La usona organo FBI atentigis pri rusa fiprogramo

Federa Oficejo de Enketado (angle “Federal Bureau of Investigation”, FBI) diskonigis vendrede, la 25-an de la 5-a monato, atentigon pri minaco veninta supoze el Ruslando, kaj ĝi estus trafinta pli ol 500 mil enkursigiloj tutmonde. [LIGILO]

La fiprogramo nomata “VPNFilter” celas popularajn aparatojn, kaj ĝi kapablas malfunciigi la etajn enkursigilojn ĉe malgrandaj oficejoj kaj loĝejoj. Krome ĝi povas kapti informojn, kiuj trapasas la aparatojn.

Per tiu averto FBI rekomendas, ke oni malŝaltu kaj refunkciigu la aparatojn. Tiu ago estas minimuma prevento kontraŭ tia krimo. Jen listo de aparatoj trafitaj ĝis nun:

  • Linksys E1200
  • Linksys E2500
  • Linksys WRVS4400N
  • Mikrotik RouterOS for Cloud Core Routers 1016
  • Mikrotik RouterOS for Cloud Core Routers 1036
  • Mikrotik RouterOS for Cloud Core Routers 1072
  • Netgear DGN2200
  • Netgear R6400
  • Netgear R7000
  • Netgear R8000
  • Netgear WNR1000
  • Netgear WNR2000
  • QNAP TS251
  • QNAP TS439 Pro
  • QNAP NAS kun programo QTS
  • TP-Link R600VPN

Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3wf

Ekvadoro ĉesigas interretaliron al Julian Assange

Laŭ anoncis Ekvadoro la 28-an de la 3-a monato, al la fondinto de WikiLeaks, Julian Assange, estis haltigita aliron al la sistemoj por komunikado al ekstero de la ekvadora embasadejo en Londono, kie li loĝas kiel rifuĝinto ekde 2012.

“Pravigis tiun decidon la malobeo de Assange al interkonsento subskribita de li kun la registaro fine de 2017, koncerne al evitado de mesaĝoj kies enhavo enmiksiĝus ŝtatajn aferojn”, diras la komunikaĵon. Lunde la 26-an per Tvitero Assange kritikis la kunordigitan forpelon de rusaj diplomatiistoj fare de okcidentaj landoj.

Sur Vikipedio oni legas, ke “WikiLeaks estas retejo, kiu publikigas registarajn, komercajn aŭ religiajn dokumentojn, kiuj antaŭe estis sekretaj. Ĝi kutime ne donas nomojn kaj adresojn de homoj, kiuj afiŝas dokumentojn. La retejo estas lokita en Svedlando. Kvankam ĝi havas nomon similan al Wikipedia, ĝi estas parto nek de Wikipedia nek de WikiMedia Foundation, kaj eĉ ne estas vikio. Konata aktivulo de Wikileaks estas la aŭstralia ĵurnalisto kaj aktivisto Julian Assange. Per la agado de la retejo la fenomeno de informotraliko atingis grandskalan kaj tutmondan publikan atenton”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Balio: nek interreto nek flughaveno funkcios en la silentotago

Balio estas indonezia insulo oriente de Javo. Ĝi estas populara celo de turistoj, kaj fama pro ĝia aparta masaĝa kaj muzika stiloj. Ĉiujare tie oni okazigas ian silentotagon nomata “Nyepi”, kadre de hinda religia celebrado. En tiu tago la flughaveno fermiĝu, la homoj restu for de stratoj kaj strandoj, kaj la hejma lumigado estu minimuma.

Ĉi-jare la celebrado okzaos venontsabate, la 17-an tagon de la 3-a monato, kaj unuafoje la silento trafos ankaŭ interreton. Laŭ Nyoman Sujaya, la indonezia ministro pri komunikado, temas nur pri la moveba reto, kiu estos malŝaltita je la 6-a horo sabate kaj reŝaltita dimanĉe je la sama horo, laŭ interkonsento de la landaj telefonfirmaoj, reage al peto fare de religiaj gvidantoj.

“Ni faru unutagan ripozadon, liberigitaj de interreto, por sperti trankvilon ĉe niaj mensoj”, tion diris Gusti Ngurah Sudiana, kiu estas estro de la hinda asocio en Denpasar, la regurbo de la indonezia provinco Balio. En la sekva tago, dimanĉe, estos festata la tiea novjaro.


Ĉi tiu teksto estas adaptaĵo fare de Paulo Cesar Pires el portugallingva artikolo.

Luno baldaŭ havos sendratan retkonekton

Partnereco inter kvar firmaoj estiĝis por alporti al Luno malgrandan maŝinaparaton, kiu estigos 4G-retkonekton sendratan tie. Ĝi estos ĵetita de la raketo Falcon 9, de la usona firmao “SpaceX” en la jaro 2019-a.

Marde, la 27-an de la 2-a monato, la telekomunikaj kompanioj “Vedafone” (germana) kaj “Nokia” (suoma), kune lun la germana aŭtomobila firmao “Audi” kaj privataj inĝenieroj de “Part-Time-Scientists”, anoncis partnerecon je konstruado de aparato, kiu  liveros 4G-retkonekton sur Luno por uzado de kosmovojaĝantoj.

Tiu aparato estos nur ĉirkaŭ 1-kilogramo peza, kaj malgraŭ tio, ke la retumado per ĝi estos malrapida ol tia sendrata surtere (vifio), ĝi estos havebla en pli granda areo, pro du esplorveturiloj, kiuj jam troviĝas surlune, ebligante komunikadon rekte al Tero dum veturado sur Luno.

En 2014, pere de lasero, unuafoje retkonekto estiĝis en Luno, fare de inĝenieroj de MIT-Universitato, sed Hannes Ametsreiter – vicprezidanto de Vedafone en Germanlando – asertis per komunikaĵo, ke “tiu projekto konsistas el maniero radikale noviga koncerne al disvolvo de la baza strukturo de moveba reto”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Speciala vestaĵo igas senhejmajn hundojn en gardistoj

En Tajlando iu propagandagentejo disvolvis specialan vestaĵon, kiu povas igi hundojn sen mastroj en gardistoj sur la stratoj de Bankoko. Laŭ takso nuntempe ekzistas ok milionoj da tiaj hundoj en la lando, kaj 10% el ili estas en la regurbo.

Tian vestaĵon elpensis Pakornkrit Khantaprab, kiu estas teamano de la propagandagentejo Cheil Thailand. “La inspiro venis el la raportitaj novaĵoj kiuj oni spektadas en Tajlando kaj preskaŭ ĉie, pri torturo de senhejmaj hundoj”, tion li diris.

Enhavanta kaŝitajn filmilojn, tiu vestaĵo elsendas realtempe al poŝtelefono aŭ komputilo la filmetojn, kiuj montras tion, kion la hundo vidas. La filmilo ekfilmas pro la hunda bojado. Tio utilas, ĉar hundoj jam pruvis esti lertaj je perceptado de supozaj ŝtelistoj kaj serpentoj, ekzemple.

La firmao kredas, ke tiu sistemo utilos kaj al hundoj kaj al komunumoj, kaj planas surmerkatigi ĝin. Jen koncerna filmeto: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

Gluita surhaŭte, ia treege maldika ekrano ebligas legadon de vivparametroj

Takao Someya estas esploristo en la Tokio-Universitato, kaj li inventis ilon, kiu povos revolucii la kontroladon de pacientoj en malsanulejoj. Anstataŭ tiaj tradiciaj, grandaj kaj pezaj aparatoj, tiu nova inventaĵo gluita sur la haŭto de malsanulo, prezentas ties informojn pri vivparametroj. Kaj per sendrata konekto la informoj povas esti sendataj realtempe interrete.

Laŭ la kreinto, tiu nova ilo ankaŭ utilas je hejmzorgado de maljunuloj, kiuj certe spertas pli da malfacileco je uzado de la nunaj aparatoj. La fleksebla LED-ekrano estas nur 1 milimetro dika, kaj enhavas sentilojn kaplabantajn mezuri temperaturon, sangopremon kaj muskolajn elektrosignojn. Krome, ĝi produktas kvazaŭan elektrokorregistraĵon.

La treege maldika LED-ekrano estis publike prezentita lastsemajnfine en Aŭstino (Teksao – Usono) kadre de la jara evento de Usona Asocio por Scienca Antaŭenigo, angla mallongigo AAAS. Oni taksas, ke la surmerkatigo de tiu novigo okazos post tri jaroj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Dependeco je komputilludoj estos oficialigita kiel mensmalsano venontjare

Monda Organizaĵo pri Sano (MOS) anoncis lastĵaŭde, la 21-an de decembro, ke la dependeco je komputilaj ludoj estos agnoskita kiel mensa malsano kadre de Klasigo Internacia de Malsanoj (KIM), kiu estos publikigita en 2018.

La psika dependeco evidentiĝas kiam la ludado iĝas plej grava ol aliaj vivinteresoj, kaj ĝi restas, plialtiĝas eĉ je malbonaj sekvoj. Tiu diagnozo validas kiam la ludanto prezentas la simptomojn dum tempodaŭro da 12 monatoj.

Laŭ esploroj akcepititaj de MOS, kiuj estis cititaj de ĝia faka estro Vladimir Poznyak, en Eŭropo kaj Usono inter 1% kaj 5% de la ludantoj kongruus al diagnozo de tiu dependeco, kaj en Azio ili estus ĝis 10%.

Tamen kadre de la kuracista komunumo tiu decido spertas kontraŭantojn, inter ili la psikiatro Allen Frances.


Ĉi tiu teksto estas adaptaĵo fare de Paulo Cesar Pires el portugallingva artikolo.

WeChat jam pli merkatvaloras ol Fejsbuko

La mona merkatvaloro de la ĉina interreta firmao “Tencent Holdings” superis tiun de “Facebook”, kiu nuntempe posedas pli ol du miliardojn da aktivaj uzantoj. Unuafoje okazas, ke azia entrepreno merkatvaloras pli ol 500 miliardojn da usonaj dolaroj.

Tiu firmao posedas “WeChat”-on, kiu estas programeto por tujmesaĝoj kaj retpagoj, kaj en la lastaj jaroj ĝi iĝis tre populara en Ĉinlando.

La ĉino Ma Huateng, kiu estas la ĉefa afergvida oficisto de Tencent, jam estas pli riĉa ol la fondintoj de Guglo, nome Larry Page kaj Sergey Bin, laŭ la magazino “Forbes”, kiu informis (marde la 21-an de novembro), ke lia riĉaĵon grandas je 48,3 miliardoj da usonaj dolaroj, igante lin la naŭa plej riĉulo tutmonde.

Kadre de klasigo de Forbes la pozicio de Ma Huateng pliboliĝis post anonco, ke li enkondukos venontjare en Malajzion la pagoservojn de WeChat.


Ĉi tiu teksto estas adaptaĵo fare de Paulo Cesar Pires el portugallingva artikolo.

Filmetoj de virino forigante blokitajn krurharojn furoras ĉe Instagramo

En la socia retejo Instagramo, iu konto kreita pasintmaje – kiu jam havas 140 mil sekvantojn kaj 200 filmetojn, kun vidoj je ĉirkaŭ po 30 mil – estas inter la ĉefaj produktantoj de nova tipo de enhavo kiu furoras ĉe interreto.

Temas pri la profilo “Tweezist”, de sudkorea 35-jaraĝa virino, kiu forigas siajn blokitajn krurharojn, kaj ŝi detale filmas tion cele al afiŝado.

Tiu modo prezenti bildojn pri forigo de blokitaj haroj similas al tiuj pri premo de aknohaŭtoj kaj eĉ kistoj, kies ĉefaj kontoj tiurilate igis famajn kelkaj el la aŭtoroj, kiel ekzemple la usona haŭtkuracisto Sandra Lee, ankaŭ konata kiel doktorino Pimple Popper, kun 3 milionoj da aliĝantoj en ŝia jutubkanalo.

La sudkoreino ne estas kuracisto, ŝi forigas nur siajn blokitajn krurharojn, kaj preferas ne montri siajn nomon kaj vizaĝon. “Mi ne bezonas famiĝi. Mi volas esti konata nur kiel Tweezist. Mi ekpretiĝas por komercadi risortajn pinĉilojn, similaj al tiuj uzataj de mi” tion ŝi diris.


Ĉi tiu teksto estas adaptaĵo fare de Paulo Cesar Pires el portugallingva artikolo.

Furorego: muzikfilmeto superis 4.000.000.000 da vidoj en Jutubo

Fare de la porto-rikanoj Luis Fonsi kaj Daddy Yankee, la muzikfilmeto “Despacito” iĝis la unua projekto pri muziko, kiu sukcesis en Jutubo je pli ol kvar miliardoj da vidoj. Ĝi estas pli spektata minimume je 898 milionoj da fojoj ol iu ajn alia en tiu platformo.

Tiu muzikfilmeto ankaŭ estis la unua, en la historio de tiu retejo, sukcesinta je tri miliardoj da vidoj, kaj tio okazis nur 203 tagoj post ĝia apero en januaro ĉi-jare.

Mezume tiu artaĵo estas spektata tage po 14 milionoj da fojoj, kun plej alta atingo da 25 milionoj ĉe ununura tago. En 45 landoj ĝi estas la plej vidata filmeto, inter ili estas Hispanlando, Meksiko, Germanlando, Greklando, Portugallando kaj Argentino.

Al tiu, kiu emas (re)spekti ĝin jen ligilo.


Ĉi tiu teksto estas adaptaĵo fare de Paulo Cesar Pires el portugallingva artikolo.