Por katamantoj – Jen laborposteno ĉe greka insulo

La rifuĝejo por katoj “God’s Little People Cat Rescue”, situanta en Siro (greka insulo en la Cikladoj, en la Egea Maro), serĉas prizorganton por 55 katoj loĝantaj tie.

Respondecas pri tiu loko la dana virino Joan Rachlitz Bowell, kiu afiŝis sur la fejsbukpaĝo de la rifuĝejo, anoncon serĉante iun por preni la mastrumadon de tiu loko dum ŝiaj estontaj forestoj. Laŭ la gazeto “Daily Mail”, Joan kaj sia edzo Richard fondis tiun rifuĝejon en 2010, kiam ili translokiĝis al Greklando pro sankialoj.

Krom ŝategi katojn la kanditado nepre scipovu stiradon (por viziti bestokuraciston) kaj lertiĝu pri kaptado de sovaĝaj katoj (ili estas sanigitaj, kastritaj kaj redonitaj al naturmedio).

La dungoto profitos la jenon: loĝadon en somerdomo kies ĝardeno donas privilegian vidon de la insula pejzaĵo, kvitancitajn fakturojn (akvo, elektro, ktp), krom salajro da cirkaŭ 317 eŭroj. La laborado estos longdaŭra, tio estas minimume ses monatoj. La elekto okazos ĉi-monate.


Ĉi tiu teksto estas adaptaĵo fare de Paulo Cesar Pires el portugallingva artikolo.

Glacistatuo surstrate atentigas pri risko de formorto de la elefantoj

Kiu trapasis la avenuon “Paulista” (San-Paŭlo, Brazilo) hieraŭ, la 12-an, tiu eble estis rimarkanta tiun ĉirkaŭ 3-metran statuon pri elefanto, farita el glacio. La ekspoziciado de tia statuo dum la Monda Tago de Elefanto celis atentigi pri la risko de formorto de tiu speco, kiu kalkulas unu besto kontraŭleĝe mortigita po 15 minutoj, kaj tio signifas, ke elefantoj povos esti tute malaperintaj de la naturo post 20 jaroj.

La elekto de glacio por tiu statuo praviĝas ĉar tiu materialo aludas riskon – tiu 6-tuna artaĵo de 90 blokoj estos tute likva ĉi-lunde. Interne de la statuo estas pulsanta elefanta koro insinuante, ke ankoraŭ tempo estas por eviti la formorton.

Tiun iniciaton faris la NRO (ne-registara organizaĵo) WildLifeDirect – registrata en Usono kaj Kenjo – kune kun la marko “Amarula”.


Ĉi tiu teksto estas adaptaĵo fare de Paulo Cesar Pires el portugallingva artikolo.

En Svislando la polico komencis kampanjon, por ke hundoj uzu ŝuojn

Pro la okazantaj ondoj de varmego en la vetero, la polico de la urbo Zuriko en Svislando komencis kampanjon, por ke la homoj piedvestu per ŝuoj siajn hundojn, celanti protekti ties piedojn kontaŭ la varmego de la planko.

Tiu kampanjo nomiĝas “Varmega Hundo”, kaj la hundoj de la polico donas ekzemplon, uzante ŝuojn dum urba patrolado. Tiamaniere oni evitas, ke la bestoj brulvundiĝus piedirante sur la varmega asfalto surstrate.

La policistoj sugestas, ke la hundposedantoj kontrolu la aferon per la 5-sekunda regulo: se kuŝante la manon dum 5 sekundoj sur la asfalto oni sperti tro da varmon, certe la hundo same spertus.


Ĉi tiu teksto estas adaptaĵo fare de Paulo Cesar Pires el portugallingva artikolo.

Anasino sekvata de 76 idoj estis fotita en Usono

Fotisto trafis anasinon transpasanta lagon en Usono, kaj tiam ĝi estis sekvata de 76 idoj. Temas pri Brent Cizek, kies foto estis farinta la 27-an de la 6-a monato, sed nur antaŭnelonge ĝi estis diskonigita ĉe aktivuloj de la movado pri medikonservado.

Sur la foto oni vidas – ĉe la lago “Bemidji” en la urbo samnoma, subŝtato Minesoto – vicon da anasidoj de speco, kiu en Brazilo estas konata kiel “merganso-grande”.

Ordinare anasinoj estas akompanataj de 20-30 idoj, kaj maloftege oni spertas tian kuriozan okazintaĵon. Laŭ fakuloj ne nepre tiu anasino estas la patrino de ĉiuj tiuj idoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Nova grandega aviadilo faris unuan provflugon

La nova “Beluga XL”, kiu estas balenaspekta ŝargaviadilo de la aviadila fabrikanta kompanio “Airbus”, faris sian unuan provflugon lastĵaŭde (la 19-an) en la regiono de Tuluzo, suda Franclando.

Tiu “Airbus A330-743 Beluga XL” utilos je transportado de la pecaro uzata por fabrikado de plimulto de la modeloj Airbus-aviladiloj, el la lokoj de produktado – Hispanlando, Germanlando, Unuiĝinta Reĝlando – ĝis la fabrikejo de Tuluzo, kie la muntado efektiviĝas.

La simileco de “Beluga XL” kun la samnoma blanka baleno (belugo) iĝis pli okulfrapa pro tiuj okuloj kaj granda rideto desegnitaj sur la antaŭa parto de la aviadilo – ornamaĵo kiu estis decidita per voĉdonado de la laboristoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Fuĝinte el superakvado, ĉevalino supreniris sur tegmenton

“Leaf” – tiu ĉevalineto, kiu rifuĝis sur tegmento pro superakvado – kortuŝis Japanlandon, kie lastatempe okazas pluvegoj, kiuj jam mortigis 179 homojn.

Ĝi estas 9-jaraĝa, havas ruĝan haregon, estas emblembesto de maljunulejo en la urbo Kurashiki, kaj restis kelkajn tagojn sur tegmento ĝis ĝia savo fare de brigadistoj de homrilata organizaĵo, anstataŭ fajrobrigadistoj, kies unua tasko tiam nepre koncernis savadon de la homoj.

Antaŭ semajnoj “Leaf” naskis ĉevalidon, kiu bedaŭrinde mortis pro la superakvado.


Ĉi tiu teksto estas adaptaĵo fare de Paulo Cesar Pires el portugallingva artikolo.

Buldogo kun pendigita lango estis elektita kiel tia la plej malbela hundo tutmonde

Sabate la 23-an de la 6-a monato iu buldogo kun pendigita lango estis elektita kiel tia la plej malbela hundo tutmonde, kadre de konkurso efektivigita en la usona subŝtato Kalifornio. Tiu hundo estas 9-jaraĝa kaj nomiĝas “Zsa Zsa”.

La hundo apartenas al Megan Brainard, de la urbo Anoko (Minesoto – Usono), kaj ŝi ricevos monpremion da 1.500 usonaj dolaroj. Tiu estis la 30-a aranĝo de tiu konkurso.

Buldogo estas subraso el la hunda raso de dogoj, kun larĝa, mallonga kapo, elstara suba makzelo kaj tre fortikaj mandiblaj muskoloj.

zsa-zsa


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3GQ

Mortis tiu gorilo, kiu scipovis signolingvon

“Koko” estis ina gorilo, kiu famiĝis pro tio, ke ĝi lernis komunikiĝi per signolingvo. Ĵaŭde (la 21-an) la instituto “Gorilla Foundation” kiu pristudis ĝin informis, ke Koko mortis dum dormado, je la aĝo 46 jaroj.

Tiu mortinta besto estis unu el la malmultaj primatoj kapablanataj je komunikado per signolingvo. Krom Koko, nur aliaj du individuoj same scipovas – la ina ĉimpanzo”Washoe”, de la usona subŝtato Vaŝintonio, kaj iu vira orangutano de la urbo Atlanta (Georgio – Usono).

Malgraŭ tio, ke kelkaj scientistoj dubis pri ĝia kapablo kompreni signolingvon, Koko iĝis ia “ambasadestro” por sia speco, kiu estas minacata de formorto en centra Afriko.

Ĝi naskiĝis la 4-an de la 7-a monato 1971 ĉe la bestoĝardeno de San-Francisko, kaj en la sekva jaro la scientisto Francine “Penny” Patterson ekinstruis al ĝi signolingvon.

“Ĝi estis amata kaj ĝia manko oni sentos”, tion diras la komunikaĵo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3G8

La emblembesto de FIFA-Mondpokalo 2018 estis kreita de junulino

Ĉiuj ludoj de la okazanta FIFA-Mondpokalo 2018 en Ruslando havas komunan trajton, nome la ĉeesto de la “lupo Zabivaka”, kiu estas la oficiala emblembesto de tiu eventego.

Lunde (la 18-an), intervjue al la rusa gazeto “The Moscow Times”, Ekaterina Bocharova (nuntempe 22-jaraĝa) diris, ke Zabivaka iĝis kvazaŭ talismano por ŝi ekde la 21-an de la 10-a monato 2016, kiam FIFA anoncis, ke ŝia kreitaĵo venkis la du aliajn konkurantojn de la konkursa finfazo. La nomon “Zabivaka”, kiu signifas “etan plurgolanton” elpensis la organizanta komitato de la mondpokalo.

La koncerna konkurso de FIFA okazis kiam ŝi estis studanto pri grafika fasonado en Provinca Universitato de Tomsk, kiu estas publika, fondita en 1878 en Siberio, 3.500 kilometroj for de la rusa regurbo Moskvo.

La konkursa premio da 500 usonaj dolaroj estis nur simbola, tamen laŭ ŝi profitojn aliajn ŝi ekspertis pro tio, ke ŝia nomo eniris la historion pro tiu afero – ekzemple, patronado ebligis ŝian translokiĝon al Moskvo por studado.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3Et

“Canarinho Pistola” estis barita al Piedpilkada Mondpokalo

Ekde 2016 la teamo pri piedpilkado de Brazilo havas karisman emblembeston, nome “Canarinho” (“Kanarieto”), kiu estas ege ŝatata en la sociaj retejoj, kie ĝi estas nomata “Canarinho Pistola” (“Kolera Kanarieto”), sed tiu maniero nomi ĝin tute ne plaĉas al Brazila Konfedero pri Piedpilkado, kiu prizorgas ĝin.

Malĝoje al ĝiaj ŝatantoj, tiu personaĵo estis barita de la organizaĵo FIFA, kiu aranĝas la mondpokalon, ĉar laŭ la regularo de tiu eventego nur la oficiala emblembesto, nome la lupo “Zabivaka”, rajtas promenadi tra la rusaj piedpikladejoj.

Pri “Canarinho Pistola” jen albumo da 21 fotoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3AU