Firmao garantias, ke ĝia robota polvosuĉilo ne estas spiono

Ĉi-semajne estis diskonigita, ke la usona firmao “iRobot” povus uzi la robotan polvosuĉilon “Roomba” por kolekti informojn pri la domoj de ĝia klientaro kaj poste vendi tiujn datumojn al aliaj firmaoj. Tamen ŝajne tiu supozo devenas el miskompreno.

La tuta problemo ekestis per frazon intervjue dirita de Colin Angle, kiu estas prezidanto de la firmao “iRobot”. Li asertis, ke ekzistas “ampleksa sistemo pri aĵoj kaj servoj, kiu inteligenta domo povos montri, se oni havus riĉenhavan mapon de ties interno, kies kunhavigo dependus de permeso de la uzanto”.

Roomba kaj similaj aparatoj posedas kameraojn kaj sentilojn, kiuj permesas al ili plenumi aŭtomatan purigadon de la domo.

Laŭ la firmao, informoj kiel tempodaŭro de purigado, trairita distanco kaj mesaĝoj pri eraroj povas esti senditaj al la “nubo” kaj esti prezentitaj per poŝtelefonoj, se la polvosuĉilo Roomba estas konektita per vifio (sendrata reto).

“Tia estis malĝusta interpreto. Colin neniam disris, ke iRobot provus vendi datumojn aŭ mapojn de internodomo de la konsumantoj al aliaj firmaoj. Ni neniam pritraktis interŝanĝon de datumoj kun aliaj firmaoj, kaj neniam vendus informojn pri niaj klientoj”, tion asertis iRobot al la retejo ZDNet.


Ĉi tiu teksto estas adaptaĵo fare de Paulo Cesar Pires el portugallingva artikolo.

Ludilo kiu furoras inter infanoj maltrankviligas gepatrojn

 

Nova ludilo, kiu nuntempe allogas ĉinajn infanojn, zorgigas la gepatrojn kaj ĝi eĉ jam estas malpermesita en kelkaj urboj. Temas pri etaj arbalestoj (mezepokaj armiloj), kiu ŝajnas nedanĝeraj kaj pafas lignajn dentopikilojn – ili ja penetras en kartonon, pomon kaj nekuiritan viandon, laŭ oni vidas en filmetoj.

Se metalaj kudriloj anstataŭigas la lignajn dentopikilojn, ili eĉ sukcesas penetri en ladboteleton de gastrinkaĵo.

Celante eviti akcidentojn per tia ludilo, la jenaj provincaj ĉefurboj jam malpermesis ĝian komercadon: Ĉengduo (provinco Siĉuano), Kunmingo (provinco Junano) kaj Harbino (provinco Hejlongĝjango).

Kongrue kun la sinteno de gepatroj, JD.com e Taobao.com, kiuj estas la ĉefaj retbutikoj de la lando, anoncis siajn decidojn ne plu vendi la malgrandajn arbalestojn.


Ĉi tiu teksto estas adaptaĵo fare de Paulo Cesar Pires el portugallingva artikolo.

Alĝeriaj virinoj starigas novan rekordon pri purigado de teleroj

argelia

Formante la plej grandan homgrupon kiu purigis telerojn, per sapitaj manoj 412 virinoj enmetis Alĝerion en Guinness-libro de rekordoj.

Antaŭ oficiala juĝistino de Guinness-libro de rekordoj, tiuj 412 virinoj samtempe lavis po 2 telerojn. Tiu faro okazis lastvendrede (la 16-a de junio) en la ĉefurbo Argel, kadre de filantropia supeo aranĝita de marko de produktoj por purigado de mangilaro.

Laŭ Guinness-libro de rekordoj, la antaŭa rekordo pri purigado de teleroj okazis je la 15-a de novambro 2016, kiam 300 homoj faris la samon en Filipinoj, kie ankaŭ la koncerna evento estis okazigita de marko pri produktoj por purigado.

Tiuj informoj fontas el la franca novaĵagentejo AFP.


Ĉi tiu teksto estas adaptaĵo fare de Paulo Cesar Pires el portugallingva artikolo.

Fuĝante pro muso, virino rompis piedartikon, kaj rajtas monkompenson de 40 mil realoj, pagenda de Makdonaldo

 

Lastvendrede, la 9-a de junio, verdikto fare de brazila supera juĝinstanco devigas la ĉenon de restoracioj Makdonaldo, pagi monkompenson da 40 mil realoj (preskaŭ 11 mil eŭroj) al virino, kiu fuĝante de muso, rompis sian piedartikon ĉe unu el la restoracioj de tiu reto pri rapidmanĝejo en la urbo Rio-de-Ĵanejro (Brazilo).

La virino, kiu procesas kontraŭ Makdonaldo, asertis ke en sia paŭzo por tagmanĝo ŝi venis al la restoracio, kaj ekvidante la muson ŝi genuiĝis sur iu seĝo por eviti la besteton, sed ankaŭ ĝi provis grimpi seĝen. Klopodante malsupreniri el la seĝo ŝi falis kaj frakasis la piedartikon.

Pro tiu akcidento la virino bezonis 75 tagojn da ripozado, kaj ŝi diras, ke dum tiu periodo ŝi ricevis registaran profiton pli malgranda ol ŝia salajro, krom suferi estetikan difekton pro la kirurgio.

La apelacio fare de Makdonaldo al tribunalo, kontraŭ la pagota sumo, estis rifuzita.


Ĉi tiu teksto estas adaptaĵo fare de Paulo Cesar Pires el portugallingva artikolo.

Nekutima ŝtelo – 30 mil kondomoj kaj USD 15 mil da erotikaj helpiloj

ŝtelo

La polico de Lasvegaso (Nevado – Usono) serĉas bandon, kiu ŝtelis kondomojn kaj erotikajn helpilojn el seksbutiko de la urbo, kiu aludas al la krimuloj kiel “grupo da perversiuloj”.

Dufoje estis invadita la butiko pri svedaj erotikaj varoj – unue je la 26-a de majo, vendredvespere, ili prenis skatolojn kun entute 30 mil kondomojn, kaj sabate (la 27-a), post rompo de la pordo per aŭtomobilo, ili prenis erotikajn helpilojn, kiu valoras 15 mil usonajn dolarojn.

En sia blogo la firmao ironie afiŝis – “Kian feston tiuj uloj aranĝas? Ni povus sponsori ĝin, aŭ fari ion similan”.

Filmeto pri la agadoj de la ŝtelistoj estis donita al la polico, sed ĝis nun neniu estis arestita.


Ĉi tiu teksto estas adaptaĵo fare de Paulo Cesar Pires el portugallingva artikolo.

Fiska aŭtoritato baras vendadon de fabriko

wow-nutrition

Ĉi ĵaude (la 1-a de junio) en Brazilo, Sekretariejo pri Financoj de Subŝtato São Paulo haltigis la komercadon de produktoj fabrikataj de la firmao “WOW Nutrition”, kadre de la operacio pri fiska kontrolado nomita “Doce Alerta” (Dolĉa Atentigo).

Tiu firmao produktas la sukojn “Sufresh” kaj “Soyos”, kaj la teojn “Feel Good”, kaj ĝi estas akuzita pri ne transdono al la subŝtata registaro de ĉirkaŭ 90 milionoj da realoj de ICMS, kiu estas aldonvalora imposto (AVI) aŭ vendimposto, kiun entrepreno devas pagi al la financa instanco surbaze de la aldonvaloro kiun li kreis, vendoj kaj kiu finfine pagigas la finan aĉetanton.

Tiamaniere, laŭ la aŭtoritatoj, “WOW Nutrition” estas operacianta per pli granda laborkapitalo, kiu helpas je konkerado de merkato ĉe konkurantoj.

La sidejo de la firmao en la urbo Caçapava (subŝtato São Paulo) ne estis sigelita, sed ĝis la pago postulata de la registaro, ĝi ne plu rajtas eldoni “fiskajn notojn”, kiuj en Brazilo estas dokumentoj pri vendo de produtoj. Tial, la firmao povas resti produktanta, sed ĝi ne rajtas komerci.

Ekde la jaro 2014-a la fisko pritraktas tiujn neregulaĵojn de “WOW Nutrition”. Krom la jam rimarkita manko de transdono de ICMS-imposto, la sekretariejo ankaŭ planas esplori pri ekzisto de impost-evito tie.


Ĉi tiu teksto estas adaptaĵo fare de Paulo Cesar Pires el portugallingva artikolo.

La nova silka vojo

nova-silka-vojo

Ĉi dimanĉe, la 14-a de majo, la ĉina prezidento Xi Jinping malfermis en Pekino la internacian forumon “Zono kaj Vojo”, pri ia nova silka vojo, kiu estas projekto proponita de li por rekonstrui la historian ekonomian koridoron kiu ligis orientan kaj okcidentan civilizoj.

Tiu 2-taga evento kunvenigas reprezentantojn el preskaŭ 30 landoj, inter ili la ŝtatestroj Vladimir Putin (Rusujo), Mariano Rajoy (Hispanujo), Michelle Bachelet (Ĉilio), kaj aliaj.

La ĉina prezidento anoncis novan monrimedan injekton je preskaŭ 70 miliardoj da usonaj dolaroj (USD 14,5 miliardoj de la registaro kaj USD 55 miliardoj de pruntepreno el du naciaj bankoj) por la ambicia projekto pri la nova silka vojo, kiu ĝis nun ĝia ĉefa financa fonto estis la Fonduso Silka Vojo kun komenca sumo de 40 miliardoj da usonaj dolaroj.

En la malferma prelego ĉe la Pekina Internacia Konvencia Centro, la prezidento  Xi ankaŭ promesis ĉinan monhelpon al la landoj partoprenontaj de la nova silka vojo, po USD 8,7 miliardoj.

Xi elpensis tiun projekton pri internacia infrastrukturo dum sia oficiala vizito tra centra azio en 2013. Per rapidegaj fervojoj, interretaj retoj, havenoj kaj ŝoseoj, Ĉino intencas plialtigi sian influojn politikan kaj ekonomian, ĉefe en Azio.


Ĉi tiu teksto estas adaptaĵo fare de Paulo Cesar Pires el portugallingva artikolo.

Ĉifonulo malestimata ĉe motorciklo-vendejo aĉetis Harley-Davidson

Lung Decha

Ne taksi libron per ĝia kovrilo estas sufiĉe konata proverbo, sed ĝia malobservo  ankoraŭ oftas ie je homa ĉiutago. Jen nova tia okazintaĵo kies sciigo disvastiĝis pere de sociaj retejoj.

En Tajlando sinjoro surhavante aĉan t-ĉemizon, malpuran pantalonon kaj fingropantoflon eniris la motorciklo-vendejon “Maxsingburi Bike Shop”, en la provinco “Sing Buri”. Li estis promenanta tra la salono kaj tuj freneziĝis antaŭ nova modelo de la motorcikla marko Harley-Davidson. La komizoj lin rimarkis, sed sen alparolon, supozante neeblecon de negoco kun tia ulo.

Surprizigante la skipon de vendistoj, la propra estro de la vendejo decidis alparoli tiun figuron, kaj post demandaro pri potenco kaj ceteraĵoj tiu neprobabla konsumanto aprobis la prezon de 600 mil bahtoj (ĉirkaŭ 16 mil eŭroj) por alporti la motorciklon hejmen. Li efektivigis la aĉeton kontraŭ kontanta pago.

Klientoj de la vendejo, kiuj atestis la aferon, afiŝis kelkajn koncernajn fotojn en la reto, kaj eĉ la propra firmao same faris. Laŭ la novaĵretejo “Sanook” tiu rolulo estas la ĵusa emerita mekanikisto nomata Lung Decha, kiu uzis siajn monŝparaĵojn por akiri la maŝinon, kiu estis delonge dezirata de li.


Ĉi tiu teksto estas adaptaĵo fare de Paulo Cesar Pires el portugallingva artikolo.

La japana krizo pri ĉipsoj

ĉipsoj

Pro manko de terpomoj, krizo stariĝis ĉe produktado de ĉipsoj en Japanujo. Tia industriigita varo draste plikostiĝis kaj eĉ malaperis de la vendejaj bretaroj.

Post unu monato de estiĝo de tiu krizo, la saketo da pico-gusta ĉipsoj (terpomfloko), de la firmao “Calbee”, kiu estas la ĉefa japana produktanto, estis ofertata hodiaŭ (la 1-a de majo) kontraŭ 3.000 enoj (ĉirkaŭ 25 eŭroj) sur la aŭkcia retejo “Yahoo Japan”. Je normalaj merkat-kondiĉoj ĝi kostus malpli ol 200 enojn (ĉirkau 1,70 eŭroj).

Tiu firmao, kiu posedas pli ol duono de tiu merkato en la japana insularo, anoncis je la 10-a de aprilo paŭzon en la produktado de 14 variaĵoj de ĉipsoj – dum nedifinita tempodaŭro – pro tro malgranda terpomrikoltado norde de la lando, kiu estis trafita de multaj uraganoj dum la jaro 2016-a.

Tamen, influas tiun krizon la protektismo adoptata rilate al eniro de fremdaj agrikulturaĵoj en la lando, kiu malhelpas tian aĉetadon flanke de la firmaoj. Japanujo ekimportis terpomon nur en la jaro 2006-a pro insisto de Usono, kiu estas unu el la ĉefaj eksportantoj de tiu tubero.


Ĉi tiu teksto estas adaptaĵo fare de Paulo Cesar Pires el portugallingva artikolo.

Indignigita viro verŝis betonon internen de la aŭto de sia edzino

venĝo

Ŝajne Rusujo, oni diras, estas la plej fruktodona lando pri nekutimaj okazintaĵoj. Jen tia – Iu ulo plenigis per betono la internon de la aŭtomobilo de sia edzino, ĉar ŝi ŝanĝis sian nomon por profiti merkatikaĵon fare de la superbazara reto “Verny”, en la urbo Sankt-Peterburgo.

Por gajni 50 mil rusajn rublojn (ĉirkaŭ 850 usonaj dolaroj) de tiu firmao oni devus ŝanĝi familian nomon al “Verny” aŭ “Vernaya” (por virino), ĉe notarioficejo, kaj tion ŝi faris. Sed en Rusujo tradicie edziniĝinta virino adoptas familian nomon de sia edzo.

Kiam li malkovris la aferon, tiam li parkumis ŝian aŭton antaŭ unu el la vendejoj de tiu reto kaj venigis menditan betonmiksilan kamionon, kiu tra la antaŭa maldekstra fenestro de la aŭto verŝis betonon ene de ĝi.

La materialo kovris la antaŭajn benkojn, trafis ĝis la stirilo kaj mallevigis la veturilon, kaj kompreneble tiu faro allogis scivolemulojn.

Jen koncerna filmeto: ligilo


Ĉi tiu teksto estas adaptaĵo fare de Paulo Cesar Pires el portugallingva artikolo.