Aperas en Nederlando apartaj normoj por posedantoj de danĝeraj hundoj

La propruloj de specioj de hundo taksataj kiel danĝeraj estos devigataj partopreni kurson, kune kun siaj dorlotbestoj, por akiri specialan posedokarton, kadre de regularo estigita de la nederlanda registaro, kiu strebas je malaltigo de seriozaj incidentoj koncerne al tiaj bestoj.

Konsilio pri Bestaj Aferoj (nederlanda mallongigo RDA) kreis liston de hundoj kun “altgrada risko”, kaj nune estas tie enlistigitaj 21 rasoj. Inter ili troviĝas tiuj: usona buldogo, argentina dogo, kanaria dogo, akita-hundo, usona pitbulo, hispana dogo kaj angla kort-hundo.

Laŭ la reguloj, ekzemple, ĉe publikaj lokoj oni nepre surmetu muzelingon al hundo kiu apartenas al la rasoj de la listo, kaj okaze de ties unua atako, ĝi estos mortigita tuj poste.

Krome RDA rekomendis al registaro, estigon de centra administrejo pri hundmordo, kies celo estus ricevi anonimajn denuncojn fare de la polico kaj civitanoj, koncerne al danĝeraj situacioj, seriozaj atakoj kaj eĉ negravaj okazaĵoj ĉe la posedantoj de la bestoj.

Pasintjare la multnombro da seriozaj hundatakoj en Nederlando pravigis esploron gvidata de la sekretario pri ekonomiko Martijn van Dam, kiu agnoskas tamen, ke la rezulto de tiu esploro ne konsideris la eblecon de atakoj okazigitaj de bestoj instigitaj aŭ malbone traktitaj. Tiurilate la ministerio pri sekureco planas pli rigoraj normoj ankaŭ por tiuj kiuj instigus la hundojn por ataki homojn kaj aliajn bestojn.

La nederlanda leĝaro pri bestoj elstariĝas tutmonde, kaj la lando estas oficiale la unua, kie ne plu ekzistas senhejmaj hundoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Advertisements

Publikita de

Paulo Cesar Pires

https://esperanto.blog