Espero – tiuj resaniĝintoj pri KOVIM-19 nepras je mildigo de la tutmonda malfavora situacio

Tiuj 80% infektitoj de la viruso SARS-CoV-2 milde spertas la malsanon nome KOVIM-19, kiu estas kaŭzita de ĝi. Resaniĝinte ili estas akirintaj sufiĉan nivelon pri imuneco, kaj pro tio ili iĝas onia granda espero por savi la ekonomion, kuracadi la malsanulojn kaj progresigi la sciencesplorojn.

La brita registaro eĉ pripensas estigi identigan dokumenton por tiuj resaniĝintaj je tiu malsano, iu tipo de pasporto por ke ili povos libere cirkuladi dun kvarantenoj.

Repreni laborpostenojn, senriske pritrakti malsanulojn kaj donaci plasmon por kuracadoj estas ebloj koncernantaj tiujn resaniĝintojn – tio esperigas onin kadre de ĉi tiu nuna tutmonda krizo. Tiurilate oni nepre kapablu amasege testi la homojn kun garantio de fidindaj rezultoj.

Analizo asertas, ke infektaĵeroj ĵetitaj de terno povas trafi 8 metrojn for

La 26-an pasintmonate sur la scienca gazeto pri kuracado JAMA aperis artikolo kun rezonado fare de la profesorino de la usona universitato MIT, nome Lydia Bourouiba, kiu en 2016 gvidis teamon por malkovri la jenon: kioma distanco la eroj ĵetitaj per terno povas trafi?

Laŭ la sciencistino la terno “konsistas ne nur el mukozsalivaj gutetoj, kiuj mallonge malproksimiĝas, sed ĉefe el turbulema plurfaza nubgaso”. Tia nubo eniras la medion kaj ĝiaj ternaj gutetoj povas vojaĝi ĝis 7-8 metrojn. Tio gravas kaj aparte sanlaboristoj riskas tiurilate, kadre de ĉi tiu nuna tutmonda malsano COVID-19.

Fotaro: la ĉiutago en kronvirusa tempo…

Esploristoj antaŭvidas, ke inter 50% kaj 80% de la homa loĝantaro povos infektiĝi per tiu nova kronviruso, laŭ studo aperigita de la gazeto pri kuracado nome “The Lancet”. Tiu brita esploro oni konsideras ĝis nun tian plej ampleksan, kaj laŭ ĝi COVID-19 havas mezuman mortoporcentaĵon da 1,38%, kaj laŭ aĝogrupo ĝi estas: 40-49 jaroj (0,30%), 50-59 (1,30%), 60-69 (4,00%), 70-79 (8,60%), kaj ekde 80 jaroj 13,40%.

La farenda socia izoliĝo estiĝanta nuntempe, celante bremsi la disvastigado de la tutmonda malsano COVID-19, estas ŝanĝanta oniajn kutimojn kaj urbojn tra la mondo. Tiurilare jen kelkaj fotoj.

Bob 112-jariĝis!

La brito Robert Weighton, tia plej maljuna viro en la mondo, 112-jariĝis lastdimanĉe (la 29-an). Pro la nuna tutmonda malsano COVID-19 Bob bezonis nuligi sian naskiĝdatrevenan feston ĉe amikoj kaj familianoj, tamen li ne solas, ĝuinte tiun tagon en la maljunulejo kie li loĝas en la urbo Alton, de la brita regiono Hampŝiro.

Kurioze estas, ke dimanĉe la 29-an ankaŭ 112-jariĝis Joan Hocquard, kiu estas tia plej maljuna virino en Unuiĝinta Reĝlando.

Ĝis nun Bob vidis tri britajn reĝojn, 22 ĉefministrojn de Unuiĝinta Reĝlando kaj 21 usonajn ŝtatprezidantojn, krom tri londonajn olimpikludojn, du mondmilitojn, kaj postvivis al tutmondaj malsanoj kiel hispana gripo, ĥolero kaj variolo.

“La sekreto por longe vivi? Nepre evitu la morton”, tion li ŝerce diras.

Tiu nova kronviruso ege antaŭenigos la uzadon de robotoj

La kontraŭbatalado de la nova kronviruso vidigas al la scientistoj, ke la rolado de robotoj neniam estos tiu sama, post la fino de tiu tutmonda malsano: ĝi utilos kvazaŭ katalizanta elemento al plilarĝa uzado de inteligentaj maŝinoj, kiuj plenumos tiajn taskojn enuigajn, malpurigajn kaj danĝerajn.

Tiu temo estas la ĉefa artikolo de la nova retgazeto nome “Science Robotics”, aperinta pasintsemajne. Laŭ klarigo de Henrik Christensen, kiu estas direktoro ĉe “Contextual Robotics Institute”, kiu estas ligata al la usona Universitato de Kalifornio en San-Diego, la robotoj estos fundamentaj je la malinfektadaj servoj, je la tuta baza strukturo por kolektado kaj pritraktado de la malsanuleja rubaĵo, je la kontrolado de kvarantenoj. Ilia uzado por kuracadi je distanco vigle kreskos.

La esploristoj asertas, ke senkomparas la efiko de la robotoj je la tasko malinfekti surfacojn trafitaj de la viruso. “Oni jam rimarkas robotojn purigante infektatajn lokojn, mezurante indikaĵojn pri parametroj de vivuloj, kontrolante la landlimojn kaj liverante nutraĵojn kaj kuracilojn. La oportunoj grandegas. Novaj generacioj de grandaj, mezaj kaj etaj robotoj povos esti uzataj sen risko je disvastigo de la malsano”, tion ili skribis.

Virino provis butikumi ene de plasta veziko – ĉu troaĵo?

Ĉe Unuiĝinta Reĝlando oni spertas devigan kvarantenon pro la disvastigado de tiu nova tutmonda malsano kaŭzita de nova kronviruso, kaj multaj homoj sin kondutas per kroma singardemo por foriri hejmen.

En la urbo Kent estis virino, kiu bezonante aĉeti varojn, decidis eliri hejmen ene de ruliĝanta plasta veziko, celante la vendejon. Tie la aliaj aĉetantoj miris tiurilate, dume viro sekvis ŝin kolektante en kesto ŝiajn elektaĵojn.

Post kelkaj minutoj tiea laboristo petis, ke la virino foriru el la vendejo, kaj korpogardisto eskortis ŝin eksteren. Jen koncerna filmeto tie.

Reage al la nuna tutmonda malsano MIT reprenis la disvolvon de malmultekosta spirigilo

La malmultekosta spirigilo nome “E-Vent” estas disvolvata por helpi je kuracado de COVID-19, kiu estas malsano kaŭzita de tiu nova kronviruso. La provtipo, elpensita de la mondkonata universitato MIT (angla mallongigo pri “Massachusetts Institute of Technology”), kostas 100 usonajn dolarojn, kontraŭ 25-50 mil usonaj dolaroj pri tiaj tradiciaj spirigiloj, laŭ enketo fare de la gazeto “The Washington Post”. Pro tio, ke ĝia fasonado koncernas nalferman kodon, ĝi ne havos registritan patenton, ebligante al iu ajn ĝin produkti sen bezono pagi ion al la disvolvinto.

Tiu projekto aperis antaŭ dek jaroj celante utili je lokoj sen malsanuleja baza strukturo, tamen tiam ĝi ne progresis. La aprobon de tiu “E-Vent” urĝomaniere petis MIT al FDA (angla mallongigo pri “Food and Drug Administration”), kiu estas la usona administrado prizorganta la protektadon kaj helpadon al la publika sano.