La statuo pri knabino antaŭ la virbovo de “Wall Street” estos translokita

Tiu statuo pri staranta knabino – instalita antaŭ jaro vidalvide al la fama virbovo de Wall Street – estos translokita al fina ejo ĉi-jare. Nomata “Sentima knabino”, la bronza statuo estis surprize starigita la 7-an de la 3-a monato 2017 – antaŭtage al la internacia tago de virinoj – kaj ĝi estis finance subtenata de privata firmao.

Ĵaŭde – la 19-an de la 4-a monato – la urbestro de Nov-Jorko, Bill de Blasio anoncis, ke la verko translokiĝos fronte al Novjorka Borso. “Ni fieras pro tio, ke ni gastigas ‘Sentiman knabinon’. Temas pri pova simbolo alude al bezonata ŝanĝo ĉe la plej altaj niveloj de la kompania medio en Usono”, tion li diris.

Kaj Thomas Farlej (la prezidanto de Novjorka Borso) kaj Kristen Visbal (la usonanino kreinta la verkon) sin esprimis kontentaj pro tiu anonco, kies noto ankaŭ informis, sed sendetale, pri studo de simila translokiĝo por la fama virbovo, kiu simbolas Wall Street.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mortis la lasta “Welsh Corgi” de la reĝino Elizabeto

Laŭ Vikipedio “Welsh Corgi” aŭ en Esperanto “Kimra Korguno” estas la plej malgranda hundoraso el la paŝtitohundoj aŭ ŝafhundoj, kiu devenas ĉu el la kimra graflando (angla: county) Pembrokshire, ĉu el la graflando Cardiganshire, graflandoj kiuj limas unu al la alia. Welsh Corgi havas fortan asocion kun Elizabeto la 2-a, kiu persone posedis pli ol 30 hundojn, ĉu de la raso Pembroke aŭ Melhundo, durasa hundo.

La lasta el tia hundo de la reĝino Elizabeto mortis lastdimanĉe, la 15-an de la 4-a monato, en Kastelo Windsor. Tiu informo estis konigita lastmarde de la brita gazetaro, kaj laŭ la gazeto “The Guardian”, la hundino “Willow” estis 14-jaraĝa kaj pro trafo de kancero oni decidis mortigi ĝin.

“Willow” estis el la 14-a generacio de la idoj de “Susan”, kiu Elizabeto gajnis kiel donaco kiam ŝi estis 18- jaraĝa. Laŭ la gazeto tiu morto ege kortuŝis la reĝinon.


Ĉi tiu teksto estas adaptaĵo fare de Paulo Cesar Pires el portugallingva artikolo.

Grandega kanada nutraĵfirmao vetas je insektoj

En Kanado la plej granda firmao de la nutraĵa industrio, nome “Maple Leaf Foods”, estas investanta en la firmao “Entomo Farms”, kiu konsideras rostitajn grilojn kaj aliajn insektojn kiel pli daŭripova elekteblo ol viando, koncerne al proteina nutrado.

Maple Leaf estas ofertanta financadon (tipo serio-A) al Entomo, kiu estas la plej granda produktanta de insektoj por homa nutrado, kun sidejo en la urbo Ontario, Kanado, kaj per komunikaĵo lastmerkrede ĝi asertis, ke per tiu monrimedo ĝi plialtigos la faradon – surbaze de griloj kaj larvoj – de ingrediencoj kiuj komponiĝas farunoj por produktado de briketproteinoj, vitaminoj kaj saŭcoj.

“Nia investo per malplimulta kapitalo en la firmao Entomo kongruas al nia celo iĝi tutmonde la plej daŭripova firmao pri proteinnutrado”, tion diris per komunikaĵo Michael McCain, la prezidanto de Maple Leaf.


Ĉi tiu teksto estas adaptaĵo fare de Paulo Cesar Pires el portugallingva artikolo.

Trafikakcidento mortigis elefanton transportita per kamiono de cirko

Lunde la 2-an de la 4-a monato en Hispanlando, kiam iu cirka kamiono estis transportanta kvin elefantojn, tiam unu elefanto mortis kaj du aliaj vundiĝis pro trafikakcidento, raportis la aŭtoritatoj.

La kondukisto de la kamiono ne vundiĝis je tiu akcidento, kiu okazis en aŭtovojo enter la hispanaj urboj Albacete kaj Murcia.

Gregorio Serrano, la estro de la registara trafikdepartamento konjektas, ke la kamiono falis tiam, kiam la stiristo provis preterpasi alian veturilon. La okazaĵo haltigis la lokan trafikon dun du horoj kaj duono.

Jen koncerna filmeto: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

Bedaŭro: balenoj are grundis sur aŭstralia marbordo

En Hamelin-Golfo, ĉirkaŭ 300 kilometroj sude de la aŭstralia urbo Perto, iu fiŝkaptisto trovis hieraŭ (vendrede, la 23-an de la 3-a monato) ĉirkaŭ 150 balenojn grunditajn surstrande, laŭ informoj diskonigitaj de lokaj gazetoj. En tiu momento proksimume duono de la balenoj jam estis mortintaj.

Laŭ la aŭtoritatoj tiuj cetaceoj apartenas al la specio globkapulo grandnaza (globicephala macrorhynchus), kiuj oni trovas ĉe akvoj tropikaj kaj mezvarmaj el ĉiuj maroj.

Fakuloj asertas, ke la grundado povas okazi tiam, kiam la balenoj malsanas, vundiĝas, aŭ faras navigadan eraron, aparte al strando kun malakra deklivo, sed en ĉi-tiu okazintaĵo ankoraŭ oni ne trafis la kialon.

La plej serioza tia akcidento en okcidenta Aŭstralio okazis en la jaro 1996 – ĉirkaŭ 320 balenoj de la specaro nigra globicefalo (globicephala melas) grundis.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mortis la lasta vira rinocero larĝbuŝa – subspeco “norda”

Marde, la 20-an de la 3-a monato, la kenja naturrezervejo “Ol Pejeta” anoncis, ke la “blanka” – aŭ larĝbuŝa – rinocero de nordo nomata “Sudano” estis mortigita lunde, post konstato de la bestokuracistoj, pri pligraviĝo de nova infekto ĉe postdekstra piedo de la besto, aperinta pasintmonate.

Ĝi estis 45-jaraĝa kaj estis vivanta tie ekde la jaro 2009-a. “Ĝia malsano ege akriĝis en la lastaj 24 horoj. Ĝi estis malkapablanta leviĝi, kaj spertanta suferegon”, tion klarigis la naturrezerveja teamo, kiu agadis kune kun fakuloj de la ĉeĥa bestoĝardeno “Dvur Kralove”, kaj la servo pri konservado de kenja bestaro (KWS).

De nun ekzistas vivantaj tutmonde nur du individuoj de tia subspeca rinocero, ili estas inaj kaj idoj de la ĵus mortinta besto. “Ol Pejeta” informis la kapton de gena materialo de “Sudano”, kun espero iam estontece provi reproduktadon de tiu subspeco per gena teĥnikaro. Homfarita fekundiĝo de rinoceroj neniam estis provita.


Ĉi tiu teksto estas adaptaĵo fare de Paulo Cesar Pires el portugallingva artikolo.

Klientoj ekspertas bonvenemon al siaj “plej bonaj amikoj”

Ja apartenas al pasinteco la bildo pri hundo ludanta nur ĉe korto, sen alirpermeso al aliaj partoj de la hejmo. Krom libera aliro hejme nuntempe pli kaj pli oftas ekzemple la ĉeesto de homoj, kune kun siaj dorlotbestoj, en restoracioj, librovendejoj kaj vendejaroj.

Kadre de tiu nova sinteno aperis la angla esprimo “pet friendly” por signali al la posedantoj de hejmbestoj, la lokojn kie tiaj bestoj estas bonvenaj.

En Brazilo la verkisto Cris Berger nepre estas akompanata de sia hundino Ella (ĉina raso ŝarpejo), kaj pro ŝia sperto je trovo de lokoj por glate vizitadi kune kun sia dorlotbesto, ŝi kreis la gvidlibron “Guia Pet Friendly”.

Tiu gvidlibro – ĉu papere, ĉu poŝtelefone – enhavas liston de lokoj en la brazilaj urboj San-Paŭlo kaj Rio-de-Ĵanejro, kie la bestoj rajtas aliron kaj ili trovas minimuman rilatantan bazajn instalaĵojn.


Ĉi tiu teksto estas adaptaĵo fare de Paulo Cesar Pires el portugallingva artikolo.

Norveglando mortigis pli ol 1.400 boacojn

Por bari ian infektan cerban malsanon pli ol 1.400 sovaĝaj boacoj estis mortigitaj en Norveglando ekde la 11-a monato 2017, en la regiono de Nordfjella, inter Oslo kaj Bergeno. Pasintmarde la norvega ministerio pri medio anoncis la finon de la koncerna mortigado komenciĝinta post malkovro de la malsano, kiu trafis 17 bestojn. Entute estis ekzaminitaj 38 mil boacoj.

Tiu malsano nomata CWD (angla mallongigo pri “chronic wasting disease”) ekizistas en Nordameriko, Sudkorelando, kaj eŭrope nur en Norveglando, kie ĝi estis unuafoje trovita je la 4-a monato 2016 en ununura boaco ĉe la montoj inter Hemsedal kaj Laerdal, centre de la lando.

CWD estas infekta malsano simile al tiu popole konata kiel “malsano de bova freneziĝo” (Bova Spongoforma Cerba Malsano), kaj Ŝaftremo (priona malsano de ŝafoj kaj kaproj). Ĝi trafas la centran nervan sistemon, kaj estas mortiga.


Ĉi tiu teksto estas adaptaĵo fare de Paulo Cesar Pires el portugallingva artikolo.

Speciala vestaĵo igas senhejmajn hundojn en gardistoj

En Tajlando iu propagandagentejo disvolvis specialan vestaĵon, kiu povas igi hundojn sen mastroj en gardistoj sur la stratoj de Bankoko. Laŭ takso nuntempe ekzistas ok milionoj da tiaj hundoj en la lando, kaj 10% el ili estas en la regurbo.

Tian vestaĵon elpensis Pakornkrit Khantaprab, kiu estas teamano de la propagandagentejo Cheil Thailand. “La inspiro venis el la raportitaj novaĵoj kiuj oni spektadas en Tajlando kaj preskaŭ ĉie, pri torturo de senhejmaj hundoj”, tion li diris.

Enhavanta kaŝitajn filmilojn, tiu vestaĵo elsendas realtempe al poŝtelefono aŭ komputilo la filmetojn, kiuj montras tion, kion la hundo vidas. La filmilo ekfilmas pro la hunda bojado. Tio utilas, ĉar hundoj jam pruvis esti lertaj je perceptado de supozaj ŝtelistoj kaj serpentoj, ekzemple.

La firmao kredas, ke tiu sistemo utilos kaj al hundoj kaj al komunumoj, kaj planas surmerkatigi ĝin. Jen koncerna filmeto: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

Por antaŭenigo de adopto, katoj estas ekspoziciitaj sur vitra plafono

Ĉi-monate je la tagoj 15-a ĝis 19-a okazas en Nov-Jorko (Usono) evento, kies celo estas instigi la adopton de katoj. Temas pri foiro de tiuj bestoj, kies ekspoziciado efektiviĝas ĉe vitra galerio, ebligante interesajn rigardadon kaj fotadon el nekutimaj anguloj.

La evento estas apogata de influaj sociretuloj kiel Hannah Shaw, BriAnne Wills kaj Nala Cat, kaj ankaŭ partoprenas kiel organizanto la usona organizaĵo pri bestaj rajtoj “The Humane Society Of New York”, fondinta en la jaro 1904-a.

Oni povas libere fotafiŝi la katojn, kaj la eniro tie estas senpaga.

(gatos NY 2)


Ĉi tiu teksto estas adaptaĵo fare de Paulo Cesar Pires el portugallingva artikolo.