Glacistatuo surstrate atentigas pri risko de formorto de la elefantoj

Kiu trapasis la avenuon “Paulista” (San-Paŭlo, Brazilo) hieraŭ, la 12-an, tiu eble estis rimarkanta tiun ĉirkaŭ 3-metran statuon pri elefanto, farita el glacio. La ekspoziciado de tia statuo dum la Monda Tago de Elefanto celis atentigi pri la risko de formorto de tiu speco, kiu kalkulas unu besto kontraŭleĝe mortigita po 15 minutoj, kaj tio signifas, ke elefantoj povos esti tute malaperintaj de la naturo post 20 jaroj.

La elekto de glacio por tiu statuo praviĝas ĉar tiu materialo aludas riskon – tiu 6-tuna artaĵo de 90 blokoj estos tute likva ĉi-lunde. Interne de la statuo estas pulsanta elefanta koro insinuante, ke ankoraŭ tempo estas por eviti la formorton.

Tiun iniciaton faris la NRO (ne-registara organizaĵo) WildLifeDirect – registrata en Usono kaj Kenjo – kune kun la marko “Amarula”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mortis Nelson Ivan Petzold, la kreinto de manĝiloj kun vizaĝetoj de princo kaj princino

Je la aĝo 87 jaroj la brazila industria fasonisto Nelson Ivan Petzold mortis hieraŭ – merkrede la 8-an de la 8-a monato 2018. Tiu informo estis konfirmita de lia filino, Márcia Petzold, ĉe la socia retejo Fejsbuko.

Li estis inter tiuj pioniroj de la industria fasonado en Brazilo, kaj kune kun José Carlos Mário Bornancini, mortinta en 2008, li kreis la porinfanajn manĝilojn kun vizaĝetoj de princo, princino kaj hundeto, kiuj tre sukcesis en la 1970-aj kaj 1980-aj jaroj.

Entute estis venditaj 2,5 milionoj da unuoj de la roluloj “Princo Forko”, “Hundo Tranĉileto” kaj “Princino Kulero”.

Alia kreaĵo de Nelson estas tiu manĝilaro nome “Camping”, kiu integriĝas la “Katalogo de la Bona Desegno” de “MoMA” (angla nommallongigo por “Museum of Modern Art) en Nov-Jorko, Usono. Li kreis ankaŭ la varmbotelo “Magic Pump”, kiu ne gutas post verŝado de la kafo. Nelson ankaŭ fasonadis meblojn kaj hejmajn aparatojn.


Ĉi tiu teksto estas adaptaĵo fare de Paulo Cesar Pires el portugallingva artikolo.

Porinfana literaturo – aperis “MMMMM”

Du el la plej ŝatataj roluloj de la brazila porinfana literaturo renkontiĝas unuafoje en la libro “MMMMM – Mônica e Menino Maluquinho na Montanha Mágica” (“MFKMM – Moniko kaj la Freneza Knabo ĉe la Magia Monto”). Temas pri fabelo verkita de Manuel Filho, ilustrita de Ziraldo kaj Mauricio de Souza, prezentita lastsabate, la 4-an de la 8-a monato, kadre de la 25-a Dujara Libroprezentado de San-Paŭlo (Brazilo).

“Mi legadis ĉion koncerne al tiuj du bandoj (Moniko kaj Freneza Knabo), kaj mi demandis min kia estus, se ili kune spertus ian aventuron. Nu, iam mi decidis elpensi kaj rakonti tion […]”, tion diris Manuel Filho.

Laŭ la eldonejo, tiu libro estas inspirita de la libro ““A montanha encantada” (“La Ensorĉita Monto), verkita de la brazilanino Maria José Dupré, kaj de la usona filmo “Karlo kaj la Ĉokoladfabriko”.

Ziraldo (85-jaraĝa) kaj Mauricio de Souza (82-jaraĝa) estas bildrakontistoj de Brazilo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Antaŭ 50 jaroj la bildrakonto “Peanuts” gajnis sian unuan nigran rolulon

Peanuts estas anglalingva bildrakontserio de Charles M. Schulz. Ĝi aperis de la 2-a de 10-a monato 1950 ĝis la 13-a de la 2-a monato 2000, la tago post la morto de la aŭtoro. Ĉefroluloj de la serio estas la knabeto Charlie Brown kaj lia hundo Snoopy.

Marde, la 31-an de la 7-a monato 2018 – danke al deziro de iu instruistino pri pli da rasa diverseco ĉe infanpublikaĵoj – oni festis la 50-jariĝon de “Franklin”, kiu estas la unua nigra rolulo de la bildrakonto “Peanuts”.

Harriet Glickman, instruistino en Los-Anĝeleso (Usono), tiurilate sendis leterojn al la kreinto, la usonano Charles Schulz. La 15-an de la 4-a monato 1968 ŝi skribis: “Ekde la morto de Martin Luther King mi demandas min, tion, kion mi povus fari por ŝanĝi la sociajn kondiĉojn kiuj kondukis al tiu murdo. […] Mi kredas, ke inkluzivi nigrajn knabojn ĉe la grupo de roluloj de Schulz estus trafa”.

Ŝia letero nun estas ekspoziciata en Muzeo Charles M. Schulz, Kalifornio.


Ĉi tiu teksto estas adaptaĵo fare de Paulo Cesar Pires el portugallingva artikolo.

Alternativo al Nobel-premio pri literaturo havas 46 kandidatojn

Post la decido de Sveda Akademio ne aljuĝi ĉi-jare la Nobel-premion pri literaturo (pro skandalo pri seksa ĝenado, kiu iamaniere trafis tiun instituton), pli ol cento da verkistoj, gazetistoj, aktoroj kaj aliaj artemuloj en Svedlando fondis tiun “Nova Akademio”, por aranĝi alternativan konkurson.

Ĵaŭde (la 12-an) tiu nova akademio ekfuncigis sur sia retejo voĉdonadon ĝis la 14-an de la 8-a monato, surbaze de listo kun 46 kandidatoj al tia alternativa premio pri literaturo. Je tiuj tri elektotaj tiamaniere aldoniĝos unu alia elektota de svedaj bibliotekistoj, kaj aro da fakaj juĝistoj fine decidos inter ili.

Je la koncerna listo de kandidatoj abundas usonanoj (Joyce Carol Oates, Marilynne Robinson, Don DeLillo, Siri Hustvedt, David Levithan, Donna Tartt, Nnedi Okorafor, Paul Auster, Thomas Pynchon, Cormac McCarthy, Meg Rosoff e Jamaica Kincaid) kaj svedoj (Sara Stridsberg, Ulf Lundell, Jonas Hassen Khemiri, Sara Paborn, Jessica Schiefauer, Agneta Pleijel, Inger Edelfeldt, Kerstin Ekman, Jenny Jägerfeld, Johannes Anyuru, Jens Ganmane e Sara Lövestam).

La venkinto estos anoncita je la 10-a monato, la premia ceremonio okazos la 10-an de la 12-a monato, kaj la nova akademio malfondiĝos post unu tago.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mortis Steve Ditko, la kreinto de Araneo-Viro

La legenda desegnisto pri bildrakonto Steve Ditko – la kreinto, kune kun Stan Lee, de figuraĵoj kiel Araneo-Viro kaj Stranga Doktoro – mortis je la aĝo 90 jaroj. Tiun informon konfirmis la polico de Nov-Jorko al la retejo de la gazeto “The Hollywood Reporter” lastvendrede (la 6-an).

Ne estis informita la mortokaŭzo, lia korpo estis trovita ĉe lia apartamento kaj la polico supozas, ke tiam li jam estis mortinta de du tagoj.

En Usono, 1962, la eldonisto kaj ĝenerala redakisto de Marvel Comics, Stan Lee, petis al Ditko helpon por krei tiun, kiun iĝus la figuraĵo “Araneo-Viro”, tia juna heroo posedanta araneajn povojn.

Ditko estis sinkaŝema, evitante famon. Post 1970 li maloftege partoprenis intervjuojn, kaj eĉ fuĝis el la reklamkampanjoj de la filmoj Araneo-Viro kaj Stranga Doktoro.


Ĉi tiu teksto estas adaptaĵo fare de Paulo Cesar Pires el portugallingva artikolo.

Jen nova rekordo en elsendfluo – la nova albumo “Scorpion”, de Drake

Laŭ anoncis la firmaoj “Apple Music” kaj “Spotify”, Drake (kanada artisto kaj entreprenisto) per sia nova albumo “Scorpion”, estigis novan rekordon pri aŭskultado de muziko per interreto, koncerne al la unua surmerkatiga tago.

Tiu estas la kvina albumo de la repstelulo, kaj ĝi estis aŭskultita 170 milionoj da fojoj dum 24 horoj post ĝia surmerkatigo, okazinta lastvendrede – la 29-an de la 6-a monato 2018.

Laŭ la retejo Spotifycharts, la uzantoj de Spotify aŭskultadis la 25 muzikojn de la albumo je pli ol 132 milionoj da fojoj dum la unua tago. Tiu atingo superas la antaŭan plej sukcesan por unua tago, tiu de la albumo “Beerbongs and Bentleys” (de la repisto “Post Malone”) kun 79 milionoj da fojoj en la pasinta 4-a monato ĉi-jare.


Ĉi tiu teksto estas adaptaĵo fare de Paulo Cesar Pires el portugallingva artikolo.

Pri la nova filmo “Turma da Mônica – Laços!”

“Turma da Mônica” (“Bando de Moniko”) estas brazila bildrakonto por infanoj kreita de la karikaturisto Mauricio de Sousa. Kvankam la unua komika libro aperis en 1970, la ĉefaj roluloj jam aperis en bildrakontoj ekde 1959. “Turma da Mônica” estas tre konata kaj populara en Brazilo.

Inspirite en tiu serio de bildrakontoj nune estas filmata en San-Paŭlo (Brazilo), reĝisorata de Daniel Rezende, la longdaŭra filmo “Turma da Mônica – Laços!”, kies pretigo okazos fine de la 7-a monato 2018, sed ĝi ne estas desegnofilmo.

Jen la personaĵoj kaj ties roluloj – Infanoj: Mônica (Giulia Benite), Cebolinha (Kevin Vechiatto), Magali (Laura Rauseo) e Cascão (Gabriel Moreira), kaj plenkreskuloj: Sinjorino Lourdinha (Monica Iozzi), Sinjoro Cebola (Paulo Vilhena), La viro kun sako (Ravel Cabral).

La unua apero de la filmo “Turma da Mônica – Laços!” en kinejoj okazos ĉi-jare la 6-an de la 12-a monato.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3za

Statuo pri Marilyn Monroe antaŭ preĝejo kaŭzas polemikon

8-metra alta statuo pri la virina aktoro Marilyn Monroe estigas polemikon en Usono pro tio, ke ties kalsono okulfrapas al tiuj kiuj eliras el proksima preĝejo.

Tiu statuo staras ĉe Stamford-Parko en la urbo Hartford (Konektikuto, Usono) kaj ĝi prezentas Marilyn Monroe – en la usona komedia filmo de 1955 nome The Seven Year Itch (La Sepjara Jukado) – ludante scenon kiu enhavas unu el la plej elstaraj bildoj de la 20-a jarcento – nome Monroe stare sur kradaĵo de metroo dum ŝia blanka robo estas blovata de preterpasanta trajno.

Nomata “Porĉiame Marilyn” ĝi estas unu el tiuj 36 statuoj faritaj de la artisto Seward Johnson por ekspoziciado en la centra urba regiono ĉi-somere.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3yI

Jen “Bugatti Chiron” farite el 3.599 eroj da konstruludilo “Lego”

Bugatti, la tradicia aŭtomobila firmao, vendas ian version “pli malmultekosta” de sia modelo “Chiron”. Kontraŭ 350 usonaj dolaroj oni povas aĉeti 3.599 erojn por munti onian propran tian sportan aŭton … sed farita el la konstruludilo “Lego”.

Tiu repliko – en skalo 1:8 – estas vendata en Usono kaj Eŭropo, kaj kiu ĝuste munti ĝin, tiu havos belan modelon 56 centimetroj longa kaj 25 centimetroj larĝa.

Fine de la pasinta 5-a monato 2018 Bugatti finpretigis la 100-an “Chiron”, kiun mendis kliento el Mezoriento, kontraŭ pago da 2,85 milionoj da eŭroj.

Aperinta en 2016 kiel posteulo de la modelo “Veyron” , la 1500-Ĉevalpova “Bugatti Chiron” konkuras por esti agnoskata kiel tia plej rapida aŭtomobilo tutmonde.


Ĉi tiu teksto estas adaptaĵo fare de Paulo Cesar Pires el portugallingva artikolo.

Mallonga ligilo por tiu ĉi afiŝo: wp.me/p87b5r-3xS