Manato 69-jariĝis kaj mortis

Snooty, kiu estis tutmonde la plej aĝa manato en kaptiveco, mortis dimanĉe, la 23-an de julio. Tiu mamulo travivis en la urbo Bradenton (Florido – Usono) ĉe “South Florida Museum”, kiu bedaŭris ĝian morton. Sabate, la 22-a, en tiu loko okazis evento por festi la 69-jariĝon de la besto.

“South Florida Museum per profunda malĝojo informas la morton de nia amata Snooty. Temas pri akcidenta morto, kaj la koncernaj cirkonstancoj estas enketataj. Ni scias, ke nia komunumo kaj la tutmondaj ŝatantoj de Snooty same suferas de tiu doloro. Ni informos pri la funebro” – jen la komunikaĵo fare de la muzeo ĉe la sociaj retejoj.

Laŭ la muzeo Snooty 69-jariĝis je la 20-a de julio. La ĉi-jara eldono de Guinness-libro de rekordoj enlistigis ĝin kiel la plej vivdaŭra manato. Ĝi naskiĝis en kaptiveco kaj estis tute dependa de la homoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Advertisements

Publikita de

Paulo Cesar Pires

https://esperanto.blog