportado, gastigado, nutrado kaj malsanokosta asekuro.

La alvokitoj por la dua fazo, devos krei 45-sekundan filmeton pri financa edukado kaj publikigi ĝin en la retejo de la projekto. Ili trapasos balotadon ĝis la 19-an de aŭgusto, kiam la homoj povos voĉdoni laŭ siaj preferoj.

La 10 partoprenantoj kun pli da voĉdonoj, krom kvin elektitaj de teamo de la firmao, tiuj trapasos al la fina etapo, kiu konsistas el skajpa intervjuo. La kontraktota venkinto estos anoncita je la 25-a de aŭgusto.


Ĉi tiu teksto estas adaptaĵo fare de Paulo Cesar Pires el portugallingva artikolo.