Pri la nova filmo “Turma da Mônica – Laços!”

“Turma da Mônica” (“Bando de Moniko”) estas brazila bildrakonto por infanoj kreita de la karikaturisto Mauricio de Sousa. Kvankam la unua komika libro aperis en 1970, la ĉefaj roluloj jam aperis en bildrakontoj ekde 1959. “Turma da Mônica” estas tre konata kaj populara en Brazilo.

Inspirite en tiu serio de bildrakontoj nune estas filmata en San-Paŭlo (Brazilo), reĝisorata de Daniel Rezende, la longdaŭra filmo “Turma da Mônica – Laços!”, kies pretigo okazos fine de la 7-a monato 2018, sed ĝi ne estas desegnofilmo.

Jen la personaĵoj kaj ties roluloj – Infanoj: Mônica (Giulia Benite), Cebolinha (Kevin Vechiatto), Magali (Laura Rauseo) e Cascão (Gabriel Moreira), kaj plenkreskuloj: Sinjorino Lourdinha (Monica Iozzi), Sinjoro Cebola (Paulo Vilhena), La viro kun sako (Ravel Cabral).

La unua apero de la filmo “Turma da Mônica – Laços!” en kinejoj okazos ĉi-jare la 6-an de la 12-a monato.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3za

Statuo pri Marilyn Monroe antaŭ preĝejo kaŭzas polemikon

8-metra alta statuo pri la virina aktoro Marilyn Monroe estigas polemikon en Usono pro tio, ke ties kalsono okulfrapas al tiuj kiuj eliras el proksima preĝejo.

Tiu statuo staras ĉe Stamford-Parko en la urbo Hartford (Konektikuto, Usono) kaj ĝi prezentas Marilyn Monroe – en la usona komedia filmo de 1955 nome The Seven Year Itch (La Sepjara Jukado) – ludante scenon kiu enhavas unu el la plej elstaraj bildoj de la 20-a jarcento – nome Monroe stare sur kradaĵo de metroo dum ŝia blanka robo estas blovata de preterpasanta trajno.

Nomata “Porĉiame Marilyn” ĝi estas unu el tiuj 36 statuoj faritaj de la artisto Seward Johnson por ekspoziciado en la centra urba regiono ĉi-somere.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3yI

Nova devigo en Kenjo: permisilo por filmeto afiŝota sur socia retejo

Lunde la 28-an de la 5-a monato ekvalidas en Kenjo polemikan leĝon. Jen koncerna komunikaĵo afiŝita de la novaĵretejo “The Next Web”: “La organo Kenja Komisiitaro pri Klasado de Kino informas al agentoj, produktantoj kaj publiko, ke ajna filmo por publika prezentado, farita sen permisilo de KKKK estas kontraŭleĝa afero”.

Malobeo al tiu regulo povos rezulti monpunon da 846 eŭroj kaj ĝis kvin jaroj da malliberigo. Kaj la leĝo validas ankaŭ por filmetoj afiŝotaj sur sociaj retejoj.

Tiom da kritikoj ekestis en la afrika lando pro tiu decido, kun civitanoj asertantaj, ke temas pri ia cenzurado, kaj puno tro severa, sed oni dubas, ke KKKK kapablos glate apliki tiun leĝon.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3vW

La duopo Obama kreis firmaon por filmofarado al Netflix

Laŭ komunikaĵo fare lunde (la 21-an) de la elsendflua firmao Netflix, “Higher Ground Productions” estas firmao starigita de la usonaj eksprezidanto kaj eks unua sinjorino, Barack kaj Michelle Obama, por liveradi seriojn kaj filmojn al Netflix.

Tiu kontrakto validos je tempodaŭro da pli ol jaro, sed la komunikaĵo ne precize klarigas kiom da tempo, kaj la koncernaj valoroj ne estas informitaj.

“Inter tiaj simplaj plezuroj spertitaj kadre de nia publika deĵorado, koncernis konatiĝi homojn kun ĉiaj travivaĵoj, kaj helpi ilin kundividi siajn spertojn al pli granda publiko. Tial mi kaj Michelle entuziasmiĝas anoncante tiun kunagadon ĉe Netflix – ni esperas kultivi kaj elekti talentajn voĉojn, tiajn inspirajn kaj kreopovajn, kiuj kapablu antaŭenigi la plialtigon de kompreniĝado inter popoloj, kaj helpi ilin disvastigi siajn historiojn tutmonde”, tion asertis Barack Obama.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3tO

Realtempa elsendo en brazilaj kinejoj: la fina ludo de Ĉampiona Ligo de UEFA

Ĉampiona Ligo de UEFA estas konkurso de UEFA pri la eŭropaj profesiaj viraj teamoj de piedpilkado. La fina ludo de tiu konkurso reliefiĝas kiel la jara sporta okazaĵo plej spektata tutmonde.

Ĉi-jare la 26-an de la 5-a monato okazos en Kievo (Ukrainlando), la fina ludo de tiu konkurso (2017-2018, la 63-a), inter la angla teamo “Liverpool Football Club” kaj la hispana teamo “Real Madrid Club de Fútbol”.

En Brazilo la televidkanalo “TV Globo” elsendos tiun okazaĵon ĉe pli ol 180 kinejoj de la ĉefaj ĉenoj en la lando. La ludo komencos je la horo 15:45 laŭ horzono de Braziljo, la brazila regurbo, kaj la kinobiletoj kostos 60 kaj 80 realojn (ankaŭ 30 kaj 40 realojn pri tiaj duonbiletoj).

Jen la koncerna reklamfilmeto, portugallingve: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

Blake Lively diris, ke pro ties alto ŝi spertis ĉikanadon infanaĝe

Blake Ellender Lively – 30-jaraĝa virino – estas usona aktoro konata ĉefe pro ĉefroli kiel “Serena van der Woodsen” en la televiserio “Gossip Girl” (2007-2012). Ĉi-marde, la 17-an, ŝi afiŝis sur la socia retejo Instagramo foton, kiu montras ŝin kune kun la personaĵo “Big Bird” (Granda Birdo), de la usona infanprogramo por publika televido “Sesame Street” (Sezamostrato).

“Ĉe lernejo la infanoj moknomis min ‘Big Birdino’, pro mia alto kaj flava hararo”, tion ŝi skribis. Krome, ĝoje: “Plejbonas amikiĝi kun aferoj, kiuj iam ĝenis vin”.

Lively – kiu baldaŭ rolos en la filmo “The Rhythm Section” – estas edzino de la kanada aktoro Ryan Reynolds, konata ĉefe pro rolado en la usona filmo pri superheroo nome “Deadpool”.


Ĉi tiu teksto estas adaptaĵo fare de Paulo Cesar Pires el portugallingva artikolo.

La desegnofilmo “Early Man” (Prahomo)

Haltmovo (angle “stop motion”) estas teĥniko de desegnofilmo kreata de senmova pupo aŭ modelo movigita po unu foto, kiu konsistas en la ŝajnigo de la movo de senmovaj aĵoj pere de serio de sinsekvaj senmovaj bildoj. Tia estas la porinfana brita desegnofilmo “Early Man” (Prahomo), kiu unuafoje aperis en Brazilo lastĵaŭde, la 5-an de la 4-a monato.

Tiu filmo estas reĝisorita de la brita Nick Park, kiu reĝisoris ankaŭ aliaj haltmovaj desegnofilmojn, kiel “Chicken Run” (Kokina Kuro) kaj tiuj de “Wallace e Gromit”.

Temas pri rakonto de la praulo “Doug”, kiu trafis plu evoluantan tribon, kaj la voĉoaktorado ludis angle Eddie Redmayne (brita aktoro), kaj portugale Marco Luque (brazila aktoro).

Por spekti la reklamfilmeton jen LIGILO.


Ĉi tiu teksto estas adaptaĵo fare de Paulo Cesar Pires el portugallingva artikolo.

“Bildsigno, la Filmo” gajnis la premion “Ora Frambo” 2017

Laŭ Vikipedio, “Ora Frambo (angle ‘Golden Raspberry Awards’) estas premio por la plej malbonaj roluloj, reĝisoroj, scenaroj, filmoj, kantoj. Ĝi estis fondita en 1980 de cinisma film-frenezulo John Wilson”.

Ĉi-sabate, la 3-an de la 3-a monato, la filmo “Bildsigno, la Filmo” estis elektira kiel la plej malbona en 2017, kadre de la 38-a eldono de la premioj “Razzie”, popole konataj kiel “Premio Ora Frambo” de Holivudo.

La fondaĵo Golden Raspberry Award anoncis, ke “Bildsigno, la Filmo” (angle “The Emoji Movie”) pintorangis la liston de la “honorigitaj”, kun kvar agnoskoj: plej malbona filmo, plej malbona scenaro, plej malbona reĝisoro (Tony Leondis) kaj plej malbona rolularo.

Tom Cruise, pro la filmo “La Mumio (2017)” gajnis la premion pri plej malbona aktoro, kaj Tyler Perry pri plej malbona ina aktoro, pro la filmo “Boo 2! A Medea Halloween”.


Ĉi tiu teksto estas adaptaĵo fare de Paulo Cesar Pires el portugallingva artikolo.

“Nigra Leopardo” fierigas kaj entuziasmigas la afrikanojn

De Kenjo al Niĝerio, la unua prezento de la filmo “Black Panther” (Nigra Leopardo) okazinta pasintsemajne estas instiganta entuziasmon ĉe la afrikaj spektantoj, kaj la senton, ke Holivudo finfine plenumis malplenaĵon.

“Nigra Leopardo” estas ne nur la unua afrika heroo de la korporacio Marvel kun sia propra filmo, sed ĝi estas espero, kadre de la holivuda kino, al fina ŝanĝo koncerne al reprezentado de la afrikanoj ekster la temaro malriĉeco.

Tiu unua filmo kun nigra superheroo superis ĉiujn prognozojn kaj ĝi jam firme staras unuarange pri enspezo en Usono, laŭ informoj konigitaj ĉi-dimanĉe (18) de la faka firmao “Exhibitor Relations”.

Reklamfilmeto: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

Aperis la oficiala reklamfilmeto pri “La Nekredebluloj 2”

Merkrede, la 14-an de la 2-a monato, la produktata filmo “La Nekredebluloj 2” gajnis kompletan reklamfilmeton – ĝis tiam nur scivolecaĵon estis diskonigita. Temas pri daŭrigo de la desegnofilmo unue aperinta en 2004, kaj gajninta Oskarpremiojn en la sekva jaro.

La propagandfilmeto prezentas la hejmmastrumanton Bob, la S-ro Nekredebla. La rakonto de tiu nova filmo komencos tuje al la okazintaĵoj de la unua filmo. En tiu familio, la patro prizorgos la infanojn hejme, dum la patrino savos la mondon.

Reĝisoras tiun desegnofilmon Brad Bird, tiu sama de la originala longa filmo, kaj ĝia unua apero okazos la venontan 6-an monaton 2018, je la tagoj 15-a Usone kaj 28-a Brazile.

Por spekti la reklamfilmeton jen LIGILO.


Ĉi tiu teksto estas adaptaĵo fare de Paulo Cesar Pires el portugallingva artikolo.