Briteliro: eniro en EU kun ŝinka sandviĉo ne estos permesata

Ĉi-skribaĵo baziĝas sur portugallingva artikolo. Gramatike komentu ion pri ĝi, mi petas.

La britaj aŭtoritatoj avertis, ke ekde la 1-an de januaro 2021 estos malpermesata enigi varojn enhavantajn viandon aŭ lakton en la teritorio de Eŭropa Unio, alportataj el Unuiĝinta Reĝlando, kiu pro Briteliro la venontan 31-an de decembro noktomeze forlasos la doganunuiĝon kaj la eŭropa komuna merkato.

Tiu malpermeso atingos ĉefe la kamionistojn: ili faras multajn veturadojn inter la du regionoj. Tiu regulo celas eviti enkondukon de infektaj malsanoj: tiuj produktoj povas transigi patogenajn agentojn. Krom lakto kaj viando la regula ankaŭ listigas ĉiujn iliajn derivaĵojn, kiel pasteĉojn, kolbasvarojn, buterojn kaj jogurtojn. La regulo havas esceptojn: laktopulvoro, infannutraĵo, mielo kaj dombesta nutraĵo (po 2 kg/persono) krom produktoj de fiŝkaptado, ĉu freŝaj ĉu preparitaj (po 20 kg/persono).

Ĉiuj tiaj animalaj produktoj malkonformaj al la reguloj oni nepre lasu en la alveno al UE por formala forigo.

Viro estis savita post 10-hora atendado ene de aŭtomobilo kovrita de neĝo

Ĉi-skribaĵo baziĝas sur portugallingva artikolo. Gramatike komentu ion pri ĝi, mi petas.

Pasintĵaŭde (la 17-an) en Usono la 58-jaraĝa viro Kevin Kresen estis savita de la polico en la urbo Owego, de la subŝtato Nov-Jorko, post 10-hora atendado. Veturinte, lia aŭtomobilo joris kaj eliris el la aŭtovojo, kaj poste kamiono kun neĝoplugilo survoje kovris per neĝo la aŭtomobilon, raportis la novaĵagentejo Associated Press.

Kresen provis voki helpon per la krizokaza telefonnumero 911 sed vane, pro problemoj je la movtelefonia reto. Post li sukcesis voki la aŭtoritatojn sed pro malkvalita telefonvoko la informo pri kie li lokiĝis ne sonis tute klara. La aŭtoritatoj trovis la talefonalvokon serĉante en areo 5 km longa ĉe la rivero Susquehanna. Savite, la viro estis enhospitaligita pro hipotermio, kaj ne riskas je morto.

Usono nomis kiel “gardistojn” la membrojn de sia Kosma Forto

Ĉi-skribaĵo baziĝas sur portugallingva artikolo. Gramatike komentu ion pri ĝi, mi petas.

Okaze de la unua datreveno de la Kosma Forto de Usono la vicprezidanto Mike Pence anoncis, ke ekde nun tia militista membraro estos konata kiel ‘gardistoj’. “Nome de la prezidanto de Usono mi havas la honoron anonci, ke de nun la viroj kaj virinoj de la Kosma Forto de Usono estos konataj kiel ‘gardistojn'”, diris Mike Pence dum evento por taksi la disvolvadon de tiu plej nova milita servo de la lando.

La Kosma Forto de Usono iĝis sendependa milita sektoro je la 20-a de decembro 2019. Ĝi estis fondita en la jaro 1982-a kiel Kosma Komandado de Aerarmeo. Post venki la nunan prezidanton Donald Trump per balotado je la 3-a pasintmonate, la elektita prezidanto Joe Biden ankoraŭ ne konigis la planojn por la venonta administrado de la Kosma Forto.

Hodiaŭ: transpasis milon la nombro de veturiloj baritaj de neĝoŝtormo sur japana aŭtovojo

Ĉi-skribaĵo baziĝas sur portugallingva artikolo. Gramatike komentu ion pri ĝi, mi petas.

En la japana nordo hodiaŭ (vendrede, la 18-an) minimume mil aŭtomobiloj restis senmova pro blokado de iu aŭtovojo de la gubernio Niigata, kaŭzita de neĝamaso. La tieaj aŭtoritatoj fermis la enirojn al tiu aŭtovojo por eviti pli da veturantoj blokitaj sur ĝi.

Kun malmulte da manĝaĵo kaj akvo la stiristoj ricevis nutraĵojn, litokovrilojn kaj brulaĵojn, por daŭrigi la motorojn funkciantajn dum persisto de la malfavora situacio. Laŭ la publika TV-dissendanto NHK minimume tri homoj savitaj de fajrobrigadistoj estis enhospitaligitaj pro tiu okazintaĵo.

La japanaj armitaj fortoj agadas en tiu regiono por forigi la neĝon, kiu kovris kelkajn veturilojn per pli ol 80-centimetra tavolo. La veteragentejo antaŭvidas la eblon de pli da neĝoŝtormoj semajnfine sur la tuta okcidenta marbordo de la lando.

Ĉinlando kaj Nepalo interkonsentis pri la alto de Everesto

Ĉi-skribaĵo baziĝas sur portugallingva artikolo. Gramatike komentu ion pri ĝi, mi petas.

Por Nepalo la alteco de Everesto konsistis el 8.848 metroj super la marnivelo, laŭ mezuro taksita en la jaro 1954-a, kaj por Ĉinlando tiu monto estis 8.844,43 metroj alta, laŭ mezuro de 2005. Tiu malkonsento finiĝis je la 8-a ĉi monate. “La alteco de la Monto Everesto estas 8.848,86 metroj”, anoncis la ĉina ministro pri eksterrilatoj Wang Yi, pere de vidkonferenco, kun partopreno de lia kolego, la nepala ministro Pradeep Gyawali.

La nova alteco estis interkonsentita post laborado en la lastaj du jaroj fare de termezuristoj de ambaŭ landoj, sendepende, ĉe iliaj koncernaj flankoj de la monto. Oni solvis ankaŭ debatitan dubon, ĉu la alteco de Everesto ŝanĝis post tertremo okazinta tiu regiono en la jaro 2015-a. Everesto, ankaŭ nomata Ĉomolungmo kaj Sagarmato restas kiel la plej alta monto en la mondo, situanta en la montaro Himalajo sur la limo inter Nepalo kaj Tibeto. La dua plej alta estas la Monto Ĉogorio (K2), kiu kun alteco de 8.611 metroj estas la plej alta punkto de Pakistano.

Bonvenon!

Klarigo: Ĉi tiu retejo tute ne celas aperigi legindaĵojn, sed servi al tiuj komencintoj kiuj volas ĉi tie sin ekzerci en skribado, kaj instigi tiujn spertulojn kiuj volas gramatike reagi al la afiŝitaj skribaĵoj fare de la komencintoj.

Unue petu invitilon (Komencintoj)

Se vi delonge ne afiŝas, aŭ unuafoje afiŝos, mesaĝu al mia retpoŝtadreso [votuporangano@gmail.com] skribante nur la titolon “Peto de invitilo”.

Redaktu kaj afiŝu (Komencintoj)

Skribu en Esperanto, sed ne pri Esperanto. Ĉiu skribaĵo afiŝita malaperos post monato.

Se vi jam akceptis la petitan inviton, redaktu kaj afiŝu novan skribaĵon.

Gramatike komentu (Spertuloj)

Por gramatike komenti la afiŝojn, registriĝo ne estas postulata en ĉi tiu retejo.