Libro de rekordoj – jen 44-centimetra katvosto

La kato nomata “Cygnus” loĝas en la urbo “Ferndale”, de la subŝtato Miŝigano (Usono), kie ĝi famas, kaj de nun tiu famo plialtiĝos, ĉar ĝia harkovrita vosto 44,66 centimetroj longa ĵus enlistigis ĝin sur la libro de rekordoj kiel kato kun la plej granda vosto tutmonde.

Ĝi apartenas al la raso “Maine Coon”, kiu estas konsiderata la plej antikva usona longhara raso, kaj la plej granda raso de la mondo. Tiu raso estis oficiale agnoskita kiel devenanta de la subŝtato Majno, kie ĝi famis pro ĝia lerteco je musĉasado kaj rezisto al malvarmego.

Nu, ekde nun “Cygnus” krome elstariĝas pro apero en la 63-a eldono de Guinness-libro de rekordoj, kies lanĉo okazis lastĵaŭde (la 7-an de septembro).


Ĉi tiu teksto estas adaptaĵo fare de Paulo Cesar Pires el portugallingva artikolo.

Advertisements

Publikita de

Paulo Cesar Pires

https://esperanto.blog