Loĝantoj batis junulon, kiu trafis domon per ŝtelita aŭtobuso

Lundmatene, la 30-an de la 4-a monato en Brazilo, iu 17-jaraĝulo ŝtelis aŭtobuson kiu trafis kaj iomete detruis domon en la urbo San-Karlo, kie tiam estis ripozanta familio. La junulo ekfuĝis por eviti la sekvojn, sed la loĝantoj detenis kaj bategis lin, kaj pro tio li estis sendita vundite al malsanulejo, restante tie ĝis alveno de familianoj posttagmeze.

La firmao “Viação Araçatuba” estas la posedanto de la aŭtobuso, kies ŝtelo – sen pasaĝeroj – okazis en busa stacidomo de la najbara urbo Ribeirão Bonito, subŝtato San-Paŭlo, kie la veturilo estis parkita.

Post stiri la aŭtobuson je ĉirkaŭ 50 kilometroj tra la veturvojo “SP-215” ĝis San-Karlo, en iu deklivo de la strato “Aparecido Basílio de Camargo Silva” la veturilo iris malantaŭen, trafis foston, pendiĝis sur eskarpo kaj trafis la domon.

Falis du muroj kaj tegmento en tiu domo pro la okazintaĵo, kaj interne bonŝance geedzoj kaj du infanoj tie ne estis trafitaj. Al la policistoj la juna ŝtelisto diris, ke li vendus la aŭtobuson.


Ĉi tiu teksto estas adaptaĵo fare de Paulo Cesar Pires el portugallingva artikolo.

26-kilograma dikiĝo estas motivaĵo esprimata en juĝista decido

Sudkorea junulo estis kondamnita – temas pri provizore haltigita mallibereco – ĉar li intence grasiĝis je 26 kilogramoj por eviti la sudkorean militservon, laŭ informis la gazeto “The Korea Times” lunde la 26-an de la 3-a monato.

La tribunalo de la urbo Ĉonĝuo, situanta ĉirkaŭ 100 kilometrojn sudokcidente de la regurbo Seulo, konsideris kulpa iun 21-jaraĝan viron, kiu en 2016 dikigis sin por eskapi al sia milita devo, kies manko povos okazigi punojn je ĝis kvin jaroj da malliberigo.

Laŭ la verdikto eldonita lunde, tiu junulo estis 1,80 metroj alta, kaj 87 kilogramoj peza en la 2-a monato 2016, tamen ĉe la dua korpa kontrolado je la 7-a monato 2016 lia pezo plialtiĝis al 113,6 kilogramoj.

Pro lia korpomasa indikaĵo malkongrua, li estis nomita al laborposteno pri publika funkciulo, tamen la polico malkovris lian planon kaj denoncis la aferon al la justico.


Ĉi tiu teksto estas adaptaĵo fare de Paulo Cesar Pires el portugallingva artikolo.

Ekvadoro ĉesigas interretaliron al Julian Assange

Laŭ anoncis Ekvadoro la 28-an de la 3-a monato, al la fondinto de WikiLeaks, Julian Assange, estis haltigita aliron al la sistemoj por komunikado al ekstero de la ekvadora embasadejo en Londono, kie li loĝas kiel rifuĝinto ekde 2012.

“Pravigis tiun decidon la malobeo de Assange al interkonsento subskribita de li kun la registaro fine de 2017, koncerne al evitado de mesaĝoj kies enhavo enmiksiĝus ŝtatajn aferojn”, diras la komunikaĵon. Lunde la 26-an per Tvitero Assange kritikis la kunordigitan forpelon de rusaj diplomatiistoj fare de okcidentaj landoj.

Sur Vikipedio oni legas, ke “WikiLeaks estas retejo, kiu publikigas registarajn, komercajn aŭ religiajn dokumentojn, kiuj antaŭe estis sekretaj. Ĝi kutime ne donas nomojn kaj adresojn de homoj, kiuj afiŝas dokumentojn. La retejo estas lokita en Svedlando. Kvankam ĝi havas nomon similan al Wikipedia, ĝi estas parto nek de Wikipedia nek de WikiMedia Foundation, kaj eĉ ne estas vikio. Konata aktivulo de Wikileaks estas la aŭstralia ĵurnalisto kaj aktivisto Julian Assange. Per la agado de la retejo la fenomeno de informotraliko atingis grandskalan kaj tutmondan publikan atenton”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Pro “dizeloleo-skandalo” Volkswagen jam aĉetis ĉirkaŭ 350 mil aŭtomobilojn

La skandalo de Volkswagen pri dizelolemotoroj, kiuj poluas pli ol la leĝa permeso, devigis tiun fabrikanton aĉeti ĉirkaŭ 350 mil aŭtomobilojn surmerkatigitaj de ĝi en Usono, kontraŭ 7,4 miliardoj da usonaj dolaroj ĝis komence de la 2-a monato 2018, laŭ informoj de juĝafero, kies akordo antaŭvidas solvon al entute 500 mil aŭtoj ĝis 2019 en tuta Nordameriko.

La 18-an de 9-a monato 2015 la usona registaro akuzis tiun fabrikanton pri uzado de komputila programo por trompi rezultojn je kontrolado de poluaĵelsendo. Volkswagen agnoskis tiun trompadon en Usono, okazinta ekde 2009, kaj la afero motivigis la forlason de ĝia prezidanto.

Aro da ĉirkaŭ 300 mil el tiuj aŭtoj aĉetitaj de VW restas parkitaj ĉe 37 instalaĵoj tra la lando, atendante la aprobon de la usonaj aŭtoritaroj koncerne al modifo pri poluaĵelsendo, cele al ĝia venonta surmerkatigo aŭ eksportado, laŭ informis la porparolanto de Volkswagen, Jeannine Ginivan.


Ĉi tiu teksto estas adaptaĵo fare de Paulo Cesar Pires el portugallingva artikolo.

Nederlando analizos DNA-on de pli ol 20 mil viroj por trovi murdiston

La nederlanda polico komencis sabate, la 24-an de la 2-a monato, kolektadon de DNA-provaĵo de amaso da viroj, celante trovi la respondeculon pri mortigo de infano antaŭ 20 jaroj. “La pordoj de ses kolektejoj estis malfermataj”, tion anoncis per Tvitero la polico de la provinco Limburgo.

Preskaŭ 21.500 viroj havas tempodaŭron da tri semajnoj por volonte liveri DNA-provaĵon, kadre de lasta provo de la polico je klarigo pri la murdo okazinta en 1988.

Nicky Verstappen, 11-jaraĝa, malaperis frumatene la 10-an de la 8-a monato 1988, en somera kampadejo ĉe la naturrezervejo Brunssummerheide, sude de Nederlando. La korpo de la knabo estis trovita en la sekva tago proksime de tiu loko.

La polico invitis virojn aĝantajn inter 18 kaj 75 jaroj el Heibloem (tiama loĝloko de la knabo) kaj el la ĉirkaŭaĵo de la naturrezervejo, sed ili ne estas konsiderataj suspektaj de tiu krimo. Oni celas trovi inter la volontuloj parenco(j)n de iu homo, kiu lasis evidentaĵojn sur la vestoj de Nicky Verstappen.


Ĉi tiu teksto estas adaptaĵo fare de Paulo Cesar Pires el portugallingva artikolo.

Milionulo gajnis patrecon pri siaj 13 infanoj naskitaj de lupatrinoj

Ĉi-semajne kortumo en Bankoko agnoskis al la 28-jaraĝa japana milionulo Mitsutoki Shigeta la rajton pri patreco de siaj 13 filoj naskitaj de luitaj patrinoj en Tajlando, sed la gardo de tiuj infanoj al li ankoraŭ estos pritraktata kun la registaro de tiu lando, por eviti abruptan vivŝangon al la etuloj.

Favore al tiu decido la tribunalo konsideris la oportunon de feliĉo al la infanoj kaj neekziston de antaŭa malbona konduto de Shigeta, kiu estas filo de magnato je teĥnikoscienca industrio. Ekde 2015 li jam ekhavis la gardon de aliaj tri infanoj siaj – en 2014 iĝis pubkile, ke li estas patro de 16 filoj naskitaj de virinoj kontraktitaj de li kiel lupatrinoj.

Shigeta estis celita de krimesploro fare de Interpol (interlanda organizo de krimo-polico), koncerne al supoza homvendado,  kaj tiam oni eĉ aludis al li kiel “tiu, kiu starigis fabrikon de suĉinfanoj”. Post okazintaĵoj tiaj, Tajlando ne plu permesas al eksterlandanoj kontrakti lupatrinojn.

Lia advokato argumentis, ke li nur volas havi grandegan familion, kaj li havas sufice bonajn kondiĉojn por prizorgi la infanojn. Nuntempe Mitsutoki Shigeta vivas en Japanlando.


Ĉi tiu teksto estas adaptaĵo fare de Paulo Cesar Pires el portugallingva artikolo.

Kanadanino estis minacita post “heredi” bronzmedalon

La kanadanino Kim Boutin havigis al si privatan protektadon post ricevi minacojn ĉe sociaj retejoj. En la vintraj olimpikoj de Pjonĉango (Sud-Korelando) ŝi partoprenis la konkurson pri 500 metroj en la disciplino rapidsketado, kaj poste al ŝi estis aljuĝita la bronzmedalo.

Parto de la sud-korea ŝatantoj minacis Boutin pro tio, ke ŝi sin miksis en la disputo, kiu estigis la malkvalifikon de la sud-koreanino Choi Min-Jeong, kiu estis staranta inter tiaj plejfavorataj al ormedalo.

La sud-koreanino estis plenuminta la 500 metrojn duarange, sed ŝi estis malkvalifikita de la arbitracio kiu kontrolis, ke en la kurado Ming-Jeong iam puŝis Boutin. La ormedalo gajnis la italino Arianna Fontana.

Timanta pro la ricevitaj mortminacoj la kanada konkursanto forigis siajn kontojn ĉe sociaj retejoj. Internacia Olimpika Komitato (IOK) per komunikaĵo petis, ke la publiko respektu la konkursantojn de la ludoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Tigrido estis sendita per poŝto en Meksiko

Laŭ la aŭtoritatoj pri media protektado de Meksiko, merkrede la 7-an de februaro, tigrido ene de plasta skatolo estis trovita de policistoj, kadre de agado kun flaristaj hundoj kontraŭ kontrabando efektivigita en la busstacidomo de la urbo Nueva Tlaquepaque, subŝtato Ĥalisko.

Temas pri bengala tigro kun taksita aĝo je ĉirkaŭ du monatoj, kvietigita per trankviligaĵo kaj poŝte adresita al la ŝubstato Keretaro. Ĝi estis spertanta dehidratiĝon, maldikiĝon, sed aspektanta bonan sanstaton, kaj ĝi estis sendita al iu centro pri besta zorgado en la urbo Tlajomulco de Zuñiga.

La polico informis, ke la dokumentoj pri posedrajto enordas, sed la transportmetodo aranĝita estis konsiderita kiel mistraktado, kaj tiurilate enketon kondukas la aŭtoritatoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Ĉina polico identigas homojn per konektitaj okulvitroj

En la ĉina urbo Ĝengĝoŭo – la regurbo de la provinco Henano – ĉe ciuj enirejoj de la rapidvagonaro staras policistoj kun sunokulvitroj enhavanta etan fotilon, kiu fotas ĉiujn pasantojn por kontroli, se iu el ili estas en la informbazo de la polico koncerne al listo pri krimuloj kaj suspektuloj. La rezulto preskaŭ tuje aperas sur portebla aparato simile al tabulkomputilo.

Per tiuj okulvitroj – ili aspektas same al tiuj iam surmerkatigitaj de Guglo – sep homoj estis malliberigitaj ekde la 1-a de februaro.

Krom serĉi suspektulojn, tiu sistemo ankaŭ ebligas identigi iun ajn homon skanita de la fotileto, kaj pro tio ankaŭ estis arestitaj 26 homoj vojaĝantaj kun falsaj dokumentoj.

Laŭ informis la proparolanto de la provinca departamento pri sekureco, Zhang Xiaolei, al la registara gazeto Global Times, tiu teĥnikaro uzas artefaritan inteligentecon kaj bezonas nur unu vizaĝbildo de la persono por fari la serĉon. La antaŭaj sistemoj estis postulantaj diversajn fotojn el malsamaj anguloj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Leterportisto estis malliberigita pro 500 kg da neliveritaj korespondaĵoj

Marde la 30-an de januaro en la itala urbo Viĉenco estis arestita leterportisto akuzita gardi ĉe sia hejma garaĝo pli ol 500 kilogramojn da korespondaĵoj, kies liveron al la adresatoj li ne efektivigis.

La polico estis alvokata ĉar laboristoj de firmao pri recikligo senditaj al tiu garaĝo por malplenigi ĝin trovis tie 43 plastajn transportujojn plenaj je leteroj, fakturoj, kaj eĉ voĉdonaj flugfolioj, datiĝantaj ekde la jaro 2010-a.

Naskiĝinta en Napolo tiu leterportisto, kies nomo ne estis informita, estas 56-jaraĝa, laŭ la polico. La poŝto promesis liveri tiun aron da korespondaĵo al ties adresatoj, malgraŭ la malfruego da jaroj.


Ĉi tiu teksto estas adaptaĵo fare de Paulo Cesar Pires el portugallingva artikolo.