Tro da vortoj je trafiksigno pravigis aŭtostiranton en apelacio kontraŭ monpuno

Usona aŭtostiranto ricevis sciigon pri trafika monpuno pro troa rapideco, kaj li jure apelaciis cele al revizio de la decido, ĉar laŭ li la trafiktabuloj en tiu loko havas multe da vortoj. Jason Canfield transpasis la rapidecan limon (32 kilometroj/hore) je tiu lerneja zono en regiono de la urbo Seatlo, subŝtato Vaŝingtonio (Usono), sed li asertis, ke li konfuziĝis pro tiom da informoj.

Nu, la juĝistino Catherine Moore decidis nuligi la monpunon da 234 usonaj dolaroj. Laŭ ŝi la trafiktabuloj indikas ke la rapidecolimo estas 32 km/h nur “kiam ĉeestas infanoj”, krom tio, ili estas disonancaj rilate al la landa ŝablono pri trafiksignoj. Krome, ŝi opiniis, ke se estus tie ununura trafiktabulo, certe la reago de la aŭtostiranto estus pli tuja.

Tiu ne konsistis la unua jura decido tia en Seatlo. En la jaro 2014-a simila okazintaĵo devigis la urbodomon efektivigi modifojn en trafiktabuloj ĉe kvar malsamaj lokoj.


Ĉi tiu teksto estas adaptaĵo fare de Paulo Cesar Pires el portugallingva artikolo.

Advertisements

Publikita de

Paulo Cesar Pires

https://esperanto.blog