La ondo “Childfree” – ĉu konveneco aŭ malamo?

“Ni ne akceptas infanojn”. Kaj en Brazilo kaj en la mondo estiĝis niĉo de spacoj, kiu rifuzas ĉeeston de infanoj, kaj ĝia pravigo estus certigi trankviliĝon al la klientaro.

Tiu niĉo spegulas la movadon “childfree” (“sen infanoj”), kiu ekzistas ekde la jaroj 1990 en Usono kaj Kanado, celante grupigi plenkreskulojn kiuj sentas sin diskriminaciitaj de la socio ĉar ili ne posedas infanojn.

Tamen nuntempe parto de tiu movado “childfree” superas tiun “mi ne volas havi infanojn” kaj adoptas la sintenon “mi ne ŝatas infanojn” aŭ “mi ne volas infanojn ĉirkaŭe”, kaj ĝi disvolviĝas en la sociaj retejoj.

La afero estigis polemikon. Estas tiuj, kiuj rimarkas ekziston de nenia diskriminacio al infanoj aŭ familioj, sed nur de laŭrajta ekspluatado pri niĉo de merkato. Tamen, hoteloj, restoracioj, flugfirmaoj, ktp, same povus ekmalpermesi maljunulojn, malbelajn homojn kaj dikulojn. Ĉu akcepteblus?


Ĉi tiu teksto estas adaptaĵo fare de Paulo Cesar Pires el portugallingva artikolo.

Advertisements

La dana kompanio LEGO maldungos 1400 homojn

Ĉi-marde, la 5-an de septembro, la dana kompanio LEGO, kiu fabrikas plastikajn ludilojn, anoncis ke fortranĉos 8% de sia laborforto, pro malaltigo de vendado en Usono kaj Eŭropo.

En la unua duonjaro la firmao spertis redukton da 5% en la negocoj, kiuj estis 2,3 miliardoj da usonaj dolaroj, kaj pri la profito, ties redukto konsistis el 3%.

Tutmonde konata pro siaj multkoloraj plastaj eroj, tiu marko multe amplekisigis siajn agadkampojn en la lastaj jaroj, trafante sektorojn kiel komputilaj ludoj, kino, animacioj kaj eĉ iu porinfana amuzparko nome “Legoland”.

Jorgen Vig Knudstorp, kiu estas prezidanto de la firmao, per komunikaĵo diris, ke “la organizo devos iĝi malpli ampleksa ol ĝi estas nun, kaj tiamaniere onia negoco estos simpligita, por celi pli da infanoj”.

Tiu rearanĵo signifas fortranĉon de 1.400 laborpostenoj tra la mondo, ĝis la fino de 2017. Lego nuntempe dungas ĉirkaŭ 18.200 homojn.

Komence ĉi-jare la faka firmao Brand Finance, pri internacia valorigo de markoj, publikigis raporton, kiu citas Legon kiel “la marko plej konata tutmonde”, ĉefe okaze de la komerca sukceso de la filmoj “La Filmo Lego” kaj “LEGO Batman: la Filmo”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Henao-tatuaĵo kaŭzis permanentajn cikatrojn en knabino

Post restado kune kun sia familio en 4-stela egipta hotelo, kie ŝi faris tatuaĵon el nigra henao, la 7-jaraĝa brita knabino Madison Gulliver spertis viglan kemian brulvundon kaj akiris cikatrojn sur sia brako. Kadre de familiaj feritagoj en la turisma urbo Hurghada, borde de la Ruĝa Maro, la patro, Martin, permesis al ŝi nedefinitivan tatuaĵon ofertata interne de la hotelo.

Reveninte hejmen en Unuiĝinta Reĝlando, post kelkaj tagoj la knabino eksentis jukadon surbrake, kaj haŭtvezikoj ekokupis la lokon de la tatuaĵo. La gepatroj enhospitaligis ŝin, kie la haŭtvezikoj estis fortranĉitaj, kaj flegado de la cikatroj komenciĝis.

Laŭ la kuracistoj de “Hospital Salisbury District”, ŝi bezonos minimume 6-monatan uzadon de prembandaĝo, cele al mildigo de la cikatroj.

Heike Moursy, la estro pri publikaj rilatoj de la hotelo, retpoŝte sendis pardonpeton al la familio, krom informi la decidon ne plu oferti tatuadon per henao al la klientoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Du homoj mortis surplaĝe pro trafo de malgranda aviadilo

Aŭtoritatoj informis al la loka gazetaro, ke merkrede (la 2-an de aŭgusto) malgranda aviadilo faris krizan alteriĝon en la plaĝo “São João da Caparica”, de la urbo Almada (Portugalujo), kaj mortigis du homojn kiuj tiam estis plaĝumantaj tie.

Laŭ la komandanto Paulo Isabel la viktimoj estas iu 56-jaraĝa viro kaj iu 8-jaraĝa knabino, kaj la gazeto “Diário de Notícias” asertis, ke ili ne estus parencoj.

La aviadilo estas tiu CESSNA C152, fabrikita en la jaro 1978-a, kiu paneis dum praktika leciono pri pilotado kaj estis devigita al kriza alteriĝo en la plaĝo. Ĝi estas propraĵo de la firmao “Aeródromo de Torres Vedras”, sed de jaroj ĝi estas luita de la lernejo “G-AIR”, de la urbo Cascais.

Atestantoj raportis, ke la afero subite okazis – la aviadilo silente alproksimiĝis, kaj pro tio la homoj ekvidis ĝin nur kiam ĝi estis jam tre proksima.

Per komunikaĵo Nacia Aŭtoritato Mara informis, ke la du veturintoj de la aviadilo suferis nenion, kaj ili estas nun aŭdataj de la servo pri krima enketo, de Mara Polico.


Ĉi tiu teksto estas adaptaĵo fare de Paulo Cesar Pires el portugallingva artikolo.

Ludilo kiu furoras inter infanoj maltrankviligas gepatrojn

 

Nova ludilo, kiu nuntempe allogas ĉinajn infanojn, zorgigas la gepatrojn kaj ĝi eĉ jam estas malpermesita en kelkaj urboj. Temas pri etaj arbalestoj (mezepokaj armiloj), kiu ŝajnas nedanĝeraj kaj pafas lignajn dentopikilojn – ili ja penetras en kartonon, pomon kaj nekuiritan viandon, laŭ oni vidas en filmetoj.

Se metalaj kudriloj anstataŭigas la lignajn dentopikilojn, ili eĉ sukcesas penetri en ladboteleton de gastrinkaĵo.

Celante eviti akcidentojn per tia ludilo, la jenaj provincaj ĉefurboj jam malpermesis ĝian komercadon: Ĉengduo (provinco Siĉuano), Kunmingo (provinco Junano) kaj Harbino (provinco Hejlongĝjango).

Kongrue kun la sinteno de gepatroj, JD.com e Taobao.com, kiuj estas la ĉefaj retbutikoj de la lando, anoncis siajn decidojn ne plu vendi la malgrandajn arbalestojn.


Ĉi tiu teksto estas adaptaĵo fare de Paulo Cesar Pires el portugallingva artikolo.

Bebo naskiĝinta dum aerveturado rajtos senpagajn flugbiletojn dumvive

 

Hieraŭ, la 19-a de junio, la barata flugkompanio Jet Airways anoncis dumvivan donacon de senpagaj flugbiletoj al knabo naskiĝinta dum iu el ĝiaj flugoj inter Sauda Arabujo kaj Barato.

Al la patrino de la infano, la unua fazo de tiu nasko venis frue, kiam ŝi estis vojaĝanta en alteco de 10 mil metroj, ĉi-dimanĉe, la 18-a de junio. Je la akuŝo helpis membroj de la skipo, kune kun iu pasaĝero, kiu estas trejnita sukuristo.

“Jet Airways laŭdas sian teamon, pro ties reago kaj pretiĝo dum sukcesa apliko de koncerna trejnado, je agado kiu savis unu vivon”, tion asertis la proparolanto de la firmao.

Tiu flugo, kiu celis urbon sude de Barato, deflankiĝis al Mumbajo, kie la patrino kaj sia bebo estis kondukitaj al loka hospitalo. Ambaŭ bonfartas, laŭ informoj fare de la televida firmao CNN.

Nu, tiu bebo havos sufiĉajn opciojn pri flugvojaĝoj ĉe Jet Airways, kiu funkciigas 65 enlandajn kaj internaciajn aerliniojn, kaj havas sidejon en Mumbajo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Knabo kies bildo kortuŝis la mondon aperas en intervjuo

Omar Daqneesh

Ĵuse per TV-intervjuo prezentita en Sirio, Rusujo kaj Libano, oni montris Omar Daqneesh, kiu estas la sangmakulita kaj polvkovrita knabo fotita pasintjare post savo fare de fajrobrigadisto en la siria urbo Alepo. Je tiuj novaj bildoj li aperis sana kune kun sia patro.

La bildo de Omar ene de ambulanco kun mieno de malkompreno, post li estis prenita el ruinoj fare de bombaviadiloj aŭguste 2016, reefikis tutmonde kaj iĝis simbolo de la milito en Sirio. Ĝi estis kunhavigita de milionoj da retumantoj sur sociaj retejoj kaj stampis ĉefnovaĵojn de ĵurnaloj.

Horo poste savo de la familio de Omar, la loĝejo disfalis. Lia plejaĝa frato mortis post tagoj. Post detruo de la domo, lia patro provis kaŝi lin al amaskomunikiloj. Laŭ la brita gazeto “Telegraph” oni ne konas la cirkonstancojn pri la realigo de tiu intervjuo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Multekosta petolaĵo fare de etulo

juano

5-jaraĝa infano disŝiradis monbiletojn, kiuj ĝia patro kaŝe konservis hejme, je la kvanto 50 mil juanoj (pli ol 7 mil usonaj dolaroj), laŭ informo fare ĉi-lunde de la sendependa ĉina gazeto “South China Morning Post”.

Loĝanta en Cindao, kiu estas havena urbo kaj distrikto de la provinco Ŝandongo, oriente de Ĉinujo, la infano malkovris hejme, dum malĉeesto de siaj gepatroj, amason da 100-juanoj monbiletoj, kiuj montras la bildon de Mao Zedong, kaj decidis ludi per ĝi.

Sciante pri tiu fuŝaĵo, la patro, identigita nur per la familia nomo “Gao”, asertis, ke alportis la pecojn de monbiletoj al proksima banko por peti helpon tiurilate, kaj tie li estis instruita rearanĝi ĉiujn monbiletojn por rajti ties anstataŭigo.

“Mi zorge provadis tion fari dum du tagoj, sed mi sukcesis rearanĝi nur kelkajn monbiletojn. Ili estis disŝiritaj de du ĝis dek partoj. Tio estas malfeliĉo”, tion li diris.

La patro estas negocisto, kaj diris ke tiu mono venis el banka prunto.


Ĉi tiu teksto estas adaptaĵo fare de Paulo Cesar Pires el portugallingva artikolo.

Knabino liberiĝis de aligatora buŝo danke al indiko donita de temparko

aligatoro

2,5-metra aligatoro mordis 10-jaraĝan knabinon en lago de Florido (Usono), sed ŝi defendis sin per artifiko, kiu ŝi lernis en temparko kaj pro tio ŝi vundiĝis nur milde ĉe genuo kaj suro, laŭ informis ĉi-lunde diversaj lokaj amaskomunikiloj.

La knabino, kies identigo ne estis informita, estis lasanta siajn krurojn ĉe malprofunda parto de la lago de Parko Moss, apud la urbo Orlando, kiam la aligatoro atakis ŝin lastsabate, la 6-a de majo.

Laŭ la televidkanalo “WFTV” de Orlando, la knabino raportis, ke tuŝis la naztruojn de la aligatoro, ĉar tion ŝi lernis je ekskurso en la Parko Gatorland, kiu estas faka pri tia besto, kaj bonŝance ĝi malfermis sian buŝon.

Post ricevi 10 nodojn per kirurgia kudrado en hospitalo de Orlando la knabino resaniĝas hejme, kaj la aligatoro estis kaptita kaj mortigita. Fakte tiu okazintaĵo estis ja ia mirakla savo spertita de tiu infano.

En la usona subŝtado Florido vivas 1,3 milionoj da aligatoroj.


Ĉi tiu teksto estas adaptaĵo fare de Paulo Cesar Pires el portugallingva artikolo.

La knabo, kiu estis fumanta 40 cigaredoj tage

Ardi Rizal

Tiu 2-jaraĝa knabeto en 2010, kiu famiĝis en interreto tuj post lia malkovro en Indonezio fumante cigaredoj, superis tiun kutimon kaj nuntempe li estas inter la plejbonaj lernantoj ĉe sia lernejo.

Je sep jaroj antaŭe cirkuladis tra interreto fotoj de Ardi Rizal, ĉu fumante ĉu triciklante. Tiam, tiu etulo fumadis 40 cigaredoj tage. Post du jaroj li sukcesis abandoni tiun malvirton, helpe de registara programo pri rebonstatigo.

Tamen la knabo anstataŭigis aĉan kutimon per alia, nome tromanĝado, kiu dikigis lin. Nune estante 9-jaraĝa li estas venkinta ankaŭ pri tio, li maldikiĝis kaj estas  spertanta impresan lernejan disvolviĝon.

Surbaze de la malvirto de Ardi, la indonezia registaro estigis programon kiu prizorgas la aferon, ĉar tia problemo estis disvastiĝanta en la malgrandaj vilaĝoj de la lando.


Ĉi tiu teksto estas adaptaĵo fare de Paulo Cesar Pires el portugallingva artikolo.