Ruslando malfermis la plej grandan tegmentatan amuzparkon en Eŭropo

Troviĝanta sude de Moskvo, la rusa regurbo, la tiel nomata “Reva Insulo” estas nova amuzparko malfermita lastsabate (la 29-an pasintmonate), kies konstruado sur spaco da 300 mil m2 postulis investon de 1,5 miliardoj da usonaj dolaroj, fare de la privata firmao “Ostrov Dreams”, kadre de la projeto pri urba revivigo kunordigata de la registaro.

En la ceremonia malfermo Amiran Mutsoev, kiu estas la posedanto kaj direktoro de la parko asertis, ke ĝi estis elpensita omaĝe al la herooj de la lando. Laŭ li la scenaroj de ĝiaj turismaj alogaĵoj estis faritaj de lokaj filmdesegnistoj, scenaristoj kaj artistoj, kiuj elpensis novajn rakontojn por la publiko surbaze de la malnovaj kaj tradiciaj rakontoj de la rusa kulturo.

La parko konsistas el tri zonoj:
Tiu distra parko, kun amuzaĵoj surbaze de fabeloj kaj adaptaĵoj:
Tiu scenaranĝa urbo, kun trajtoj de la urboj Romo, Londono, Barcelono, Beverly Hills kaj Moskvo mem;
Tiu peizaĵarĥitektura parko, kun 44 hektaroj ĉirkaŭante ĉion – tiela eniro estas senpaga.

Ĉu biero por helpi je prevento de dentokarioj?

Jes! Laŭ esplorscienca artikolo aperigita sur la brita “Journal of Biomedicine and Biotechnology”, trinki tage po 1-2 bierojn (specife tia irlanda nome Guinness) povas helpi kontraŭbatali tiajn ne sanajn bakteriojn troviĝantaj en la buŝo.

Per laboratoriaj eksperimentoj esploristoj malkovris, ke biertrinkado malutilis la kreskadon de tiuj bakterioj, kiuj kaŭzas dentokariojn kaj gingivajn malsanojn. Krome antaŭaj esploroj indikis, ke la silicio troviĝanta en la biero ankaŭ povas fortigi la ostojn.

Tamen atentu: biertrinkado ne anstataŭigu dentobrosadon kaj vizitojn al dentokuracisto!

1900 ĈP por festi 90-jariĝon

“Pininfarina”, tiu fama itala studio pri fasonado – ĉefe de multaj modeloj de tiuj aŭtomibiloj Ferrari- festis sian 90-jariĝon prezentante (per filmeto) la superaŭtomobilon nomata “Battista Anniversario”, omage al “Battista ‘Pinin’ Farina”, kiu estis la fondinto de la firmao. La afero okazus kadre de la “Ĝeneva Salono”, tamen ĝi estis nuligita pro tio, ke la svisa registaro nuntempe malpermesas tiajn eventojn kun publiko pli granda ol mil homoj.

Pliaj informoj:
Nur 5 ekzempleroj de tiu “Anniversario” pri “Battista” estos produktitaj, kiuj kostos po 2,6 milionojn da eŭroj. Por la ordinara “Battista”, kiu estis prezentita en la pasintjara “Ĝeneva Salono”, estis planata 150 unuoj.
La farbado estos manfarata, postulante semajnojn por finpretiĝo.
La maksima rapido trafas 350 km/h, danke al la agado de elektraj motoroj troviĝantaj en la 4 radoj, po unu. Entute ili povumas je 1900 ĈP (ĉevalpovoj) kaj 234,5 kgfm pri tordomomanto.
La akceliĝo 0-100 km/h efektiviĝas je malpli ol du sekundoj – tiurilate ĝi superas tiujn F1-aŭtojn.
Ĝi moviĝas tra pli ol 500 km per plena ŝargo de sia pilaro, kiu estas 120-kilovathora (kWh).
La produktado komencos ĉi-jarfine en Itallando.