Kazaĥlando anstataŭigos sian alfabeton

Lastvendrede (la 27-an de oktobro) la kazaĥa ŝtatprezidanto Nursultan Nazarbaiev dekretis, ke la latina alfabeto anstataŭigu la cirilan antaŭ la fino de la jaro 2025-a, celante, laŭ li, la modernigon de tiu azia lando.

Laŭ la dekreto, Kazaĥlando uzos 32-literan latinan alfabeton, kaj post tiu reformo la lando oficiale nomiĝos “Qazaqstan”. Nuntempe tie oni parolas nordokcidentan tjurkan lingvon – la kazaĥan lingvon – kies alfabeto estas 42-litera, kaj ĝi estas modifita versio de la cirila alfabeto.

En la epoko de Sovet-Unio, Kazaĥlando jam uzis la latinan alfabeton ĝis la jaro 1940, kaj ekde tiam ĝi adoptis la cirilan alfabeton de sia rusa najbaro kaj partnero. La rusa lingvo ankaŭ estas oficiala en tiu lando, kaj Nursultan Nazarbaiev ofte faras siajn paroladojn per ĝi.

Multaj kazaĥoj malkontentiĝis pro tiu anonco, kaj la aŭtoritaoj asertis, ke tiu reformo helpos plirapidigi la disvolvadon de la loka ekonomio.


Ĉi tiu teksto estas adaptaĵo fare de Paulo Cesar Pires el portugallingva artikolo.

Advertisements

Publikita de

Paulo Cesar Pires

https://esperanto.blog