Hundidoj, kiuj iĝos policaj hundoj, turnis atenton ĉe parado en Ĉilio

Idoj de la hundoraso “orkolora reporthundo”, kuj estas trejnataj por integriĝi la hunda fako de la nacia polico, estis inter la plej ŝatataj allogaĵoj kadre de la militparado pri sendependiĝo de Ĉilio okazinta pasintmerkrede, la 19-an.

Samrasaj plenkreskaj hundoj kaj tiuj de la raso “labradora ĉashundo” – trejnitaj por flartrovi bombojn kaj drogojn – ankaŭ estis defilantaj, kune kun membroj de la polica forto de la lando, nomata “Carabineros de Chile”.

Tiu parado okazis en la parko “Bernardo O’Higgins”, en la regurbo Santiago, kun partopreno de 9.500 homoj. Ĝi okazas de pli ol 50 jaroj, kaj en 2018 koncernas la 208-jariĝon de ĉilia sendependiĝo.

(cães com filhotes)


Ĉi tiu teksto estas adaptaĵo fare de Paulo Cesar Pires el portugallingva artikolo.

FBI reakiris la ŝuojn de “La mirinda sorĉisto de Oz”

Lastmarde (la 4-an) usonaj aŭtoritatoj anoncis la reakiron de tiuj famaj ruĝaj ŝuoj, kiuj estis uzataj de la rolulo “Dorothy” (aktoris la usonanino Judy Garland) en la klasika filmo “La mirinda sorĉisto de Oz” de 1939.

Tiuj ŝuoj estis ŝtelitaj iam en 2005, iu nokto, el Muzeo Judy Garland, de la urbo “Grand Rapids” (Minesoto – Usono) kie naskiĝis la aktorino, jam mortinta.

Eĉ rekompenco je 1 miliono da usonaj dolaroj estis proponita al tiu, kiu reakirus ilin, tamen la nomo de la kulpulo pri malapero kaj destino de la ŝuoj restas misteraĵoj, ĉar la aŭtoritatoj ne donis detalojn pri tiu reakiro.

Nacia Muzeo de Usona Historio (de “Smithsonian Institution” en Vaŝingtono), atestis la aŭtentikecon de la ŝuoj – tiu muzeo ekspozicias alian tian paron da ŝuoj de Dorothy.


Ĉi tiu teksto estas adaptaĵo fare de Paulo Cesar Pires el portugallingva artikolo.

Statuo de Budho ŝtelita antaŭ 57 jaroj estis redonita de la brita polico al Hinda Unio

La 15-an de la 8-a monato, la brita polico redonis unu statuon de Budho (de la 12-a jarcento), ŝtelita en Hinda Unio 57 jaroj antaŭe. Ĝi estis farita el kupro, kovrata per arĝento, kaj estas unu el tiuj 14 ŝtelitaj en 1961 el la arĥeologia kuŝejo de “Arĥeologia Enketo de Hinda Unio”, kiu estas registara agentejo en Nalanda.

Tiu statuo estis transdonita al “Alta Komisiitaro de Hinda Unio” dum ceremonio en Londono, lastmerkrede, profite al festado pri sendependiĝo de la lando.

Ekde ĝia ŝtelo la artaĵo trapasis diversajn manojn antaŭ ties trovo ĉe iu foiro pasintmarte.

“Tiu estis bonega ekzemplo pri sukcesa okazintaĵo, pro kunkaboro de aŭtoritatoj, komercistoj kaj esploristoj”, tion diris la detektivo Sophie Hayes, de la fako artaĵoj kaj antikvaĵoj de la londona polico.


Ĉi tiu teksto estas adaptaĵo fare de Paulo Cesar Pires el portugallingva artikolo.

Apotekscienca firmao strebas por bari ekzekuton efektivigota per ĝiaj produktoj

Post 21 jaroj povos okazi la unua ekzekuto de kondamnito, pretigata de la usona subŝtato Nebrasko, venontmarde (la 14-an), tamen la germana apotekscienca firmao “Fresenius Kabi” agadas por eviti tion.

Lastvendrede (la 10-an) en Omaho la federa juĝisto Richard Kopf rifuzis peton de la germana firmao, kiu jam anoncis, ke antaŭ tiu ekzekuto ĝi apelacios al la supera instanco.

Fresenius Kabi asertas, ke la subŝtato Nebrasko akiris sen ĝia konsento, almenaŭ unu el la drogoj de la mortiga injektaĵo (kalia klorido), kiu estis erare vendita, kaj Nebrasko rifuzis redoni ĝin.

De dek jaroj usonaj kaj eŭropaj laboratorioj estas rifuzantaj vendi siajn produktojn por uzo en ekzekutoj, pro premo de aktivuloj, kiuj kontraŭas al mortpuno, krom por eviti malbonan reputacion alportata de tiu afero.


Ĉi tiu teksto estas adaptaĵo fare de Paulo Cesar Pires el portugallingva artikolo.

Post 63 jaroj Usono remalfermis juĝaferon pri murdo, kiu evidentigis la brutecon de rasapartismo

Ĵaŭde (la 12-an) pere de la novaĵagentejo “Associated Press” oni eksciis, ke Usona Departmento de Justico lastmarte informis al Usona Kongreso, ke “pro novaj informoj” ĝi denove enketus pri la brutala murdo de la 14-jaraĝa nigra junulo “Emmett Till“, kiu estis forkaptita kaj linĉita en 1955 en la usona subŝtato Misisipio.

Temas pri enketado fare de Timothy Tyson, kiu estis verkanta libron pri tiu krimo. Intervjue al li en 2008, Carolyn Donham, kiu estis edziniĝinta kun unu el la akuzitoj, asertis, ke “ne estas ĝusta” tiu versio de ŝi prezentita al la juĝisto kvindek jaroj antaŭe.

Malgraŭ tio, ke ŝia depozicio ne estis konsiderita, ŝi mensogis dirante, ke la junulo tuŝis ŝin kaj provis sekse ĝeni ŝin en vendejo de la kampara vilaĝo Money. “Nenion, kion faris tiu junulo pravigus tion, kion okazis al li”, tion ŝi asertis al la verkisto.

La akuzitoj jam mortis, Donham ankoraŭ vivas, ŝi estas 83-jaraĝa kaj loĝas en la subŝtato Norda Karolino.


Ĉi tiu teksto estas adaptaĵo fare de Paulo Cesar Pires el portugallingva artikolo.

Alternativo al Nobel-premio pri literaturo havas 46 kandidatojn

Post la decido de Sveda Akademio ne aljuĝi ĉi-jare la Nobel-premion pri literaturo (pro skandalo pri seksa ĝenado, kiu iamaniere trafis tiun instituton), pli ol cento da verkistoj, gazetistoj, aktoroj kaj aliaj artemuloj en Svedlando fondis tiun “Nova Akademio”, por aranĝi alternativan konkurson.

Ĵaŭde (la 12-an) tiu nova akademio ekfuncigis sur sia retejo voĉdonadon ĝis la 14-an de la 8-a monato, surbaze de listo kun 46 kandidatoj al tia alternativa premio pri literaturo. Je tiuj tri elektotaj tiamaniere aldoniĝos unu alia elektota de svedaj bibliotekistoj, kaj aro da fakaj juĝistoj fine decidos inter ili.

Je la koncerna listo de kandidatoj abundas usonanoj (Joyce Carol Oates, Marilynne Robinson, Don DeLillo, Siri Hustvedt, David Levithan, Donna Tartt, Nnedi Okorafor, Paul Auster, Thomas Pynchon, Cormac McCarthy, Meg Rosoff e Jamaica Kincaid) kaj svedoj (Sara Stridsberg, Ulf Lundell, Jonas Hassen Khemiri, Sara Paborn, Jessica Schiefauer, Agneta Pleijel, Inger Edelfeldt, Kerstin Ekman, Jenny Jägerfeld, Johannes Anyuru, Jens Ganmane e Sara Lövestam).

La venkinto estos anoncita je la 10-a monato, la premia ceremonio okazos la 10-an de la 12-a monato, kaj la nova akademio malfondiĝos post unu tago.


Ĉi tiu teksto estas adaptaĵo fare de Paulo Cesar Pires el portugallingva artikolo.

La usona organo FBI atentigis pri rusa fiprogramo

Federa Oficejo de Enketado (angle “Federal Bureau of Investigation”, FBI) diskonigis vendrede, la 25-an de la 5-a monato, atentigon pri minaco veninta supoze el Ruslando, kaj ĝi estus trafinta pli ol 500 mil enkursigiloj tutmonde. [LIGILO]

La fiprogramo nomata “VPNFilter” celas popularajn aparatojn, kaj ĝi kapablas malfunciigi la etajn enkursigilojn ĉe malgrandaj oficejoj kaj loĝejoj. Krome ĝi povas kapti informojn, kiuj trapasas la aparatojn.

Per tiu averto FBI rekomendas, ke oni malŝaltu kaj refunkciigu la aparatojn. Tiu ago estas minimuma prevento kontraŭ tia krimo. Jen listo de aparatoj trafitaj ĝis nun:

  • Linksys E1200
  • Linksys E2500
  • Linksys WRVS4400N
  • Mikrotik RouterOS for Cloud Core Routers 1016
  • Mikrotik RouterOS for Cloud Core Routers 1036
  • Mikrotik RouterOS for Cloud Core Routers 1072
  • Netgear DGN2200
  • Netgear R6400
  • Netgear R7000
  • Netgear R8000
  • Netgear WNR1000
  • Netgear WNR2000
  • QNAP TS251
  • QNAP TS439 Pro
  • QNAP NAS kun programo QTS
  • TP-Link R600VPN

Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3wf

NFL monpunos teamojn kies ludanto(j) genuiĝu dum sonado de la nacia himno

La organizaĵo pri la sporto “usona piedpilkado” en Usono – nome NFL, angla mallongigo pri “National Football League” – anoncis, ke teamoj kaj ludistoj povos ricevi monpunon pro okazigo de protestoj dum kantado de la nacia himno de Usono, kiu oni efektivigas antaŭ la ludoj. Laŭ la nova regularo, dum la himno, oni povas atendi ĉe vestoŝanĝejo, sed ene de la kampo oni nepre staru.

Tiun protestmanieron komencis Colin Kaepernick, kiu genuiĝis dum ludado de la himno por atentigi pri la polica perforto kontraŭ malplimultoj en la lando. Tiu movado akiris kaj anojn kaj kritikantojn, kiuj asertas tiun aferon, inter aliaj, pravigas la nunan malaltigon de publiko por tiu sporto.

Partoprenante la televidprogramon “Fox & Friends”, la prezidanto Donaldo Trump laŭdis tiun decidon fare de NFL, escepte de la restado en vestoŝangejo dum la himna sonado, kaj diris, ke “Ni fiere stariĝu por la nacia himno. Male, oni ne ludus, ne ĉeestus tie, eĉ ne restus en la lando”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3vq

Ĵusa ŝtelo – pentraĵo valoranta 1,5 milionojn da eŭroj

La pentraĵo de Paul Signac, “Le Port of La Rochelle” (Haveno La Rochelle) – kies valoro oni taksas je ĉirkaŭ 1,5 milionoj da eŭroj – estis ŝtelita ĵaŭde (la 24-an) posttagmeze el Muzeo pri Belartoj de Nancio, laŭ informis la municipa ĉambro de la nordorienta franca urbo.

Tiu krimo okazis komence de la posttagmezo, kiam la muzeo ankoraŭ estis malferma al la publiko, sed oni rimarkis nenian agadon tiurilate. La urba enketisto François Pérain informis, ke “oni tranĉis la pentraĵon kaj forportis ĝin. Restas nur la pentraĵa kadro”.

En Vikipedio – Paul Signac (plennome Paul Victor Jules Signac, naskiĝis la 11-an de la 11-a monato 1863 en Parizo – mortis la 15-an de la 8-a monato 1935 samloke) estis franca pentristo, reprezentanto de postimpresionismo. Kune kun Georges Seurat li eltrovis kaj en siaj verkoj utiligis teĥnikon de punktismo, komponado de bildo el malgrandaj koloraj punktoj. La plej oftaj motivoj de liaj pentraĵoj estas maro kaj marŝipoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: https://wp.me/p87b5r-3vu

Hundoj, por protektado de virinoj kontraŭ agresemaj kunuloj

En Hispanlando virinoj trafitaj de hejma perforto estas helpataj de programo, kiu trejnas hundojn por protekti ilin. En tiu lando, monate preskaŭ po kvar virinoj estas mortigitaj de siaj kunuloj aŭ ekskunuloj.

Angel Mariscal estas veterana hundotrejnisto, kaj li starigis fondaĵon por perado de trejnitaj hundoj al la viktimoj. Li diris al la gazeto “El País”, ke la hundoj “ne mordas, kaj ne atakas celante mortigon. Ili ne estas agresemaj, ĉar ni elektas tiajn tre societemajn bestojn, kiuj taŭgas por loĝi interne de la domo ĉe infanoj, per normala konduto, ĝis ricevi apartan ordonon por protekti lian mastron”.

Post aliĝo al tiu programo la virino trapasas intervjuon kun psikologo. Sekve ŝia loĝejo estas vizitata de fakulo pri besta konduto, kaj post komenca kurso kontrolata de la polico, komenciĝas la horoj pri trejnado, kiam Mariscal kaj sia teamo elektas la taŭgan hundon al tiu nova mastro (la protektota virino).

Ĝis nun 40 virinoj aliĝis al la programo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3rj