Juĝisto malpermesas al Trump, ke li baru uzantojn de Tvitero

Sinjorino Naomi Reice Buchwald, kiu estas federa juĝisto en Nov-Jorko (Usono) determinis merkrede (la 23-an), ke la usona ŝtatprezidanto Donald Trump laŭleĝe ne rajtas bloki uzantojn de la socia retejo Tvitero, ĉar tiu ago kontraŭas la rajton al parollibereco, kies garantion donas la Unua Ŝanĝo al la Usona Konstitucio.

Ŝi ne tekste ordonis la malbaron de tiuj jam blokitaj, tamen ŝi supozas, ke pro sia decido, li aŭ lia komisiito pri sociaj retejoj, Dan Scavino, faros tion.

Tiu verdikto de Buchwald koncernas al juĝafero prezentita la 7-an monaton 2017 flanke de Instituto Knight pri Unua Ŝanĝo de Kolumbio-Universitato, kaj diversaj uzantoj de Tvitero.

Usona Departmento pri Juĝistanco, kiu reprezentas Trump en tiu juĝafero, asertis la jenon: “Ni respekte malkonsentas tiun tribunalan decidon, kaj ni pripensas la venontajn paŝojn tiurilate”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3vj

Ĉinlando anoncis sistemon pri “socia kredito”

Ekde 2014 Ĉinlando disvolvas ian “socikreditan sistemon”, kiu taksas la civitanojn laŭ ties konduto, cele al valorigo de la socia konfideco. Nu, lastvendrede (la 16-an de la 3-a monato) la registaro anoncis, ke ekde la venonta maja monato la homoj kiuj havos malbonan noton kadre de tiu sistemo, tiuj ne rajtos vojaĝi per aviadilo kaj vagonaro.

La “noto” de ĉiu persono konsideras, ekzemple, ĉu la civitano akurate pagas impostojn, ĉu liaj akademiaj titoloj laŭleĝas, inter multaj aliaj. Tiun projekton partoprenas ankaŭ ok privataj firmaoj, kiuj same taksas la homojn, kaj tiamaniere eĉ la kutimoj pri reta aĉetado trafas tiun platformon pri individua socia taksado.

Kritikantoj asertas, ke tiu projekto kvazaŭas pemsonĝon, sed estas tiuj opiniantoj dirante, ke oni bezonas tian sistemon en Ĉinlando. Laŭ la blogisto pri financoj kaj teĥnikaro Wen Quan, la kreditsistemoj alportas konfidecon al civitanaro. Laŭ ŝi la publika scio pri la konduta historio de ĉiu persono igos la socion pli bona kaj justa.

Nuntempe la afero staras je testa fazo, sed ĝis 2020 ĉiuj ĉinoj nepre estos en tiu informbazo, kaj ricevos notojn laŭ individua konduto.


Ĉi tiu teksto estas adaptaĵo fare de Paulo Cesar Pires el portugallingva artikolo.

Klientoj ekspertas bonvenemon al siaj “plej bonaj amikoj”

Ja apartenas al pasinteco la bildo pri hundo ludanta nur ĉe korto, sen alirpermeso al aliaj partoj de la hejmo. Krom libera aliro hejme nuntempe pli kaj pli oftas ekzemple la ĉeesto de homoj, kune kun siaj dorlotbestoj, en restoracioj, librovendejoj kaj vendejaroj.

Kadre de tiu nova sinteno aperis la angla esprimo “pet friendly” por signali al la posedantoj de hejmbestoj, la lokojn kie tiaj bestoj estas bonvenaj.

En Brazilo la verkisto Cris Berger nepre estas akompanata de sia hundino Ella (ĉina raso ŝarpejo), kaj pro ŝia sperto je trovo de lokoj por glate vizitadi kune kun sia dorlotbesto, ŝi kreis la gvidlibron “Guia Pet Friendly”.

Tiu gvidlibro – ĉu papere, ĉu poŝtelefone – enhavas liston de lokoj en la brazilaj urboj San-Paŭlo kaj Rio-de-Ĵanejro, kie la bestoj rajtas aliron kaj ili trovas minimuman rilatantan bazajn instalaĵojn.


Ĉi tiu teksto estas adaptaĵo fare de Paulo Cesar Pires el portugallingva artikolo.

Michael Phelps raportis senkuraĝigon kaj penson pri sinmortigo

La plej elstara gajninto pri olimpikaj medaloj de la historio, la usonano Michael Phelps, raportis ĉi-semajne kadre de iu konferenco en Ĉikago (Usono), ke li estis trafita de senkuraĝigo kaj eĉ pensis pri sinmortigo.

Malkaŝe priparolante tiun temon, tiu eksnaĝisto klarigis, ke lia plej severa krizo okazis post la Somera Olimpiko 2012, okazinta en Londono – tiam li gajnis ses el siaj 28 medaloj: “Tiam mi volus ne plu esti sportisto; mi volus ne plu esti vivanto”. En tiu tempo ofte li estis restanta sole dormoĉambre dum tri ĝis kvin tagoj, nek manĝante nek sufiĉe ripozante, tion li informis.

Agado kadre de altkvalita sportumado multe kostis al li, kaj liaj problemoj tiurilate komencis en la jaro 2004-a: “Verdire post ĉiu olimpiko mi estis sentanta krizon pri senkuraĝigo”. Laŭ li ne estis simpla la decidon akiri helpon, sed la kuracado savis lin.

Laŭ Phelps rakonti sian sperton, kiu eble povos utili al aliaj homoj, konsistas el pova oportuno: “Mi tre dankas min, ke mi ne estingis mian vivon”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Programeto promesas “kontrakton” por seksumado

Norveglando planas plibonigi sian leĝon kontraŭ seksperforto, kaj tio instigis, ke nederlanda ekfirmao kreis programeton – por poŝtelefonaparato – kiu ebligos al la homoj laŭlege konsenti pri seksumado.

La programeto “LegalFling” ebligas al la uzantoj “agordi” multnombrajn trajtojn pri iliaj preferoj kadre de seksrilatoj, kaj registras tion je ia koncerna jura agordo.

Uzante la teĥnikoscienco “blockchain” (tiu de la pagosistemo Bitmono), la programeto estas tute imuna kontraŭ nerajtigitaj ŝanĝoj.

Atendante aprobojn de Apple (iOS) kaj Google (Android), la surmerkatigo de LegalFling estas planata por okazi post tri semajnoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Alta germana kortumo volas oficialigi la trian seksanecon

Ekde maio 2013 en Germanlando, okaze de registro pri naskiĝo, oni povas preterlasi la indikon pri sekso. Nun plia novigo ekestas: tie iu homo, naskiĝinta kaj registrita kiel ino en 1989, apelaciis al Konstitucia Tribulano cele al agnosko pri ŝia seksaneco kiel nek viro nek virino, sed tria sekso. Tiu apelacianta homo prezentis al tribunalo kromosoman analizon montrante, ke ŝi estas nek viro nek virino. Pasintjare iu malalta juĝinstanco rifuzis tion asertante, ke “la afero estus neleĝa”.

Nu, lastmerkrede, la 8-an de novembro, Konstitucia Tribunalo decidis, ke la Parlamentoĉambro voĉdonu – antaŭfine de 2018 – iun projekton pri seksaneco, cele al aldono de la elektorajto “tria” flanke de la ebloj “ina” kaj “vira” ĉe la naskiĝatestilo.

Kun sidejo en la urbo Karlsruhe, la tribunalo argumentas, ke la nuna leĝo estas diskriminacia, ĉar la ĝenerala rajto al personeco inkluzivas ankaŭ la “seksan identecon”, kies ĝusta klasigo gravas.

La obeo de la parlamentanoj al tiu verdikto fare de la konstituciaj juĝistoj estigus la unuan eŭropan landon enhavanta laŭleĝe tian trian seksanecon.


Ĉi tiu teksto estas adaptaĵo fare de Paulo Cesar Pires el portugallingva artikolo.

La senseksemo kadre de seksema socio

Neniuseksemo, aŭ senseksemo, estas seksa orientiĝo kiu konsistas el tuta aŭ plejparta manko de ajna seksuma deziro. Por senseksemuloj, eĉ ĉe geedziĝo, vivi en socio, kiu iĝas pli kaj pli seksema, ofte estas tre malfacila sperto. Ili spertas sentojn kiel strangeco al nenormaleco, kulpo kaj “nevidebleco”.

La norvego Michael Doré, kiu sin difinas kiel senseksemulo, kaj membriĝas ĉe reto por subteno al neniuseksemuloj (angle “Asexual Visibility and Education Network”, mallongigo AVEN) , diris al BBC ke la sento pri “ne apartenado” oftas ĉe ili, kaj li konsilas al kiuj sin konsideras tiaj, tiuj prenu helpon ĉe komunumoj por kontraŭbatali la izolecon kaj solecon.

“Neniuseksemo estas nur seksa orientiĝo, kaj ĝi tute ne koncernas malsanecon. Tiaj homoj ĉiame ekzistis, sed antaŭe ili ne grupiĝis. Dum longa tempo tiu temo ne estis malferme pritraktita”, tion li asertis.

Doré krome komentis: “La homoj opinias, ke tiuj ne aliseksemuloj estas ĉu samseksemaj ĉu ambaŭseksemaj. Malgraŭ tio, ke en la lastaj jaroj la konsciiĝo pri neniuseksemo pliboniĝis, ties koncerna movado ankoraŭ novas, kaj longa vojo trairendos”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Kuriozaĵoj pri dektrifobio kaj vendredo la 13-a

 

Dektrifobio estas timo de la numero 13.
Vendreddektrifobio estas timo de vendredo la 13-a.

La superstiĉo estas ligata al la fakto, ke 13 homoj ĉeestis la lastan vespermanĝon de Jesuo Kristo, kaj la 13-a persono sidanta tie estis Judaso Iskarioto, kiu estontece perfidus Jesuon. Ankaŭ supoze Jesuo estis krucumita je tia dato.

Vendrede la 13-an de oktobro 1307 okazis la sekrete planita aresto, enkarcerigo kaj posta mortigo de Ordeno de templanoj  laŭ ordono de papo Klemento Kvina. Estis inkviziciaj torturoj celante konfesojn, kaj centoj mortis tiam.

La brita reĝisoro Alfredo Ĥiĉkoko, naskiĝis la 13-an de aŭgusto 1899 (vendredo), kaj pro financaj kialoj li neniam sukcesis lanĉi la filmon titolitan “Numero 13”, per kiu li volis debuti en la kinarto.

Dektrifobio trafis ankaŭ la usonan eksprezidenton Franklin Delano Roosevelt. Li evitados ekvojaĝi je tiu dato kaj neniam sidiĝis ĉe 13-persona manĝotablo.

Hoteloj kaj hospitaloj foje ignoras la 13-an etaĝon kaj flughavenojn kutime ne havas la pordegon n-ro 13.

Oni taksas, ke je ĉiu “vendredo la 13-a” la usona ekonomio perdas USD 800-900 milionojn. Laŭ la organizaĵoj “Stress Management Center” kaj “Phobia Institute”, tiudate multaj homoj rifuzas plenumi negocojn aŭ veturi per aviadilo.


Ĉi tiu teksto estas adaptaĵo fare de Paulo Cesar Pires el portugallingva artikolo.

La ondo “Childfree” – ĉu konveneco aŭ malamo?

“Ni ne akceptas infanojn”. Kaj en Brazilo kaj en la mondo estiĝis niĉo de spacoj, kiu rifuzas ĉeeston de infanoj, kaj ĝia pravigo estus certigi trankviliĝon al la klientaro.

Tiu niĉo spegulas la movadon “childfree” (“sen infanoj”), kiu ekzistas ekde la jaroj 1990 en Usono kaj Kanado, celante grupigi plenkreskulojn kiuj sentas sin diskriminaciitaj de la socio ĉar ili ne posedas infanojn.

Tamen nuntempe parto de tiu movado “childfree” superas tiun “mi ne volas havi infanojn” kaj adoptas la sintenon “mi ne ŝatas infanojn” aŭ “mi ne volas infanojn ĉirkaŭe”, kaj ĝi disvolviĝas en la sociaj retejoj.

La afero estigis polemikon. Estas tiuj, kiuj rimarkas ekziston de nenia diskriminacio al infanoj aŭ familioj, sed nur de laŭrajta ekspluatado pri niĉo de merkato. Tamen, hoteloj, restoracioj, flugfirmaoj, ktp, same povus ekmalpermesi maljunulojn, malbelajn homojn kaj dikulojn. Ĉu akcepteblus?


Ĉi tiu teksto estas adaptaĵo fare de Paulo Cesar Pires el portugallingva artikolo.

Pariza parko ekhavos areon por nudistoj

Kadre de kelkatempa eksperimento, ekde la venonta 15-an de oktobro funkcios oriente de la urbo Parizo (Franclando), en la parko “Bois de Vincennes”, areon kun grando de piedpilkadejo, cele al nudismo.

Tiuj kiuj apogas tiun decidon asertas, ke en lando kun tiom da plaĝoj kaj tendumejoj malfermataj al nudismo, Parizo ja devus ekhavi lokon cele al tiu vivstilo.

Aŭtoritatoj asertas, ke estos permesata al la uzantoj, nek rigardismo nek ekshibicio, kaj averto pri “taŭgaj kondutoj” staros tie. Ĝi estos malfermata de 8h00 ĝis 19h30 kaj funkcios proksime al la birdareo de la parko.

Parizanoj jam posedas publikan naĝejon, por praktikado de nudismo, po 3 tagoj semajne.

Laŭ la vicurbestro Penelope Komites, kiu respondecas pri parkoj, tiu decido “montras nian malferman menson koncerne al uzado de publikaj spacoj en Parizo”.


Ĉi tiu teksto estas adaptaĵo fare de Paulo Cesar Pires el portugallingva artikolo.