La nova rekordo pri desegno kunlabore farita surpapere

Faraĵo kiu postulis pli ol kvar mil homojn, 370 kilogramojn da papero, 1,7 milojn da kretoj de parafino kaj 1,1 milojn da feltokrajonoj, konkeris la novan tutmondan rekordon pri desegno kunlabore farita surpapere. La koncerna marko je 11.595 metroj estis registrita de Guinness-libro de rekordoj en la pasinta monato julio.

Faber-Castell, kiu estas la plej granda fabrikanto de krajono en Brazilo, disvolvigis tiun agon, kies temo estis “urba ĉielo”. La desegnado startis decembre 2016, kaj plenumiĝis pasint-marte, en la sidejo de la firmao, ĉe la brazila urbo “São Carlos”, subŝtato “São Paulo”.

La tuta procedo estis tuttempe filmita de kameraoj, kaj volontuloj ne ligitaj al la firmao deĵoris ĉiutage por atesti la aferon. Ili plenigis raportojn kiuj estis senditaj kune kun la filmetoj al la sidejo de “Guinness Word Records” en Novjorko (Usono).

Kun longeco je 9.528 metroj la antaŭa rekordo estis produktita en 2014 en Singapuro.


Ĉi tiu teksto estas adaptaĵo fare de Paulo Cesar Pires el portugallingva artikolo.

Advertisements

Firmao elserĉas heredantojn por redoni artaĵojn konfiskitajn en naziisma epoko

La tutmonde konata germana firmao “Dr. Oetker” kontraktis historiistojn por inventari kolekton da 4,5 mil artaĵoj, kies plejparto estis akirita je judoj kiuj estis devigitaj fordoni siajn kolektojn.

Tiu firmao nuntempe strebas je riparado de sia riproĉinda agado en la jardekoj 1930 kaj 1940, kiam ĝi apogis la militajn klopodojn, ne nur per livero de miksaĵoj por pudingo, sed ankaŭ municio al la naziaj trupoj, krom uzi sklavolaboron ĉe kelkaj el siaj instalaĵoj.

Tiun aŭditon ordinis la konsilio de la firmao en 2015, sed ĝis nun nur kvar artaĵoj estis redonitaj al ties laŭleĝaj heredantoj.

Tiun aŭditon ordinis la konsilio de la firmao en 2015, sed ĝis nun nur kvar artaĵoj estis redonitaj al ties laŭleĝaj heredantoj. Laŭ Lothar Fremy, kiu estas unu el la advokatoj pritraktanta la aferon, temas pri malfacila tasko, kvazaŭ solvi grandan puzlon, kiuj certe bezonos 10, 20 aŭ 30 jaroj.

En 1998 konferenco okazis en Vaŝingtono (Usono), kiu starigis regulojn pri redono de objektoj disrabitaj de nazioj. Tiuj normoj estas amplekse observataj de pubkilaj organizoj, sed ne sufiĉe flanke de privataj kolektistoj.

Joerg Schillinger, proparolanto de la firmao “Dr. Oetker”, bedaŭras, ke ankoraŭ ekzistas entreprenoj, kiuj ne esploris siajn pasintecojn, kaj li sugestas: “Nepre faru tion, kaj pro la firmao kaj pro la investantoj”.


Ĉi tiu teksto estas adaptaĵo fare de Paulo Cesar Pires el portugallingva artikolo.

La plej silenta loko tutmonde

Ekzistas ejo agnoskata de Guinness-libro de rekordoj kiel la plej silenta en la mondo. Ĝi konsistas el sen-eĥa ĉambro kuboforma kun 6,36 metroj da tri-dimensia spaco, kaŝita interne de la konstruaĵo n-ro 87 en la sidejo de la firmao Mikrosofto, ĉe Redmond (antaŭurbo de Seatlo), subŝtato Vaŝingtonio, Usono.

Tiu ĉambro estis konstruita de la teamo de la ingeniero Hundraj Gopal, por helpi je perfektigado de produktoj, kaj en la jaro 2015 ĝi trafis la mondan rekordon pri silento, kiam tiam la fonaj bruoj tie nekredeble statis je intenso da -20,6 decibeloj.

Starante en tiu ĉambro kaj paŭzante la spiradon oni povas aŭskulti la sangofluon interne de la propra korpo, la internan bruon de stomako, la korbatojn kaj eĉ la sonon pri moviĝo de okuloj ene de okulglobo.

Antaŭe al tiu ĉambro de Gopal, en Guinness-libro de rekordoj estis enlistigita kiel la plej silenta loko de la Tero, la sen-eĥan ĉambron de la firmao “Orfield”, en la urbo Mineapolo (Minesoto – Usono), kun bruonivelo je -9,4 decibeloj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Aperis ĉokolado nature rozkolora

Ĉi-monate “Barry Callebaut”, kiu estas la ĉefa monda firmao pri aliformigo de kakao, kun sidejo en Svislando, lanĉis en Ĉinlando la rozkoloran ĉokoladon “Ruby”. Tiu novaĵo pri tiu nutraĵo povas esti la unua novigo post 80 jaroj – ekde la kreo de “blanka ĉokolado”, fare de la firmao “Nestle”.

La disvolviĝo de tiu produkto bezonis pli ol 13 jaroj ekde la malkovro de nova tipo de kakao nomata “Ruby”, ĉe laboratorio de la firmao en “Louveers” (departamento de Eure – Franclando), kaj daŭrigo de la esploroj fare de teamoj en metiejoj de Fanclando kaj Belglando.

Malmultaj homoj posedas la sekreton pri fabrikado de la nova rozkolora ĉokolado de Barry Callebaut. Ĝi estas produktata sen aldono de aromigiloj kaj kolorigiloj, kongruante al novaj gustumaj tendencoj. La granoj venas el Ebur-Bordo, Ekvatoro kaj Brazilo.

Laŭ la gazeto “The Guardian” tiu nova ĉokolado aperos en vendejoj de Unuiĝinta Reĝlando post ses monatoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

La dana kompanio LEGO maldungos 1400 homojn

Ĉi-marde, la 5-an de septembro, la dana kompanio LEGO, kiu fabrikas plastikajn ludilojn, anoncis ke fortranĉos 8% de sia laborforto, pro malaltigo de vendado en Usono kaj Eŭropo.

En la unua duonjaro la firmao spertis redukton da 5% en la negocoj, kiuj estis 2,3 miliardoj da usonaj dolaroj, kaj pri la profito, ties redukto konsistis el 3%.

Tutmonde konata pro siaj multkoloraj plastaj eroj, tiu marko multe amplekisigis siajn agadkampojn en la lastaj jaroj, trafante sektorojn kiel komputilaj ludoj, kino, animacioj kaj eĉ iu porinfana amuzparko nome “Legoland”.

Jorgen Vig Knudstorp, kiu estas prezidanto de la firmao, per komunikaĵo diris, ke “la organizo devos iĝi malpli ampleksa ol ĝi estas nun, kaj tiamaniere onia negoco estos simpligita, por celi pli da infanoj”.

Tiu rearanĵo signifas fortranĉon de 1.400 laborpostenoj tra la mondo, ĝis la fino de 2017. Lego nuntempe dungas ĉirkaŭ 18.200 homojn.

Komence ĉi-jare la faka firmao Brand Finance, pri internacia valorigo de markoj, publikigis raporton, kiu citas Legon kiel “la marko plej konata tutmonde”, ĉefe okaze de la komerca sukceso de la filmoj “La Filmo Lego” kaj “LEGO Batman: la Filmo”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Ferrari konsiderita neekzistanta estis trovita en garaĝo en Japanlando

Nur ununuran unuon de la itala sporta aŭto “Ferrari 365 GTB/4”, kun malpeza aluminia karoserio, estis konstruita kaj vendita por ruli surstrate, krom aŭtodromo, post elstariĝo de tiu modelo en la kuradoj “24 horoj de Daytona” de Florido, Usono.

Tamen tiu ununura modelo restis malaperinta dum preskaŭ kvar jardekoj, tial iĝante mito, kaj eĉ dubo pri ĝia ekzisto ekestis, flanke de fakuloj, ĝis ĝia malkovro en Japanlando.

Tiu raraĵo en 1980 estis aĉetita de Makoto Takai, kiu kaŝis ĝin garaĝe dum la tuta tempo. Ĝia unua posedanto estis la fondinto de la itala revuo “Autosprint”, nome Luciano Conti, kiu aĉetis ĝin nul-kilometra en la jaro 1969, kaj siavice kelkaj aliuloj en Eŭropo posedis ĝin.

Ĝia motoro konsistas el “V12 4,4 litroj”. La tutmonda prezento de tiu modelo okazis en 1968 en la Pariza Salono, kaj la kromnomo “Daytona” venis okaze de konkero de plena podio per tiu Ferrari (1-a, 2-a kaj 3-a pozicioj de la 24-hora kurado).

Ĉirkaŭ 1200 unuoj de tiu modelo estis konstruita inter 1969 kaj 1973, sed nur kvin el aluminio por konkursi en aŭtodromoj, krom tiu ununura raraĵo.

Pasintjunie per ekzameno oni konfirmis tiun eltrovon de la “Ferrari 365 GTB/4 Daytona Berlinetta Alloy by Scaglietti”, kiu estas difektiĝinta pro la tempo. Je tia stato ĝi estos aŭskciita de la firmao “RM Sothebys”, kiu atendas finan proponon inter 5,1 kaj 6,3 milionoj da usonaj dolaroj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Aperis roboto kiu rolas kiel budhisma sacerdoto ĉe funebraj ceremonioj

La ĉarma roboto nomata “Pepper”, de la firmao Softbank, jam enlistigis sur sia vivresumo diversajn rolojn kiel ekzemple kelnero, butikvendisto kaj helpanto de maljunuloj, kaj ekde nun jen plia: budhisma sacerdoto por konduki funebrajn ceremoniojn.

Laŭ informoj de Reuters, la roboto kapablas deklami mantrojn per sia robota voĉo, kaj dume ĝi ludas tamburon. Ĝiaj novaj funkcioj estis prezentitaj ĉe la evento “Life Ending Industry Expo” en la urbo Tokio (Japanlando).

Elpensis la aferon la firmao “Nissei Eco”, pro tia pli kaj pli kreskanta japana loĝantaro, kontraŭ nesufiĉa kvanto da budhismaj monaĥoj por funebraĵoj. Krome, uzo de roboto tiucele estas pli malmultekosta ol kontrakti monaĥon. Laŭ Reuters kontrakti “Pepper-n” kostas 350 usonajn dolarojn, kaj homan monaĥon 2.200.

Tiu robota servo celas klientojn, kiuj koncerne al novigoj estas malfermmensaj, diris la firmao “Nissei Eco”.


Ĉi tiu teksto estas adaptaĵo fare de Paulo Cesar Pires el portugallingva artikolo.

 

Subhaŭta bitblato jam identigas funkciulojn en firmao

Teknologia firmao en la subŝtato Viskonsino (Usono) kaptis atenton anoncante uzadon de enplantaĵoj en la korpoj de siaj funkciuloj, anstataŭe al nomŝildoj, ŝlosiloj kaj pasvortoj.

Monaton post tiu anonco, 61 el 80 de la funkciuloj de la firmao “Three Square Market” jam uzas tiun eron, kiu grandas kiel riza greno kaj estas subhaŭte enmetita per injektilo inter la fingroj polekso kaj montrofingro.

La bitblato kvazaŭas strekokodon, kiu ebligas al ciferaj legiloj identigi la nomon, la departamenton kaj eĉ la kreditkart-numeron de la funkciulo, ekzemple por aĉeti ion ĉe manĝetejo de la firmao.

“La aliĝo estis tute volontula. Mi mem surpriziĝis pri tiom da intereso. Certe ĉar ni estas teknologia entrepreno, la teamo glate interesiĝas pri novigoj”, tion al BBC diris Todd Westby, la ĝenerala direktoro de “Three Square Market”, kiu estas konata kiel produktanto de aŭtomataĵ maŝinoj por vendi Koka-kolaon en metrostacidomoj.

Laŭ la kreinto, tiu aparateto povas esti facile kaj rapide forigita, helpate de kuracisto aŭ flegistino.


Ĉi tiu teksto estas adaptaĵo fare de Paulo Cesar Pires el portugallingva artikolo.

Firmao proponas USD 1 milionon kontraŭ solvo

La usona firmao “The Coca-Cola Company”, kies ĉefa varo estas la karbonata trinkaĵo nomata Koka-kolao (angle Coca-Cola), lanĉis pasintsemajne tutmondan konkurson al scientistoj kaj scivolemuloj celi al solvo de ĝia plej grava defio – trovi surogaton al sukero.

Ŝerĉas la firmao dolĉigilon tia natura, sekura, kun kalorienhavo nula aŭ malalta, kaj enmiksite en trinkaĵoj kaj nutraĵoj ĝi gustu dolĉa samkiel sukerkano.

Sur la retejo de la konkurso nomata “The Coca-Cola Company Sweetener Challenge” la firmao avertas, ke la solvo ne povos rilati al la plantoj “stevio” kaj “Lo Han Guo” (azia planto konata kiel “Frukto de la Monaĥoj”). Ankaŭ la solvo ne povos rilati al plantoj protektataj kaj malpermesataj en iu ajn lando.

Jen la kalendaro de la konkurso:
La 18-an de januaro 2018 – limdato por aliĝo de proponoj.
La 21-an de februaro – anonco de la dek duonfinalistoj.
La 11-an de aprilo – anonco pri la tri finalistoj.
La 3-an de oktobro – anonco de la venkinto.


Ĉi tiu teksto estas adaptaĵo fare de Paulo Cesar Pires el portugallingva artikolo.

Librovendejo sen stoko tuje presas ekzempleron laŭpete de aĉetanto

En Parizo la librovendejo “Librairie des Puf”, kies operacio estas administrata de la eldonejo “Presses Universitaires de France”, vendas librojn presitajn en la ĉeesto de la kliento, laŭ ties peto. Ili estas produktitaj pere de aparato nomata “Espresso Book Machine” (Ekspresmaŝino de Libroj).

Tiu nomo por la maŝino estis elektita de la fabrikanto (la usona firmao “On Demand Books”), ĉar la tempodaŭro por fari libron per “Espresso Book Machine” similas al tiu por gustumi tason da kafo.

La maŝino staras funde de la butiko, kaj ĝi milde sonas, ŝanĝante pdf-dosierojn al libroj kun molaj kovriloj. Tabulkomputiloj estas uzataj de la klientoj por elekti la presotajn titolojn, kaj oni povas peti aldonon de dediĉa surskribo.

Laŭ la direktoro de la librovendejo, Alexandre Gaudefroy, komence la klientoj sentis iom da malkomforto pro manko de ekzempleroj por foliumi, sed ĉiuj fine surpriziĝas je la sistemo. “Ni antaŭvidis tagan vendadon po 10-15 libroj, sed fakte ĝi estas po 30-40. Ni jam pripensas malfermi butikojn en aliaj grandaj universitataj urboj de Francujo, kiel Lilo, Bordozo kaj Liono”.


Ĉi tiu teksto estas adaptaĵo fare de Paulo Cesar Pires el portugallingva artikolo.