Mortis toreisto vundita en taŭra batalludo

Iván Fandiño

La hispana toreisto Iván Fandiño mortis lastsabate (la 17-a de junio) en malsanulejo de la sudokcidenta franca urbo Mont-de-Marsan, kie li estis enhospitaligita post kornovundo kiu trafis lin dum toreado.

Fandiño, 36-jaraĝa, falis grunden post stumbli je sia tolo de toreado, kaj tiam lia pulmo estis trafita de la korno de la virbovo.

Tiu eŭska toreisto, kiu naskiĝis en la urbo Orduña (regiono de Bilbao – Hispanujo) estis partoprenanta en la toreadoj de la urbo Aire-sur-l’Adour (Francujo), kune kun la hispano Juan Del Álamo kaj la franco Thomas Dufau.


Ĉi tiu teksto estas adaptaĵo fare de Paulo Cesar Pires el portugallingva artikolo.

Japanujo aprobas leĝon kiu permesos la abdikon de la imperiestro Akihito

Akihito

Ĉi-vendrede, la 9-a de junio, la Supera Ĉambro de Japanujo aprobis la leĝproponon, kiu  permesos al la imperiestro Akihito transdoni la tronon al sia filo, la kronprinco Naruhito. En la daŭro de 200 jaroj, la okazintaĵo estos la unua tia en tiu lando.

La regularo pri la imperiestra familio ĝis tiam ne permesis tian eblecon pri abdiko, kaj la ĵusa leĝo venas reage al plendo de la 83-jaraĝa monarko koncerne al sia maljuneco kaj delikata sano.

Nun la registaro difinu la daton de abdiko, kiu okazu ĝis tri jaroj post publikigo de la leĝo, kiu validas nur por la Imperiestro Akihito.


Ĉi tiu teksto estas adaptaĵo fare de Paulo Cesar Pires el portugallingva artikolo.

Malajzio lanĉis konkurson pri “prevento de samseksemo”

homossexualismo

Aŭtoritatoj pri sano de Malajzio lanĉis konkurson pri ideoj de “prevento de samseksemo”, kiu estigis ondon de reagoj flanke de grupoj da GLAT-aktivuloj (gejoj, lesbaninoj, ambaŭseksemuloj kaj transgenruloj).

Laŭ la koncerna regularo la konkursantoj sendu filmentojn kiuj montru la “konsekvencojn” roli kiel GLAT, kaj ankaŭ pritrakti “preventon, kontroladon kaj helpopeton”.

Tiu konkurso, inkluzivas aliajn kategoriojn, kiel retseksumado, kaj seksa sano por reproduktado. Ĝi estis lanĉita lastĵaŭde (la 1-a de junio) kaj finiĝos je la venonta 31-a de aŭgusto. La venkontoj ricevos monpremiojn de 200 ĝis 800 eŭroj.

Malajzio estas azia multetna lando kun plimulto da islamanoj, kaj tie samseksemo estas tabuo, kun leĝaj monpunoj, kaĵ eĉ ĝis 20-jara malliberigo, al tiuj kiuj geje plenumi seksajn agojn.


Ĉi tiu teksto estas adaptaĵo fare de Paulo Cesar Pires el portugallingva artikolo.

La ĉina “nacia revolucio pri necesejoj”

banheiro-publico

Ĉinujo decidis solvi urĝan problemon – pli ol 50.000 publikaj necesejoj estis ĉu konstruitaj ĉu riparitaj kadre de ia “nacia revolucio pri necesejoj”, kiu malaperigas netaŭgajn kaj malpurajn necesujojn, aparte ĉe turismaj lokoj.

Ankoraŭ ĝis fino de la 2017-a jaro miloj da novaj necesejoj anstataŭigos tiajn malnovajn, kiuj ne ebligas sufiĉe da privateco al la uzantoj. Laŭ la agentejo “Nova Ĉinujo”, per enketo oni konstatis nelonge, ke la taksado pri ĉinaj publikaj necesejoj jam pliboniĝis, atingante 80% da aprobo, kontraŭ 70% en la jaro 2015-a.

Krome, ĉe kelkaj lokoj, la aŭtoritatoj enmetis sistemon por eviti malŝparon kaj ŝtelon de klozetpapero. Legi pli:  LIGILO

Kuriozaĵo – ĉe la ĉinaj urinejoj jam de longa tempo estas instigo al la viroj por proksimiĝi kaj plibone klin-direkti, per afiŝoj kun jena skribaĵo – “paŝeto antaŭen, civiliza paŝego”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Travolta donacis sian aviadilon al aŭstralia muzeo

travolta

La usona aktoro John Travolta donacis al aŭstralia aviada muzeo sian aviadilon Boeing 707, kiu estis konstruita en 1964 por la plej granda aŭstralia flugkompanio “Qantas Airways”. Li aĉetis tiun aviadilon kiam la flugkpmpanio “emeritigis” ĝin post 30 jaroj da funkciado.

“Ege plezurigas min fari tiun historian anoncon, konsciante, ke mia ŝatata Boeing 707 estis donacita al HARS (Historical Aircraft Restoration Society)”, per komunikaĵo tion asertis Travolta, kiu estas ambasadoro de la flugkpmpanio Qantas ekde la jaro 2002-a.

HARS, kiu estas aŭstralia organizaĵo pri konservado de aviadiloj, kontribuos je riparado de la aviadilo, por ke ĝi glate plenumu unutagan flugadon de Usono ĝis bazo situanta je 145 kilometroj de Sidnejo (Aŭstralio).

La dato de la livero ankoraŭ ne estis decidita, kaj Travolta diris, ke li volas partopreni la skipon kiu flugos al Aŭstralio.


Ĉi tiu teksto estas adaptaĵo fare de Paulo Cesar Pires el portugallingva artikolo.

Princino abdikos por edziniĝi kun plebano

kei-kaj-mako

La princino Mako, kiu estas nepino de la japana imperiestro, eble edziniĝos venontjare, tion informis Agentejo de la Imperiestra Domo. Laŭ la publika TV-dissendanto NHK, Mako anoncos sian fianĉiniĝon kun la junulo Kei Komuro, kiu estis studento en la sama universitato frekventita de la princino.

Mako estas 25-jaraĝa, la plejaĝa filino de la princo Akishino kaj princino Kiko, kaj ŝi estos la unua familia membro geedziĝinta en tiu generacio. En 2010 ŝi diplomiĝis pri Artoj kaj Studoj pri Kultura Propraĵo en Tokio, ĉe la Internacia Kristana Universitato. En Skotlando ŝi partoprenis programon de studenta interŝanĝo.

La onta fianĉo Komuro samaĝas kiel la princino, li loĝas proksime al Tokio en la urbo Jokohamo kaj laboras en advokateca oficejo. Li ŝatas kuiradon, skiadon kaj violonon.

Laŭ la regularo pri la imperiestra familio, la virinoj kiuj edziniĝos kun plebanoj, estos devigitaj abdiki la rajtojn pri deveno de Trono de Krizantemo. Tiamaniere la imperiestra genealogia arbo emas al malpligrandiĝo, ĉar la ununura knabo de la generacio pri nepoj de la imperiestro estas Hisahito, kiu estas la plej juna infano de la princo Akishino.


Ĉi tiu teksto estas adaptaĵo fare de Paulo Cesar Pires el portugallingva artikolo.

Kvinzo – la novjorka distrikto, kiu parolas pli ol 160 lingvojn

barrio-queens

Enhavante 2,3 milionojn da loĝantoj, kun homoj devenantaj el ĉiuj kontinentoj, la multkultura distrikto Kvinzo en la urbo Novjorko estas la plej multlingva urba zono de Usono.

Laŭ la novjorka urbodomo, en Kvinzo, kie preskaŭ 50 procento de la loĝantoj naskiĝis alilande, oni parolas pli ol 160 lingvojn, precipe la hispana, la ĉina, la korea, la rusa, la itala, la greka kaj la tagaloga (Filipinoj).

En tiu, kiu estas la plej granda distrikto de la urbo, la etna diverseco estas tiel impona, ke oni povas identigi ĉiu kvartalo tie laŭ la idiomoj kaj dialektoj parolataj de siaj loĝantoj.

Promenado tra tiea grava avenuo, nome Roosevelt, iĝas kvazaŭ vojaĝo al malsamaj kulturoj kaj latitudoj. La regiono estas konektita kun la urbocentro pere de la sepa metroo-lineo, konata kiel “International Express”, pro ofteco de veturantoj diverslandaj je ties ĉiutago.

Kvinzo (angle, Queens) estas unu el la kvin komunumoj de Novjorko. La du mondfamaj flughavenoj, La Guardia kaj John F. Kennedy, situas en Kvinzo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Kirurgo estis senkulpigita pro fortranĉo de infana peniso dum cirkumcido

cirkumcido

Iu kuracisto (urologo) estis senkulpigita ĉi-merkrede, la 19-a de aprilo, post esti akuzita kiel respondeca pri tragika akcidento okazinta en 2014 sur kirurgia tablo en Genevo, Svislando. Tiam tiu profesiulo estis plenumanta cirkumcidon ĉe 4-jaraĝa knabo, kaj ties patro estis spektanta la procedon, portante kameraon.

La akcidento okazis kiam dum la cirkumcida procedo la patro alvokis sian infanon por fotado. En tiu momento estante operacianta, la infano subite turniĝis, kaj pro tio la kirurgo nevole amputis la penison de la knabo. La organo eĉ falis planken.

Laŭ la gazeto “Daily Mail” spite la akuzo pri korpa vundado pro neglekto, la 59-jaraĝa svisa kuracisto estis senkulpigita de la loka justico, kiu agnoskis ke li ne povus esti respondeca pri tia “neantaŭvidebla ago” flanke de la knabo por pozi al fotado.

Je multaj religioj cirkumcido estas rigardata kiel celebrinda okazintaĵo, kvazaŭ ia puriga bapto de la knabetoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Taksideo enterigis bovinon por posta manĝado

taksideo

Sep kameraoj dislokitaj sur Utaho-Dezerto januare-2016 kaptadis impresajn scenojn pri enterigo de bovino fare de ununura taksideo, kiu estas amerika arĝenta melo.

La revuo “Western North American Naturalist” aperigis detalojn pri tiu observado fare de Utaho-Universitato, kadre de esploro pri agado de kadavromanĝantaj bestoj en vintra periodo. Por allogi tiuj bestoj sep mortintaj bovidoj estis lasitaj antaŭ la kameraoj kun mov-sentiloj.

Taksideo estas konataj pro enterigi malgrandajn mamulojn por poste manĝi ilin iom-post-iome, sed oni ne atendis, ke ili kapablus fari tion al besto kiu estas kvaroble granda ol ili.

La vir-taksideo bezonis kvin tagojn por fosadi kaj enterigi la mortintan bovidon. Post kelkaj tagoj da ripozado ĝi revenis tien dum diversaj semajnoj por sin nutri mangante la enterigitan kadavron, ĝis la komenco de marto 2016.

Jen koncerna filmeto: ligilo


Ĉi tiu teksto estas adaptaĵo fare de Paulo Cesar Pires el portugallingva artikolo.

Ekde nun geedziĝo de neplenaĝulo estas malpermesata en Germanujo

geedzigxo

La germana registaro aprobis ĉi-merkrede (la 5-a de aprilo) leĝproponon, kiu malpermesas geedziĝon de neplenaĝulo, malgraŭ ke tie tia okazaĵo malmultas, sed de du jaroj la alveno de tiom da rifuĝintoj estigis debaton tiurilate.

Tiu leĝpropono fare de la ministro pri justico Heiko Maas kaj adoptita de la Ministra Konsilio celas protekti neplenaĝulojn trafitaj de devigitaj geedziĝoj, aparte knabinojn kaj adoleskantinojn edziniĝintaj kun pli maljunaj viroj.

La nova leĝo validas ankaŭ pri geedziĝo de neplenaĝulo efektivigita laŭleĝe eksterlande, ĉar ebligas al junulino eventualan apartiĝon je sia edzo kaj esti kondukita al la sociaj servoj. Verdire geedziĝoj en eksterlando de tiuj aĝantaj malpli ol 16 jarojn estos konsiderataj nevalidaj en Germanujo, kaj inter 16 ĝis 18 jarojn la tribunaloj pri familio povos nuligi ilin.


Ĉi tiu teksto estas adaptaĵo fare de Paulo Cesar Pires el portugallingva artikolo.