Svedlando timas, ke forlaso de papera mono estas efektiviĝanta tro rapide

La retpagsistemoj forte anstataŭigas la uzadon de monbiletoj kaj moneroj en Svedlando, kaj multobliĝas en la vendejoj de tiu lando afiŝoj kun tiaj avertoj: “Ni ne akceptas papermonon”.

Tamen la rapida irado de tiu tendenco maltrankviligas la aŭtoritatojn, kaj kadre de okazanta ampla analizo de la leĝaro koncerne al la centra banko oni pritaksas tian apartan situacion, kies konkludoj aperos per antaŭraporto atendata venontsomere.

“Pro tiu malapero de papera mono efektiviĝanta tro vigle, povos okazi malfacilaĵoj je tenado de la infrastrukturo rilatanta al monbileto”, tion asertis la parlamenta estro Mats Dillen.

Svedlando estas de multoj konsiderata kiel la komunumo kies uzo de papera mono estas tutmonde la malplej intensa. Tie la plimulto el la bankagentejoj ne plu funkcias per papera mono, samkiel multaj vendejoj, muzeoj kaj restoracioj. Tamen tiurilate malutilo ankaŭ estas, ke multaj homoj – aparte tiaj maljunaj – staras ekster la cifereca socio.


Ĉi tiu teksto estas adaptaĵo fare de Paulo Cesar Pires el portugallingva artikolo.

Speciala vestaĵo igas senhejmajn hundojn en gardistoj

En Tajlando iu propagandagentejo disvolvis specialan vestaĵon, kiu povas igi hundojn sen mastroj en gardistoj sur la stratoj de Bankoko. Laŭ takso nuntempe ekzistas ok milionoj da tiaj hundoj en la lando, kaj 10% el ili estas en la regurbo.

Tian vestaĵon elpensis Pakornkrit Khantaprab, kiu estas teamano de la propagandagentejo Cheil Thailand. “La inspiro venis el la raportitaj novaĵoj kiuj oni spektadas en Tajlando kaj preskaŭ ĉie, pri torturo de senhejmaj hundoj”, tion li diris.

Enhavanta kaŝitajn filmilojn, tiu vestaĵo elsendas realtempe al poŝtelefono aŭ komputilo la filmetojn, kiuj montras tion, kion la hundo vidas. La filmilo ekfilmas pro la hunda bojado. Tio utilas, ĉar hundoj jam pruvis esti lertaj je perceptado de supozaj ŝtelistoj kaj serpentoj, ekzemple.

La firmao kredas, ke tiu sistemo utilos kaj al hundoj kaj al komunumoj, kaj planas surmerkatigi ĝin. Jen koncerna filmeto: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

Gluita surhaŭte, ia treege maldika ekrano ebligas legadon de vivparametroj

Takao Someya estas esploristo en la Tokio-Universitato, kaj li inventis ilon, kiu povos revolucii la kontroladon de pacientoj en malsanulejoj. Anstataŭ tiaj tradiciaj, grandaj kaj pezaj aparatoj, tiu nova inventaĵo gluita sur la haŭto de malsanulo, prezentas ties informojn pri vivparametroj. Kaj per sendrata konekto la informoj povas esti sendataj realtempe interrete.

Laŭ la kreinto, tiu nova ilo ankaŭ utilas je hejmzorgado de maljunuloj, kiuj certe spertas pli da malfacileco je uzado de la nunaj aparatoj. La fleksebla LED-ekrano estas nur 1 milimetro dika, kaj enhavas sentilojn kaplabantajn mezuri temperaturon, sangopremon kaj muskolajn elektrosignojn. Krome, ĝi produktas kvazaŭan elektrokorregistraĵon.

La treege maldika LED-ekrano estis publike prezentita lastsemajnfine en Aŭstino (Teksao – Usono) kadre de la jara evento de Usona Asocio por Scienca Antaŭenigo, angla mallongigo AAAS. Oni taksas, ke la surmerkatigo de tiu novigo okazos post tri jaroj.


Ĉi tiu teksto estas adaptaĵo fare de Paulo Cesar Pires el portugallingva artikolo.

“Nigra Leopardo” fierigas kaj entuziasmigas la afrikanojn

De Kenjo al Niĝerio, la unua prezento de la filmo “Black Panther” (Nigra Leopardo) okazinta pasintsemajne estas instiganta entuziasmon ĉe la afrikaj spektantoj, kaj la senton, ke Holivudo finfine plenumis malplenaĵon.

“Nigra Leopardo” estas ne nur la unua afrika heroo de la korporacio Marvel kun sia propra filmo, sed ĝi estas espero, kadre de la holivuda kino, al fina ŝanĝo koncerne al reprezentado de la afrikanoj ekster la temaro malriĉeco.

Tiu unua filmo kun nigra superheroo superis ĉiujn prognozojn kaj ĝi jam firme staras unuarange pri enspezo en Usono, laŭ informoj konigitaj ĉi-dimanĉe (18) de la faka firmao “Exhibitor Relations”.

Reklamfilmeto: LIGILO


Ĉi tiu teksto estas adaptaĵo fare de Paulo Cesar Pires el portugallingva artikolo.

Por antaŭenigo de adopto, katoj estas ekspoziciitaj sur vitra plafono

Ĉi-monate je la tagoj 15-a ĝis 19-a okazas en Nov-Jorko (Usono) evento, kies celo estas instigi la adopton de katoj. Temas pri foiro de tiuj bestoj, kies ekspoziciado efektiviĝas ĉe vitra galerio, ebligante interesajn rigardadon kaj fotadon el nekutimaj anguloj.

La evento estas apogata de influaj sociretuloj kiel Hannah Shaw, BriAnne Wills kaj Nala Cat, kaj ankaŭ partoprenas kiel organizanto la usona organizaĵo pri bestaj rajtoj “The Humane Society Of New York”, fondinta en la jaro 1904-a.

Oni povas libere fotafiŝi la katojn, kaj la eniro tie estas senpaga.

(gatos NY 2)


Ĉi tiu teksto estas adaptaĵo fare de Paulo Cesar Pires el portugallingva artikolo.

Aperis la oficiala reklamfilmeto pri “La Nekredebluloj 2”

Merkrede, la 14-an de la 2-a monato, la produktata filmo “La Nekredebluloj 2” gajnis kompletan reklamfilmeton – ĝis tiam nur scivolecaĵon estis diskonigita. Temas pri daŭrigo de la desegnofilmo unue aperinta en 2004, kaj gajninta Oskarpremiojn en la sekva jaro.

La propagandfilmeto prezentas la hejmmastrumanton Bob, la S-ro Nekredebla. La rakonto de tiu nova filmo komencos tuje al la okazintaĵoj de la unua filmo. En tiu familio, la patro prizorgos la infanojn hejme, dum la patrino savos la mondon.

Reĝisoras tiun desegnofilmon Brad Bird, tiu sama de la originala longa filmo, kaj ĝia unua apero okazos la venontan 6-an monaton 2018, je la tagoj 15-a Usone kaj 28-a Brazile.

Por spekti la reklamfilmeton jen LIGILO.


Ĉi tiu teksto estas adaptaĵo fare de Paulo Cesar Pires el portugallingva artikolo.

Sviso konstruis miniaturon de la kamiono “Scania R 500 Topline”

La sviso nomata Hugo Markes, koncerne al pasio pri miniaturoj, certe antaŭenigis tion al nova nivelo. Pri la kamiono “Scania R 500 Topline” li konstruis etan version , kiu estas 800 kg peza kaj 7 metroj longa (kun inkluzivo de la postveturilo). Krome ĝi estas regebla per teleregilo. [FILMETO]

Tiu minuaturo estas en skalo 1/2.3, kaj tio signifas, ke ĝi estas malpli granda ol duono de la kamiono. La skalo estis tiel difinita pro la radoj, kiuj venis el Ĉinlando.

Markes bezonis ĉirkaŭ 4 mil horojn por fari tiun artaĵon kaj elspezi por materialoj proksimume 50 mil eurojn. Nun li decidis vendi ĝin, kaj esperas, ke la enspezo de la vendo atingos minimume 65 mil eurojn.

Li havas vendejon de modelismo proksime de Zuriko, sed ĝi estas faka pri helikopteroj regataj de teleregilo.


Ĉi tiu teksto estas adaptaĵo fare de Paulo Cesar Pires el portugallingva artikolo.

Kanadanino estis minacita post “heredi” bronzmedalon

La kanadanino Kim Boutin havigis al si privatan protektadon post ricevi minacojn ĉe sociaj retejoj. En la vintraj olimpikoj de Pjonĉango (Sud-Korelando) ŝi partoprenis la konkurson pri 500 metroj en la disciplino rapidsketado, kaj poste al ŝi estis aljuĝita la bronzmedalo.

Parto de la sud-korea ŝatantoj minacis Boutin pro tio, ke ŝi sin miksis en la disputo, kiu estigis la malkvalifikon de la sud-koreanino Choi Min-Jeong, kiu estis staranta inter tiaj plejfavorataj al ormedalo.

La sud-koreanino estis plenuminta la 500 metrojn duarange, sed ŝi estis malkvalifikita de la arbitracio kiu kontrolis, ke en la kurado Ming-Jeong iam puŝis Boutin. La ormedalo gajnis la italino Arianna Fontana.

Timanta pro la ricevitaj mortminacoj la kanada konkursanto forigis siajn kontojn ĉe sociaj retejoj. Internacia Olimpika Komitato (IOK) per komunikaĵo petis, ke la publiko respektu la konkursantojn de la ludoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

La rusa ŝarĝa kosmoŝipo “Progress MS-08” survojas al IKS

Direktiĝante al Internacia Kosmostacio (IKS), la rusa ŝarĝa kosmoŝipo “Progress MS-08” estis ĵetita de iu Soyuz-raketo ĉi-marde, la 13-an de la 2-a monato, post antaŭa fiaskinta provo lastdimanĉe, en kosmodromo apud la urbo Bajkonur, Kazaĥlando. [FILMETO]

 Tiu kosmoŝhipo alportas ekipaĵojn, brulaĵojn kaj nutraĵojn al la kosmoŝipanoj de IKS, kaj oni antaŭvidas, ke ĝi kuniĝos al la orbitanta platformo morgaŭ (ĵaŭde, la 15-an), kaj restos tie ĝis la 8-a monato 2018.

Nuntempe IKS estas loĝata de ses kosmoŝipanoj: la usonanoj Scott Tingle, Mark Vande Hei kaj Joseph Acaba; la rusoj Anton Shkaplerov kaj Aleksandr Misurkin, kaj la japano Norishige Kanai.

Internacia Kosmostacio estas USD-150-miliarda projekto, en kiu partoprenas 16 landoj, ĝi integriĝas per 14 daŭraj moduloj kaj ĝi orbitas per rapido je pli ol 27 mil km/hore kun malproksimo da 400 kilometroj de la Tero.


Ĉi tiu teksto estas adaptaĵo fare de Paulo Cesar Pires el portugallingva artikolo.

Stelulo de “Shazam!” muskole plidikiĝis je 10 kilogramoj pro tiu rolo

La 37-jaraĝa usona aktoro Zachary Levi parolante al la retejo “Collider” pri lia korpa ekzercado cele al rolado kiel heroo en “Shazam!” – la venonta filmo de la kinkompanio Warner/DC – asertis la jenon: “Mi gimnastikas semajne po 5 aŭ 6 tagoj… Tage ĉirkaŭ po unu horo kaj kvarono. Kiam mi duobligas tiun tagan tempodaŭron, tiam mi rajtas ferii je la sekva tago”.

Krome li klarigis: “Mi estas 100 kilogramoj peza nun. Ĉiame mi estis 90-kilogrampeza. Mi gajnis 10 kilogramojn da muskoloj post tempodaŭro da ĉirkaŭ monato aŭ monato kaj duono”.

La filmo “Shazam!” estos reĝisorata de David F. Sanbderg (37-jaraĝa svedo), kun Asher Angel (15-jaraĝa usonano), kiu rolos kiel Billy Batson – knabo, kiu post akiri la povaron de iu mago (Ron Cephas Jones, 61-jaraĝa usonano) li sukcesis, dirante ian magian vorton, iĝi la pova heroo Levi. Mark Strong (54-jaraĝa brita) rolos kiel la malbonulo D-ro Sivana.

La 15-a tago de la 4-a monato 2019 estas la difinita dato por unua apero de la filmo “Shazam!” en la kinejoj.


Ĉi tiu teksto estas adaptaĵo fare de Paulo Cesar Pires el portugallingva artikolo.