Virino simulis gestolingvan interpretadon

La 28-an de novembro gazetara intervjuo okazinta en Usono allogis atenton. Tiam la polico de subŝtato Florido estis koniganta serion da mortigoj en la urbo Tampo, kiam iu virino sin starigis apud la proparolanto kaj ektrakukis la eventon pere de la gestolingvo por surduloj. Tamen la policistoj poste konstatis, ke ŝi ne estis kontraktita por fari tion, kaj ŝia ludado ja ne kongruis al gestolingvo.

Tiu virino estis identigita kiel Derlyn Roberts, ŝi simple alvenis en la lokon kie la evento estis okazanta, kaj nenio dirante ŝi ekgestadis. Sed surduloj kaj mutuloj kiuj televide spektis tiun scenigadon rimarkis, ke la gestoj faritaj de ŝi estis falsaj kaj ili signifis nenion.

Oni ne scias kial Roberts faris tian falsan tradukadon. Laŭ la usona gazetaro ŝi jam diversfoje estis arestita pro trompo. La polico estis supozinta, ke la virino estus ies subkontraktita tradukisto, sed ne rekte de la polico.

Jen rilata filmeto: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

Advertisements

La arto pri napola pico iĝas homara heredaĵo

Napolo (Itallando) estas la origina loko de la pico. Ĵaŭde la 7-an de decembro la arto de la napolanoj pri picofarado – kiu famigis tutmonde tiun spcialaĵon de la itala kuirarto – estis enlistigita kiel “Nemateria kultura heredaĵo” de UNESKO (Unuiĝint-Naciara Edukada, Scienca kaj Kultura Organizo).

Tutmonde du milionoj da homoj aliĝis al petskribo kiu subtenis la kandidatiĝon de tiu metio, kiu nuntempe estas praktikata en Napolo de preskaŭ tri mil picokuiristoj.

Tiu estas kuirarta kompetenteco komencinta en la 16-a jarcento, miksiĝanta kantojn, ridetojn, teĥnikojn, krom la okulfrapa manipulado de la pastaĵoj.

Decidis la aferon iu interregistara komitato kunvenanta ĉi-semajne en la insulo Jeju de Sudkorelando. Entute estas 34 kanditatiĝoj al la listo, kiu enhavas 365 tradiciojn enlistigatajn. Tiu listo de UNESKO pri nemateria kultura heredaĵo estis kreita en 2003 kaj ĝi celas tradiciojn, kutimojn, morojn kaj metiojn transdonatajn de generacio al generacio.


Ĉi tiu teksto estas adaptaĵo fare de Paulo Cesar Pires el portugallingva artikolo.

Laŭ vilaĝanoj fumo el fabriko de Viagro favoras erektiĝemon

De dudek jaroj la vilaĝeto Ringaskiddy – ĉe sudokcidenta marbordo de Irlando – gastigas la fabrikon de piloloj de sildenafilo-citrato, kiuj estas pli konataj sub la nomo “viagro”, kaj laŭ ĝiaj loĝantoj speciala etoso ĉirkaŭvolvas la fabrikon de la apoteka firmao “Pfizer”, kies fumo supoze havas la kapablon kaŭzi erektiĝojn.

Al la gazeto “The Times” la loĝantaro asertas, ke ili longjare estas trafataj de la tiel nomata “amfumo”, kaj laŭ Debbie O’Grady tio estas alloganta novajn loĝantojn al la vilaĝo.

Tiu urbeto estas konata pro ĝia “nekredebla seksema vivo”. Sadie, 60-jaraĝa frizisto, sin deklaras kiel flirtema virino, kaj ŝi diras neniam restis sola tie. Laŭ Fiona Toomey (37-jaraĝa), tie eĉ la hundoj vagadas per stato de seksa ekscito, sed ŝi kredas, ke anstataŭ fumo la kialo estas la akvo trinkata en la vilaĝo.

La proparolanto de la firmao klarigis, ke la kredo pri “viagro estas en aero” vere temas nur pri amuziga klaĉo, eĉ se la loĝantoj kontraŭas al lia aserto.


Ĉi tiu teksto estas adaptaĵo fare de Paulo Cesar Pires el portugallingva artikolo.

Kodumuloj ŝtelis USD 70 milionojn da bitmonoj

Per informadika atako al la slovena firmao NiceHash – kiu mastrumas fakan platformon pri servoj je virtualaj valutoj – nekonataj kodumuloj ŝtelis pli ol 4.700 bitmonojn, kiu egalas al ĉirkaŭ 70 milionoj da usonaj dolaroj.

Laŭ informo fare de la gazeto “Delo” (ĵaŭde la 7-an de decembro en Ljubljano), la firmao NiceHash fermis aliradon al sia platformo post rimarki matene de tiu tago, ke kodumuloj ĝiris la bitmonojn el ĝia virtuala monujo al alia retloko.

Pro tio, ke tiu mono ne havas ajnan respondecan organizon, la ŝtelita firmao agnoskis la malaperintan sumon kiel perdo, kaj rekomendis al siaj klientoj nepra ŝanĝo de iliaj pasvortoj antaŭ uzi la platformon. Krome ĝi denoncis la okazintaĵon al la koncernaj aŭtoritatoj, kaj promesis plibonigi la sekurnivelojn.

En la lastaj tagoj bitmono spertas sinsekvajn kurzaltiĝojn, kaj ĝia unuo jam alproksimiĝas al po 15 mil usonaj dolaroj.


Ĉi tiu teksto estas adaptaĵo fare de Paulo Cesar Pires el portugallingva artikolo.

La lando de la ŝvitbanejoj deklaris sian sendependecon antaŭ 100 jaroj

Finnlando deklaris sin sendependa la 6-an de decembro 1917, post la oktobra revolucio en Ruslando, kaj ricevis sendependecon per dekreto de bolŝevika registaro. Ĝis 1809 la lando estis parto de Svedlando, ekde tiam ĝis 1917 ĝi apartenis al la rusa imperio, kiel memrega grandprinclando.

En tiu lando tradicia nacia manio estas: saŭnado.

Saŭno estas ŝvitbanejo laŭ finna maniero, kie troviĝas forno kun varmega ŝtonaro, sur kiun la verŝata akvo nebule vaporiĝas. En Finnlando la ŝvitbanejoj troviĝas eĉ en la laborejoj. Kun loĝantaro de 5,5 milionoj da homoj la lando havas ĉirkaŭ 2 milionojn da saŭnoj, 60% en domoj, la restaĵo en hoteloj, naĝejoj, ripozdomoj.

La finnaj ripozdomaj saŭnoj troviĝas ĉe bordo de lagoj, estas apartaj dometoj hejtitaj per betula ligno, kaj la urbaj per elektra kurento. La urba saŭno estas loketo en banejo, kovrita interne per ligna murkovraĵo.


Ĉi tiu teksto estas adaptaĵo fare de Paulo Cesar Pires el portugallingva artikolo.

La nova plej bela knabino

Post la kreskiĝo de la franca manekeno Thylane Blondeau, kiu nuntempe estas 16-jaraĝa, ŝajne la nova plej bela knabino de la mondo estiĝis: la 6-jaraĝa rusino Anna Knyazeva.

Thylane faris historion kiel la plej juna manekeno, kiu pozis al la moda revuo Vogue, kiam ŝi estis nur 10-jaraĝa.  Nun la junulino progresas kiel manekeno.

Anna, kvazaŭ bela pupeto, jam brile ludis kiel manekeno je reklamaj kampanjoj en sia naskiĝlando kaj aliande tra Eŭropo.

Nuntempe tiu “elekto” de Anna venas el sia famiĝo ĉe la socia retejo Instagramo, kie ŝia konto kalkulas je pli ol 530 mil sekvantoj. La konto estas kontrolata de ŝia patrino, kaj ĝi estas plena je fotoj pri tiu knabineto kun glata, kaŝtankolora longhararo, franĝo kaj bluokuloj. [ LIGILO ]


Ĉi tiu teksto estas adaptaĵo fare de Paulo Cesar Pires el portugallingva artikolo.

Ĉe flughaveno, 200 vivantaj blatoj estis trovitaj en valizo de ĉina paro

 

Laŭ la ĉina gazeto “Beijing Youth Daily”, je la 25-a de novembro en la internacia flughaveno de Baiyun de la urbo Kantono (Ĉinlando) la agentoj de doganejo surpriziĝis antaŭ valizo ĉar ĝi estis enhavanta 200 vivantajn blatojn.

La oficistoj rimarkis strangan movadon ĉe la valizon de maljuna paro, dum bildigo de ĝia interno per la iksoradia aparato.

Demandite pri la kialo, ke ili estis alportanta blatojn, la edzo asertis, ke tiuj insektoj estus miksitaj kun ŝmiraĵo por apliki sur la haŭto de lia edzino. Laŭ iu oficistino, temas pri antikva populara kuracilo.

Ĉar la ĉina aertransporta regularo ne permesas alportadon de vivantaj bestoj per manportebla valizo, la maljunuloj decidis lasi la blatojn ĉe zorgado de la oficistoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Eŭropa urbo eldomigos centon da milionuloj

Pasintsemajne la svisa urbo Zuriko aprobis leĝon kun nova regularo al sia programo pri sociaj loĝejoj, celante eviti ties misuzon kaj la ekskluzivon de kelkaj profitantoj, kiuj nuntempe ne bezonas tiun subvencion, ĉar ili enspezas pli da mono ol la mezuma enspezo de la loĝantaro. Eĉ oni konstatis, ke 132 milionuloj estis loĝantaj en tiaj sociaj domoj en la jaro 2014, kiam la urbodomo proponis la ĵus aprobita leĝo, kaj nun ili estos eldomigitaj.

Laŭ la nova regularo la “socia luanto” ne povas gajni pli ol kvaroblon de la luprezo, kaj se dum la loĝado la salajro de la profitanto plialtiĝos al sesoblo de luprezo, tiam la registaro povos ordoni lian transloĝiĝon. La loĝejo devas esti la ununura de la familio, kaj ĉiu-dujare la kontrakto estos reviziita por kontroli la enspezon de la loĝanto. Antaŭe ne ezkzistis en la leĝo de tiu programo limon koncerne al enspezo de la profitanto. La novaj reguloj ekvalidos en 2018.

Laŭ la aŭtoritatoj nuntempe 19% de la profitantoj ne kongruas al la nova regularo, kaj la registaro helpos ilin je ties transloĝiĝo dum la venontaj kvin jaroj.

Krom la konstruado de sociaj loĝejoj fare de la loka registaro, ekde 2011 ĉiuj privataj projektoj pri konstruado de domaro nepre rezervu trionon de la loĝejoj al tia socia programo. Luprezoj de sociaj loĝejoj en Zuriko estas inter 623 kaj 2,2 mil svisaj frankoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Surbrusta tatuaĵo de senkonscia viro hezitigis kuracistojn

Jen okazintaĵo raportita je la 30-a de novembro, de la scienca periodaĵo “The New England Journal of Medicine”.

70-jaraĝa viro, sukermalsana, kun historio pri pulmaj kaj koraj malsanoj, alvenis en malsanulejon senkonscia, havante sur sia brusto tatuaĵon kun jena skribaĵo: “Do not resuscitate” (Ne revivigu).

La kuracistoj de “Jackson Memorial Hospital ” prizorgis la spiradon de la viro kaj sendis la aferon al etika konsilantaro, kiu rekomendis la obeon al la “peto” sur lia haŭto. Dokumento kun informoj pri la okazintaĵo estis pretigita al departamento pri sano de la subŝtato Florido, kaj vespere de tiu sama tago la viro mortis sen interveno de la kuracistoj.

Intervjue al la gazeto “The Washington Post” la kuracisto kaj ĉefa verkisto de la artikolo Gregory Holt asertis, ke tiu viro estis loĝanta ĉe maljunulejo, sed li estis trovita ebria surstrate. Li havis nek identigilon, nek familion kaj amikojn, kiuj povus doni al ni pli da informoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Aviadilo faris krizan alteriĝon pro nomo de sendrata reto

Ĵaŭde, la 30-an de novembro, iu aviadilo de la flugkompanio “Turkish Airlines” decidis fari krizan alteriĝon pro tio, ke la timiga nomo “enaviadiligita bombo” estis donita al iu sendrata reto kreita de nekonata pasaĝero.

Post rimarki la ekziston de tiu reto, la teamo de tiu aerflugo, kiu estis veturanta de Najrobo (Kenjo) al Istanbulo (Turklando) decidis fari paŭzon en la flughaveno de Ĥartumo (Sudano), kie la aviadilo estis esplorita kaj aprobita por daŭrigi la veturadon.

Turkish Airlines, per komunikaĵo al la gazetaro asertis, ke “laŭ fakuloj tiu sendrata reto estis kreita enaviadile. Oni ne trovis malkonformiĝojn dum la sekureca inspektado efektivigita, kaj la pasaĝeroj estis revenigitaj al la aviadilo”.

La flugfirmao ne informis, se la aŭtoritatoj malkovris la kreinton de tiu sendrata reto, kiu timigis la skipon.


Ĉi tiu teksto estas adaptaĵo fare de Paulo Cesar Pires el portugallingva artikolo.