Juĝisto decidis malpermesi vendadon de la pupo “Barbie Frida Kahlo”

En Meksiko iu juĝisto malpermesis la vendadon en tiu lando de la pupo “Barbie Frida Kahlo”, agnoskante la familion de la grava pentristo Frida Kahlo kiel ununura posedanto de la rajto pri ŝia persona bildo, tion informis (ĵaŭde, la 19-an) iu advokato de la koncerna juĝafero.

Tiu decido tuje validas en Meksiko, tamen la fabrikanto Mattel ankoraŭ rajtas apelacii tiurilate. La familio de Frida Kahlo informis, ke atendas la finan decidon por komenci similan juĝaferon en Usono.

La firmao Mattel havas akordon kun la firmao “Frida Kahlo Corporation”, kiu estis fondita de la familio de la pentristo, kunlabore kun la firmao “Casablanca Distributors”, kies kunlaboron la parencoj rompis poste.

Pri Frida Kahlo en Vikipedio: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

La statuo pri knabino antaŭ la virbovo de “Wall Street” estos translokita

Tiu statuo pri staranta knabino – instalita antaŭ jaro vidalvide al la fama virbovo de Wall Street – estos translokita al fina ejo ĉi-jare. Nomata “Sentima knabino”, la bronza statuo estis surprize starigita la 7-an de la 3-a monato 2017 – antaŭtage al la internacia tago de virinoj – kaj ĝi estis finance subtenata de privata firmao.

Ĵaŭde – la 19-an de la 4-a monato – la urbestro de Nov-Jorko, Bill de Blasio anoncis, ke la verko translokiĝos fronte al Novjorka Borso. “Ni fieras pro tio, ke ni gastigas ‘Sentiman knabinon’. Temas pri pova simbolo alude al bezonata ŝanĝo ĉe la plej altaj niveloj de la kompania medio en Usono”, tion li diris.

Kaj Thomas Farlej (la prezidanto de Novjorka Borso) kaj Kristen Visbal (la usonanino kreinta la verkon) sin esprimis kontentaj pro tiu anonco, kies noto ankaŭ informis, sed sendetale, pri studo de simila translokiĝo por la fama virbovo, kiu simbolas Wall Street.


Ĉi tiu teksto estas adaptaĵo fare de Paulo Cesar Pires el portugallingva artikolo.

Blake Lively diris, ke pro ties alto ŝi spertis ĉikanadon infanaĝe

Blake Ellender Lively – 30-jaraĝa virino – estas usona aktoro konata ĉefe pro ĉefroli kiel “Serena van der Woodsen” en la televiserio “Gossip Girl” (2007-2012). Ĉi-marde, la 17-an, ŝi afiŝis sur la socia retejo Instagramo foton, kiu montras ŝin kune kun la personaĵo “Big Bird” (Granda Birdo), de la usona infanprogramo por publika televido “Sesame Street” (Sezamostrato).

“Ĉe lernejo la infanoj moknomis min ‘Big Birdino’, pro mia alto kaj flava hararo”, tion ŝi skribis. Krome, ĝoje: “Plejbonas amikiĝi kun aferoj, kiuj iam ĝenis vin”.

Lively – kiu baldaŭ rolos en la filmo “The Rhythm Section” – estas edzino de la kanada aktoro Ryan Reynolds, konata ĉefe pro rolado en la usona filmo pri superheroo nome “Deadpool”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Brita firmao estas dunganta vindistojn por infanetoj

Ĉirkaŭvolvi suĉinfanon per vindo certe ne estas plezuriga tasko, ĉefe se temas pri anstataŭigo de tiaj malpuraj vindaĵoj. Tiurilate brita firmao planas liveri al gepatroj servon pri profesia vindado, kaj pro tio ĝi estas kontrakanta vindistojn por infanetoj.

La kondiĉoj por tiu laborposteno ĉe “childcare.co.uk” jenas: 1-jara sperto pri vindado de infanetoj kaj havi malplenan krimslipon. Je la tasko anstataŭigi vindaĵojn oni perlaboru po 5 britajn pundojn.

Tiu iniciato efektiviĝas pro intereso de gepatroj, inspirite de similaĵo aperinta kadre de la lasta ŝercotago (la 1-an de la 4-a monato). “Multaj gepatroj diris al ni, ke ili dezirus eblecon mendi iun por vindi iliajn infanetojn, kaj nun ili povas fari tion. Ni jam havas pli ol 100 kandidatojn al tiu laborposteno, sed tiom ne sufiĉas por la bezono de Unuiĝinta Reĝlando”, tion diris la prezidanto de la firmao, Richard Conway, al la brita gazeto “Daily Mail”


Ĉi tiu teksto estas adaptaĵo fare de Paulo Cesar Pires el portugallingva artikolo.

La desegnofilmo “Early Man” (Prahomo)

Haltmovo (angle “stop motion”) estas teĥniko de desegnofilmo kreata de senmova pupo aŭ modelo movigita po unu foto, kiu konsistas en la ŝajnigo de la movo de senmovaj aĵoj pere de serio de sinsekvaj senmovaj bildoj. Tia estas la porinfana brita desegnofilmo “Early Man” (Prahomo), kiu unuafoje aperis en Brazilo lastĵaŭde, la 5-an de la 4-a monato.

Tiu filmo estas reĝisorita de la brita Nick Park, kiu reĝisoris ankaŭ aliaj haltmovaj desegnofilmojn, kiel “Chicken Run” (Kokina Kuro) kaj tiuj de “Wallace e Gromit”.

Temas pri rakonto de la praulo “Doug”, kiu trafis plu evoluantan tribon, kaj la voĉoaktorado ludis angle Eddie Redmayne (brita aktoro), kaj portugale Marco Luque (brazila aktoro).

Por spekti la reklamfilmeton jen LIGILO.


Ĉi tiu teksto estas adaptaĵo fare de Paulo Cesar Pires el portugallingva artikolo.

Jen la dunaskitaj fratinoj Marcia kaj Millie, kies haŭtkoloroj malsamas

Kiom intense la raso povas trafi onian “difinon, disiĝon kaj unuiĝon”. Tio estas debato, kiu pritraktas la specialan eldonon de la 4-a monato de la gazeto “National Geographic”, kies kovrilpaĝo enhavas foton de la 11-jaraĝaj dunaskitaj fratinoj Marcia kaj Millie Biggs. Ili estas unu blonda kaj alia nigra, filinoj de brita patrino kaj jamajkdevena patro.

Ĉe la kovrilbildo oni legas: “Ĉi-tiuj dunaskitaj fratinoj repensigas nin rilate al ĉio, kion ni scias pri raso”.

En la plejmulto de la kazoj, la dunaskitoj venas de du zigotoj kiuj estas samtempe fekundigitaj. Ili evoluas kune en la utero. Duzigotaj dunaskitoj similas unu al la alia ne pli ol du malsamakuŝaj fratoj.

Al la gazeto la genetikisto Alicia Martin asertis, ke ne estas malofta al interrasa paro havi duzigotajn dunaskitajn kun malsama grado inter ili pri simileco al tiu aŭ tiu gepatro.

En interreto estas keljaj dunaskitaj infanoj kun malsamaj haŭtkoloroj, kiel Isabella kaj Gabriella, kun pli ol 50 mil sekvantoj de la instagrmkonto de iliaj patrino Clementina Shipley.


Ĉi tiu teksto estas adaptaĵo fare de Paulo Cesar Pires el portugallingva artikolo.

Nederlando analizos DNA-on de pli ol 20 mil viroj por trovi murdiston

La nederlanda polico komencis sabate, la 24-an de la 2-a monato, kolektadon de DNA-provaĵo de amaso da viroj, celante trovi la respondeculon pri mortigo de infano antaŭ 20 jaroj. “La pordoj de ses kolektejoj estis malfermataj”, tion anoncis per Tvitero la polico de la provinco Limburgo.

Preskaŭ 21.500 viroj havas tempodaŭron da tri semajnoj por volonte liveri DNA-provaĵon, kadre de lasta provo de la polico je klarigo pri la murdo okazinta en 1988.

Nicky Verstappen, 11-jaraĝa, malaperis frumatene la 10-an de la 8-a monato 1988, en somera kampadejo ĉe la naturrezervejo Brunssummerheide, sude de Nederlando. La korpo de la knabo estis trovita en la sekva tago proksime de tiu loko.

La polico invitis virojn aĝantajn inter 18 kaj 75 jaroj el Heibloem (tiama loĝloko de la knabo) kaj el la ĉirkaŭaĵo de la naturrezervejo, sed ili ne estas konsiderataj suspektaj de tiu krimo. Oni celas trovi inter la volontuloj parenco(j)n de iu homo, kiu lasis evidentaĵojn sur la vestoj de Nicky Verstappen.


Ĉi tiu teksto estas adaptaĵo fare de Paulo Cesar Pires el portugallingva artikolo.

Milionulo gajnis patrecon pri siaj 13 infanoj naskitaj de lupatrinoj

Ĉi-semajne kortumo en Bankoko agnoskis al la 28-jaraĝa japana milionulo Mitsutoki Shigeta la rajton pri patreco de siaj 13 filoj naskitaj de luitaj patrinoj en Tajlando, sed la gardo de tiuj infanoj al li ankoraŭ estos pritraktata kun la registaro de tiu lando, por eviti abruptan vivŝangon al la etuloj.

Favore al tiu decido la tribunalo konsideris la oportunon de feliĉo al la infanoj kaj neekziston de antaŭa malbona konduto de Shigeta, kiu estas filo de magnato je teĥnikoscienca industrio. Ekde 2015 li jam ekhavis la gardon de aliaj tri infanoj siaj – en 2014 iĝis pubkile, ke li estas patro de 16 filoj naskitaj de virinoj kontraktitaj de li kiel lupatrinoj.

Shigeta estis celita de krimesploro fare de Interpol (interlanda organizo de krimo-polico), koncerne al supoza homvendado,  kaj tiam oni eĉ aludis al li kiel “tiu, kiu starigis fabrikon de suĉinfanoj”. Post okazintaĵoj tiaj, Tajlando ne plu permesas al eksterlandanoj kontrakti lupatrinojn.

Lia advokato argumentis, ke li nur volas havi grandegan familion, kaj li havas sufice bonajn kondiĉojn por prizorgi la infanojn. Nuntempe Mitsutoki Shigeta vivas en Japanlando.


Ĉi tiu teksto estas adaptaĵo fare de Paulo Cesar Pires el portugallingva artikolo.

Publika lernejo estis kritikita pro adopti uniformon “Armani”

En la aristokrata kvartalo “Ginza” (Tokio – Japanlando) troviĝas la publika bazlerneja “Taimei”, kiu vendrede la 9-an de februaro estis forte kritikita de la registaro kaj parlamento, pro elekti al ĝiaj lernantoj uniformojn desegnitajn de la fama itala firmao pri modo nome “Giorgio Armani”, kun prezo da ĉirkaŭ po 600 eŭroj.

La nova uniformo, kiu kostas trioblon de tiu anstataŭita, ekvalidos aprile, je la reveno de la lernojaro, kaj laŭ la lernejestro Toshitsugu Wada, Taimei estas referenco en Ginza, kaj tio pravigas la decidon koncerne al tiuj uniformoj por kongrui la lernejo al la kvartalo.

Diversaj gepatroj plendis kontraŭ la alta prezo de la vestaĵoj, kaj iu patrino timas, ke netaŭgan koncepton oni havigos al la infanoj kiel nepra: multekosta aĵo bonas, kaj malmultekosta aĵo malbonas.


Ĉi tiu teksto estas adaptaĵo fare de Paulo Cesar Pires el portugallingva artikolo.

La 60-jariĝo de la konstru-ludilo “Lego”

La firmao Lego estis fondita de Ole Kirk Kristiansen en Danlando en la jaro 1932-a, sed la surmerkatigo de la fama plasta konstru-ludilo – laŭ la nuntempa formato – komencis en la jaro 1958-a.

Lastdimanĉe la 28-an de januaro, en la dana urbo Billund, kie troviĝas la sidejo de la firmao, la tiea Lego-vendejo malfermis siajn pordojn kaj plenumis diversajn eventojn por festi tiun datrevenon.

Laŭ Vikipedio:

Lego estas konstru-ludilo kun briketoj kombineblaj, simplaj, facile uzeblaj, sed kun senfinaj ebloj. La briketoj estas plastaj (akrilonitril-butadiena stireno) kaj ekkuniĝas kun klako. La plej oftaj koloroj de la briketoj estas ruĝo, flavo, verdo, bluo, blanko, kaj nigro, sed multdekoj da koloroj ekzistas.

La LEGO-ludilo venas de la dana kompanio LEGO, kiu fabrikas plastajn ludilojn. […] La nomo devenas de “leg godt”, la dana por “ludu bone”.

 


Ĉi tiu teksto estas adaptaĵo fare de Paulo Cesar Pires el portugallingva artikolo.