USP proponas eventon por sciencemaj knabinoj

Universitato de San-Paŭlo (USP), en Brazilo, gastigos eventon, kiu celas alproksimigi knabinojn al la jenaj sciencokampoj: Marscienco, Elektra Inĝenierarto, Astroscienco, Nervscienco, Malgrandskala Vivscienco, Bestoscienco, Scienco pri Pravivaĵoj, Astra Vivaĵscienco, Kuraciloscienco kaj Edukado. La tiel nomata “Meninas com Ciência” (“Knabinoj kun Scienco”) estas kurso por inaj lernantoj de mezgrada lernejo – tio estas de la kvina ĝis naŭa lerneja jaro – celante la estiĝon de pli da inaj scientistoj en estonteco.

Tiu evento okazos ĉe la nstituto pri marscienco de USP, de la 9-a ĝis la 17-a horo, sabate – la 10-an, 17-an kaj 24-an de la 11-a monato, kaj la 1-an de la 12-a monato 2018. La knabinoj partoprenos prelegojn kaj praktikaj aferoj kune kun elstaraj virinoj, ĉu profesoroj, ĉu esploristoj, kadre de la scienca agado en Brazilo.

Aliĝon oni faras ĉe la retejo de la projekto ĝis la 10-an de la 9-a monato 2018. Estas entute 50 lokoj (al knabinoj de publikaj kaj privataj lernejoj, po 25), kaj la partoprenontoj estos lote elektitaj el la aliĝintoj.

La koncerna retejo de la projekto “Meninas com Ciência”: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

Jen senpaga kurso de USP pri Harry Potter

En Brazilo “extensão universitária” (“universitata etendaĵo”) estas koncepto de universitata agado kun profito al la ekstera komunumo. Kadre de tiu afero abundas diverstipaj kursoj, kaj la Universitato de San-Paŭlo (USP) anoncis tiun pri la verkaro “Harry Potter” – la fantasta romanserio kreita de la britanino “J. K. Rowling” kun samnoma heroo.

De la 14-a de la 9-a monato, ĝis la 19-a de la 10-a monato 2018, USP proponas la kurson “Harry Potter: interpretaj vojoj”, fare de tri studantoj de postdiplomiĝa kurso, sub konordigado de iu profesoro de la faka departamento pri teorio kaj komparo de literaturo.

La kurso klarigos la verkon de J. K. Rowling kadre de la klasikaj verkoj pri teorio de literaturo, kaj celas “favorigi la kontaktojn inter legantoj de Harry Potter, ĉu akademie, ĉu eksterakademie, por diskutado de la verko”.

Ĝi estas senpaga, por tiuj aĝantaj ekde 18 jaroj, kiuj jam legis la sep librojn de la serio. Tamen estas nur 30 lokoj, kies aliĝon oni povas fari ekde hodiaŭ (la 20-an) interrete.

Jen LIGILO – (Elektu la jenon: “Faculdade de Filosofia, Letras e Ciências Humanas”)


Ĉi tiu teksto estas adaptaĵo fare de Paulo Cesar Pires el portugallingva artikolo.

Knabo diplomiĝis je la aĝo 11 jaroj

William Maillis estas 11-jaraĝa usonano, kiu jam plenumis sian unuan universitatan kurson. Tiu knabo ĉiam estis elstara laŭaĝe: li ekposedis parolkapablon per ĝusta maniero je la aĝo sep monatoj, kaj faris la unuajn kalkulojn estante du jaraĝa. Kiel 4-jaraĝulo li jam estis kapablanta je solvado de matematikaj problemoj kun alta komplekseco.

Kiam li estis 9-jaraĝa, tiam li finis la mezgradan lernadon, kaj nun li havas novan celon – plenumi doktoriĝon ĝis la aĝo 18 jaroj.

“Mi volas iĝi kosma fizikisto, kaj pere de la scienco mi volas pruvi, ke Dio ekzistas”, tion diris Maillis intervjue al la televidkanalo pri novaĵoj “Bay News 9”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Universitatoj konjektas akcepton de 8-jaraĝa knabo

Je la aĝo ok jaroj la belga knabo Laurent Simons finpretigis la lernadon koncerne al mezgrada lernejo. Danke al privataj lecionoj li bezonis nur jaro kaj duono por plenumi la aferon, kiu ordinare daŭrus ses jaroj.

Li estas filo de belga patro kaj nederlanda patrino, kaj laŭ ili, lia Intelekta kvociento (IK) estas 145. En Belgolando, laŭ la tiea gazetaro, 2,5% de la loĝantaro estas taksata kiel posedantaj altajn lernokapablojn, kun IK 130 aŭ pli alta.

Sr-ro Alexander, la patro, asertis, ke Laureny jam estis konjektita de diversaj universitatoj: “Ni ankoraŭ restas en orientiĝa fazo. Ni ricevis multajn proponojn, eĉ el la eksterlando”. Tamen tiurilate decidon ne faris la knabo, kiu nun ĝuas lernejan ferion da du monatoj por ripozadi kaj pripensi sian estontecon.


Ĉi tiu teksto estas adaptaĵo fare de Paulo Cesar Pires el portugallingva artikolo.

Inspirata de insektoj, usona universitato prilaboras etan flugroboton

Grupo de inĝinieroj de Vaŝingtonio-Universitato en Seatlo (Usono) disvolvigis tion, kio povos esti la unua “muŝa roboto” funkcianta sendrate. La rezulto de tiu esploro estos prezentita la 23-an de la 5-a monato en Brisbano (Aŭstralio), kadre de 18-a Plurlanda Konferenco pri Robotiko kaj Aŭtomatigo.

Laŭ la kreintoj de la projekto, maŝinoj tiaj povos utili je taskoj, kies plenumado postulas multon da tempo al homoj, kiel inspekti evoluado de plantaroj aŭ eltrovi gastralikiĝon, kaj alia avantaĝo estas financa – tiaj malgrandaj robotoj kostas malplimulte, kaj ili eniras lokojn neatingeblaj de pligrandaj flugrobotoj.

Nomata “RoboFly”, la “muŝa roboto” ne havas helicojn, sed flugilojn, kaj pere de lumelektra ĉelo ĝi igas al elektro lumon el laserradioj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3sK

De pli ol tri jardekoj, centjaraĝulo tajloras ĉe urbocentro de Kujabao

Malgraŭ tio, ke li jam pensiiĝis antaŭ 38 jaroj, la tajloro Antônio Armindo Pedroso, kiu centjariĝis pasintmonate, daŭras servante klientaron en sia metiejo ĉe la strato “24 de Outubro” en Kujabao, la regurbo de la brazila subŝtato Mato-Groso.

Emon al tiu profesio “Seo Pedroso” (S-ro Pedroso) eksentis okaze de sia mallonga restado en la internulejo “Colégio Salesiano São Gonçalo”, kie li partoprenis metiejon pri tajlorado. Tiam li estis nur 11-jaraĝa knabo.

Antaŭ sia edziĝo li mallonge loĝis en diversaj urboj de la subŝtatoj Mato-Groso kaj Suda Mato-Groso, krom la urbo Rio-de-Ĵanejro, kaj en tiuj urboj li dungiĝis kiel tajloro, profitante pli da profesia sperto en tiu metio.

Li edziĝis al S-rino Ivone antaŭ 67 jaroj, kaj havas ses filojn, 11 nepojn kaj kvin pranepojn, kaj nuntempe en la metiejo li estas helpata de unu el siaj filoj. Li loĝas kaj laboras en sama konstruaĵo.

“Laboro estas esenco de la vivo. Mi ne planas ĉesi. Miaj amikoj, kiuj ĉesis je laborado, tiuj ĉiuj estas mortintaj, kaj mi volas daŭri. Kian veran ĝojon oni povas sperti nur manĝante, dormante, kaj rigardante plafonon la tutan tagon?”, tion diras S-ro Pedroso.


Ĉi tiu teksto estas adaptaĵo fare de Paulo Cesar Pires el portugallingva artikolo.

Sciencistoj anoncis bojkoton al universitato pro “murdistaj robotoj”

Vendrede – la 4-an de la 4-a monato – pli ol 50 esploristoj pri homfarita inteligenteco anoncis bojkoton al la grava sudkorea universitado KAIT (angla mallongigo “Korea Advanced Institute of Science and Technology”), post ties ekkunlaborado kun la militfirmao “Hanwha Systems”.  Kritikantoj diras, ke tiu agado starigos “laboratorion pri armiloj kun homfarita inteligenteco”.

La esploristoj – el 30 landoj – per malferma letero asertas, ke ili ne vizitos KAIT, nek bonvenigos ties anojn kaj ankaŭ ne kunlaboros je ĝiaj esplorprogramoj, ĝis tiam kiam la instituto faru kompromison pri ne disvolvado de armiloj kun homfarita inteligenteco sen sufiĉa homa kontrolado.

Kunvene venontlunde en Genevo (Svislando) 123 membraj ŝtatoj de Unuiĝintaj Nacioj (UN) pritraktos la aferon “mortigaj memstaraj armiloj”, kiuj la kritikantoj nomas “murdistajn robotojn”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Britino venkis la konkurson de 2018 pri plej elstara instruisto

Andria Zafirakou estis anoncita ĉi-dimanĉe (la 18-an de la 3-a monato) en Dubajurbo (Dubajo), kiel venkinto de la premio “Global Teacher Prize”, kiu estas kvazaŭ Nobel-premio pri edukado. La koncerna ceremonio estis prezentita de la sudafrika komediisto Trevor Noah en la hotelo “Atlantis, The Palm”, kun ĉeesto de la brita aŭtomibila piloto Lewis Hamilton, de la ŝtatprezidanto de Argentino Mauricio Macri kaj de la ĉefministro de Unuiĝinta Reĝlando, Theresa May.

Tiu premio de unu miliono da usonaj dolaroj staras inter tiaj plej grandaj tutmonde, kaj ĝi reliefigas la gravecon de la profesio pri edukado, krom la merito de la instruistaro esti agnoskita kaj honorigita ĉie.

Andria instruas arton ĉe la mezgrada lernejo “Alperton Community School” en la londona distrikto “Brent”, kiu estas loko inter la plej pluretnaj en la lando. Ĉirkaŭ 35 lingvoj estas parolata en tiu lernejo, kies lernantoj apartenas al malriĉaj familioj kaj spertas perforton de krimaj bandoj. Lernante baznivele multaj el la lingvoj de la lernantaro, ŝi sukcesis je rilatoj kun la familioj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mikrosofto reagis al strebado de instruisto, kiu instruas komputadon ne havanta komputilon

Rakonto pri la instruisto Richard Appiah Akoto reliefiĝis en interreto pro tio, ke ne havanta komputilon, li instruas komputadon en la afrika lando Ganao nur pere de kretotabulo.

Laŭ la retejo “MS Power User” Richard instruas la fakon “novaj teĥnikaroj pri komunikado kaj informado”, kaj la afero estas amuza al li. Impresas, ke li detale desegnas, ekzemple la interfaco de la mikrosofta verkilo “Vorto” (Microsoft Word), forgesante nenian funkciaĵon.

La lernejo de Akoto havas neniun komputilon ekde la jaro 2011-a, malgraŭ tio, ke la lernantoj nepre trapasu ekzamenon pri tiu fako, kiel postulo de la kurso.

Instigite de la entreprenisto S-rino Rebecca Enonchong, per Tvitero, Afrika Mikrosofto reagis promesante donacon de nova komputilo por la lernoĉambro de Akoto, krom eduka materialo por profesia disvolviĝo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Publika lernejo estis kritikita pro adopti uniformon “Armani”

En la aristokrata kvartalo “Ginza” (Tokio – Japanlando) troviĝas la publika bazlerneja “Taimei”, kiu vendrede la 9-an de februaro estis forte kritikita de la registaro kaj parlamento, pro elekti al ĝiaj lernantoj uniformojn desegnitajn de la fama itala firmao pri modo nome “Giorgio Armani”, kun prezo da ĉirkaŭ po 600 eŭroj.

La nova uniformo, kiu kostas trioblon de tiu anstataŭita, ekvalidos aprile, je la reveno de la lernojaro, kaj laŭ la lernejestro Toshitsugu Wada, Taimei estas referenco en Ginza, kaj tio pravigas la decidon koncerne al tiuj uniformoj por kongrui la lernejo al la kvartalo.

Diversaj gepatroj plendis kontraŭ la alta prezo de la vestaĵoj, kaj iu patrino timas, ke netaŭgan koncepton oni havigos al la infanoj kiel nepra: multekosta aĵo bonas, kaj malmultekosta aĵo malbonas.


Ĉi tiu teksto estas adaptaĵo fare de Paulo Cesar Pires el portugallingva artikolo.