La emblembesto de FIFA-Mondpokalo 2018 estis kreita de junulino

Ĉiuj ludoj de la okazanta FIFA-Mondpokalo 2018 en Ruslando havas komunan trajton, nome la ĉeesto de la “lupo Zabivaka”, kiu estas la oficiala emblembesto de tiu eventego.

Lunde (la 18-an), intervjue al la rusa gazeto “The Moscow Times”, Ekaterina Bocharova (nuntempe 22-jaraĝa) diris, ke Zabivaka iĝis kvazaŭ talismano por ŝi ekde la 21-an de la 10-a monato 2016, kiam FIFA anoncis, ke ŝia kreitaĵo venkis la du aliajn konkurantojn de la konkursa finfazo. La nomon “Zabivaka”, kiu signifas “etan plurgolanton” elpensis la organizanta komitato de la mondpokalo.

La koncerna konkurso de FIFA okazis kiam ŝi estis studanto pri grafika fasonado en Provinca Universitato de Tomsk, kiu estas publika, fondita en 1878 en Siberio, 3.500 kilometroj for de la rusa regurbo Moskvo.

La konkursa premio da 500 usonaj dolaroj estis nur simbola, tamen laŭ ŝi profitojn aliajn ŝi ekspertis pro tio, ke ŝia nomo eniris la historion pro tiu afero – ekzemple, patronado ebligis ŝian translokiĝon al Moskvo por studado.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3Et

“Canarinho Pistola” estis barita al Piedpilkada Mondpokalo

Ekde 2016 la teamo pri piedpilkado de Brazilo havas karisman emblembeston, nome “Canarinho” (“Kanarieto”), kiu estas ege ŝatata en la sociaj retejoj, kie ĝi estas nomata “Canarinho Pistola” (“Kolera Kanarieto”), sed tiu maniero nomi ĝin tute ne plaĉas al Brazila Konfedero pri Piedpilkado, kiu prizorgas ĝin.

Malĝoje al ĝiaj ŝatantoj, tiu personaĵo estis barita de la organizaĵo FIFA, kiu aranĝas la mondpokalon, ĉar laŭ la regularo de tiu eventego nur la oficiala emblembesto, nome la lupo “Zabivaka”, rajtas promenadi tra la rusaj piedpikladejoj.

Pri “Canarinho Pistola” jen albumo da 21 fotoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3AU

Ruslando malpermesas, ke niĝerianoj alportu kokinojn al piedpilkadejo

La rusaj aŭtoritatoj neis al la ŝatantoj de la piedpilkada teamo de Niĝerio, ke ili alportu kokinojn al la piedpilkadejo “Arena Baltika”, kie la afrika teamo unuafoje ludos kadre de Piedpilkada Mondpokalo 2018. La ludo okazos hodiaŭ – sabate, la 16-an de la 6-a monato, je la 4-a horo posttagmeze.

En Niĝerio, la ŝatantoj tradicie alportas tiujn birdojn al la ludoj por “venigi bonŝancon”. Tamen Ruslando baris tiun ideon, laŭ klarigis Andrei Ermak, la sekretario pri kulturo de Kaliningrado: “Ili konsultis nin tiurilate, kaj ni neis la aferon”, kaj indikis kie ili povus lasi siajn kokidojn.

Tiu afrika lando apartenas al la grupo “D” de la mondpokalo, kune kun Kroatlando, Argentino kaj Islando.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3zH

Lavurso, kiu grimpis supren tra 23-etaĝa konstruaĵo, estis redonita al la naturo

Ĉi-ĵaŭde (la 14-an) iu lavurso (alinome prociono), kiu allogis atenton grimpante supren tra la 23 etaĝoj de konstruaĵo en la urbo Saint Paul (Minesoto – Usono), estis redonita al la naturo.

Tiu lavurso estas ina aĝanta ĉirkaŭ unu jaro, kaj ĝi estis kaptita post la grimpado, jam fama pro sia faro, kies plenumo bezonis du tagojn. La okazintaĵon prizorgis la uzantoj de la komerca konstruaĵo, kaj tiurilate ili faris elsendojn ĉe sociaj retejoj.

Vikipedia artikolo pri Lavurso: LIGILO.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3zl

Kato estis elektita kiel la divenisto de la piedpilkada mondpokalo 2018

“Aquiles estas blanka kato loĝanta ĉe la mondfama Muzeo Ermitejo en Sankt-Peterburgo (Ruslando), kaj lastlunde (la 11-an) ĝi estis anoncita kiel oficiala divenisto pri la lud-rezultoj de la piedpilkada mondpokalo 2018, kiu komencos morgaŭ en tiu lando.

Tiu kato ekfamiĝis pro tio, ke pasintjare pri la ludoj de Pokalo de FIFA-konfederoj, okazinta ankaŭ en Ruslando, ĝi ĝuste antaŭdiris la kvar rezultojn de la ludoj en Sankt-Peterburgo. Tiam la dungistoj de la muzeo lasis pladojn da porcioj ĉe la flagoj de la rilataj teamoj. Li elektis tri pladojn kongruaj kun la venkintaj landoj, kaj pri la okazo, ke ĝi hezitis antaŭ la pladoj, la koncerna ludo rezultis egalpoenta.

Funkciuloj de la muzeo atentigas, ke Aquiles ne estas impresita de la teamŝatantoj, ĝi neniam malkoncentriĝas ĉar ĝi estas besto trafita de surdeco. Laŭ ili la kateto estas kvazaŭ la posteulo de la polpo “Paul”, kiu famiĝis ĝuste antaŭdirante la rezultojn pri ĉiuj ludoj de la teamo de Germanlando en la piedpilkada mondpokalo 2010, okazinta en Sud-Afriko. Tiam li ankaŭ ĝuste divenis la gajninton de la pokalo, nome la teamo de Hispanlando.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3z2

Kia kakatuedo estas tiu scivolema birdo ĉe trafikfilmilo?

Alkutimiĝanta je registrado de malobeoj al trafikreguloj, lastvendrede matene (la 1-an) iu filmilo ĉe la veturvojo “Murgatroyd Road”, en la aŭstralia subŝtato Kvinslando, kaptis nekutimaĵon: ne paneitajn aŭtomobilojn aŭ disputojn inter ŝoforoj, sed iun kakatuon scivoleme kontrolanta la aparaton.

La filmeto diskonigita de la departamento pri trafiko iĝis populara en interreto, kaj estigis diskuton pri tiu birdo, ĉar la afiŝo en Fejsbuko tekstas “Oni atentu pri tia ‘Galaha kakatuo’, kiu aperis hodiaŭ ĉe la vojo”, tamem kelkaj interretanoj asertas, ke temas pri tia “Peruka kakatuo aŭ, Sulfurtufa kakatuo”.

Laŭ Vikipedio: Kakatuedoj, kaj  Galaho.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3xy

Ĉasistoj mortigis 122 gravedajn balenojn

Japanaj balenistoj kaptis kaj mortigis 122 gravedajn balenojn de la speco “balenoptero nana” lastsomere en Antarkto. Laŭ raporto sendita al Tutmonda Balena Komisiitaro (angle “International Whaling Commission – IWC”), la balenŝipoj mortigis entute 333 tiajn bestojn inter la 11-a monato 2017 kaj la 3-a monato 2018 – tiam la ĉasista grupo estis vizitanta Sudan Poluson.

Asertas Japanlando, ke sia projekto pri kaptado de balenoj koncernas “sciencajn celojn”, malgraŭ ĝia viando esti vendata por nutrado. En 2014 Unuiĝintaj Nacioj riproĉis tiun aferon – laŭ UN tio estas “mortiga esplorado”.

Krom tiaj 122 gravedaj bestoj, estis mortigitaj ankaŭ balenidoj – 61 viraj kaj 53 inaj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3wT

Hundoj, por protektado de virinoj kontraŭ agresemaj kunuloj

En Hispanlando virinoj trafitaj de hejma perforto estas helpataj de programo, kiu trejnas hundojn por protekti ilin. En tiu lando, monate preskaŭ po kvar virinoj estas mortigitaj de siaj kunuloj aŭ ekskunuloj.

Angel Mariscal estas veterana hundotrejnisto, kaj li starigis fondaĵon por perado de trejnitaj hundoj al la viktimoj. Li diris al la gazeto “El País”, ke la hundoj “ne mordas, kaj ne atakas celante mortigon. Ili ne estas agresemaj, ĉar ni elektas tiajn tre societemajn bestojn, kiuj taŭgas por loĝi interne de la domo ĉe infanoj, per normala konduto, ĝis ricevi apartan ordonon por protekti lian mastron”.

Post aliĝo al tiu programo la virino trapasas intervjuon kun psikologo. Sekve ŝia loĝejo estas vizitata de fakulo pri besta konduto, kaj post komenca kurso kontrolata de la polico, komenciĝas la horoj pri trejnado, kiam Mariscal kaj sia teamo elektas la taŭgan hundon al tiu nova mastro (la protektota virino).

Ĝis nun 40 virinoj aliĝis al la programo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3rj

Inspirata de insektoj, usona universitato prilaboras etan flugroboton

Grupo de inĝinieroj de Vaŝingtonio-Universitato en Seatlo (Usono) disvolvigis tion, kio povos esti la unua “muŝa roboto” funkcianta sendrate. La rezulto de tiu esploro estos prezentita la 23-an de la 5-a monato en Brisbano (Aŭstralio), kadre de 18-a Plurlanda Konferenco pri Robotiko kaj Aŭtomatigo.

Laŭ la kreintoj de la projekto, maŝinoj tiaj povos utili je taskoj, kies plenumado postulas multon da tempo al homoj, kiel inspekti evoluado de plantaroj aŭ eltrovi gastralikiĝon, kaj alia avantaĝo estas financa – tiaj malgrandaj robotoj kostas malplimulte, kaj ili eniras lokojn neatingeblaj de pligrandaj flugrobotoj.

Nomata “RoboFly”, la “muŝa roboto” ne havas helicojn, sed flugilojn, kaj pere de lumelektra ĉelo ĝi igas al elektro lumon el laserradioj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3sK

Fiŝon kun “homaj dentoj” oni kaptis en Usono

Merkrede la 9-an de la 5-a monato la departamento pri naturmedio de la usona subŝtato Suda Karolino disvastigis tra sociaj retejoj foton de kurioza fiŝo, kiu havas dentojn similaj al tiuj de homoj. Jen la publikaĵo: LIGILO.

En la afiŝo, titolita “la merkreda kio estas tio”, la vivscientisto Pamela Corwin instigas la retuzantojn diveni pri kio temas.

Laŭ Vikipedio: La Ŝafkapa sargo aŭ Ŝafkapulo, (Archosargus probatocephalus), estas mara fiŝo de la familio Sparedoj, kiu kreskiĝas ĝis 760 mm, sed komune atingas 250 al 500. Ĝi estas ebena kaj premeca fiŝo, kun 5 al 6 malhelaj (malhelgrizaj) vertikalaj larĝaj strioj en la flankoj de la korpo sur griza fono. Ĝi havas akrajn dorsajn spinojn. Ties dieto konsistas el ostroj, pektenoj, kaj aliaj duvalvuloj, kaj ankaŭ de lepadoj, violonkraboj, kaj aliaj krustuloj. Ĝi havas akran buŝon, kun kelkaj linioj de fortikaj dentoj, kiuj helpas rompi la ŝelojn de ties predoj.


Ĉi tiu teksto estas adaptaĵo fare de Paulo Cesar Pires el portugallingva artikolo.