Pri la nova oficiala limuzino de la rusa ŝtatprezidanto

Pasintlunde, la 7-an de la 5-a monato, kadre de sia kvara enoficigo kiel ŝtatprezidanto de Ruslando, Vladimir Putin veturis per nova limuzino, kies projekto kostegis ĉirkaŭ 12 miliardojn da rubloj (160 milionojn da eŭroj).

Nomata “Kortej” (Karavano), tiu nova modelo anstataŭigos la nunajn 11 “Mercedes-Benz S600 Pullman” de la rusa prezidanto. Ĝi estis disvolvita surbaze de tiuj “Mercedes-Benz Classe S e BMW Série 7”, kun motoroj “V12”, kaj ekde 2019 ĝi estos surmerkatigita plurlande, sed ĝia prezo ankoraŭ ne estas decidita.

Laŭ Denis Manturov, kiu estas la rusa ministro pri industrio kaj komerco, tiu aŭtomobilo spertos egan konkurencon de la modeloj produktataj de “Rolls-Royce” kaj “Bentley”, kadre de la monda merkato.

La rusa firmao “Sollers”, kiu surmerkatigos la aŭtojn asertis: “Unue la azia sudoriento kaj Mezoriento – Unuiĝintaj Arabaj Emirlandoj, kaj aparte Ĉinlando estis elektataj kiel celmerkatoj”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Provo – uzo de aŭtomobila pakaĵujo kvazaŭ adreso por ricevi mendaĵon

La firmaoj Audi (fabrikanto de aŭtomobiloj), Amazon (reta komercado) kaj DHL (transportado de pakaĵoj) estas testantaj sistemon, kiu ebligas meti pakaĵon pri menditaj varoj rekte en aŭtomibila pakaĵujo de la kliento. Laŭ komunikaĵo sur la retejo de “Audi”, tiun provon oni faras nuntempe kun kelkaj aĉetantoj de “Amazon” en Germanlando.

Per tiu sistemo, ĉe la aĉeta momento sur la retejo de Amazon oni povas indiki kie proksimume troviĝos la aŭtomobilo Audi de la aĉetanto tiam, kiam la pakaĵo estos liverata de la firmao DHL. La dungato de DHL per komputila programeto kaj trovas la koncernan aŭton kaj malfermas ties pakaĵujon. La liveranto kompreneble agas kun limigo de tiu programeto: nur la pakaĵujo malfermiĝas, unura fojo kaj dum limigita tempodaŭro.

Audi estas la unua fabrikanto de aŭtomobiloj komencanta negocan version de tiu servo (angle “Audi Connect Easy Delivery”), sed aliaj firmaoj pri aŭto ankaŭ prilaboras similajn sistemojn – Volvo, ekzemple, jam prezentis sian programeton kadre de koncerna sektora foiro.


Ĉi tiu teksto estas adaptaĵo fare de Paulo Cesar Pires el portugallingva artikolo.

Juĝisto decidis malpermesi vendadon de la pupo “Barbie Frida Kahlo”

En Meksiko iu juĝisto malpermesis la vendadon en tiu lando de la pupo “Barbie Frida Kahlo”, agnoskante la familion de la grava pentristo Frida Kahlo kiel ununura posedanto de la rajto pri ŝia persona bildo, tion informis (ĵaŭde, la 19-an) iu advokato de la koncerna juĝafero.

Tiu decido tuje validas en Meksiko, tamen la fabrikanto Mattel ankoraŭ rajtas apelacii tiurilate. La familio de Frida Kahlo informis, ke atendas la finan decidon por komenci similan juĝaferon en Usono.

La firmao Mattel havas akordon kun la firmao “Frida Kahlo Corporation”, kiu estis fondita de la familio de la pentristo, kunlabore kun la firmao “Casablanca Distributors”, kies kunlaboron la parencoj rompis poste.

Pri Frida Kahlo en Vikipedio: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

Londono kontraŭbatalas uzadon de plastboteloj

Fine de la 1-a monato 2018 la londona urbestro Sadiq Khan anoncis baldaŭan instalon de trinkfontanoj de trinkakvo ĉe diverslokoj de la brita regurbo celante eviti ununuruzajn plastbolelojn, por stimuli loĝantaron kaj turistojn kunporti siajn daŭrajn botelojn.

Komence kadre de tiu projekto oni starigos 20 trinkfontanojn ĝis la venonta somero, kaj alia ago jam komenciĝas, tiu pri partopreno de vendejoj, restoracioj kaj drinkejoj, kiuj ankaŭ ekinstalas trinkfontanojn ĉe siaj negocoj por senpaga akirado de trinkakvon.

En tiu projekto la londona urbodomo havas kunlaboradon de Zoological Society of London – ZSL (Bestoscienca Societo de Londono), kiu liveros la ekipaĵojn kaj kontrolos la atingojn pri malaltigo rilate al uzado de plastboletoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Klientoj ekspertas bonvenemon al siaj “plej bonaj amikoj”

Ja apartenas al pasinteco la bildo pri hundo ludanta nur ĉe korto, sen alirpermeso al aliaj partoj de la hejmo. Krom libera aliro hejme nuntempe pli kaj pli oftas ekzemple la ĉeesto de homoj, kune kun siaj dorlotbestoj, en restoracioj, librovendejoj kaj vendejaroj.

Kadre de tiu nova sinteno aperis la angla esprimo “pet friendly” por signali al la posedantoj de hejmbestoj, la lokojn kie tiaj bestoj estas bonvenaj.

En Brazilo la verkisto Cris Berger nepre estas akompanata de sia hundino Ella (ĉina raso ŝarpejo), kaj pro ŝia sperto je trovo de lokoj por glate vizitadi kune kun sia dorlotbesto, ŝi kreis la gvidlibron “Guia Pet Friendly”.

Tiu gvidlibro – ĉu papere, ĉu poŝtelefone – enhavas liston de lokoj en la brazilaj urboj San-Paŭlo kaj Rio-de-Ĵanejro, kie la bestoj rajtas aliron kaj ili trovas minimuman rilatantan bazajn instalaĵojn.


Ĉi tiu teksto estas adaptaĵo fare de Paulo Cesar Pires el portugallingva artikolo.

Unuafoje Koka-kolao surmerkatigos alkoholaĵon

En Japanlando la usona plurlanda firmao Koka-kolao pretiĝas por surmerkatigi sian unuan alkoholaĵon post pli ol 130 jaroj da historio de tiu fabrikanto de gastrinkaĵoj. Per noto aperigita sur la retpaĝaro de la kompanio, la prezidanto de la japanaj fabrikoj Jorge Garduno anoncis, ke ili faros merkateksperimenton: ladbotela trinkaĵo enhavanta alkoholon.

Tiu nova varo similos al la japana trinkaĵo nomata “Chu-Hi”, kiu estas miksaĵo en ladbotelo, enhavanta critonan gastrinkaĵon kun regionan distilitan alkoholaĵon nome “ŝoĉuo”, kiu povos esti anstataŭgita de vodko. Pliaj gustelektoj estos pruno, frago, liĉio kaj kivifrukto.

La plimulto de la tieaj bierfabrikantoj – Asahi, Kirin, Takara, Suntory – vendas ankaŭ tiajn gastrinkaĵojn kun ĝenerale 3% ĝis 9% da alkoholaĵo. Ili aparte furoras inter junuloj kaj virinoj. Tiu unua alkoholaĵo de la firmao Koka-kolao surmerkatiĝos nur en Japanlando.


Ĉi tiu teksto estas adaptaĵo fare de Paulo Cesar Pires el portugallingva artikolo.

Svedlando timas, ke forlaso de papera mono estas efektiviĝanta tro rapide

La retpagsistemoj forte anstataŭigas la uzadon de monbiletoj kaj moneroj en Svedlando, kaj multobliĝas en la vendejoj de tiu lando afiŝoj kun tiaj avertoj: “Ni ne akceptas papermonon”.

Tamen la rapida irado de tiu tendenco maltrankviligas la aŭtoritatojn, kaj kadre de okazanta ampla analizo de la leĝaro koncerne al la centra banko oni pritaksas tian apartan situacion, kies konkludoj aperos per antaŭraporto atendata venontsomere.

“Pro tiu malapero de papera mono efektiviĝanta tro vigle, povos okazi malfacilaĵoj je tenado de la infrastrukturo rilatanta al monbileto”, tion asertis la parlamenta estro Mats Dillen.

Svedlando estas de multoj konsiderata kiel la komunumo kies uzo de papera mono estas tutmonde la malplej intensa. Tie la plimulto el la bankagentejoj ne plu funkcias per papera mono, samkiel multaj vendejoj, muzeoj kaj restoracioj. Tamen tiurilate malutilo ankaŭ estas, ke multaj homoj – aparte tiaj maljunaj – staras ekster la cifereca socio.


Ĉi tiu teksto estas adaptaĵo fare de Paulo Cesar Pires el portugallingva artikolo.

La nova ondo en Silicia Valo – vendado de ne filtrita akvo

Usonaj fiirmaoj enspezas je vendado de tiu, kiu ili mem nomas kiel “kruda akvo”, tio estas, akvo sen modifo, sen filtrado, sen ĥemiaĵo kiel fluoro, kiu troviĝas ĉe la akvoj liveritaj de publikaj servoj.

Tiu nova ondo fortiĝis aparte en Silicia Valo, kiu estas regiono konata por naski ekfirmaojn pri teĥnikoscienco, kaj esti loĝata de homoj tiaj “pli naturemaj”.

Laŭ la novaĵretejo “Business Insider”, inter tiuj kredantoj je tiu ondo estas la firmao “Live Water”, kies galjono da akvo estis vendata kontraŭ 38 usonaj dolaroj pasintsemajne. La prezo multe plialtiĝis post la gazeto “New York Times” raporti pri tiu tendenco.

Intervjue al tiu gazeto, la fondinto de Live Water, Mukhande Singh, defendis sian produkton kaj pridubis la kvaliton de la akvo el krano: “Ĉu kranakvo? Vi ĉiuj estas trinkantaj akvo infektita de drogoj por naskiĝkontrolo” tion li diris.

Nur la tempopaso indikos, ĉu tiu tendenco kontraŭ “malpura akvo” firmiĝos. Ankaŭ demando estas, ĉu tio plibonigos la sanon, ĉu tio iĝos retropaŝo je la konkeroj atingitaj ĝis nun koncerne al prizorgado de trinkakvo.


Ĉi tiu teksto estas adaptaĵo fare de Paulo Cesar Pires el portugallingva artikolo.

La nesufiĉo de butero en Franclando

Lastatempe tiuj kiuj provas aĉeti buteron en Franclando ofte trovas malplenajn fridbretarojn kaj pardonpetojn fare de vendejestroj. Laŭ artikoloj en la gazetaro, tiu lando spertas la plej intensa krizo pri manko de butero ekde la dua mondmilito. Per kradvorto #beurregate la uzantoj de sociaj retejoj ŝercadas pri la alta prezo pagataj kontraŭ pakaĵeto da butero.

Tiu nutraĵo estas fundamenta ingredienco kadre de la franca kuirarto. Kvarono de la pezo de korna bulko, ekzemple, rezultas el uzo de butero je ties pretigado.

Francoj estas la plej grandaj konsumantoj de butero, sed ili ankaŭ estas grandaj produktantoj. Nu, kial ĝi malaperis el la bretaroj? Jen kelkaj eblaj kialoj: 1-e) Estingo en 2015 de la kvantsistemo por laktoproduktantoj fare de Eŭropa Unio (por komerca konkurado); 2-e) La ĉinoj malkovris la kornan bulkon (plialtigo je tutmonda konsumado); 3-e) Okcidente pli kaj pli da laktaĵoj ol sukeraĵoj estas konsumata (sanecocele).

Sed laŭ Emmanuelle Auriole, de la lernejo pri ekonomiko “Toulouse School of Economics”, la francoj spertas tiun problemon pro difekto je sia interna merkato en tiu sektoro, kiu estas regata de malmultaj grandaj retoj de supervendejoj, kiuj altrudas al la produktantoj la difinon de prezoj nur unufoje jare. En Germanlando, ekzemple, la prezoj de butero pagataj al produktantoj ĉi-jare ĝis aŭgusto jam plialtiĝis je 72%, dume en Franclando ĝi estis 6% samperiode. Tial oni ne miras, ke francaj produktantoj preferas eksportadi buteron anstataŭ prizorgi la lokan bezonon.


Ĉi tiu teksto estas adaptaĵo fare de Paulo Cesar Pires el portugallingva artikolo.

Alibaba vendis entute USD 25 miliardojn dum 24 horoj

Je la 11-a de novembro en Ĉinlando oni festas “Tago de Gefraŭloj”, kiu estas amuziga festivalo reliefiganta la fieron esti fraŭlo. La dato 11/11 estis tiurilate elektita ĉar la numero 1 aludas al sola homo.

Lastatempe kadre de tiu festivalo okazas tago de retaĉetado, kiu staras inter la plej gravaj tutmonde. Ĉi-foje la grandega ĉina firmao pri retkomerco nome “Alibaba” bezonis nur 13 horojn kaj dek minutojn por superi sian propran rekordon pri retvendado (17,8 miliardoj da usonaj dolaroj je la 11-a de novembro, pasintjare). Fine post 24 horoj Alibaba vendis entute USD 25 miliardojn.

Mondskale la retaĉetoj en tiu tago superas je 2,5-oble tiuj de “Black Friday” kaj “Cyber Monday” kune.

Tiu estas la 9-a eldono de la evento (Alibaba retvendado en la tago de gefraŭloj) kun partopreno de 140 mil firmaoj – 60 mil el ili estas interlandaj – kaj 15 milionoj da varoj.

En la ĉina urbo Ŝanhajo okazis vesperan festegon, kie gravuloj kiel la aŭstralia aktorino Nicole Kidman instigis la cinojn partopreni la daton, kaj prezentis reklamfilmeton de mallonga filmo pri batalartoj, en kiu unuafoje rolas kiel aktoro Jack Ma, kiu estas la ekscentra, riĉega fondinto de Alibaba.

Antaŭ kelkaj horoj de la komenco de retvendado, la vicprezidanto de la firmao, Joseph Tsai asertis, ke tiu estas tutmonde la plej grava tago por la komerco, kaj granda evento por la ĉina ekonomio.


Ĉi tiu teksto estas adaptaĵo fare de Paulo Cesar Pires el portugallingva artikolo.