Usono denuncas troigon je uzado de elektronikaj cigaredoj fare de dekkelkjaruloj

FDA – tiu usona agentejo pri publika sano – allasis periodon da du monatoj, por ke fabrikantoj de elektronikaj cigaredoj elpensu barojn al aĉeto de tiaj aparatoj fare de neplenaĝuloj. Se tio ne okazu, la agentejo minacas eĉ malpermesi ilian komercadon.

Tiu decido de FDA celas kvin grandajn fabrikantfirmaojn de tiaj aparatoj, krom 1.300 vendejojn kiuj vendas ilin tutlande.

La kvin markoj trafitaj de tiu decido estas “Juul”, “Vuse” (vendita de la plurlanda firmao British American Tobacco), “MarkTen” (Altria), “Blu E-cigs” (Imperial Brands) kaj “Logic” (de Japan Tobacco).

Elektronikaj cigaredoj estas rigardata de FDA kiel opcio malpli nociva al plenkreskuloj, ĉar ĝi enhavas pli favoran nivelon de nikotino, tamen tiu avantaĝo nun ne tiom bonas, pro tio ke la amasa usado fare de junuloj povos konduki ilin al drogdependeco je tiu substanco.


Ĉi tiu teksto estas adaptaĵo fare de Paulo Cesar Pires el portugallingva artikolo.

Ĝis 2030 la konstruludilo Lego ne plu estos plasta

La dana firmao Lego anoncis planon por ĉesigi sian produktadon de tiuj famaj plastaj konstruludiloj, ĝis la jaro 2030. Tiu ludilo estos farata el materialoj surbaze de kreskaĵoj.

Tiu kompanio pretas por surmerkatigi sian novan aron, kiu estas “ekologie taŭga”, kaj konsistas el 25 formoj de eroj, kiuj similas al produktoj inspirataj en naturo. Ili estos farata el polietileno, kiu venas el sukerkano, kaj surmerkatigota ankoraŭ ĉi-jare.

La firmao estas investanta 1 miliardon da danaj kronoj, kaj dunganta ĉirkaŭ 100 homojn por garantii, ke tiu plano efektiviĝu.

Lego ankaŭ sindevigis je malaltigo pri enaerigo de karbona dioksido, promesante uzi 100% de renovigebla energio ĝis 2020, kaj tiurilate ĝi serĉas neŭtran provizĉenon pri karbono. Krome ĝi antaŭenigas recikligon, instigante la familiojn fari tion aŭ donaci siajn Lego-ludilojn ne plu dezirataj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Jen motorbiciklo, kiu povas senpilote veturi

Pasintsemajne la germana firmao BMW, kiu fabrikas aŭtomobilojn kaj motorbiciklojn, prezentis sian unuan motorbiciklon, kiu kapablas senpilote veturi. Temas pri la modelo “R 1200 GS”, kiu faris la unuan provsesion ĉe la aŭtodromo de la fimao, sude de Franclando.

Tamen tiurilate, malsame al tiu afero koncerne al aŭtomobiloj, BMW klarigis, ke ĝi ne volas surmerkatigi motorbiciklon tute memreganta, kaj tiaj rimedoj celas sekurecon kaj komforton al la uzanto. La projekto estis disvolvita de la teamo de la inĝeniero Stefan Hans.

Tiu iniciato ne estas la unua, pri motorbiciklo, ĉar pasintjare la fabrikantoj Honda kaj Yamaha ankaŭ prezentis siajn modelojn, kadre de “Salono de Tokio”.

Portugallingva filmeto: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

Jen senŝofora veturilplatformo, kiu povas alterne esti aŭto kaj kamioneto

La germana marko de veturiloj Mercedes-Benz prezentis hieraŭ – lunde la 10-an – novan koncepton pri elektra senŝofora veturilo por entonteco. Nomata “Vision Urbanetic” ĝia teĥnikaro uzas modulan platformon, kiu povus foje funkcii kiel aŭtomobilo, por transporto de homoj, alifoje kiel kamioneto, por ŝarĝa transporto.

Laŭ la firmao, tiu projekto celas forigi la dividojn pri tipoj de transporto, kaj tiamaniere ekde la sama ĉasio la veturilo povas kongrui al diversaj karocerioj laŭ la situacio.

Tiu estonta senŝofora veutrilo de Mercedes-Benz estus sendita el ia centra veturilprovizejo al la mendantoj, kiuj pere de programetoj ĉe poŝtelefono petus vojaĝojn aŭ liverojn.


Ĉi tiu teksto estas adaptaĵo fare de Paulo Cesar Pires el portugallingva artikolo.

Pro nova reklamo usonanoj detruas varojn de la marko Nike

Kadre de la plej freŝa reklamkanpanjo de Nike – la marko pri sportproduktoj – la partopreno de tiu ludisto pri “usona piedpilkado” nome Colin Kaepernick, kaŭzis multajn reagojn ĉe la sociaj retejoj, kaj koncerne al ties produtoj estas unuflanke tiuj kiuj proteste detruas ilin, kaj aliflanke tiuj kiuj ĝuste pro la reklamo apoge ekaĉetas ilin.

La koncerna anonco prezentas la foton de Kaepernick – li estas 30-jaraĝa – kun la frazo: “Apogu ion, eĉ se tio postulus ĉian strebadon”.

Tiu eksludisto de la teamo “San Francisco 49ers” ne plu ludas kadre de NFL – la organizaĵo pri la sporto en Usono – ekde la sezono 2016-2017, kiam li komencis ian protestmanieron: genuiĝo dum ludado de la himno por atentigi pri la polica perforto kontraŭ malplimultoj en la lando. Tiam li asertis: “Mi ne leviĝos, por montri fieron al flago de lando, kiu subpremas nigrajn homojn. Por mi tio plej gravas ol piedpilkado. Mi estus egoisma rigardante alian flankon. Kadavroj estas surstrate”.


Ĉi tiu teksto estas adaptaĵo fare de Paulo Cesar Pires el portugallingva artikolo.

La unua aĉetanto de la aŭtomobilo modelo Ford-Mustango ankoraŭ posedas ĝin

Morgaŭ (vendrede la 17-an de la 8-a monato) ĉe la aŭtomobila evento “Woodward Dream Cruise” en Usono, kadre festo pri la aŭto Ford-Mustango, la unua vendita ekzemplero de tiu modelo de aŭto estos ekspoziciata flanke de tiu dekmiliona unuo produktita.

La vendo okazis la 15-an de la 4-a monato 1964, tio estis du tagoj antaŭ la oficiala surmerkatigo de tiu modelo. Aĉetis ĝin Gail Wise, kiu tiam estis 22-jaraĝa junulino kaj ĵuse diplomiĝinta kiel instruisto. Tiam kune kun ŝiaj gepatroj ŝi vizitis em Ĉikago aŭtovendejon, kie estis proponata al ŝi tiu modelo, kiu eĉ estis kovrita, for de la ekspoziciejo de la aŭtovendejo.

Tamen la konservado de tiu aŭto oni devas al la edzo de Gail, S-ro Tom, kiu rezistis al premado de sia edzino antaŭ ŝia volo liberiĝi de la veturilo por provizo de pli da spaco ĉe la hejma garaĝo. Tiu Mustango servis la familion dum 15 jaroj, poste ĝi restis 27 jarojn parkumita tie, kaj emeritiĝinte la edzo ekfaris ties renovgion, kiu finis en 2010.

Nu, tiu kabrioleto (faldebla tegmento) estis aĉetita kontraŭ 3.400 usonaj dolaroj, nun ĝi valoras USD 350 mil, kaj en 2013 ĝi partoprenis alian feston, tiu pri la 50-jariĝo de la modelo Mustang, kune kun Gail kaj la monda eksprezidanto de la aŭtomobila fabrikfirmao Ford, Mark Fields.


Ĉi tiu teksto estas adaptaĵo fare de Paulo Cesar Pires el portugallingva artikolo.

Plialtiĝas la uzado de haŭtoheligaĵoj en Afriko

Laŭ la plej lasta raporto de MOS (Monda Organizaĵo pri Sano), 77% de la niĝeraj virinoj uzas produktojn por igi la haŭton pli hela, kaj tiurilate la kuracistoj atentigas pri tiuj, kiuj estas nek trapasintaj testojn pri sekureco, nek kontrolataj.

En Afriko haŭtoblankigo estas delonga kutimo, kaj ĉiame la fakaj kuracistoj atentigas pri la riskoj, ke tiu konduto alportas al la sano.

“La uzado de produtoj por heligi la haŭton kreskadas, aparte ĉe dekkelkjaruloj kaj junuloj”, tion klarigas Lester Davids, kiu estas profesoro pri Homa Vivscienco ĉe Pretorio-Universitato (Sud-Afriko). “La malnova generacio uzis haŭtoŝmiraĵojn, kaj la nova uzas pilolojn kaj injektaĵojn”, li diras.

Aktivuloj pri la “nigra konscienco” indigniĝas pro tia malfeliĉega heredaĵo kaj cerbolavado, ke “posedi helan haŭton gravegas”, kiu estas frukto de jarcentoj da sklaveco kaj koloniado. Iliaj voĉoj estas pli kaj pli komprenataj en la cetera mondo, sed ne tiom en Afriko, kie tiu fenomeno ne malakceliĝas.


Ĉi tiu teksto estas adaptaĵo fare de Paulo Cesar Pires el portugallingva artikolo.

Apotekscienca firmao strebas por bari ekzekuton efektivigota per ĝiaj produktoj

Post 21 jaroj povos okazi la unua ekzekuto de kondamnito, pretigata de la usona subŝtato Nebrasko, venontmarde (la 14-an), tamen la germana apotekscienca firmao “Fresenius Kabi” agadas por eviti tion.

Lastvendrede (la 10-an) en Omaho la federa juĝisto Richard Kopf rifuzis peton de la germana firmao, kiu jam anoncis, ke antaŭ tiu ekzekuto ĝi apelacios al la supera instanco.

Fresenius Kabi asertas, ke la subŝtato Nebrasko akiris sen ĝia konsento, almenaŭ unu el la drogoj de la mortiga injektaĵo (kalia klorido), kiu estis erare vendita, kaj Nebrasko rifuzis redoni ĝin.

De dek jaroj usonaj kaj eŭropaj laboratorioj estas rifuzantaj vendi siajn produktojn por uzo en ekzekutoj, pro premo de aktivuloj, kiuj kontraŭas al mortpuno, krom por eviti malbonan reputacion alportata de tiu afero.


Ĉi tiu teksto estas adaptaĵo fare de Paulo Cesar Pires el portugallingva artikolo.

Provo: elektra aŭtomobilo kies reŝargsistemo inkluzivas sunenergion

Iu ekfirmao kun sidejo en Munkeno profitis la viglan bavaran sunlumon, kadre de la eŭropa somero, por testi la finan disvolvon de la reŝargsistemo por ĝia aŭtomobilo “Sion”, kiu estas sunenergia veturilo tute elektra kun ebleco reŝargi la pilojn dum veturado.

Fondinta en 2016, “Sono Motors” disvolvas tiun aŭton “Sion”, kiu estas tute elektra, enhavanta 330 sunĉelojn konektitaj sur la kapoto, supraĵo kaj ĉe la flankoj. Oni povas reŝargi ĝin trimaniere: ĉu per konvencia kontaktingo, ĉu per alia elektra aŭto, ĉu per sunenergio.

La koncerna produktado komencos je la dua jarduono 2019 per unu el ĝiaj germanaj fabrikoj, kaj la firmao havas 5 mil mendojn, kies vendoprezo estas planata je 16 mil eŭroj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mortis Nelson Ivan Petzold, la kreinto de manĝiloj kun vizaĝetoj de princo kaj princino

Je la aĝo 87 jaroj la brazila industria fasonisto Nelson Ivan Petzold mortis hieraŭ – merkrede la 8-an de la 8-a monato 2018. Tiu informo estis konfirmita de lia filino, Márcia Petzold, ĉe la socia retejo Fejsbuko.

Li estis inter tiuj pioniroj de la industria fasonado en Brazilo, kaj kune kun José Carlos Mário Bornancini, mortinta en 2008, li kreis la porinfanajn manĝilojn kun vizaĝetoj de princo, princino kaj hundeto, kiuj tre sukcesis en la 1970-aj kaj 1980-aj jaroj.

Entute estis venditaj 2,5 milionoj da unuoj de la roluloj “Princo Forko”, “Hundo Tranĉileto” kaj “Princino Kulero”.

Alia kreaĵo de Nelson estas tiu manĝilaro nome “Camping”, kiu integriĝas la “Katalogo de la Bona Desegno” de “MoMA” (angla nommallongigo por “Museum of Modern Art) en Nov-Jorko, Usono. Li kreis ankaŭ la varmbotelo “Magic Pump”, kiu ne gutas post verŝado de la kafo. Nelson ankaŭ fasonadis meblojn kaj hejmajn aparatojn.


Ĉi tiu teksto estas adaptaĵo fare de Paulo Cesar Pires el portugallingva artikolo.