Ŝatantoj festis la 50-jariĝon de la aŭtomobilo “Chevrolet Opala”

En Brazilo tiu ne plu produktata aŭtomobilo “Chevrolet Opala” estas inter tiaj klasikaj modeloj plej festataj, kaj ĉi-jare ĝi 50-jariĝas. La koncerna datreveno pri ĝia surmerkatigo okazos nur en la 11-a monato, sed la “festo” okazis vespere lasmarde (la 17-an) ĉe Anhembi-Sambodromo, en San-Paŭlo, kun partopreno da ses mil homoj, laŭ la organizintoj.

Krom miloj da “invititoj”, la “amfitrionoj” (Opaloj) ĉeestis amase – ĉirkaŭ 700 ekzempleroj de tiu aŭtomobilo, de diversaj jaroj, motorecoj kaj karoserioj.

Tiu evento estis demokatia, ĉar tie oni rimarkis ekzemplerojn ĉu iomete aĉa, ĉu perfekta, kaj eĉ unu tian antikvan veturilon de la milita polico de la subŝtato San-Paŭlo.

Jen portugallingva fotoraporto: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

La ondo de elektraj paŝruliloj allogis milionan monsumon de Guglo kaj Ubero

Oni spertas momenton pri aperado de motorbicikloj kun elektraj versioj kaj maldikegaj formoj, iĝante opciojn de veturiloj pli malmultekostaj kaj pli lertaj ĉe la trafiko. Krome ili nun estas medifavoraj kaj konektitaj per interreto kaj porteblaj aparatoj. Tiamaniere multoj riskas aserti, ke tiaj “inteligentaj elektraj paŝruliloj” ege taŭgas al plibonigo de urba moviĝemo. La firmaoj Guglo kaj Ubero konfirmas tiun tendencon, per moninvesto en la usona firmao de koncerna sektoro, nome Leme.

Laŭ komunikaĵo de la firmao Leme, la alvoko de investantoj enspezis 335 milionojn da usonaj dolaroj, kun ĉefeco de “Google Ventures”, pere de “Alphabet”, kaj la firmao “Uber” ankaŭ investis “konsiderindan monsumon”.

Tiu financado okazis reage al la vigla kreskado de ĝia ĉefkonkuranto, la ekfirmao “Bird” – nuntempe valoranta USD 2 miliardojn – kaj per tiu nova financa instigo la firmao “Leme” ankaŭ ekvakoras simile.

Nuntempe la firmao agadas ĉe 70 urboj en Usono kaj Eŭropo – luado de elektraj motorcikletoj kaj bicikloj, ĉu elektraj ĉu ordinaraj.


Ĉi tiu teksto estas adaptaĵo fare de Paulo Cesar Pires el portugallingva artikolo.

“Cheetah 3” estas nova impresa roboto

Inĝenieroj de la usona universitato MIT (Masaĉuseca Instituto de Teĥnikoscienco) kreis roboton, nome “Cheetah 3”, kiu pezas 40 kilogramojn kaj kapablas supreniri ŝtuparon, inspekti terenojn kaj transpasi barojn.

La scientistoj pensas, ke tiu roboto povos estontece plenumi taskojn pri savado. “Mi kredas, ke ekzistas multaj tiaj simplaj taskoj, kies efektivigo oni preferus ke robotoj anstataŭigus homojn. Kaj taskoj malpuraj, malfacilaj kaj danĝeraj oni farus kun pli da sekureco per regataj robotoj”, tion diris per noto la profesoro de MIT pri mekanika inĝenierarto Sangbae Kim.

Por rimarki kiamaniere la roboto moviĝas, spektu la suban filmeton.


Ĉi tiu teksto estas adaptaĵo fare de Paulo Cesar Pires el portugallingva artikolo.

Rusa Mondpokalo de Piedpilkado havos novan piedpilkon ekde la okonfinaloj

Nomiĝanta “Telstar 18” – la piedpilkon de la mondpokalo okazanta ĉe dek rusaj urboj – havos novan piedpilkon ekde la fazo “okonfinaloj”, kiu komenciĝos venontsabate (la 30-an).

Ĝi estas produktita de la germana plurlanda firmao “Adidas AG”, kaj la ŝanĝo temas pri koloroj: la kombinaĵo blanka/nigra/ruĝa anstataŭigis tiun blanka/griza/nigra. Krome ĝi havas specialan nomon: Revo (ruslingve “Мечта”).

La koncernan anoncon faris marde (la 26-an), FIFA kune kun Adidas, kiu ekde la 1970-Mondpokalo liveras la piedpilkojn de la ludoj.

Laŭ Vikipedio, la 21-a Vira Piedpilkada Mondpokalo okazas en Ruslando, la 6-an kaj 7-an monaton 2018. Ĝi estas la unua tia evento en tiu lando, sed ankaŭ la unua en la tuta orienta Eŭropo. Ĝi cetere estas la unua mondpokalo, kiu disvolviĝas samtempe sur du mondpartoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3HG

Elektraj aŭtomobiloj povos estigi krizon pri kobalto en 2020

Laŭ fakuloj la progresanta popularigo de elektraj veturiloj povos okazigi krizon pri liverado de kobalto komence de la 2020-jaroj, kaj etaj entreprenistoj klopodantaj je starigo de minejoj ekster Afriko povos plialtigi ilian rolon kadre de liverado de tiu metalo uzata en reŝarĝeblaj piloj.

Demokratia Respubliko Kongo, aŭ Kongo Kinŝasa, produktas preskaŭ du trionojn de la monda kobalto – kiel kromprodukto el ĝiaj kupraj minejoj – kaj la sinteno de tiu lando rilate al fremdaj firmaoj pri minado pli kaj pli iĝas malakorda.

Nuntempe en la Toronta Borso, kaj “TSX Venture Exchange”, pli ol 100 firmaoj pri minado aŭ ekspluatado de kobalto enlistiĝas, kontraŭ 30 en 2015, laŭ “SNL Financial”. Firmaoj tiaj “por ekspluatado” estas konataj en Kanado kiel “junior mining companies” (pli juna minadfirmao).


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3vA

Post japanoj, ĉinoj investas je nova supersona pasaĝeraviadilo

La usona firmao “Boom Supersonic” prilaboras novan supersonrapidan aviadilon, – kun celo superi tiun “Concorde” koncerne al rapideco, silenteco kaj komforto – kaj ĝi ricevis novan investon, ĉi-foje fare de la firmao “Ctrip”, la plej granda retagentejo pri vojaĝo en Ĉinlando. La koncerna sumo ne estis diskonigita – entute la fabrikanto kun sidejo en la urbo Denvero (Koloradio, Usono) jam kaptis 85 milionojn da usonaj dolaroj.

Oni antaŭvidas, ke ĝis 2022 Ĉinlando iĝos la unua merkato por aviado tutmonde, kaj tio estas bona novaĵo por Boom, kiu partoprenos la aferon kun ebleco ekzemple malaltigi al duono la tempodaŭron de flugado – nune 12 horoj – inter Ŝanhajo kaj Los-Anĝeleso.

La unuan vojaĝon de tiu nova aviadilo partoprenos 10-15 klientoj de la ĉina vojaĝagentejo.

Fine de la pasinta jaro la firmao “Japan Airlines” investis 10 milionojn da usonaj dolaroj je “Boom”, kiu asertas, ke estas 76 antaŭmendoj ĉe aviadilo kun 55 sidlokoj – ĝi kapablus plenumi flugadon Londono/Nov-Jorko je nur 3h55m (nuntempe ĝi daŭras ok horojn).


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3tI

Pri la nova oficiala limuzino de la rusa ŝtatprezidanto

Pasintlunde, la 7-an de la 5-a monato, kadre de sia kvara enoficigo kiel ŝtatprezidanto de Ruslando, Vladimir Putin veturis per nova limuzino, kies projekto kostegis ĉirkaŭ 12 miliardojn da rubloj (160 milionojn da eŭroj).

Nomata “Kortej” (Karavano), tiu nova modelo anstataŭigos la nunajn 11 “Mercedes-Benz S600 Pullman” de la rusa prezidanto. Ĝi estis disvolvita surbaze de tiuj “Mercedes-Benz Classe S e BMW Série 7”, kun motoroj “V12”, kaj ekde 2019 ĝi estos surmerkatigita plurlande, sed ĝia prezo ankoraŭ ne estas decidita.

Laŭ Denis Manturov, kiu estas la rusa ministro pri industrio kaj komerco, tiu aŭtomobilo spertos egan konkurencon de la modeloj produktataj de “Rolls-Royce” kaj “Bentley”, kadre de la monda merkato.

La rusa firmao “Sollers”, kiu surmerkatigos la aŭtojn asertis: “Unue la azia sudoriento kaj Mezoriento – Unuiĝintaj Arabaj Emirlandoj, kaj aparte Ĉinlando estis elektataj kiel celmerkatoj”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Provo – uzo de aŭtomobila pakaĵujo kvazaŭ adreso por ricevi mendaĵon

La firmaoj Audi (fabrikanto de aŭtomobiloj), Amazon (reta komercado) kaj DHL (transportado de pakaĵoj) estas testantaj sistemon, kiu ebligas meti pakaĵon pri menditaj varoj rekte en aŭtomibila pakaĵujo de la kliento. Laŭ komunikaĵo sur la retejo de “Audi”, tiun provon oni faras nuntempe kun kelkaj aĉetantoj de “Amazon” en Germanlando.

Per tiu sistemo, ĉe la aĉeta momento sur la retejo de Amazon oni povas indiki kie proksimume troviĝos la aŭtomobilo Audi de la aĉetanto tiam, kiam la pakaĵo estos liverata de la firmao DHL. La dungato de DHL per komputila programeto kaj trovas la koncernan aŭton kaj malfermas ties pakaĵujon. La liveranto kompreneble agas kun limigo de tiu programeto: nur la pakaĵujo malfermiĝas, unura fojo kaj dum limigita tempodaŭro.

Audi estas la unua fabrikanto de aŭtomobiloj komencanta negocan version de tiu servo (angle “Audi Connect Easy Delivery”), sed aliaj firmaoj pri aŭto ankaŭ prilaboras similajn sistemojn – Volvo, ekzemple, jam prezentis sian programeton kadre de koncerna sektora foiro.


Ĉi tiu teksto estas adaptaĵo fare de Paulo Cesar Pires el portugallingva artikolo.

Pentristo ornamis aviadilojn per realismaj desegnoj

Du aviadiloj ornamitaj per realismaj desegnoj, aspektantaj kiel vizaĵoj de aglo kaj tigro, reliefiĝis ĉe aviadfoiroj tra la mondo. La desegnoj sur la “nazoj” de la aviadiloj modelo “E190-E2” de la brazila fakrikando “Embraer” estis faritaj de la pentristo Quintana Clodoaldo, loĝanta en la urbo “São José dos Campos”, subŝtato San-Paŭlo, Brazilo.

“Mi laboras ĉe Embraer ekde la jaro 2004-a, kaj kiam ili pripensis ornami la E2-on kun desegno pri vizaĝo de aglo, tiam ili telefonis al mi proponante tiun defion. Mi estis alkutimiĝanta je farbado de aviadiloj, sed mi neniam estis pentrinta ilin per desegnarto”, tion diris Clodoaldo.

La aviadilo “kun aglovizaĝo” pasintjare partoprenis la parizan foiron SIAE (franclingve “Salon International de l’Aéronautique et de l’Espace”), kaj tiu “kun tigrovizaĝo” partoprenis ĉi-jare similan foiron en Singapuro.

Bildraporto: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

Juĝisto decidis malpermesi vendadon de la pupo “Barbie Frida Kahlo”

En Meksiko iu juĝisto malpermesis la vendadon en tiu lando de la pupo “Barbie Frida Kahlo”, agnoskante la familion de la grava pentristo Frida Kahlo kiel ununura posedanto de la rajto pri ŝia persona bildo, tion informis (ĵaŭde, la 19-an) iu advokato de la koncerna juĝafero.

Tiu decido tuje validas en Meksiko, tamen la fabrikanto Mattel ankoraŭ rajtas apelacii tiurilate. La familio de Frida Kahlo informis, ke atendas la finan decidon por komenci similan juĝaferon en Usono.

La firmao Mattel havas akordon kun la firmao “Frida Kahlo Corporation”, kiu estis fondita de la familio de la pentristo, kunlabore kun la firmao “Casablanca Distributors”, kies kunlaboron la parencoj rompis poste.

Pri Frida Kahlo en Vikipedio: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.