Jen koko granda kiel infano

La plej granda koko tutmonde nomiĝas “Voodoo”, kaj vivas en la urbo “Jaguariúna” (subŝtato “São Paulo” en Brazilo). Ĝia alto estas 1,26 metroj kaj ĝi estas nevo de besto, kiu posedis tiun titolon pasintjare. Ili apartenas al la brazila raso “Índio Gigante” (Grandega Praloĝanto).

Voodoo estas juna, ankoraŭ ne reproduktkapabla koko, laŭ informis Haroldo Poliselli, kiu estas kunkomercanto ĉe la bredejo “Diamante Índio Gigante”, kie loĝas la besto. Kurioze tiu bredejo posedas ankaŭ la plej grandan kokinon de la mondo, nomata “Mamba da Diamante”, kies alteco estas 1,09 metroj.

Tiu, kiu akiras tian grandan beston havas celon ĉu ornaman, ĉu ekonomian (plibonigi la gregon per kunmiksado).


Ĉi tiu teksto estas adaptaĵo fare de Paulo Cesar Pires el portugallingva artikolo.

Advertisements

Publikita de

Paulo Cesar Pires

https://esperanto.blog