Registaro kaj virino pridisputas konstruaĵon kie Hitlero naskiĝis

casa natal de hitler

Pasintjanuare Gerlinde Pommer-Angloher ekprocesis ĉe aŭstra konstitucia tribunalo celante nuligo de leĝo, kiu rajtigis al la ŝtato eksproprietigi 3-etaĝan domon ĉe la urbo Braunau, en landlimo inter Aŭstrujo kaj Germanujo. Ŝi estis la lastatempa proprulo de tiu konstruaĵo, kiu estis aĉetita de ŝiaj geavoj en la jaro 1913-a.

La eksproprietigo de tiu loko, kie naskiĝis Adolfo Hitlero, estas kontraŭkonstitucia, kaj tia ne estas la ununura maniero eviti la domon daŭri kiel vidindaĵo al novnazianoj, laŭ asertis ĉe la tribunalo ĉi-ĵaŭde (la 22-a de junio) la advokato de la virino.

“Daŭri kiel renkontiĝejo de neonazianoj post 70 jaroj de la fino de Dua Mondmilito estas fakto kiu tute ne rilatas al la eks-posedanto, S-rino Gerlinde Pommer-Angloher, kiu ĉiam havis neŭtralan sintenon je uzado de la domo”, tion diris la advokato Pommer-Angloher. Krome li diris, ke la solvo de tiu problemo koncernas al polico, aliaj sekurecaj fortoj kaj justico.

Laŭ la aŭstra registaro tia estis la ununura solvo por ĉesigi la disputon kun Pommer-Angloher, kiu estas emeritulo, ne havanta filojn kaj rifuzis antaŭajn proponojn fare de la ŝtato por aĉeto de la domo.

Ekde la jaro 1972-a la konstruaĵo estis luata al Ministerio pri Landinterno, sed en la lastaj jaroj pro tiu disputo ĝi estis neloĝata. Aŭstrujo planas reformi ĝin kaj starigi tie centron por tiuj kiuj spertas malfacilaĵojn je lernado. Tio ankaŭ estus provo por rompigi tie la ligon kun la hitlera ideologio.


Ĉi tiu teksto estas adaptaĵo fare de Paulo Cesar Pires el portugallingva artikolo.

Bebo naskiĝinta dum aerveturado rajtos senpagajn flugbiletojn dumvive

senpaga-flugado

Hieraŭ, la 19-a de junio, la barata flugkompanio Jet Airways anoncis dumvivan donacon de senpagaj flugbiletoj al knabo naskiĝinta dum iu el ĝiaj flugoj inter Sauda Arabujo kaj Barato.

Al la patrino de la infano, la unua fazo de tiu nasko venis frue, kiam ŝi estis vojaĝanta en alteco de 10 mil metroj, ĉi-dimanĉe, la 18-a de junio. Je la akuŝo helpis membroj de la skipo, kune kun iu pasaĝero, kiu estas trejnita sukuristo.

“Jet Airways laŭdas sian teamon, pro ties reago kaj pretiĝo dum sukcesa apliko de koncerna trejnado, je agado kiu savis unu vivon”, tion asertis la proparolanto de la firmao.

Tiu flugo, kiu celis urbon sude de Barato, deflankiĝis al Mumbajo, kie la patrino kaj sia bebo estis kondukitaj al loka hospitalo. Ambaŭ bonfartas, laŭ informoj fare de la televida firmao CNN.

Nu, tiu bebo havos sufiĉajn opciojn pri flugvojaĝoj ĉe Jet Airways, kiu funkciigas 65 enlandajn kaj internaciajn aerliniojn, kaj havas sidejon en Mumbajo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Ĉina urbo adoptas “unuhundan politikon”

ununura-hundo

Simile al la loĝantara kontrolo praktikita dum dekoj en Ĉinujo, nome “unuinfana politiko”, la urbo Cindao en la provinco Ŝandongo decidis implementi la “unuhundan politikon”.

Laŭ la decido de la urbodomo, ĉiu familio rajtas posedi po unu hundon. Krome, la propruloj estas devigataj konservi la la beston vakcinita, ekipita kun blato kaj registrita ĉe aparta oficejo publika.

La municipa registaro publikis ankaŭ liston enhavanta “40 malpermesatajn rasojn”, kiuj estas taksataj kiel “danĝeraj al socio”. Inter ili estas germana ŝafhundo, leporhundo, tibeta korthundo, pitbulo kaj dobermano.

Pro kreskado de la mezklaso, la nombro de dorlotbestoj ege pligrandiĝis en tiu lando. Laŭ la ĉina registaro tiu kreskado okazas je la ritmo de 10% jare.


Ĉi tiu teksto estas adaptaĵo fare de Paulo Cesar Pires el portugallingva artikolo.

Knabo kies bildo kortuŝis la mondon aperas en intervjuo

Omar Daqneesh

Ĵuse per TV-intervjuo prezentita en Sirio, Rusujo kaj Libano, oni montris Omar Daqneesh, kiu estas la sangmakulita kaj polvkovrita knabo fotita pasintjare post savo fare de fajrobrigadisto en la siria urbo Alepo. Je tiuj novaj bildoj li aperis sana kune kun sia patro.

La bildo de Omar ene de ambulanco kun mieno de malkompreno, post li estis prenita el ruinoj fare de bombaviadiloj aŭguste 2016, reefikis tutmonde kaj iĝis simbolo de la milito en Sirio. Ĝi estis kunhavigita de milionoj da retumantoj sur sociaj retejoj kaj stampis ĉefnovaĵojn de ĵurnaloj.

Horo poste savo de la familio de Omar, la loĝejo disfalis. Lia plejaĝa frato mortis post tagoj. Post detruo de la domo, lia patro provis kaŝi lin al amaskomunikiloj. Laŭ la brita gazeto “Telegraph” oni ne konas la cirkonstancojn pri la realigo de tiu intervjuo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Kadre de NATO-kunveno, “vira” Unua Damo reliefiĝis sur foto

Xavier Bettel

La edzo de Xavier Bettel, kiu estas la ĉefministro de Luksemburgo, allogas atenton de la internacia gazetaro ĉe la renkontiĝo de prezidentoj de lando-membroj  pri NATO (Nord-Atlantika Traktat-Organizo), okazanta en Bruselo (Belgujo).

Cirkuladas tra sociaj retejoj la foto de Gauthier Destenay apud la unuaj damoj en la reĝa kastelo de Laken, ĉi-ĵaŭde (la 25-a de majo).

Destenay kaj Betell edziĝis en la jaro 2015-a tuj post la aprobo de leĝo pri samseksaj edzeco kaj edzineco en Luksemburgo. Kiam Bettel enposteniĝis kiel ĉefministro en la jaro 2013-a, tiam ili jam estis kunvivantoj laŭ civila ligo, tion informis la televidfirmao CNN.

Betell ne estas la ununura ĉefministro kiu publike agnoskis sian gejan staton, sed nuntempe li estas tia ununura plenumanta tia posteno. La eks-ĉefministro belga Elio Di Rupo, kaj la eks-ĉefministrino islanda Jóhanna Sigurõardóttir ankaŭ publike asertis, ke ili estas samseksemuloj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Multekosta petolaĵo fare de etulo

juano

5-jaraĝa infano disŝiradis monbiletojn, kiuj ĝia patro kaŝe konservis hejme, je la kvanto 50 mil juanoj (pli ol 7 mil usonaj dolaroj), laŭ informo fare ĉi-lunde de la sendependa ĉina gazeto “South China Morning Post”.

Loĝanta en Cindao, kiu estas havena urbo kaj distrikto de la provinco Ŝandongo, oriente de Ĉinujo, la infano malkovris hejme, dum malĉeesto de siaj gepatroj, amason da 100-juanoj monbiletoj, kiuj montras la bildon de Mao Zedong, kaj decidis ludi per ĝi.

Sciante pri tiu fuŝaĵo, la patro, identigita nur per la familia nomo “Gao”, asertis, ke alportis la pecojn de monbiletoj al proksima banko por peti helpon tiurilate, kaj tie li estis instruita rearanĝi ĉiujn monbiletojn por rajti ties anstataŭigo.

“Mi zorge provadis tion fari dum du tagoj, sed mi sukcesis rearanĝi nur kelkajn monbiletojn. Ili estis disŝiritaj de du ĝis dek partoj. Tio estas malfeliĉo”, tion li diris.

La patro estas negocisto, kaj diris ke tiu mono venis el banka prunto.


Ĉi tiu teksto estas adaptaĵo fare de Paulo Cesar Pires el portugallingva artikolo.

Ŝajnigis sin kiel viro, ĝis esti akuzita pri seksperforto

Pili Hussein

Pili Hussein estas 60-jaraĝa virino naskiĝinta en Tanzanio, kie ŝi sin ŝajnigis kiel viro dum preskaŭ unu jaro por labori en minejo. En infanaĝo ŝia patro konsideris ŝin kvazaŭ knabo, kaj post geedziĝo ŝi estis trafita de edza perforto, ĝis kiam, aĝante 31 jaroj, ŝi decidis fuĝi al tanzaniaj minejoj.

En tiu tempo ŝi serĉis laboron en la urbeto Mererani, proksime de la plej alta monto de Afriko, nome Kilimanĝaro, ĝuste en tiu regiono kie oni trovas la valoran mineralon nomatan tanzanito-n.

Sed Pili Hussein eksciis, ke tie virinoj ne rajtas eniri en la minojn, sed por ŝi la solvo estis simpla – ŝi ŝanĝis sian nomon al Mjomba (Onklo) Hussein, kaj ekkondutis kiel viro. Neniu tie konis ŝian veran nomon.

Ŝi laboradis ĝis 12 horojn tage, kaj neniu suspektis, ke ŝi estas virino, ĉar ŝi ja estis pli produktiva ol multaj viroj en la minejo. Post ĉirkaŭ unu jaro ŝi trovis du grandajn stonojn de tanzanito. Per la akirinta mono ŝi kontruis domojn al familianoj kaj ekdungi ministojn.

La vero pri la sekso de Pili aperis nur pro jena okazintaĵo – loka virino denuncis seksperforton fare de ministoj, kaj la veraj kulpuloj akuzis Pili tiurilate. Antaŭ  aŭtoritatulo Pili petis, ke iu virino ekzamenu ŝin por konstati ŝian virinan kondiĉon, ĉar tia estas simpla maniero por solvi la aferon.

Nuntempe Pili estras sian propran entreprenon, kiu dungas 70 homojn. Ŝi finance subtenis la edukadon de 32 familianoj. Tamen ŝi ne volas tian vivon al sia filino. “Mi fieras pri mia faro – tio riĉigis min – sed tio estis ege malfacila. Mi volas certigi, ke mi filino ĉeestu lernejon, havigu al si edukadon, kaj poste ŝi rajtos agadi laŭvole”, tion ŝi asertis.

Tiu informoj ŝi faris per intervjuo al BBC.


Ĉi tiu teksto estas adaptaĵo fare de Paulo Cesar Pires el portugallingva artikolo.

Princino abdikos por edziniĝi kun plebano

kei-kaj-mako

La princino Mako, kiu estas nepino de la japana imperiestro, eble edziniĝos venontjare, tion informis Agentejo de la Imperiestra Domo. Laŭ la publika TV-dissendanto NHK, Mako anoncos sian fianĉiniĝon kun la junulo Kei Komuro, kiu estis studento en la sama universitato frekventita de la princino.

Mako estas 25-jaraĝa, la plejaĝa filino de la princo Akishino kaj princino Kiko, kaj ŝi estos la unua familia membro geedziĝinta en tiu generacio. En 2010 ŝi diplomiĝis pri Artoj kaj Studoj pri Kultura Propraĵo en Tokio, ĉe la Internacia Kristana Universitato. En Skotlando ŝi partoprenis programon de studenta interŝanĝo.

La onta fianĉo Komuro samaĝas kiel la princino, li loĝas proksime al Tokio en la urbo Jokohamo kaj laboras en advokateca oficejo. Li ŝatas kuiradon, skiadon kaj violonon.

Laŭ la regularo pri la imperiestra familio, la virinoj kiuj edziniĝos kun plebanoj, estos devigitaj abdiki la rajtojn pri deveno de Trono de Krizantemo. Tiamaniere la imperiestra genealogia arbo emas al malpligrandiĝo, ĉar la ununura knabo de la generacio pri nepoj de la imperiestro estas Hisahito, kiu estas la plej juna infano de la princo Akishino.


Ĉi tiu teksto estas adaptaĵo fare de Paulo Cesar Pires el portugallingva artikolo.

Ĝeedziĝopeto kune kun futbala konkero – 18 jarojn da atendado

sandra-baeyens-e-ken-langeraert

Lastdimanĉe (la 14-a de majo) la nederlanda futbala klubo Feyenoord, venkante Heracles-on per rezulto 3×1, konkeris la Nederlandan Ĉampionadon, kaj tiu estas ties unua titolo ekde 1999. Kompreneble la fervoruloj de tiu teamo korpremite spektis la matĉon per televidilo, inter ili la paro Sandra Baeyens kaj Ken Langeraert, kiu loĝas en la urbo Axel (Nederlando).

Sandra kaj Ken estas fanatikulaj ŝatantoj de Feyenoord kaj ili havis kroman kialon por deziri la konkeron de tiu futbala titolo. Kiam Feyenoord konkeris sian lastan ĉampionadon, tiam Ken promesis al Sandra, ke ili geedziĝos je la venonta konkero de Feyenoord. Sed ŝi neniel konsideris, ke tiu klubo sukcesos je tio nur post 18 jaroj.

Dum tiu longa tempo kiam la klubo estas bone rangita surtabele, tiam iliaj amikoj ŝercis ilin pro ebla alproksimiĝo de la geedziĝo, sed la dezirata venko de Feyenoord neniam venis.

Ĉi foje la afero glate iris. Kiam la arbitracianto fajfis la finon de la matĉo, Ken genuiĝis kaj petis la manon de Sandra, kiu estas sia kunulino ekde 19 jaroj antaŭe. La televidkanalo Omroep Zeeland registris la okazintaĵon.


Ĉi tiu teksto estas adaptaĵo fare de Paulo Cesar Pires el portugallingva artikolo.

Projekto esploras la genojn de la gefratoj Kahn, kiuj vivis 110, 109, 103 kaj 101 jarojn

kahn

“La gefratoj Kahn pruvis, ke kiel specio oni kapablas sane vivi dum 110 jaroj. Tiuj kvar homoj spertis bonan sanstaton ĝis la fino de siaj vivoj. Kaj oni vidas ĉe ili genetikan faktoron tiurilate”, tion asertas Nir Barzilai, kiu estas direktoro de Ia instituto pri esplorado de maljuniĝo de la Medicina Lernejo Albert Einstein, en Novjorko (Usono).

“Ĉu neniu rekomendis al vi ĉesigi tabakfumadon?”, tion demandis la kuracisto Barzilai  al Helena Kahn, kiu respondis: “Jes, kompreneble, sed la kvar kuracistoj, kiuj tion sugestis al mi, ĉiuj jam estas mortintaj”. Ŝi fumadis dum 95 jaroj, sane vivis, kaj mortis kelkaj semajnoj antaŭ ŝia 110-jariĝo.

Ŝia frato Irving Kahn estis legenda figuro ĉe “Wall Street”, li eklaboris ĉe Novjorka Borso iom antaŭ ties “crash” (disrompo) okazinta en la 1929-a jaro. Kaj li daŭre laboranta kiel financa analizisto ĝis iom antaŭe sia morto en 2015, tiam 109-jaraĝa. Antaŭe jam estis forpasintaj ŝiaj 103-jaraĝa frato Peter kaj 101-jaraĝa fratino Lee.

Barzilai gvidas la projekton “La Genoj de Vivodaŭro”, kiu estas ambicia studo pri esplorado de genetika materialo de 670 centjaruloj. Ĉiuj estas judoj el la subetno aŝkenazoj, konsistanta je historie homogena loĝantaro, kiu estas perfekta laboratorio por genetika esplorado. La koncerna laboro komencis en la jaro 1988-a. La plimulto el ili jam mortis, kiel la gefratoj Kahn, sed ties DNA-oj daŭre revelacias.


Ĉi tiu teksto estas adaptaĵo fare de Paulo Cesar Pires el portugallingva artikolo.