Forpereo minacas la japanan imperiestran familion

La japana imperiestra familio estas trafita de neniam antaŭe spertita demografia krizo. Laŭ la nuntempa regularo pri la imperiestra familio, krom ne rajti kroniĝon, virinoj kiuj edziniĝos kun plebanoj, tiuj estos devigitaj rezigni la rajtojn pri deveno de la Trono de Krizantemo.

Ĉar ekzistas multe pli da virinoj ol viroj inter tiuj parencoj de la nuna imperiestro, la daŭrigo de tia diskriminacia regularo povus igi minimuman la familion, kaj eĉ riski la tronheredon en estonto ne tiom malproksima.

Entute la imperiestra familio konsistas 19 membroj, el kiuj nur kvin estas viroj, inkluzivante la nuna imperiestro, Akihito, kiu eksiĝos fine de la 4-a monato 2019. Tiam la la Trono de Krizantemo transdoniĝos al lia unuenaskita filo, la princo Naruhito, kiu estas 58-jaraĝa. Tiu estas patro nur de la princino Aiko, kiu ne rajtas esti la heredanto. La sekva pozicio en tiu linio de tronheredo apartenas al la frato de Akihito, nome Fumihito (52-jaraĝa), kaj post tiu estas lia plej juna filo (11-jaraĝa), nome Hisahito, kiu estas la ununura viro de sia generacio.

Tiu situacio denove vekas diskutadon koncerne al ŝanĝoj en la regularo pri la Trono de Krizantemo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Oportuno por luksemburgdevenaj homoj tutmonte

Luksemburgo estas lando en okcidenta Eŭropo, kiu situas inter Franclando, Belglando kaj Germanlando, kaj ĝia registaro malfermis aliĝadon – ĝis la 12-a monato 2018 – por tiuj luksemburgdevenaj homoj tutmonte, kiuj volus tiulanda civitaneco.

Kun iom pli ol 600 mil loĝantoj, Luksemburgo staras inter tiaj plej riĉaj eŭropaj landoj, kaj tutmonde inter tiaj landoj kun plej malneta enlanda produkto (MEP). Ĝi estas fondinta lando de Eŭropa Unio (EU) kaj Unuiĝintaj Nacioj (UN).

En Brazilo oni rimarkas luksenburgdevenaj brazilanoj kun familijomoj jenaj, inter aliaj: Entringer, Drechsler, May, Schroeder, Webber, Brommerschenkel.


Ĉi tiu teksto estas adaptaĵo fare de Paulo Cesar Pires el portugallingva artikolo.

Ŝatantoj festis la 50-jariĝon de la aŭtomobilo “Chevrolet Opala”

En Brazilo tiu ne plu produktata aŭtomobilo “Chevrolet Opala” estas inter tiaj klasikaj modeloj plej festataj, kaj ĉi-jare ĝi 50-jariĝas. La koncerna datreveno pri ĝia surmerkatigo okazos nur en la 11-a monato, sed la “festo” okazis vespere lasmarde (la 17-an) ĉe Anhembi-Sambodromo, en San-Paŭlo, kun partopreno da ses mil homoj, laŭ la organizintoj.

Krom miloj da “invititoj”, la “amfitrionoj” (Opaloj) ĉeestis amase – ĉirkaŭ 700 ekzempleroj de tiu aŭtomobilo, de diversaj jaroj, motorecoj kaj karoserioj.

Tiu evento estis demokatia, ĉar tie oni rimarkis ekzemplerojn ĉu iomete aĉa, ĉu perfekta, kaj eĉ unu tian antikvan veturilon de la milita polico de la subŝtato San-Paŭlo.

Jen portugallingva fotoraporto: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

En Brazilo la princino Mako partoprenas eventojn kun japandevenaj brazilanoj

La plej aĝa nepino de la japana imperiestro Akihito, nome princino Mako, alvenas hodiaŭ (la 18-an) en Rio-de-Ĵanejro, kaj ŝi restos en Brazilo dum du semajnoj por partopreni eventojn kadre de festado pri la 110-jariĝo de alveno de la unuaj japanaj enmigrintoj en la lando.

Tiu princino estas 26-jaraĝa, faras sian kvaran vojaĝon eksterklanden – unuafoje en Brazilo – kaj vizitos 14 urbojn en kvin subŝtatoj, kie ŝi partoprenos eventojn kaj kunvenos kun japandevenaj brazilanoj, antaŭ ŝia reveno al Japanlando la 31-an de la 7-a monato.

Hodiaŭ la princino faros kortegecan viziton al la brazila ŝtatprezidanto Michel Temer, kaj vizitos la vidindaĵon “Statuo de Kristo Savinto”, antaŭ vojaĝi morgaŭ (la 19-an) al la subŝtato Paranao.

Vendrede (la 20-an) ŝi prelegos en la urbo Maringao, kaj en la sekva tago ŝi partoprenos kiel ceremoniestro ĉe festa evento en la urbego San-Paŭlo, kiu gastigas la plej granda japana komunumo de la lando.

La princino vizitos ankaŭ diversaj aliaj lokoj kun granda ĉeesto de japandevenaj brazilanoj, kiel Manaŭso – la regurbo de la subŝtato Amazonio – kaj Tome-Asuo (subŝtato Parao).


Ĉi tiu teksto estas adaptaĵo fare de Paulo Cesar Pires el portugallingva artikolo.

Kiel kuiri bongustan milanan rizaĵon

La itala rizaĵo (en la itala lingvo “risotto”) estas tradicia plado de la itala kuirarto surbaze de la rizo. Ĝi estas unu el la plej oftaj manieroj kuiri la rizon en Itallando.

Oni plej agnoskas, ke la origina “milana rizaĵo” estis kreita en 1574 de la juna komencanta pentristo “Valério de Flanders”, kiu estis helpanto je konstruado de la vitromozaikaj fenestroj de Milano-Katedralo.

Ingrediencoj

8 teotasoj da bolanta buljono de kokino
1 teotaso da seka blanka vino
1 malgranda cepo pecetigita
1/2 teotaso da butero
1 1/2 teotasoj da arboria rizo
1 koverto da sekigitaj stigmoj de safrano
4 supkuleroj da raspita parma fromaĝo

Preparado

1) En kuirpoto fritu per mezforta fajro dum du minutoj la cepon kun duono da butero, miksante senĉese.

2) Aldonu la rizon, fritante kaj miksante ĝin dum minuto. Verŝu la vinon kuirante ĝin ĝis ĝia forvaporiĝo.

3) En taso miksu la safranon kun la bolanta buljono kaj aldonu ilin al la rizo en la poto.

4) Metu la restantan buljonon iom post iom, laŭ la rizosekiĝo, miksante.

5) Forigu la fajron kaj metu la restojn de butero kaj fromaĝo. Miksu, kovru la poton kaj lasu ripozi dum du minutoj.

6) Transigu ĝin al bovlo por tuja livero al manĝotablo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3CO

Jen 200-kilometra homĉeno favore al sendependeco de Eŭsklando

Laŭ Vikipedio “Eŭsklando estas la tradicia lando de la Eŭskoj. Ĉar la Eŭskoj neniam havis fortegan politikan unuecon, ĝi nuntempe troviĝas en situacio simila al tiu de dispecigita Kurdlando: Du el ĝiaj tri ĉefaj partoj troviĝas ene de la hispana regno, dum Nord-Eŭskio estas franca”.

Hieraŭ – dimanĉe, la 10-an de la 6-a  monato – miloj da homoj estigis homĉenon da 200 kilometroj inter la urboj Donostio, Bilbao kaj la regiona regurbo Vitorio, por postuli popolkonsulton pri sendependeco de Eŭska Aŭtonoma Komunumo (norda Hispanlando).

Laŭ la grupo “Gure Esku Dago” (en la eŭska lingvo signifas “Ĉe Niaj Manoj”) ĉirkaŭ 175 mil homoj partoprenis la manifestacion, inter ili estis politikistoj, krom eŭskaj kaj katalunaj aktivuloj pri sendependeco.

Tiu okazintaĵo, kiu daŭris duonhoro, bezonis mil aŭtobusojn kaj 5 mil volontulojn por konduki la partoprenantojn al la stratoj kaj veturvojoj. La afero finiĝis per legado de manifesto antaŭ la Eŭska Parlamento en Vitorio.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3yO

Ĉasistoj mortigis 122 gravedajn balenojn

Japanaj balenistoj kaptis kaj mortigis 122 gravedajn balenojn de la speco “balenoptero nana” lastsomere en Antarkto. Laŭ raporto sendita al Tutmonda Balena Komisiitaro (angle “International Whaling Commission – IWC”), la balenŝipoj mortigis entute 333 tiajn bestojn inter la 11-a monato 2017 kaj la 3-a monato 2018 – tiam la ĉasista grupo estis vizitanta Sudan Poluson.

Asertas Japanlando, ke sia projekto pri kaptado de balenoj koncernas “sciencajn celojn”, malgraŭ ĝia viando esti vendata por nutrado. En 2014 Unuiĝintaj Nacioj riproĉis tiun aferon – laŭ UN tio estas “mortiga esplorado”.

Krom tiaj 122 gravedaj bestoj, estis mortigitaj ankaŭ balenidoj – 61 viraj kaj 53 inaj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3wT

La duopo Obama kreis firmaon por filmofarado al Netflix

Laŭ komunikaĵo fare lunde (la 21-an) de la elsendflua firmao Netflix, “Higher Ground Productions” estas firmao starigita de la usonaj eksprezidanto kaj eks unua sinjorino, Barack kaj Michelle Obama, por liveradi seriojn kaj filmojn al Netflix.

Tiu kontrakto validos je tempodaŭro da pli ol jaro, sed la komunikaĵo ne precize klarigas kiom da tempo, kaj la koncernaj valoroj ne estas informitaj.

“Inter tiaj simplaj plezuroj spertitaj kadre de nia publika deĵorado, koncernis konatiĝi homojn kun ĉiaj travivaĵoj, kaj helpi ilin kundividi siajn spertojn al pli granda publiko. Tial mi kaj Michelle entuziasmiĝas anoncante tiun kunagadon ĉe Netflix – ni esperas kultivi kaj elekti talentajn voĉojn, tiajn inspirajn kaj kreopovajn, kiuj kapablu antaŭenigi la plialtigon de kompreniĝado inter popoloj, kaj helpi ilin disvastigi siajn historiojn tutmonde”, tion asertis Barack Obama.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3tO

Cristiano Ronaldo starigos restoracion en Brazilo

Laŭ la portugala gazetaro la mondfama piedpilkisto Cristiano Ronaldo pretigas en Brazilo restoracion, kiu ricevos la nomon de sia patrino – Sinjorino Dolores – kaj ĝi jam estas konstruata en la urbo Gramado – troviĝanta en la montara regiono nomata “Serra Gaúcha”, de la subŝtato Suda Rio-Grando, sude de la lando.

Faka pri la portugala kuirarto, tiu nova restoracio funkcios kunlabore kun du firmaoj de tiu regiono, kaj laŭ la gazeto “Jornal do Comércio” de tiu subŝtato, la menuo enhavos tiajn originalajn receptojn de Sinjorino Dolores.

“Dona Dolores Aveiro” (Sinjorino Dolores Aveiro) verkis kuirartan receptaron, kune kun Katia Aveiro, kiu estas fratino de Cristiano Ronaldo. Enlistiĝas en tiu publikaĵo la recepto de lia preferata plado, nome “Bacalhaŭ à Brás” (Gadaĵo laŭ Brás-maniero).

La malfermo de la restoracio estas planata por okazi venontjunie, profitante la etoson de la piedpilkada eventego “FIFA-Monpokalo 2018”.


Ĉi tiu teksto estas adaptaĵo fare de Paulo Cesar Pires el portugallingva artikolo.

“La Simpsonoj” iĝas la plej nombra televidserio laŭ prezentitaj epizodoj

Ĉi-dimanĉe, la 29-an de la 4-a monato, “La Simpsonoj” (angle “The Simpsons”) iĝas la televidserio kun la plej granda nombro da prezentitaj epizodoj, kadre de la nobla horaro en usona televido. “Forgive and Regret” estas la titolo de la 18-a epizodo de la 29-a sezono, kaj ĝi estas la 636-a de la tuta serio.

Ĝis nun tiu rekordo estis apartenanta al la radi- kaj televid-serio de la ĝenro “usonokcidenta filmo”, nome “Gunsmoke”, kiu estis prezentita de 1955 ĝis 1975 kun entute 635 epizodoj.

En la hodiaŭa epizodo, la eta Maggie duelas kontraŭ “Marshal Matt Dillon” de la urbo “Dodge City”, kiu estis la scenejo pri “Gunsmoke” dum du jardekoj.

La 30-a sezono de “La Simpsonoj” jam estas konfirmata de la produktantoj.
Pri tiu desegnofilmo en Vikipedio: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.