La diskreta ducentjariĝo de la biciklo

 

Malmultaj homoj scias, ke biciklo estis elpensita antaŭ 200 jaroj. La franca amatora historiisto Claude Reynaud, kiu de 50 jaroj defendas la memoron de la biciklo, rezignacie asertas: “Oni celebras nenion, ĉar oni ne konas pri tio”.

Reynaud mastrumas sian propran muzeon en Domazan, proksime al Avinjono en suda Francujo, kie li arigas reliefajn erojn de la historio pri duradaĵoj, inklude motorcikloj, kaj li agnoskas, ke li ŝategas biciklojn. “Mi kapablus priparoli tiun temon dum horoj”, tion diras li, kiu verkis diversajn librojn pri la afero, kaj vendas ilin nur en sia kastelo-muzeo. “Temas pri vera pasio”.

Li klarigas, ke en la regiono de Mannheim (Germanujo) je la 12-a de junio 1817 “unuafoje iu viro estis kvazaŭ en rajda pozicio sur durada veturilo, kaj ekveturis”. Tiu estis Karl Drais. “Li eltrovis la ekvilibron sur du radoj. Same kiel ĉiuj geniaj elpensoj, tio ŝajnas facila afero, sed iu devus pensi pri tio unuafoje”, li diras.

“Komence la afero fiaskis, kaj oni primokis lin, sed la semon estis lanĉita”, rakontas la historiisto. La franca gazetaro nomis ĝin “draisine”. Sed en propra Francujo la historio de biciklo akceliĝis. Metante pedalojn en “draisine”, Pierre Michaux ŝanĝis ĝin al velocipedo kun pedaloj en la jaro 1866-a.

Aliaj etapoj de la evoluado de biciklo legeblas sur Vikipedio. (LIGILO)

Reynaud bedaŭras, ke li neniam posedos unuon de la originala draisine – “restas nur kvar tiaj, ĉe naciaj muzeoj, kies vendo ne eblas, pro tio mi neniam ekhavos unu el ili”.


Ĉi tiu teksto estas adaptaĵo fare de Paulo Cesar Pires el portugallingva artikolo.

Advertisements

Publikita de

Paulo Cesar Pires

https://esperanto.blog