Junulo postvivis al 49-taga devoja flosado sur Pacifiko

Ĉe flosanta kabano por fiŝkatado, indoneza junulo postvivis post 49 tagoj da mara devoja flosado, ĝis tiam kiam li estis savita de ŝipo kun panama flago, kaj alportita ĝis Japanlando.

Aldi Novel Adilang estas 19-jaraĝa, kaj li estis laboranta flamigante lampojn ĉe ia mara flosanta fiŝkaptilo – konata loke kiel “rompong” – 125 km for de la marbordo. Tiu tasko ĉelas logi fiŝojn, kaj laŭ lia patro li estis “lampflamigisto” ekde la aĝo 16 jaroj.

Ĉiusemajne aliulo de lia dunganta firmao estis veninta tie por rikolti la fiŝojn el la kaptiloj kaj liveri al li nutraĵon, akvon kaj brulaĵon. La firmao posedas 50 tiajn kabanojn disigitajn en la mara regiono de la indoneza urbo Manado. Ili estas lignaj kaj restas ankritaj al mara fundo per longaj ŝnuroj.

Tamen komence de la 7-a monato viglaj ventoj rompis la ŝnurojn kaj kondukis Aldi al hazarda flosado en tiu oceano. Laŭ la indoneza konsulejo en Osako, en tiu periodo entute dek ŝipoj preterpasis ne rimarkante lin, ĝis la ŝipo MV Arpeggio trovi lin sur la akvoj de la insulo Gvamo la 31-an de la 8-a monato.


Ĉi tiu teksto estas adaptaĵo fare de Paulo Cesar Pires el portugallingva artikolo.

Firmao pri konkura vendo “Christie’s” proponas pentraĵon verkita de algoritmo

La franco Hugo Caselles-Dupré, kiu estas inĝeniero pri komputado, kune kun siaj amikoj de infanaĝo Gauthier Vernier kaj Pierre Fautrel, fondis en Parizo entreprenan grupon, kiu kreis algoritmon kapablanta verki originalajn pentraĵojn, kvazaŭ ĝi estu elstara pentristo.

Tiamaniere aperis la pentrajo “Barão de Belamy”, kaj laŭ la fama firmao pri konkura vendo “Christie’s” la artaĵo estas sufiĉe bonkvalita – eĉ ĝi estas ofertata en ĝia vendejo de Nov-Jorko, kun prezo taksata je 7-10 mil usonaj dolaroj.

La verkoj estas elpensitaj de la algoritmo “Generative Adversarial Network (GAN)”, kiu “lernas” kiel pentri post analizi aron da informoj pri ekzistantaj pentraĵoj – ekzemple koncerne al “Barão de Belamy” estis konsideritaj 15 mil pentraĵoj.

Tamen estas kelkaj artistoj nekonvinkiĝantaj, ke maŝino povas krei veran arton.


Ĉi tiu teksto estas adaptaĵo fare de Paulo Cesar Pires el portugallingva artikolo.

Fajra ventokirlo malhelpis agadon de fajrestingistoj kontraŭ arbaraj brulegoj

En Kanado fajrestingistoj, kiuj estis provanta ĉesigi unun el diversaj brulegoj trafantaj okcidenton de la lado, tiuj surpriziĝis antaŭ “fajra ventokirlo”, kiu forprenis ilian fajrobrigadan hoson, laŭlonge de senpavima aŭtovojo en la ĉirkaŭaĵo de Vanderhoof, ĉe la provinco Brita Kolumbio.

Laŭ aŭtoritatoj nuntempe estas 333 arbaraj fajregoj – 10 el ili jam estas presistantaj de tri monatoj.

La virino M.C. Schidlowsky, kiu estas membro de la fajrestinga grupo, afiŝis en la socia retejo Instagramo filmeton, kiu montras tri el siaj kolegoj spertante tiun situacion.


Ĉi tiu teksto estas adaptaĵo fare de Paulo Cesar Pires el portugallingva artikolo.

Ubero elpelos uzantojn kun notoj malpli ol 4

Pasaĝeroj uzantoj de la servoj de la firmao Ubero, kiu provizas komputilajn servojn kadre de privata urba transporto, povos esti malpermesataj en la koncerna programeto. Tiu regulo ekavlidos ĉi-monate ekde la 19-a tago por uzantoj de la platformo de la landoj Aŭstralio kaj Nov-Zelando, laŭ informis la gazeto Wall Street Journal.

Intervjue al la gazeto, Susan Anderson asertis, ke la pasaĝeroj kun notoj malpli ol 4 steloj – la maksimuma noto estas 5 steloj – estos atentigataj tiurilate por ke ili havu oportunon plibonigi siajn taksunuarojn. Tamen se iliaj notoj ne plialtigu, ili estos malrajtigitaj en la platformo. La porparolanto reliefigas, ke Ubero celas plibonigi la rilatojn ankaŭ kun la ŝoforoj, por ke ĉiuj partoprenantoj de tiu sistemo profitu pli justan interrilaton.

Malgraŭ tio, ke en Brazilo tiu afero ne estis oficiale anoncita, Ubero de tiu lando informis que tiu regulo jam validas tie ekde la 6-a monato 2018.


Ĉi tiu teksto estas adaptaĵo fare de Paulo Cesar Pires el portugallingva artikolo.

Pro nova reklamo usonanoj detruas varojn de la marko Nike

Kadre de la plej freŝa reklamkanpanjo de Nike – la marko pri sportproduktoj – la partopreno de tiu ludisto pri “usona piedpilkado” nome Colin Kaepernick, kaŭzis multajn reagojn ĉe la sociaj retejoj, kaj koncerne al ties produtoj estas unuflanke tiuj kiuj proteste detruas ilin, kaj aliflanke tiuj kiuj ĝuste pro la reklamo apoge ekaĉetas ilin.

La koncerna anonco prezentas la foton de Kaepernick – li estas 30-jaraĝa – kun la frazo: “Apogu ion, eĉ se tio postulus ĉian strebadon”.

Tiu eksludisto de la teamo “San Francisco 49ers” ne plu ludas kadre de NFL – la organizaĵo pri la sporto en Usono – ekde la sezono 2016-2017, kiam li komencis ian protestmanieron: genuiĝo dum ludado de la himno por atentigi pri la polica perforto kontraŭ malplimultoj en la lando. Tiam li asertis: “Mi ne leviĝos, por montri fieron al flago de lando, kiu subpremas nigrajn homojn. Por mi tio plej gravas ol piedpilkado. Mi estus egoisma rigardante alian flankon. Kadavroj estas surstrate”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Pro sudkorea venko en Aziaj Ludoj, Son liberiĝas el sia milita devo

Ĉe Sud-Korelando la viroj estas devigataj je dujara militservo, kaj la koncerna aliĝo nepre efektiviĝu ĝis la 27-jariĝo, kaj venontjare la sudkorea ludisto Son Heung-Min havos tian aĝon. Li apartenas al la tradicia teamo de piedpilkado “Tottenham”, de la britia regurbo Londono (Unuiĝinta Reĝlando), kaj li ankoraŭ ne plenumis sian militan devon en sia devena lando.

Tamen ĉe lia naskiĝlando al ludistoj eblas iĝi nedeviga je tiu militservo, se oni akiras honoraĵon tian por venko de konkursoj konsiderataj gravaj de la registaro, kiel Aziaj Ludoj, FIFA-Mondpokalo kaj Olimpiaj Ludoj.

Tiurilate Son havis la unuan oportunon en 2012 kadre de la Olimpiaj Ludoj en Londono, tamem tiam Sud-Korelando falis antaŭ Brazilo. Poste, en 2014, malbonŝance lia tiama germana teamo “Bayer Leverkusen” malpermesis lian partoprenon en la Aziaj Ludoj okazinta en Sud-Korea mem, kiu venkis tiam.

Finfine hieraŭ (sabate, la 1-an de la 9-a monato) Sud-Korelando venkis kontraŭ Japanlando en la finalo de Aziaj Ludoj en Indonezio (la ludo bezonis eĉ aldonan periodon), kaj gajnis la oran medalon de la piedpilkada konkurso. Tiamaniere la partopreno de Son ĉifoje, kun tiu venko, rajtigas lian liberiĝon el la milita devo.


Ĉi tiu teksto estas adaptaĵo fare de Paulo Cesar Pires el portugallingva artikolo.

USP proponas eventon por sciencemaj knabinoj

Universitato de San-Paŭlo (USP), en Brazilo, gastigos eventon, kiu celas alproksimigi knabinojn al la jenaj sciencokampoj: Marscienco, Elektra Inĝenierarto, Astroscienco, Nervscienco, Malgrandskala Vivscienco, Bestoscienco, Scienco pri Pravivaĵoj, Astra Vivaĵscienco, Kuraciloscienco kaj Edukado. La tiel nomata “Meninas com Ciência” (“Knabinoj kun Scienco”) estas kurso por inaj lernantoj de mezgrada lernejo – tio estas de la kvina ĝis naŭa lerneja jaro – celante la estiĝon de pli da inaj scientistoj en estonteco.

Tiu evento okazos ĉe la nstituto pri marscienco de USP, de la 9-a ĝis la 17-a horo, sabate – la 10-an, 17-an kaj 24-an de la 11-a monato, kaj la 1-an de la 12-a monato 2018. La knabinoj partoprenos prelegojn kaj praktikaj aferoj kune kun elstaraj virinoj, ĉu profesoroj, ĉu esploristoj, kadre de la scienca agado en Brazilo.

Aliĝon oni faras ĉe la retejo de la projekto ĝis la 10-an de la 9-a monato 2018. Estas entute 50 lokoj (al knabinoj de publikaj kaj privataj lernejoj, po 25), kaj la partoprenontoj estos lote elektitaj el la aliĝintoj.

La koncerna retejo de la projekto “Meninas com Ciência”: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

Kreinto de “La Simpsonoj” elpensis novan serion – tiu pri drinkema princino

Lastvendrede (la 17-an) la elsendflua firmao Netflix prezentis propagandfilmeton pri nova serio de desegnofilmo, nome (Mal)ensorĉiteco, kies elpenso estis mendita al Matt Groening, la kreinto de “La Simpsonoj” kaj “Futurama”.

Tiu serio prezentas iun ensorĉitan reĝlandon, kie iu ebria princino, iu elfo (mitologia estulo), kaj iu demono kune spertadas multajn aventurojn kadre de mezepoka mondo.

Kiuj ŝategas tiun ŝercemon de la jam konataj roluloj de la malnovaj serioj (“Homer” kaj “Philip J. Fry”), tiuj certe ĝuos (Mal)ensorĉitecon kiel donaco.


Ĉi tiu teksto estas adaptaĵo fare de Paulo Cesar Pires el portugallingva artikolo.

La brazilano kiu gajnis al “oskarpremion” de la bildrakontoj, kun verko pri sklaveco

Marcelo D’Salete estas 39-jaraĝa brazila desgnisto, bildrakontisto kaj instruisto. Li akiris ĉe la Universitato de San-Paŭlo magistran akademian titolon pri historio de la arto, kaj ekis kiel bildrakontisto en 2001 per publikaĵoj sur la brazilaj gazetoj “Quadreca” kaj “Front”.

Lia unua grafika novelo, nome “Noite Luz” (“Nokto-Lumo”) aperis en 2008 pere de la eldonejo “Via Lettera”, kaj en 2011 aperis la bildrakonto “Encruzilhada” (“Vojokruciĝo”), ĉe la eldonejo “LeYa”.

La plej aklamitaj verkoj de Marcelo, nome “Cumbe” en 2014, kaj “Angola Janga” en 2017, pritraktas la rezistadon ak sklaveco en Brazilo – ambaŭ estis publikigitaj de la eldonejo “Veneta”.

La 20-an de 7-a monato 2018 la usona eldono de “Cumbe”, kiu estis tradukita al la angla lingvo kun la titolo “Run for It”, venkis en la kategorio “plejbona usona eldono pri fremda materialo”, kadre de la premio “Eisner Awards”, kiu estas tutmonde la plej grava premio pri bildrakonto.


Ĉi tiu teksto estas adaptaĵo fare de Paulo Cesar Pires el portugallingva artikolo.

Plialtiĝas la uzado de haŭtoheligaĵoj en Afriko

Laŭ la plej lasta raporto de MOS (Monda Organizaĵo pri Sano), 77% de la niĝeraj virinoj uzas produktojn por igi la haŭton pli hela, kaj tiurilate la kuracistoj atentigas pri tiuj, kiuj estas nek trapasintaj testojn pri sekureco, nek kontrolataj.

En Afriko haŭtoblankigo estas delonga kutimo, kaj ĉiame la fakaj kuracistoj atentigas pri la riskoj, ke tiu konduto alportas al la sano.

“La uzado de produtoj por heligi la haŭton kreskadas, aparte ĉe dekkelkjaruloj kaj junuloj”, tion klarigas Lester Davids, kiu estas profesoro pri Homa Vivscienco ĉe Pretorio-Universitato (Sud-Afriko). “La malnova generacio uzis haŭtoŝmiraĵojn, kaj la nova uzas pilolojn kaj injektaĵojn”, li diras.

Aktivuloj pri la “nigra konscienco” indigniĝas pro tia malfeliĉega heredaĵo kaj cerbolavado, ke “posedi helan haŭton gravegas”, kiu estas frukto de jarcentoj da sklaveco kaj koloniado. Iliaj voĉoj estas pli kaj pli komprenataj en la cetera mondo, sed ne tiom en Afriko, kie tiu fenomeno ne malakceliĝas.


Ĉi tiu teksto estas adaptaĵo fare de Paulo Cesar Pires el portugallingva artikolo.